Lasiam kumlui S Chingnu toh kithuahkhawmna diing A NITE WITH S CHINGNU hun a lasak diing 10 teelkhiak khit hita. August 31, 2012 a The Malsawm Initiative panpihna dia S Chingnu' lasak diingte teelkhiak khit hi a, hiai hun ah special in Haumang, S Lalpu leh Muan Hangzou hi diing ua, music lam ah S Pauginmuan leh a team-te hi diing uhi.

Hiai A Nite with S Chingnu hun a diing ticket zuakna pailel a, ticket mangsak khate'n aleinate uh kiang a ticket number toh theisak diing in a saitute'n theihsakna bawl uhi. Ticket mangsakte a diing in huai ticket number aa diing duplicate issue ding uhi. Ticket omlou a luttheihlouh diing ahi. Ticket zuakkhiakzah chet refreshment bawl diing uh a, Lamka a diing a penpen khat dia saisawm in kisiak mahmah uhi.