Office of the
KHANGTHAH ZUUN PAWL
General Headquarters: Simveng , Churachandpur, Manipur-795128

“EDUCATION MOTIVATIONAL TOUR, 2013”
REPORTNA LEH KIPAHTHU GENNA

Dated Simveng 24th April 2013

Khangthah Zuun Pawl, General Headquarters’ KUMPUAN–SIAMZILNA LAMA KALSANGTAWI chih thupi pansana Year Plan a kiguanggalh Simte khosuana School leh Education system puahphatna ding toh kisai in Thanlon bial ah Simte khuate viz:
1. Sumtuh        2. Zoutung                  3.Thanlon
4. Gamhui       5. Suangpehmun         6. Tallian
7. Sainouzang  8. Mongawn                9. Pamjal amun mahmah ah vehna,  School umte dinmun etchetna nei in leh school naupangte toh kithuahkhawmna neiin kal ava kisuan hi. Hitoh kisai in hun, sum leh pai, tha leh zung, transportation, expenditure etc. te jangkhai zosem ding etna in Nam vai ah STC GHQ, SYO GHQ toh Joint in kalsuan khawmna kinei hi.

Date 13th April, 10:30am in STC Gen HQ President Pu B.Dongzalian Simte’ inn pansan in Pastor Lamkhanlun in thumna toh hakhia hi. Huchin kalsuan nate leh sep-le-bawlding dawlte zou in damtahin 18th April 2013, 4:30 pm in Lamka kitung kit a KZP Gen HQ in ankuang toh vaidonna a nei hi.

Hi tour program lohchinna dinga mimal, www.simtepeople.com memberte leh pawlpi tuamtuam ten aneih-alam iitlou a sum-le-pai, neh-le-tah, tha-le-zung bana thumna toh hungna kithuahpih te tengteng tungah kipahthu gending tampi leiba aki nei hi. Amau te tungah KZP Gen HQ in kipahna bukimin kipahthu I gen masa hi. Hite tengteng zal in I biah Pathian kawm ah kipahthu I soi kit hi. Khochina hung na lamtuah a neh-le-tah leh bangkim a hung na tuanvai sah STC/SYO unite leh khomipite tungah zong atuam liau liau in kipahthu I soi kit hi.

REPORT: Report lamah lut pah ni. Khoteng a kalsuanna ah video record,  digital camera leh audio recordte banah mit mahmah a muh leh khomipite apan primary data ki lakhawm apan hung kigelh ahi.

SUMTUH JB School (upto Class III):
Date 13 April 2013, 7:30 pm in Sumtuh vangkhua kitung hi. 8pm in STC office ah public meeting aki nei a, hutah ah namvai leh school/education vai nahtah a genkhawmna um hi. STC/SYO unitten uisa tui tahin ana huanva,kikhop zoh 10:30pm vel in ann kine pan hi. Houlimna apata thudonte chu:

1.Sumtuh JB ah Govt. appointed teacher 4 te 1 mah amun akai a um sih,  proxy teacher 2 in awlmoh na leh kukal na toh ana sem uhi.
2.School building um a, Girls toilet 1 um, school tuang (floor) a se mahmah ta.
3.Midday meal gina taha tunglo, kum beisa ah 3 vei aneh uh chihlouh (alloted quantity jah amuh uh gentheilo)
4.Studeng 27 vel um in Preparatory apat class III tan um.
5.Proxy teacherten kitoudelh na dikham haloh sanglou a hahsatna liantah tuah uh.
6.Tukum 2013 ading midday meal muh umnailo.
7. School dinmun lungtun louh jiahin naupang tampi khosunga simthei nalai dingte jong Lamka leh Thanlon juan uh a, nu leh pate a ding in puahgih guan sawnsawn, chih thute kimukhia hi.
8.2013 session a proxy teacher ten April tan ah haloh sang nailou uh, MDC Ginzapau in haloh regular taha apiah ding a kamchiam tangtun zou lou. * Headmistress i/c :Nianghoihching.

RECOMMENDATIONS:
a)Proxy teachers’ Pay regularize & khansah ding
b)Proxy teacher semjat mi tawm
c)Midday meal etkai ding
d)School vaiah Quality system tasam.

