ZOMI ECONOMIC PLANNING AND DEVELOPMENT AGENCY (ZEPADA),
DELHI WORKING GROUP
Office: D-46, IIIrd Floor, DDA Flats, Mata Sundari Road, New Delhi-110002
Email: This email address is being protected from spambots. You need JavaScript enabled to view it.
****************************************

PRESS COMMUNIQUE ON GUITE ROAD/NATIONAL HIGHWAY 102B
DATED: NEW DELHI, THE 12TH NOVEMBER, 2015

Tulai buaina leh haksatnate ziakin Guite Road or NH-102B pawimohna hong kilang semsem a, gen leh sak neneuh leng tamtak hong om ziakin, hiai lampi toh kisai a Zomi Economic Planning and Development Agency (ZEPADA) nnasep leh panlak khakdante tamlou taaklat poimawh sakna a kinei hi.

BRO/GREF ten Guite Road bawl a zoh uh, 1998-'99 vel in State PWD khut ah pekhia uhi. Lampi hoihtak nei in kiim leh kiang toh kikawmtuahna hong hoih banah ki chimatna leng hong hoih mahmah a, kipahhuai peetmah hi. Himahleh, kum 6(six) sung vingveng PWD in maintenance bangmah bawllou, lampi siat/menchim ziaka buaina om tenga Pawlpi-te panlakna toh kihong hamham zel danin omtou nilouh hi. Heutu tuamtuamte panlakna ziakin North Eastern Council (NEC) in 21.11.2005 in, 128.17 km a sau, Singhat – Sinzawl Road bawlna ding in Rs.82.52 crore sanctioned a, State PWD in Contractor tuamtuam (21 Nos) zangin hong bawlpan uhi. Mun khenkhat nnasep kipanta, himahleh mun tamtak ah nnasep leng kipan nailou chihbang in om a, huchihlai in awlmohna toh Pawlpi' makaih Consultative meeting thupukna ah BRO khut maha piakkik hoihsakna hong om hi. Hiai bawhzuina Zomi Students Federation, Hqtrs khut a koih ahi. Lampi dinmun lah hoihlou semsem, lei khenkhat (a biikin, Tuivel lei) bang chimsia peetmah dia hong om ziakin, January 2009 in "Mass Protest Social Works" mipin i nei ua, huai ni in Salpha khat in leng a hinna pia hi. Lampi hoih deih naziaka a hinna pia i sanggampa i phawk mahmah uhi. Huai hun lai apan tunitan ZEPADA, Delhi Working Group (DWG) in Delhi level ah leh Lamka ah ZEPADA hqtrs leh ZSF ten theihtawp suahin pan kilatou uhi. Awlmohna toh SSPP Jt.Hqrts Delhi (2006-2008) bangin leeng BRO ah memorandum pia in kalna suan uhi. Gam leh nam leh mipi/public interest a thil hihte publicity bawl louh ki ut lua himahleh tulai in facebook, whatsapp leh social media tuamtuam ah Guite Road lampi hoihlouh toh kisai in thuzuau a kingohna tuamtuam tamtak om a, pawi a kisa peetmah hi. Huaiziakin, kou toh kisaikhak dan tamlou kon taklang uhi:-

1. 2005 in Guite Road puahna din NEC in Rs.82.52 crore sanctioned a, himahleh, BRO khut a piakik ding deihna ziaka nakpitaka i panlaknate ziakin PWD in, 2010 tan in Rs. 33 crore veel zangbei (NEC in Rs.30.70 crore released + state share) man mahleh adang teng released nawnlou uhi.

2. PWD, Manipur in Notification No 70/1/2003-W dated 19th February, 2010 in Th Amalkumar Singh,Deputy Secy (Works), Government of Manipur suaikaihna tungtawn in Guite Road BRO khut ah pekhia hi. Mipi in i theih chiat bang un hiai Guite Road BRO a piakkhiat ahih thu Works Minister, Govt of Manipur in New Lamka a PT sports complex a 62nd Zomi Nam Ni, (20th February, 2010) programme neih hun in hong puangkhia hi. Himahleh, PWD in NEC
Fund omsa zatkhit teitei sawm a, himahleh PWD nnasep lah quality hoih lou leh sum nek bei
na maimai tupna hong banga, Government in hiai sum kizang thelthang leh fund dang hon release pah lou ding uh ahih ziak in, Pawlpi a lubawk leh hiai dia kipei ZEPADA leh ZSF Headquarters te talpan na ziak in NEC in sum Rs 33 crores chihlouh released nawnlou uhi.

