Pearsonmun khua a Hope Foundation Trust India in abawl, damdawi khamtheih leh zu ngolvei te kepna ding Trinity Centre kichi tuni(dated january 15,2013) sunma dak 11 in a honna nei uhi. Hiai hun Phungzathang Tonsing Health and Family Welfare, GAD and CADA Minister in chief guest hihna tawh uap in Trinity Centre hong a, Rev. S Vungminthang General Secretary EBC in Pathian kiang ah lan hi. Phungzathang Tonsing Health and Family Welfare Minister in a thugenna ah, talent peuhmah ahiding bangtak a, akizat leh Pathian a vualzawl dia mansa ahihdan gen a, rehabilitation centre te khenkhat in sum dawngna ding in a zang ua, huai ding ahilou ahihdan gen in Rehabilitation centre bawl a hausa omlou ahihdan leng gen in Trinity centre a lohchin theihna dia thumna a phawk chiat ding in mipi paikhawm te ngen hi. Langkhanpau Guite Chairman ADCC in a thugenna ah, Trinity Centre bawl khetu K Paukhansuan pianna pa Songkhotuan leh a zi, ki-itdan gen in, innkuan lohching leh innkuan enghuai mahmah te lak a khat ahihdan gen hi. Hiai hun District Council member saptuam heutu leh mi poimoh tamtak in uap uhi.(write up from Hornbill Cable network)

The 1st version of Dedication & Thanksgiving of Trinity Centre, a project of Hope Foundation Trust