SSPP GHQ - MIZORAM BAIRABI BUAINA TOH KISAI REPORT
By: Thanglalmuan Hauzel, President, SSPP GHQ

Timeline:

I. 13 March – Prime Minister Office leh Home Minister address in Mizoram leh Assam buaina toh kisai a Union Govt. ah lai kipia.
II. 14 March – Mizoram a om Zo-suan unaute buaina awlmohpih in amun mahmah va kipha.
III. 15 March – Mizo Zillai Pawl General Headquarters leh Mizo Students Union te toh houlimna leh annekkhopna kinei in dakkal nih val hun ki zangkhawm.
IV. 16 March – Bairabi a buaina mun va pha – SSPP HQ Aizawl leh MZP Kolosib heutute toh va ki hohkhawm hi.

Observations:

(i) Hailakandi District a teng Bangladeshi Muslim te’n Mizoram gam encroachment a bawldan uh atak in va kimu hi.
(ii) Buaina mun ah Mizoram IR te ki-camp uhi. 20 March chiang in State Secretary Assam leh Mizoram te kihou ding uhi. Huai ma Govt. leh pawl tuamtuam apat ngetna om dungzui in “Zofate Chawlhbuk” lamdi kisawm pen dinkhawl phot ahi.

Conclusion:
I. Mizoram mipi leh pawl tuamtuam in SSPP GHQ panlaknate kipahpih mahmah uh hi.
II. Khualzinna toh kisai a itna leh deihsaktak a hon na kithuahpih SSPP HQ Aizawl leh mipi kuapeuh tung ah kipahthu ka gen uhi.
III. Hiai buaina toh kisai a naktak leh inteektak a ana pang i pawlpi member Mizoram a omte phathuai mahmah uhi. Huai banah, SSPP Member Mr. Lalchandama in major casualty atuah na ah a hong damsiangpah ding i deihsak mahmah hi.