ZOUTUNG J.B.SCHOOL (Upto Class V):
Sumtuh akipanin Dt 14th April jingkal in Zoutung kitung phei a, STC/SYO unitten uisa thah siau-alsiau a ahuan uh, kuihkhawmna um hi. Pathianni sun Biahin kikhop tawp in khosung suan-a-pa tetoh namvai leh school thu te jong genkhawmna um hi.
1.Khodangten sanging School function hoih pen a chiamteh ahi.
2.Kouhtuamte panlahna in school management leh a function lam lungtun huaia, Proxy teacher 7 te haloh kouhtuamte donghu a ana pang in, buai lou (2012 based report).
3.Mahni kisen in proxy teacherten uniform kinei un etlawm mahmah. Studentte adding jong Nilaini leh Ziltawpni a ding uniform atuam neisah uhi.
4.Proxy teacherte panlahna phathuai kisa.
5.April 2013 tanah Proxy teacherte pay muh umnailou.
6.Class V tan um a, khosung a naupang Class V  jiltheite mundanga pawtkhia tamlou.
7.Class V ban mundanga sunzom zoulou a dropped out a vahthap naupang tam.
8.Govt. appointed Teacher khatmah melmuh umlou. Sanctioned Post: 8 teachers.
9.Midday meal: no idea
10.School pucca building and cemented floor, toilet um
11.No. of student 54
12.Household: 74
13.Head mistress: Dimzaching

Recommendations:
a) JB School apan Jr H/S tan beha upgrade hileh dropped out rate tawm ding banah neh-le-tah dinmun hahsatna tampi dawnjang ding.
b)Proxy teacherte pay amount tawm talua, aloh tampen in 4300 (unskilled labour of BRTF got Rs.5000 per month.
c)Pay regular taha muh ding.
d)Anganwadi Cook House jong um.

THANLON HIGH SCHOOL:
Date 14th April 8:00pm in STC Unit Office ah mipi kikhopna neih ahi. STC/SYO unitten vohsapoh toh ankuang in hung vaaidawn uhi.  Nam sungthu, school thu leh thu tuamtuam genkhawmna um hi. EBC’S Convention English School pawl V tan leh St.Xavier High School hoih tahin concerned mission in enkol hi. Himahleh Thanlon H/S tungtang chu lungjin ahuai khopmei. Puaphat ding dan nguntaha genkhawmna ah Head Master i/c hung tel thei in, kum nih paisa a skul puahphat sawm a pan nasa taha alah dan leh hahsatna tampi atuahte chiang seta ngaihkhiahna jong kinei hi. Athu umdan tah chu;

1)School naupang ding sawm jong umjoulou hi. Hubanah, malai apata skul gina taha ana function theitalou,
2)A system himhim ama apat ana duhdah louh jiahin tuni tan deih bang zoulou a, nu-le-pa te muan ngamna tasam ahi pen.
3)Skul naupang admission bawl sunsunte jong uniform, textbook, bag etc deihna jiah chouh a bawl naupang tamtah umdan in ki suikhia hi.
4)School building um sunsunte bawng buuh asuah pawl atam ta.
5)Tu dinmun ah infrastructure leh Govt in a etkoldan etin High School minpo ding in sit ahuai mahmah.
6)Ningkumah regular class Cl-VI leh VIII um in Final exam bang conduct theita uhi, tu session ah Class 4(not Class IV) tah bang function thei ta.
7)Proxy teacher : 4

Remarks: Progress and improving.

Recommendations:
1.Thanlon biala a thawna Class X (ten) tan jiltheihna High School I neih sun ahihmanin puahphatna ding in MLA/MDC/Philanthropic & Student orgn., mipite pankhawm poimoh tahjet.
2. Khochin a JB School a kaiten maban a sutjop theihna dingva kingahna tham ahih poimoh petmahta.
3. Headmaster i/c Pu Khamminthang in hi School puahphatna dinga Five-Ten Year Plan aneih chu thalthuap chian sawm tani.

GAMHUI JB School:
Thanlon akipan Dt 15th April, 11:00 am in Gamhui juanin kal kisuan kit hi. Singtang voh pohhaang kuihkhawmna um kit a, huma in STC unit office ah kikhopna neih ahi. Theihsa mah bangin hun paisate jiahin Gamhui khua hi inn ana tawm sot mahmah.
1. Govt. school building leh toilet muh ding umlou.
2. Chief in Lamka apan gal etkola, khosung hamphatna ding Job Card, Midday meal, etc mipite’n gina taha mulou.
3. No. of appointed teachers 3
4.Salvation Army Mission School um a, teacher 3 um, Class V tan.
5.District Council record ah student 26 um.
6.Govt teacherten khua pha ngei lou.
7.Khomipi in abawl school building umsa pansana Gamhui Govt.JB School function sah dingin nahtahin kigen pih.
8.Headmaster: G.Lalrousang

Recommendations:
a)Khohausa in khua le tui ngaihnatna asuah poimoh.
b)Grass root level ah pan lahthah poimoh.

SUANGPEHMUN J.B.SCHOOL:
Dt 15th April,ni mahin Gamhui akipan in Suangpehmun ah ki giahlut hi. Nitah ann dingin Vohsa poh khomipi in ana huan va tui tahin kine hi. Guahpi ajut jiahin nitahin kikhopna kineitheilou, Dt 16th April jingkal a meeting khosung suan-a-pa te toh meeting kinei hi.
1)School function nimnem, Chief cum Headmaster in pan nasataha alah vangin a naupangten Thanlon leh Lamka jotsan man, banah 2012 lai a Proxy Teacher semnu in pasal neia, teacher ding kitasam ziah zong ahi. Kumkit 2014 session ah school detdou taha function sah ding ahihdan Headmaster in akamchiam banah KZP GHQ te kithuahpih dingin jong ngen boh hi.
2)Govt. record ah school naupang 10 um.
3)School building leh girls toilet um.
4)Govt techerten amun ah sem le uh nu le paten atate akaisah dinga mansa.
5) Govt. teacher post umzah: 5
6)Job Card ginataha khomipi in mu.
7)Headmaster: Th.Thangchinlal.

