DIARY OF ZOREC
August 27:
Tuilian thuakte panpihna donkhawm paitou zel in ZoREC in tuni'n Pangzawl Village Authority Rs. 3195/-, Puan silh niikteen Bag 3, Antang Kg 20, Steel Kuang kop 3, Simveng Village Authority in Rs 3850/-, Antang Bag 5, puansilh niikten Bag 3, Khedap kop 5, Bel 1, Kuan 1, leh Gouchinkhup Veng Village in puansilh nikteen Bag 10, Khedap Bag 1, um leh bel Bag 1, Antang Bag 7, Rs. 20,020/- panpihna a donkhawmte uh ZoREC te khut ah pekhia. ZoREC leh ZAA in Relief Comcert a neihna ding uah kisakkholhna nakpi in nei uh.
-----------
August 26:
Zomi Relief Committee (ZoREC) leh mipi pankhawnna ziaka tuni a Relief kaihkhawmna om nawn hi. V. Munhoih Village Authority in Antang Bag 4, Kuang bag 1, Puan silh nikteen bag 11, sum Rs. 2400/-, Canan Veng Development Committee in Anntang bag 3, Puan bag 2, sum Rs. 3480/-, Dorcas Veng Village Authority in Antang bag 8, puansilh nikteen bag 4, khedap leh kuan bag 1, sum Rs. 5100/- , Zomi Colony Village Authority in Antang Bag 3, Buh-hum bag 1, Puansilh nikteen Bag 4, um leh bel bag 1 ZoREC khut ah pekhia uhi.
Huai banah, Relief Concert, ZoREC leh ZAA pangkhawm in Simte Inn ah ni 29 August nitak dak 6 pm in nei ding uh. Hiai hun a zat ding Stage Gear, SEISMIC JAMPAD, Bungmual in donate ding a, Sound pen Mr. Mangboi Lethil in Donate ding hi. ZoREC in tuilan thuakte panpihna ding in ticket Rs. 100 leh Rs. 200 in zuak uhi. Hiai hun a lasa ding te lakah Veteran Artists hunkhop in uap ding uhi.
------------
August 25:
Zomi Relief Committee (ZoREC) leh mipi pangkhawm ten Manipur leh Myanmar tuilian thuakte panpihna a donkhawm uh, tunitan a hong lut a sum hul in Rs. 1,88, 237/- phata hi. Vengnuam Village Authority in tuni a panpihna a donkhawm Bel 1, Kettle 1, Mehkuang 13, Ankuang 18, Nou 40, Khedap 22, Blanket 2, Antang Bag 9, Puansilh-nikteen Bag 12, a sum hul in Rs. 24, 090/- pha hi. Lanva Village Authority in a donkhiak Puansilh- nikteen Bag 11, Um leh beel 1/2 Bag, Antang Bag 2, Khedap pair 2 leh Rs. 2, 250/- pha hi. Huai banah, Relief Concert neihna mun ding SYO, GHQ in Simte Inn khelhman bei a zangsak ding ahih dan theisak hi. ZoREC in Veng tuamtuam a panpihna keidongkhawmte ni 28/ 8/15 in kaikhawm sawm uhi.
---------------
August 24:
Zomi Relief Committee ( ZoREC) in a round thumna Musical Road Show, Kangkap Centre, SBI Opposite, Bus Stand, Lamka Hardware Opposite leh PK Store Opposite opposite ah nei uh. Tua hun a zat ding poimawh JCB Mr. Gouzamang, MDC in zangsak a, Bolero Mr. Siamlian leh Ginmuanlal in zangsak a, Sound System Mr. Mangboi Lethil in zangsak a, Truck Mr. Vanhlir in zangsak hi. Hiai hun a lasa siam Mr. Lal Guite, Mr. Muan Hangzo, Mr. Daniel Gangte, Mr. Biaksang, Ms. Nemsiam Guite, Ms. Mansiankim leh Ms. Olivia in lasakna nei uhi. ZoREC in mipi phatuamngai te apan a donkhiak Rs. 33333/- ( Thirty three thousand three hundred and thirty three) leh Puan-ak 24 pc, Jacket 2pc, Pant 4pc, Niik 1pc phazou hi. Huai banah, Tangnuam Village Authority/ ZYA Tangnuam Unit apan panpihna hong lut Rs. 2530/-, Antang bag 4, Puansilh niikteen bad 4, Steel Plate 8 pc tungzou hi. ZoREC panlakna hilou in i vek ua i panlak na uh ahi chi in thupuan bawl.
