BIO-DATA OF PAUKHANSUAN KHUPTONG
1. Name ~ PAUKHANSUAN KHUPTONG
2. Father's Name ~ Upa Songkhotuan Khuptong
3. Mother's Name ~ Ngaisiam Ngaihte
4. Spouse's Name ~ Chingthiannem Tonsing
5. Date of Birth ~ 03rd March, 1976
4. Edn. Qualification ~ B. A. (Pol. Sc. Hons)
5. Present Address ~ Nehru Marg, Central Lamka
6. Permanent Address ~ Beulahlane, Central Lamka
7. Occupation ~ Social Activist
8. Contact Number ~ +91 9612253243

ACTIVITIES & INVOLVEMENT:
PHILANTHROPIC SERVICES :
i) Secretary, Young Paite Association, Central Lamka Unit (1996)
ii) Asst. Secretary, Young Paite Association,Lamka Block (1994-96)
iii) Secretary, Young Paite Association, Lamka Block (1996-98)
iv) Val Upa, Young Paite Association, Central Lamka Unit (2008-10)
v) CWC Member, Paite Tribe Council GHQ - (2015-17)
vi) Life Member, Young Paite Association, General Hqtrs.

STUDENTS ACTIVITIES:
i) Founder President, SSPP, Blue Star Academy Unit (1991-92)
ii) Asst. Secy. Inf. & Publicity, SSPP GHQ (1993-95)
iii) Editor, Siamsinpawl Annual Magazine (2014-15)
iv) Finance Secretary, Lamka College Students Union (1994-95)
v) President, SSPP, Patkai Christian College Branch (2000-02)

RELIGIOUS INVOLVEMENTS:
i) Asst. Secy, BYF, EBC Central Lamka (1997)
ii) Secretary, BYF, EBC Central Lamka (1998)
iii) Chairman, BYF, EBC Central Lamka (2004, 2006, 2008-10)
iv) Asst. Secy, BYF, EBC Lamka Division (1993-95)
v) Secretary, BYF, EBC, Lamka Division (1995-98)
vi) Member, Central BYF, EBC (2006-2012)
vii) Secretary, Publicity Dept, TUAILAI 2005
vii) Program Director, TUAILAI 2010 (A general conference of the Youth Department of Evangelical Baptist Convention)
viii) UPA Ordination of Evangelical Baptist Convention (2014)

MISC:
a) Published TONGLUANG MONTHLY MAGAZINE (A Paite Journal) as Editor & Publisher for a consecutive of 13 years)

b) Former Secretary, Manipur Hills Journalists Union (2003-06)

c) Owned a Drug & Alcoholic De-addiction & Rehabilitation Centre TRINITY CENTRE, at Pearsonmun, Churachandpur

PAUKHANSUAN KHUPTONG MANIFESTO

CALLING:

I dinmun pen Survival stage a ding ihihman in, i Nam leh gam humbit leh i nam maban ding awlmohna liantak leh puakgik a nei in i Nam nasem din ka hong kisa hi. I singtanggamte ei gam hi taktak mah ahi chih a a om theihna diing in Constitutional safe guard poimoh mahmah hi. Tusawn khangsawn hong om zeel diingte a dia kingakna tham GOU i nawtsiat uh poimoh hi. Banah i District Councilte thuneihna tulel sang a sangzaw a i koih touh ngai hi.

Lamka khopi a khanglian leh khosa den ka hihna ah Development angle ah mimal neih leh lam khang hat mahmah na pi in huaite dawl thei ding solkar lam apan Planning & strategy hong kibawl hiam chih ngak in hun sawttak hungaih in ka om hi. Tua bangte om ngeilou ahihna ah Elected hihna tungtawn lou a i awlmohte suktangtun theih hilou ahihmanin Electoral Politics a tawmlut a MLA dia hong kipekhia ka hi.

VISION:

Phualpi solkar in ana gelkhiak policy te toh kituak a i khopi LAMKA pen puahthak ding, tua dinga 'MASTER PLAN & RENEWAL POLICY" bawlkhiak a, huai tungtawna Lamka pen Town Modernization & Renewal dia zun thak leh sepsuah kilunggulh mahmah hi.

