GBC Student ten Mizoram Division vehna nei
GBC student a Mizoram a pan zirlai 1) James Lianmawi, 2) H. Thiangbiaklal, 3) T. Ginzalun, 4) G. Thangrosiam, 5) S. Chhungrem, 6) G. Thangkhenmung, 7) Gominthang, leh Lamka a pan in 1) H. Thangminlian, 2) H. Thangbiaklal ten vocation ministry EBC Mizoram Division sung Dt.4th June ‘12 a kipan in Dt 18th June ’12 tan kinei a Pathian huhna toh lohchingtak in kizothei hi.

Hiai ministry hi Dt.4 in Lamka a pat thumna toh Sir T Damkhothang in khak khiakna nei a Mimbung ah pan in, Gilgal (Mimbung), Hiangmun, Vengnuam (teikhang), Teikhang, Vaikhotlang, Kawlbem, Khawkawn leh Aizawl EBCC te ah hunzat in om hi.

Hiaihun ah ministry team in saptuam chihte vaidawnna leh thilpiak (itna thilpiak) a dawnkhawmte uh kipahhuai sa in gen mangmoh uh hi. Salam kha lam ah lawhchinna thupitak kingah a, veh a om saptuamten le nuamsa in na kihong thei mahmah ua Saptuam mipite kipiak zohna thupii mahmah ahih dan kimukhia hi.

Saptuam veh a pai  in saptuam mite tha thousak in tha guan mahmah hi. Hiai tungtawn in khalam leh salam a kisuhat tuah mahmah a, a bik in saptuam neuzodeuhte hi hiai bang a vehna in tha tampi pia hi a theih in om a zongsat huai mahmah hi.

Khawtuamtuamvehna report tawikimtakin :
Mimbung: Dt 5th zing baihtak inn Mimbung vangkhua kitung a, Upaten tuna nuam taktak ah hontungsak in nitak in ahihleh Pastor quarter ah kigiakkhom hi. Dt 6th (Nilaini), nitak in Mimbung EBCC ah hunzatna neih hi a, hiai a mipite thilpiak tawikhawm pen itna thilpiak in Ministry teamte khut ah honpia uh hi.

Dt 7th in MES student te toh hun zatkhawmna kinei a hiaihun ah, drama, skit lahna leh la sinsakna leh Challenging Hour ah Pathian tellou a khovel a hunzat bangmahlou mai a hihdan leh naupangte i hihpeuh a Pathian thei leh phawkkawm a I hihding lawhchinna Pathian a kipat a hih man in a man honpethei a hihdan genna hun kineitei hi. Hiaini nitaklam in Pastor quarter ah an nekkhawmna kinei hi.

Mimbung Gilgal: Dt 7thnitak in Mimbung Gilgal biakinn ah hunzat nawn ahi a. Hiai ah ngeinadan a kikhop hun hikei mahleh a milip toh kiphu in mipi kikhom kitam mahmah hi.

Hiangmun: Dt 8th zing ann nekkhitphet in Hiangmun lam ah kipaiphei a, tungphet Hiangmun a School Naupangte toh Devotion hun kizang khawmngal hi. Nitak ann TBSUC Chairman inn ah Upa khenkhat toh nekkhawmna kinei non hi. Nitak in biakinn ah kikhawpna hun zatkhawm non hia, nuam kisa mahmah hi.

Teikhang, Vengnuam: Dt 9th zing an nek ma in Teikhang lam ah kipaiphei a, hiai sun in Immanuel Accademy School naupangte toh hun zatkhawmna om non a MES Mimbung khua a School naupangte toh hun zatdan mah a zatkhawm ahi. Hiai nitak in Vengnuam EBCC (Teikhang) ah hunzatna kinei a, Kikhoptawp in Vengnuam Upa khenkhattoh Chairman inn ah Singpi dawnkhawmna kinei hi.

Teikhang: Dt.10th zing leh nitak Teikhang EBCC ah hunzatna kinei non hi. Sun kikhop a mipite thilpiak tawikhawmte Ministry Team te kiang ah honpia uh a kipahhuai kisa mahmah hi. Nitak lam in Pastor Quarter ah annek khawmna kinei non hi.

