In Pix: Siamsin Meet–cum-Presidential Election 2012

: Site Admin; Memos and Reports; COMMENTS; 03 June 2012; Hits: 2536

In Pix: Siamsin Meet–cum-Presidential Election 2012

SSPP HQ, Aizawl President din Tv. Ginlalmuan telching in om

Siamsin Meet–cum-Presidential Election hun June 2nd 2012 in Chanmari YMA Hall ah thupitaka zat in om hi.

Hiai hun ah Pu Ngulzathuam in hun kepna la a siamnel takmai in programme on kai hruai hi. Upa Thawngpau in Pathian kiang ha hiai meet hlatna on neih sak hi. Chief Guest in Pu H. Rohlun, Cabinet Minister panga, Guest of Honour Pu Thlamuana, Director, Transport Department Govt. of Mizoram in hong upa theih banah, Inteekpa in Pu Haukhum Hauzel, IAS (Rtd) in leng a inteknu uh toh hong uap uhi.

Hiai hun ah kipahpih na Pu Thangsangmuan, Fin.Secy, makaihna in kinei a , huai a kipekhe te:

1) Lalremruata Kullai - 2nd Position of MCS, 2012

2) Malsawmkima Kullai - 6th Position, HSSLC (Sc), 2012

3) T. Thangneihkimi – Medalist, Taekwondo( International Level).

Hiai hun ah lasa siam tuamtuam – Rosy K Remsangpuii, Zonunmawii, Sangtei Khuptong, Vungthansang , Thuamsanglian te ban ah SSPP Choir leh ZBC – BYF ten Lapawl siam mahmah in on present uhi. Eimi lasa siam tele ana siam mahmah uh ahi chih theihkhiak in om thak a programme su nuam tuam in su piching mahmah uhi,

Cultural Dance tuamtuam lah na Dinthar Child Develelopment Centre a naupang ten siamtak leh mittai sak tak mai in on show ua huai bakah AG Sunday School naupang ten Choreography show na leng nei uhi.

Election result puankhiak na Election Commission a pan in Pu Liansangvung in onnei a , term thak a President thak din ah Tv. Ginlalmuan tuhtu omlou (uncontest) in ching hi. Pastor G.Sanglian in President thak leh Siamsin te thumsakna hun nei a, Pu K.Guite in Siamsin te hasawtna thu genna leng on nei hi.

Hiai hun ah Mizoram a Student Organisation - MZP leh Hnampual Zirlai leh NESO apan hong uap in thugen na leng nei ngal uhi. Vote of Thanks Pu Nengkhansut in a gen zoh in Rev H.Chinzapau in thumna toh khak hi.

Siamsin Meet zing dak 11:00 am vela akipan nitaklam dak 5:00 vel in khelah takin kizou thei hamham hi. Hiai programme zoh in ah I pawlpi leh I nam khantouh na di toh kisai interaction hun leng zat ngal ahi. Huai a paikhwm ten ankuang sawkkhwmna leng nei ua. Maban ah pai did an leh hih dia poimoh taktak genkhawm na navak huai taktak neih zoh in khelah tak in kikhen zou hamham uhi.

SSPP HQ Aizawl President dia telching thak a om Pu Ginlalmuan @ Gyamuan ahileh tulel a Zogam.com admin khat hi a, hichibang dinmun hon let ziak in Zogam.com in kipahpih petmah hi. Amah siamsinna lam ngai poimoh mahmah mi ana hi a, SSPP JHQ Delhi ah Vice-President dinmun ana letkhak ban ah, Sports Secretary leng ana lenkha ngei hi.

SSPP-Aizawl-01