SPECIFIC OBJECTIVES:
(Lamka khopi puahna)

Town Modernization & Renewal : Hiai nna sepsuahna dingin Centre for Environmental, Planning & Technology (CEPT), Ahmedabad a Professor-te toh May, 2015 a kimu in, i Lamka khopi puah ding dan kikupna, a University uah ka va nei uhi. Banah, Delhi Development Authority a Town Planner, Japan a specialised training zou khin a neih sun uh leng ka kimuhpih a, hon lunglut pih mahmah hi.
1. Sewage Line : I khopi sungah ektui leh tui niin luanna ding kichian bawlngai hi. Hiai bang a omlouh ziakin vuahzuk chiangin i inn kiim leh lampite ah tui niin luang a, naungek/naupang sungkhoh in zui ngal hi.
2. Traffic Management : Heavy Vehicle lut theih hun bikhiah diing, lamlian zat dingdan kichian tak bawl diing etc. Parking toh kisai tulel a i zuih dan sanga lemtang zaw ding a bawl.
3. Lampi: Town sunga lampi poimoh diak puah thak ngai petmah hi. Town sunga lampi poimoh teng black topping bawl vek a, leivui khu pen tawmsak ding. Banah tunung a Fly Over tanpha aom theihna ding a a foundation i bawl hun hita hi.
4. Drainage & Foot Path : Tulel a Tedim Road nawl a Foot path te nulla tung siin hilel hi. Kikhemna maimai ahi. A nulla kuak hahsiang lou a a tung siin a, foot path chi suk maite hitel dan ihi. I Nullahte hawktui luan theihna ding a bawl ding. Drainage system kichian tungtawnin i lampite ah hawktui luang nawnlou ding hi.
5. DRINKING WATER: Ka naupan apat tuni tan ka muh dan in Lamka mipi buaina pen Tuinek ahi tawntung hi. Khuga Dam a tui kiningching kikhol demdum a, ei a kiang naichik a omte tui haksa sa a i buai gige mawk pen i palai masate' hon awlmohlouh ziak in ka thei hi. Khuga Dam apan tui hoihtak a zawl a, I innsung chiat ua kai sak diing ka lunggulh pipen khat ahi. Tui a nop leh i tenna nuam ahi mai hi.
6. Lui/River te kepbit ding: Khopi sunga tui/lui luang om kichi in Pathian vualzawl khopi ahihna taklang hi. Huaiziakin, hiai i luite kepbit ahih a, nektak, siangthou a i bawl uh i mohpuak ahi. Hiaite hoihtaka etkai ahih chiangin i khopi sung ah tuilet kichi pen kiam ding hi.
i) Lanvalui ii) Chengkon/Sielmat lui iii) Lailam lui etc.
7. I Town sung mun bangzah hiam a Free WiFi omsak dia panlak pah ding.
8. Tulel a i mehzuakna Innte bawlthak a, mehzuak tamsem tut theihna ding a bawlkhiak ding. Huai in lamlian dung nisa nuaia mehzuakte gentheihna dawn zangkhai ding.
9. Pollution sanglua
a) Leivui khulua hih kiam ding & sing-le-loute kepbit ding;
b) Smoke Pollution: Niteng a gari kibehlap zungzung, kipahhuai. Hiai gari khute i control ngai ahi. Smoke Controlling system Lamka ah koih poimoh.
c) Sound Pollution : I garite' gas-horn poimohlou pi, utna munmun a ngaih taktak a ki mekgingte control ngai.