Vaikhawtlang: Dt 11th in Teikhang a pat in Vaikhawtlangmanoh in kipai a kawlbem tan motor a tuang in, kawlbem Pastor Quarter a singpi himtak kidawn a huaizoh in Vaikhawtlang lam pan in khe in kipai nawn hi. Vaikhawtlang ah tuailai bangzah hiam ten hong dawn uh a Lampai gim mahmah kihih man in kipahhuai kisa mahmah hi. Nitaklam dak 4 vel khawng in Vaikhawtlang kituang a, zan in Vaikhawtlang EBCC ah mipi toh hun zatkhawmna kineinawn hi. Kikhawpna hun ah mipi biakinn dim phitphet in hongpaikawm uh a, lampi gimtak a paikhin kihi mahleh mipite hon nalawpdante leh ngainatna toh kikhawm di hongpaikhawm mipi tamtakte muh in tha hon guan mahmah a, tawl bang damzou top hial hi. Vaikhawtlang ah a bik in lasak khawm Biakna leh phatna hunzat nuam peetmah hi.

Kawlbem: Dt 12th in Vaikhawtlang a pan in Kawlbem ah kipaikiknawn a, khe a pai a kihih man in kibah sim mahmah a, himahleh kuamah a bahse zen awmlo in Kawlbem khua kitungthei hi. Hiai ni nitak lam in Kawlbem a Headmaster pa inn ah ann nekkhawmna kinei hi. A zan in Kawlbem EBCC ah hun zatna kineinawn hi. Kawlbem ah itna thilpiak saptuamte a pan kidawng nawn hi.

Khawkawn: Kawlbem a pan zing baihtak in MST in Ngopa lam kipansuk a, Ngopa a pat in Sumo ki hire a huai in Khawkawn tan kipaiphei nawn hi. Ngopa a Sumo hire di hon ngaihtuah sak, banah zing ann limtak Pathian gam nnasepna a ngai a honna bawlsaktu T. Jamkhokam te nupa tung ah kipahna lian mahmah hi, a thilhih thupitak uh ettawn tak mahmah a Pathian in a tamsem a a nna sem zel thei din Vualzawl zelleh chih ka thumna uh ahi.

Khawkawn khua ah Chairman pa in ah nitak lam in Upa a omtheithei toh an nekkhawmna kinei a, zan in Khawkawn EBCC biakin ah hunzatna kinei non hi. Khawkawn saptuamte kipiakzohna thupi mahmah a, thu kisang sual khenkhat ziak in a hun ma in kitung kha himahleh, amau lou nnasem a gam a giakte tan in on na kisamsuah in uh a akipiakna uh thupitakte ettawn tak mahmah hi.

Aizawl: Dt 14th in Aizawl khopi kitung a hiai ah vaidawntu Tuailai fel taktak ten hon nabuaipih uh a. Nitaklam in vaidawwnna sa himtak kinekhawm hi. Aizawl EBCC ah program Dt 16th Kiginnitak in kipan a, a Zing Pathianni pen Pa te ni a hihman in Local saptuam Program zat in om hi. Local satuam program zat himahleh hiaini a mipi thilpiak tawikhawmte, Ministry team te a din honpekhia uh a kipahna lian mahmah hi. Nitak in program zat hi non a nuamtak a zatzoh in om hi.

Dt 18th Thawhtanni nitak in Ministry program nunung pen hi ding in BYF te toh fellowship neih in awm a, thu leh la a kipawlh khawmna nuamtak a zat in om hi.

Dt 19th in Ministry team te mahni in lam pan in kikhen siausiau ta a, hunsawttak a nuam a haksa thuakkhawm hihman in lungleng leh kingai/kikhelah tak kawm himahleh mahni iinlam a pawimawhna tuamtuam nei hih man in ut in utkei le MANGPHA chi a kikhen mai ngaita hi.

A tangpi in saptuam a hunzatna teng ah ministry team in program a bawl dungzui in kipai a, hunkepna, biakna leh phatna le thugenna hunte team ten kizang hi. Huai ban ah, Local saptuam a pan in BYF ten phatna lapawl khua khenkhat ah hon sathei uh a, kipahhuai mahmah hi. Team ten le saptuam chih ah lapawl khat leh solo in nih leh thum (Unaupa Minlian tungtawn in) ki present theizel hi.

Hiai a ministry a lawh chin theihnang a thanem ngaitak a honna thumpih Saptuamte leh mimal chih tung ah kipahthu ka hon gen a, huai ban ah Pathian piina leh makaihna thupitak kitang hi a theih in om a hiai bang a honpii a honmakaih den Pathian min I phat a THUPI NA LEH PAHTAWINATE TENGTENG AMAH I PIA HI.

Report: G. Thangrosiam

.