Department of Education, SSPP-JHQ, Delhi

THEIHSAKNA

University of Delhi ah registration 5^th -19^th June 2013 sung in bawl theih ding hi. Registration/Admission toh kisai theihtuak khenkhat te:

1. Admission zong nanga Documents bangbang poimoh a?
   a) Passport Size photo atleast 2copy (Copy nih sang a tamzaw kem him2 in)
   b) Class X: Marksheet & Certificate (Original)
   c) Class XII: Marksheet & Certificate (Provisional certificate zat theih phot)
   d) ST Certificate with registration no. & date of issue.
   e) Character Certificate from the lass School/college attend (i.e. Class XII)
   f) Migration Certificate/Transfer Certificate (Transfer certificate pen on the spot a ki pe masa, migration pen admission bawl cia piak d)
   g) Baptism Certificate for certain college like St. Stephen’s College
   h) UG a hindi na zil ut kei leh cl-VIII na sim na school a pat undertaking Certificate nalak angai di. Cl-VIII tan hindi ana zil lou na hih dan na school letter head zang a na Principal in a gelh a suai a kaih ding ahi.

2. College-te ah admission muh nanga 10+2 a percentage bangzah muh ngai a?
Na percentage zil a college ki allot ding ahi. College hoih deuh muh na dia atleast 80%+ best of four ah poimoh hi. Huchilou in 50% te’n le admission muthou uh ahi college tuamtuam ah.
3. Admission i muhleh Hostel le muhsa dan hiale? Ka kaina College in Hostel neilou. A chihleh omna di option dang bang kanei a?
Admission na muh chiang a atuam a hostel a din a apply thak a ngai di. College teng teng inle Hostel aneivek kei uh hi. Hostel seat pen a tangpi in ‘merit’ based a ki allot ahi. Hiai te ban ah University in hostel tamkhop tak nei hi. Prospectus ahih leh atangpi in July khabul apat in kihawm sek hi.
4. Private Hostel a om hile khateng a bangzah khawng piak ngaidi a?
A man kibang vek lou ahi a. A tangpi in single room, 2 seater, 3 seater leh 4 seater rooms a om zel a. Ann (food) toh kithuah te Rs 6000 a pan muhtheih dia, ann omlou te Rs 2500 lak khawnga kipan hi sharing basis in.
5. Admission mu bang hileng Fee piak ngal ngai hia?
College tamzo ah fee piak pah ngai zel a, huailou te ah a kimkhat(half) piak masak a, huaizoh kai nung a a omlai teng piak  zel hi. Sum full/half a piak di pen a college a ki depend ahi. Fee na piak nung a na admission na cancel ut leh fee refund kha full/100% muh kik kilam en ken, college khenkhat in cheng 1 le hnpeloutheilai ahi uh. A diak in August 2nd week nung a na admission na withdraw ut leh fee refund a om kei di.
6. Delhi/DU ah College Admission fees bangzah khawng ahi tangpi?
College tengin fee structure tuamtuam anei ua, himahleh a tangpi in Rs 8000-12000 lak hi zel hi, Tamzaw or tawmzaw thei. Eg. Practical nei te a tamdeuh, a neilou te a tawmdeuh di.
7. College khenkhat in subject khenkhat adia Admission Entrance Examination sai uh chih kaza a, dikmah hia? Om hitaleh subject bangte khawnga?
Atang pi in admission entrance test UG ah omlou hi. A om sun te ahih leh Foreign languages Asian studies te. DU in Department of Germanic & Romance Studies, Faculty of Arts ah Honours subject a din German, Spanish, Italian leh French offer hi. Prospectus kihawm hun ahih leh tua admission form kihawm hunciang in a college/department ah muh theih ding hi.
8. College khenkhat ah Admission i muh kei leh le, akai lui/senior te’n Principal kia hon gen pih a admission muh theih achi uh a. A taktak hia? Bang college khawng hi a, eimi senior hon gensak thei d aom diam?
DU nuai a college te ah admission dia gensak chih om thei lou ahi. Na mark zil a admission mu di na hih man in principal ahihkeileh a kai lui te’n bangmah hihtheih neilou ding uh ahi.
9. Manipur result suahhak toh, admison alam et huai diam? Tanau lah kineilou, hon saipih di om diam?
Lam et huai e. SSPP te leh lawm dang te contact theih gige ahi.
10. Cl-XII khit kumkhat kana break kha a, tun ka sunzom non ut hi. Admission chance om diam?
Admission zong theih tham ahi. Gap year a dia mark ki cut lou ahi.
11. Class 12 Compartment ka mu. Ka compartment result July khatop in hong suak a, 1st Div in ka pass hi. Admission kamu lai diam?
Compartment subject khat a mu te’n admission apply theih hi. Provisional admission amuding
12. Cl-XII, Science kala a, tua ka percentage 54 ahi, Arts Stream ah kaki hei ut a, Arts stream ah bang subject combination ahoih di?
Mahni lung lut na ah a ki nga. Subject/combination hoihlou bangmah a om kei hi.
13. Ken National Institute of Open School (NIOS) apan Class XII kana zou a, Delhi ah College Admission NIOS Certificate toh Admission a zong theih diam?
He, open school apan class XII zou inle regular student a DU nuai a college te a admission zong theih ahi.
14.College bangbang a hoih?
DU nuai a college teng hoih vek a. Himahleh, khat te infrastructure, teaching environment hoihdeuh chihle omzel hi.
15.College hoih kichi te ah Admission mulou bang hileng, innlam Lamka/ Imphal a kai ahoih zo diam?
DU nuai a college khat pepeuh ah kai lechin le na degree certificate ah na college min ki gelh lou ding ahi a, mi teng in DU apat degree kibang muvek ding ahih man in college deihna muhlouh pen  lungkiak louh di ahi. Huai ban ah DU students teng teng in a syllabus tawi uh aki bang a, teacher te le a qualification kibang vek ahi. Huaijiak a college in thu a pawkei a, asim tu di pen ah aki nga zaw hi.

Admission bawl hunsung in SSPP te Miranda House near Faculty of Arts (North campus) leh Jt. Dean Students Welfare Office (South Campus) ah ki om ding hi. Buaina nei ten’n a nuai a volunteer te contact theih gige ding hi.

North Campus

Enkaitu: Kimbawi Tawmbing (9013933799)

South Campus

Enkaitu: Thonggoumung (9711074811)

Sd/-

Chiinngaihkim

Secy. Education Dept.

SSPP-JHQ, Delhi