BROAD OBJECTIVES:
(Tulel a i gam a omsate)
1. Inter-State Bus Terminal (ISBT) : Pangjawl a Inter-State Bus Terminus (ISBT) pen function sak ding. Zodawn apat gari hong tungte ~ Sugnu Road, Guite Road leh Tipaimukh Road a te, ISBT a kingaksak vek a, meh leh thil dangdang hong kipua te wholesale market dan a zuak theih ding a streamline bawl ding;
2. District Hospital : A building etlawm in kipahhuai. Inn hoih mahleh a sunga i vanzat kiningching a om kei leh mipi leh damloute poimoh kisukha baan taktak lou hi. Clinical test poimoh tuamtuam - X-ray, Urine, ECG, ultra-sound, blood test te private clinic naih ngailou dia panlak ding. Banah, Blood Bank function sak ding.
3. TD Blocks & Bank: New Lamka TD Block leh Lanva TD Blockte honkhiak hita mahleh tuni tan in function lou mawk hi. Hiai pen i mipite zat theih ding in SDO/BDO Block te a baihthei pen a function sak Banah, Bank branch koih tuak ahihna dia panlak ding.
4. Centre apan nasep ding hong pai - Program tuamtuam Centre Scheme te ~ Old age pension scheme, PMAY/IAY etc diktatna leh gin-omna toh sepsuah ding, huai tungtawna fund hongpaite'n ahi ding bangtak a a sukkhak ding mite a sukkhak na ding a panlak ding.
5. Education:
Nam theihtham hiding in education lam i puah poimoh hi. I gam a Class X exam hong siangthou 1986 gahsuah in tun a zar i zou uhi. Himahleh, i gam sunga school leh college te kingakna tham ching zou lou pen mipite toh pangkhawm in kingakna tham ching hi ding a panlak ka lunggulh hi.
i) Government School & College te puahphat ding
ii) Student Hostels bawl ding
iii) Professional institute khat bek koih ding;
iv) Manipur University South Campus, Lamka a bawl khiat ding,
v) Library kingakna tham tunding ding.

6. Tourism:
i) Khuga dam Tourist Centre hoihtak suah ding, huchi leh mi tamtak a dia sum muhna hoihtak hi ding.
ii) Tourist Centre khat bawl khiat beh lai ding

7.ENVIRONMENT :

I gam uh lumlua, Solkar toh pangkhawmin panla ni. Singnou a tam theipen suan ding. Global warming ziakin i gam uh lum gawp a, sing hing dipdip muh diing om nawnlou in, i gam keu in keu gawp hi. Pathian in gam nuamtak leh kho hun nuamtak a hon piak, en Government tungtawn a Policy hoih tak i bawllouh ziakin, gam nuamlou leh kho hun nuamlou suah ta hang. Tulel dinmun sanga hong huai se zaw lai diing ngaihngam huai mahmah lou hi.

SOCIAL OBJECTIVES:
1.Ex-servicemen te adinga Scheme tuamtuam omte zonkhiak a, amaute dopkangna dia panlak ding. ARAM GHAR (Rest House) amaute a ding a bawlsak ding.

2.Drug Abuse & Alcoholic Addiction : I khopi pen drug abuse and alcoholic addiction ah a ratio in en leng gamdangte sangin i niam tuan hetkei ding hi. Hiai pen nu leh pa tampite ading a puakgik leh khitui nulna ahihmanin, i addicts-te solkar etkolna nuaia etkol ahihtheihna ding a panlak lunggulh huai kisa hi. Banghang hiam i chih leh i khangnoute muh di'n i bazar sunga kivialleh hehu a om i tuailai khamtheih goih a omte pen etton tham ching zoulou, lah private rehabilitation centre a om zoulou, a tamzaw thamte awlmohhuai mahmah uhi.

3. COMMUNAL HARMONY : India pen Unity in diversity himahleh i khopi Lamka pen Diversity in Unity khopi ahi hi. Pau leh haam kitheituah leh tawndan kibang hina zenpi in Jaat bing a i kisaikhakna uh tawm hiai hiai mawk hi. Lamka mipi'n i zatkhawm theih ding i Philanthrophic Organisation te toh kithuzak in COMMON CEMETERY bawlkhe leng, i ki-unauna, ikingaihnatna tuma sangin hong om hiam chih lungtup lian mahmah ahi. Banah, inn mun kichup lou tam semsem ihih man in misi vuina program zatna ding i hanmualte uah HALL poimoh hi.

4.I gam/khopi a singtangmi hilou te hong pung semsem pen eite' di'n ALARM BELL ahita mai hi. Tu dan a zuih tumta neilou a, a ut ut hong lut leh pawt i etkai louh leh i maban uh tuh Tripuri singtangmite haksatna daan bangbang ki-gamlat nawn hetlou hi. Huai dingin, i singtanggamte humbit kia hilou a, a hong tenglut dingte toh kisai a Dan kichian bawlkhiak kin ki lunggulh mahmah hi.

ECONOMIC OBJECTIVES:
1.Loukhou/Lou nasem mite toh kisai : I kingakna bulpi leh i khosakna kibulphuhna Agriculture ahi hi. Hiai lam toh kisai in lou nasem mite dop kang na ding scheme a tam thei lam bawlkhiak ding tup leh ngim lian khat ahi hi. Farmer tuamtuam kithuahpih ding; livelihood skills uangbawl a BPL innkuan dopkang ding.

