A THUMVEINA EIMI BADMINTON LEAGUE (2014) ZAWH HI TA
Ni 6.11.2014 & 8.11.2014 sung AIIMS GYMKHANA CLUB, Ansari Nagar, New Delhi ah Eimi Badminton League Organizing Board leh ZSF Delhi Cell kithuahkhawm in a thumveina EIMI BADMINTON LEAGUE (2014) lawhcing tak a sai ahi hi. Ni 6.11.2014 zinglam 10:00 AM in Pu Suakzathang, Commissioner(Custom & Central Excise) in ‘Khuallian’ hihna tawh kimawlnate honna nei hi. Ama’n kimawlmite kiangah ‘Pahtakman kia delh hi lou a, kimawlna a chihtakna tawh pang ding leh khamtheih-guihtheihte lak pan kikem-siangthou a kimawlna lam pibawl dingin hasotna nei hi. Tua khit in ak-kha (shuttle cock) badminton court langkhat pan a lehlam ah a-sat tawh kizui in ‘A thumveina Eimi Badminton League (2014)’ kipan ngal hi. Hiai hun ah Men’s (Single & Doubles), Women’s (Single & Doubles), Mixed Doubles leh Veteran Doubles te sai ahi a, kimawlmi tam mahmah ahih manin hun in hon daihlou phial hi.
Ni nih sung nasatak a kimawlnate sai ahih khit, ni 8.11.2014 nitaklam dak 2:30 in, Pu Dr. Kamkhenththang Guite, Director, DoNER in ‘Khuallian’ hihna tawh vualtungtuangte’ kianga pahtakman hawmkhiakna nei a, tua khit in ‘A thumveina Eimi Badminton League (2014) khak ahi hi. Kimawlna a vualtungtuangte anuai abang in i taklang ahi:
Men's Singles
Khamthianmung Ngaihte (Winner)
Nenglalsang Vaiphei (Runners-up)
Men's Doubles
Nenglalsang Vaiphei + Sang Suantak (Winners)
Khamthianmung Ngaihte + Mangboy Hauzel (Runners-up)
Women's Singles
Mary Nemlianching (Winner)
Chinghoih Khuptong (Runners-up)
Women's Doubles
Nemngaihlian + Mary Nemlianching (Winners)
Chinghoih + Pam Suanching (Runners-up)
Mixed Doubles
KhenThang + Chinghoih (Winners)
Michael Mangneu + Mary Nemlianching (Runners-up)
Veteran’s Double
Pa Kamkhenthang Guite + Pa Thongginlian Gwite (Winners)
Pa B.G Mang+ Pa Kamzapau Tonsing (Runners-up)
Hiai hun a kimawlmite, uaptu nu leh pa, nungak tangval, aneu-alian, leh Khualliante ziak a lawhcing tak a zawh theih ahih manin, na vek ua tung ah lungdam thu EBL Board te’n kong gen uhi.
Hiai ding toh kisai a hon poimoh ngaihpih a thukizaknate hong suahsak Admin Zogam.com leh Zogamonline.com te tung ah ki pahna lian petmah hi.
A sangzaw lam delh in kalsuan khawm zel ni!
-Organisers, EBL-2014