3. Mipin nakpitaka i nokzui ziakin, 3rd April, 2010 in Shri L.Brojendra Singh, EE,NEC-II,PWD Manipur leh Officer Commanding, 80 RCC, 765 BRTF ten Guite Road toh kisai handing/taking over letter hongbawl thei uhi. Hiai kum Financial Year a laplouh ziakin, BRO in bangmah seemsuah theilou a, himahleh 2011 in GS Funding (Ministry of Defence, Govt. of India) in Cl-IX enhanced specification status a bawl ding in mun 2 (two) DPR approved uhi (Dialkhai-Sinzawl leh Singngat-Behiang). Hiai portion a nnasepna tunitan paizawm zel a, a quality leng sithuailou hi a theih ahi. Hiai hun in Lamka-Singngat black topping PWD in na bawlkhinta (2010) a, huaiziakin BRO in DPR bawl thuah theilou phot uhi.

4. Singngat-Sinzawl-Tuivai kikal BRO in survey bawlin, DRP leng bawl uhi. DRP approved ahih chianga Sinzawl leh Singngat apan nnasep kipan tuaktuak ding chih plan a neih ziak un, a lailak (Mualnuam areas) pen resurfacing bawlphot ding chi'n nna leng sem uhi. Mun teng ah hiai Guite Road a poimohna i hah gen mahmah ua, huai ziak mah leng a hi diing, Ministry of Road Transport and Highways in Gazette Notification S.O 1790(E) dated 22nd February, 2012 leh SO No 395(E) dated 7.3.2012 dungzui in Guite Road i chih mai uh NATIONAL HIGHWAY in ana puang uhi. Huai ni apat in NH 102B chih min vuah in om a, a Order ah Churachandpur-Singhat-Sinzawl-Tuivai Road-Myanmar Road (State of Manipur) chi uhi. Huchih dungzui in hiai lampi toh kisai Government of India kiang a pekhe din State Govt apat "No Objection" ngen uhi. State dang te'n a mau State sunga Road omte National Highway a upgrade a om khate No Objection, kha nih-kha thum a a piak zungzung lai un, Manipur Government in pepahlou chitchiat a, kum khat phial nung in pepan uhi. Kum khat nung phial a No Objection apiak un leeng, State Cabinet in decision lak khum in, State PWD kiang ah hiai NH102B hon pekhia un chih toh thuah uhi. Hiai in a buaipih, a suk a tou a diangte, hon pei lung-am mahmah hi. Himahleh, nakpitaka i pankhawmnate uh ziakin, Ministry of Road Transport and Highways in Gazette Notification S.O 1230 (E) dated 16th May, 2013 hon suahna uah, NH102B bawlna Border Roads Organisation kiang mah ah entrust uhi. State Cabinet in decision a laksa, phel kik ki chi thubaih hetlou ahi hi. I theih buai louh ding uh ahih leh 2010 a BRO khuta honglut nawn lai in, Guite Road status pen State Road maimai himahleh Ministry of Defence in Strategic Roads dan a koihin, GS Fund zanga bawl din hong kisa ua, 2012 a National Higway hong hih chiangin Ministry of Road Transport and Highways (MoRTH) nuai ah honglutkha a, Manipur State Government property hi nawnlou in, Government of India property hong hita hi. BRO te omlai mahleh, a concern Ministry hong kikhek chiangin, amau nnasep leng hong nawngkai nawn mahmah a, official paper a hih thak ding uh tamtakten a nnasep ding uh naktakin ze-awlsak nawn suak hi. Good news omdek chia ikipah sim chiang in, thil ei control batlouh lam a hong kiheithei zel hi. Ministry leh thil tuamtuam sai na ah kum khat i chih tom mahmah hi.

5. State Government in a delay kia hilou, Environment clearances thu ah, 2013 bang hong kivei mang nawn hi. Himahleh, BRO in Annual Works plan 2014-2015 ah NH102B rehabilitation na di'n Lamka-Singngat, Singngat-Mualnuam leh Sinjawl-Tuivai koih uhi. Hiai a DPR pen leng BRO HQ leh MoRTH kikal kipiaktuahna lamah hong delay sawnsawn hi.

6. Central ah Government thak (NDA) hong dinkhiak chiangin paidan hong kiheikual nawn a, Rs 50 crores tunglam project peuhmah Engineering Procurement Construction (EPC) mode a sepsuah ding hon chi nawn uh. Hiai EPC mode dan a sep dia lah BRO te lunglut zel lou, amau seem keileh kuan seem ding chih issue lianpi hongsuak nawnta. Huchihkal a MoRTH leh BRO te kikaal ah zong ki theih siamlouhna hong om zomah!