2.Lamka Wholesale Depot: Zodawn apan lou a gah haichi leh nek-le-tak te, Lamka hong tun chiang in a hong potute' thuneihna bei zel bang hi. Tuabang haigah hong tung te seekkhawmna ding 'wholesale centre' bawlkhiat hihenla, government policy zui in 'minimum support price' (MSP) bikhiah hihenla, tuamun apan a lasawn di te'n lasawn zel le uh lunggulh huai hi. Akua-akua a ding in hiai phatuam ding hi.

3.I gam a Multi-Sectoral Skill Training Institutes, Skill India Mission/PMKVY tungtawna bawlkhiak ding. Banah, Handloom tungtawna nekzonna hanthawn a, Forward & Backward linkage hoihtak bawlsak dia panlak ding.

4.Khut nasep a nekzong mite a din septheih a zonna ding uh mun khat, 'Lamka Job Center' bawlkhiak ding. Centralized registration bawl hihenla, kuahiam in nna sem ding a poimoh leh hiai centre thuzak diing, hiai centre in rate bikhiahsa tungtawn in semtu diing mi sawl thei ding hi.

5.Zoudawn toh kizoptuahna communication pen puahphatna Lamka apan etkai ding, a hang bel Lamka pen i khopi omsun ahihban ah Resource Centre ahihman in.

6.Zoudawn a i mi-le-sa khamkhop khou khe zou khutzung a kuaihtheih phial himawk ihihman in, leh Lamka khopi sung mahmah a nektawm zong BPL/AAY Card holderte adia FPS (Fair Price Shop) kingakna tham khat beek dinsuah teitei ding (Kerela, Tamil Nadu model a Private-Public-Partnership). Etkai kia hilou a, diktat taka paisak ding.

POLITICAL OBJECTIVES:

1.Immediate Solution : Singtangmite nelhchip sawmna ziakin 3 bills 2015 in Manipur Assembly in hon passed ua, huaite i deihlouh ziakin Salpha 9 in a hinna a piak ban uah, 60+ Wounded Tribal Salphate leh a sungkuante uh zahna i pia hi. Mabanah leng ei adia hoihlou bill tuamtuam puaklut in hong om zel ding hi. Huaiziaka Constitutional safe guard kintak in i poimoh a, huai dinga theihtawp suah a panlak sawm ka hi.

2.Power Devolution: Tulel a ADC te power pen Dan taka zat ahih theihna dia theihtawp a panlak ding. ADC te thuneihna pen Parliament Act tungtawn a piak himahleh Manipur Assembly in thuneih khum mawk a, hiai pen a pai ding dan hilou hi. State hehpihna nuaia aom nilouh hoihlou hi.

3.Permanent Political Solution : I mi i sa, i gam maban ding khualna a, kum tamtak paita apat innlum nawsia a kawlchiang tawi a singnuai gammual bel a om, i heutute toh solkar in kihouna 2 vei bang neita ua, kipahhuai mahmah. Mi tampi'n eite maban khualna in a hinna uh ana peta ua, amaute sisan a thawn in luanglou ding hi. Hiai SoO nuai a talks om pen maban hoihtak a asawn a, gah manphatak a hon suah a, ei singtangmite adia permanent political solution a om theihna dia a poimohna mun mun a kalsuan a panlak ding.

4.Article 371c tungtawn a kibawlkhia Hill Areas Committee suk hatna ding a panlak ding leh i gamsunga development projects sepkhiak dingte ahi ding banga a pai theihna ding a HAC in administrative control a neihtheih liu-liau ding HILLS AREA DEVELOPMENT AUTHORITY kichi bawlkhiakna dia panlak ding.

I gamsung a chimoh genthei, panpihngaite panpih thei ding, huh ngaite huh thei ding leh a tung a i taklat leh taklat louhte a taka sepsuah theihna ding in nasepna puan mipiten hon silhsak a, noute toh pangkhawm in i gam a om ngeilou thil tampi semkhe thei dingin ka ki lam-en hi. Huai dingin khentuam neilou leh khut kilen a pangkhawm dingin noute ka hon chial hi.

Na deihsakna uh hon ngen,

(PAUKHANSUAN KHUPTONG)
Intending MLA Candidate
58/AC Churachandpur Constituency