------------
August 24:
ZoREC leh mipi panlakna paitou zel in, Internet tungtawn a gamdang apan panpihna SBI CCP Branch Account i zat uh tungtawn a hong lut Rs. 16500/- ( sixteen thousand five hundred) only phazou hi. Gamdang apan panpihna Bank Account tungtawn a hon khakte tungah ZoREC kipak petmah hi. Tuilian thuakte adia panla utte ading in SBI CCP Branch tungtawn a Account Number i zat uh tungtawn in a khak theih gige hi.
---------------
August 23
Zomi Relief Committee (ZoREC) visaina a Natural Disaster Relief Material kaihkhawmna paitou zel. Tua bang kal ah, Village Authority-te, Village Development Council, Corporate Bankings, Education Institutions, Civil Societies, Minister, MLAs leh MDCs leh a dangdang kiangah Appeal Letter kipia hi. ZoREC in ngetna a bawl dungzui in amau ten a lemchan dan dungzui ua, Information Centre hiam ah piak theih gige hi. Piak theih hunsung 29 August ZoREC in bikhiah hi. Tuni a Musical Road show mipi kiphalte piakkhawm Rs. 10558/= ( ten thousand five hundred fifty eight) leh numei puan 11leh Dal Kg 1 phazou hi. Musical Road Show a nihveina hun a zat ding BYF Dorcas Veng in zangsak a, Truck ahih leh Mr. Vanhlir in zangsak hi. ZoREC in 29 August nitak chiangin Simte Inn ah Concert in aid of Natural Disaster Victims saisawm hi. Hiai hun ah Veteran Artist bangzah hiam leng kihel ding uhi.
----------------
August 14:
PRESS STATEMENT
the 14th August, 2015
Zosuante tenna mun leh mual-ah, tukum July, 2015 khabei kuan in, vuahtui tamluakna hangin, Zosuan-te Inn leh lou beibek hilou a, Luang leh bang kikham in, i laizom mi bangzah hiam in a nuntakna hong taan lohna hangin i dahpihna leh thuakpihna i neiciat hi. Hihte hangin, I lungsim hong lawngkha in, khasiathuai thu tampi kiza hi. A innkuanpihte omzia ding lungsim mitkha toh I bawl ciang leh, ngaihsutna tawn'taktak in I ngaihtuah ciangin, nakngek na in, i-omna mun-ah I thuakpih chiat uh hi. Tuni ciang dong a site sakmel kimulo lailaite innkuanpihte ding banga I kingaihsut ciangin, laidipnem hong khoihkha mahmah hi. Chin State-ah luang sawmval bang kimulo in, kivuibawl hi ci-in thukiza hi. Khenkhat bang gam sungah, hohna neilai, inn tungnonlo hi uh a, tuate tate in, “Ka nu leh pa bang cik ciangin hong tung ding hiam aw” ci-in khuamual mitsuan a, omden ding hi uh a, pawlkhat "Ka pa cih ciangin hong tung ding ahihiam” a chichi om ding uh a, Nu leh pa pawl khat in Ka tanu, Ka tapa chik ciangin, inn hong tungta diam? chi-a, huisa den om ding a, Ka pasal chik ciangin hong tung tam aw! Chi bang om ding uhi. Sanggamte, I sisan kibangkia hilou, I khristianpihte liangvaih leh gentheih athuaknate khatveibek na lungngai ngei hiam. A diakkhawl in, Chandel gam sung Joumuol khua menchipna bangah, Anu in, “A ta nawinelai angpom in, anuta un menchim kawm pan in kilakhia” a, apasal leh a tadangte lungsim ding bang I ngaihsutkhak chiangin i diphawm in, khitui nul-a om ding chihlouh gen ding dang omlou tawh kibang hi. Pauno in “Ka neulai in khuamui kuan-in..., Huihnung in thete’ hong khuan chian’n ka tuun aw nem ka bilkha in zaza ing e! ” chih ngaihsutkhak, in hong omthei hi.