7. Hiai bang haksatna tuamtuam i phuttouh nungin, 35.5 km to 103km (Singngat leh Mualnuam kikal) Rehabilitation(existing size a black topping bawlphot ding) na di'n Ministry in approved ta a, agency tender bawl lellel ua, buaina dang omkeileh January, 2016 sunga nnasep hon pat uh lamet ahi. EPC mode a hongsem Company khatpeuh in Time-bound a zohdia mohpuakna langal ding ua, a zoh ua kipan kum 3 sung maintenance mohpua ding uh chih ahilai hi. Huan 0km-35km (Lamka-Singngat) DPR process in omlel a, Mualnuam-Sinzawl-Tuivai leng Survey zouta uhi. Rehabilitation works pai kawmkawm in, tua single lane pen National Highway Double Lane a hihna dia Survey/feasibility study a bawl kin na ding un kinoh noh hi. Consultancy firm di a muhlem hunhun un hiai le hon patpah uh lamet ahi. Tunai chin a Ministry of Road Transport and Highways in Company hon bawlkhiak, National Highways and Infrastructure Development Corporation Limited (NHIDCL) in vaikhempeuh saivek ua, amauten leng Guite Road/NH 102B hong awlmohpih mahmah uhi.

8. Guite Road awlmoh lou i omkei. Hun paisa ah leng heutu tuamtuam, ban ah i Palai te uh Pu V. Hangkhanlian (Thanlon MLA) leh Pu Hangkhanpau (Singngat MLA) ten pan nala vek uhi. A diakin kou ki helkhakna chiangchiang ah, ZEPADA member leh Thanlon MLA Pu Vungzagin Valte in Imphal leh Dimapur a BRO te ana nawk zel banah, Delhi hong zin tengin BRO HQ office leh MoRTH a mi pawimoh tuamtuamte hong kimuhpih gige hi. Pu V. Valte in, Ministry a mi poimohte mai ah, "mipi Palai ka hih ma apat a leng awlmoh a ka diandianna, tua mipi palai ka hih nung a, ka constituency ka veh teng in, ka mipi'n dotna hon bawl uh a kimkhat hiai lampi hoihlouh toh kisai ahi, bang hun chiang a, kei leh ka mipite kahna aw/voice, dawn a om ding ka hi ua", a chih in officials te lungsim zou mahmah a theih ahi. Tunai in leng Pu Langkhanpau Guite, Chairman ADCC leh Pi Grace Zamnu ten leng BRO HQ hong phakpih uhi. Hiai dana i elected ten hong awlmohpih chiang in amaute nung zuun nuamtuan mahmah hi.

9. Consultative meeting thupuukna omsa bohzuina toh tunitan lungkelou in kipangtou lai hi. Awlmohna leh itna toh theihtawp suah a kipang lel ahi. A tunglai in, BRO HQ leh MoRTH ten leng hiaizaha Guite Road i awlmohdan theisiamlou in, thil dang peuh lunggulh hongsa ua, huaidan ihihlouh dan leh lampi hoih deihna ziak liauliau a kipei ihi chih hon phawk chiang un, lamdangsa hial uhi. Ka taaklat nop khat uh ahihleh, 'Guite Road hoih hileh, India, Manipur banah kuateng in hamphatpih ding hiam chih nang leh kei sangin midangten thei chiangzaw ua, huaiziakmah in hiai lampi hoihna dia panlak kichi na thubaih hetlou ahi' chih ka muhdan uh ahi. Kum 1998-'99 apan tunitan (2006 vel a NEC fund kizang chihlouh) Guite Road puahna ding in funding hongpailam ka theihkha naikei uhi. BRO in leng amau annual maintenance fund@ Rs 1 lakhs per Km kia zanga nna sem hamham uh ahihziakin, i lampi deihthoh mahmah tunitan deihbanga bawlhoih hinailou mah ahi. Huaiziakin, khat leh khat kigensia, kimuangmoh tuah vengvung lou in pangkhawm chiat leng lampi hoihzaw i neihpah uh ka lamen mahmah uhi.

10. A tunga hong kitaaklang bangin, Guite Road or NH-102B toh kisai in State Government, MoRT leh BRO te kalah nawngkaina tuamtuam tamtak om ahi chih mipin itheih chiat ka lamen uhi. Tuabangkal ah, kou awlmohna ziak liauliau a kipeite leeng ka fellouhna uh leh chitlouhna uh tampi om ding a, tuate mipin leeng non theihsiam uh kon ngen uhi. Abiiktakin, hiai lampi tawna zin leh vakten haksatna na tuahte uh ka ngaihtuah chiang un kisuanlahna lianpi kanei uhi. Maban ah leeng, Guite Road hoihna dia kalsuan nuam kuapeuh ka kipahpih mahmah ua, tuabang te'n State Government hita hen aw, Ministry ah hita hen aw, BRO ah hita hen aw, mahni hihtheihna lamchiat a kalsuan dingin i ki ngeen uhi.

Genkhelh omleh na ngaihdamna uh ngen kawmin, detail zawdeuha theihbeh nuam te'n mimal hiam a nuai a kipia number leh email address ah kanchet theihlai ding hi.

Issued in public interest
Information &publicity
ZEPADA, DELHI WORKING GROUP
Contact Numbers: 9891498509/9899750747/9818433125