Lawm nang tulai in bang na ngaihsun aleh! Apasal tuilet hanga sihna tuakte, zite bangin, “ka sen angkawi hong sen leh kikthei le ut si ingh e maw”! Chih a lungsim tawng-ah om dinga, genlah genkhia ngamlo in, a om nana ah khitui mualtuangin a nuntakna zang ding hi uh, chih bang na lungsim ah hong suakngei hiam! Nute bangin khatvei bek ngaihsutna na pia ngei hiam, nang tuak ding bangin kingaihsun dih ve sanggam… khengkhat sihna tuaklou, tenna ding, a inn leh lo bei bang om hi. Nekzong a Khawsa ding pawl zong omlai, Inn leh lou kisialoute kikawmtuahna lei kisiatna hanga, nek ding tak ding neilou gilkial, dangtak, khosa om uh a, tuate a dingin I septheih sunsun bangbang om ding ahihiam, ngaihsun in, piakna toh maa-pang theilai I hihi.
Vuahtui tamluat jiaka, khitui, naptui toh a nungtakna zangte in, a theihkholh leh gelkholhna nei a, amaituah uh hilo a, a kilamet louh hunlaitak a, thiltung ahihjiakin, na lungsim hong khoihkha in hong lawngkha hiam, nang dingin, na kingaihtuah khak ciangin, mite in bang chi bangin hong uap in hong panpih leh chih bang na ngaih sunkha ngei maw, Laisiangtho in " Ngahna sangin piakna -ah thupha omzaw hi " chi hi. Khatvei bek, ka suahpih, ka sisan kibatpihte thuakna hangin, bang chi bang in ka pang ding hiam? chi-in, na lungngai dih ve, piakkhia/ thohkhia hun a hong tun'chia, ka innkuan un Pasian in hingtang a hong kikhensaklou, damtak a hong nungtasak ahihjiakin, ka pantheihna omsun, ka neihsa hibangin ka pang ding hi chi-in thukhensatna ana lachiat dingin ZoREC in appeal kong bawl uhi.
Issued by:
Information and Publicity Wings,
Zomi Relief Committee (ZoREC)
Contact : 8974780025
------------
August 11, 2015:
Zomi Relief Committee ( ZoREC) in ZC Cabinet leh Civil Societies te meeting khawm uhi. Tua meetingna ah, maban a panlak ding dan genkhawmna nei ua, tua hun in ZoREC in ni khat paisa a apanlakna te uh genkhiakna nei uh. ZoREC in a masa pen a awareness leh mobilization bawl hoih a sak thu uh genkhawm uhi. Awareness ngaih poimawh na om man in, tuni in lasa pawl khenkhat apan in Street Concert nei kawm in awareness pan ua, tua concert in "phulun phuulna ding leikha in kei vang" ahih dan tangkou pih uhi. ZoREC in "the palms of hope" chih thupi pansan in Relief kaihkhawmna sai ding uhi.
ZOMI RELIEF COMMITTEE (ZOREC) DONATION
Account Name : Zomi Human Rights Foundation
Account Number: 30730152664
Bank: State Bank of India
Branch : Churachandpur
IFSC Code: SBIN0006182 (5th character is zero)
MICR Code : 795002504
---------------
ZoREC Head Office
Digi Info-tech, Tedim Road
Hebron Veng, New Lamka
Manipur, India - 795006
----------
Contact Nos.
+91 8974780025
+91 8730818554
+91 8974151463
------