Recommendations:
a)Chief cum Headmaster in pan nasatah a alah poimoh, KZP GHQ athalthuap dinga mansa.
b)Khualgam a tate teng teng kaisah ngai a, nu le pate adingin hahsatna leh puahgih tampi tun hi.

TALLIAN:
Dt 16th April in Tallian ah jing ann kine; khomipi tetoh kikhopna nei.
1) Govt. School him him neinailou.
2)School naupangte Lamka leh Leijangphai ah kai uh.
3)Guahjut daikai chiang in naupang ten 1.5km a gamla Leijangphaia school galkai hahsatna tuahmun mah mah.
4)Student: 30 val.
5)Insuan: 18

Recommendations:
1.Govt. School aneih kin uh a poimoh.
2.Khotang neh leh dawn a kingahna dingin luikhuh kichiantah aneih uh poimoh.
***Dt 16th April ni in LEIJANGPHAI HIGH SCHOOL vehna kinei a, naupang atam khopmei uh, teacher tetoh houlim khawmna nei in naupangte toh jong limlh khawmna kinei hi. School function dan alungtun huai khopmei. Khua tuamtuam akipan naupang tamtah hi school ah akai va, Class VII tan hoih tahin a function hi. Naupang 200 vel a phajou hi.

SAINOUJANG AIDED SCHOOL:
Dt 16th April in kigiahlut a, nitahin suan-a-pa tetoh meeting neih ahi.

1.Tawlkhat teng hausapa panlahna nuaia skul naupang kaihkhop ahi a, teacherte hakhat a 2000 pia a apaitouh lai in tuin dinkholta hi.
2.Midday meal facility um a, mu ngei himhim lou uh. Cookten aloh di kilawm akimlou a mu nimnem sam.
3. No. of teachers: 2
4.Headmaster’s last visit 2011
5.Naupang Nursery leh Cl-B zilthei ding himahleh mundang a jil ding a tei/piching nailoute khosunga vahthaithap tam.
6.Name of Headmaster: Chinkholal.
7.School himhim umlouh jiahin nu leh paten atate uh khualna in khualgam ah kaisah uh a,  ahahsatna thu uh nam makaite mai ah puangkhia uh.
8.School naupang val khalgam a kai umjou uhi.

Recommendations: Na ngaihtuahna chiimtah akipan in nang jong nathei mei ding.
Nungkihjualni. Dt 13th April (kipatdohni) a Sumtuh juana kapailai un Sainoujang ah kabaang malam va, ka khawltawldam sung un naupang hunkhop gari kawm ah ana ding va, aki kanchianleh Pamjal leh Mawngawn akipan  neh ding tah ding, anntangte ki puah litlit kawma innluah a Thanlon a school kaite ana himeizen uhi!!. Hikhu in inam-igam dinmun soibeh ngailou in a gen chiang khop mei. 1970s laia a skul kailai uh hinkhuate a gel doh a, tuni tana I society a hichibang aum pen poisa leh pona mahmah in Pu B Dongzalian in mittui toh a veinat thu puangkhia hi. Huchi in amaute toh alem thei dandan a tuang in Thanlon ka potung tou uhi. Houlimna jong ama’ute toh akinei a kuhkal taha lehkhasim ding in hasuanna thu kigenpih hi.

MAWNGAWN J.B.SCHOOL:
Mongawn khua nungah tangvalten khomual ah lamkaite singpi-tuilum toh lamtuahna thupitah in nei uhi (17th April). Khomipite toh STC office ah public gathering neihpah ahi.
1) Proxy teacher khat in kumlui a ana etkol: naupang enkolzou nawn lou ding chih jiah in teacher dang guanbeh ding phutna in thuneite toh khomipite kikal kinantuahna jiah in tukum April tan in jong skul ana kai naisih uhi. Hite tengteng ngaihkhawh in khomipite deihtelna toh proxy teacher 2 kiguan beh a, huni mahin Admission bawl ahi ngal a, naupang 29 tahin min khum ngal hi.
2) Khualgam akai jat: 27 (between A – X)
3) Building um a, leh toilet tungkhuhlouh um.
4) Midday meal mu vang mahmah uh.
5) Govt. teacher umjah: 4 teachers
6) Proxy teacher haloh tawm.
7) Headmaster in khua phangnei lou.
8) Name of Headmaster: W.Zonunsanga
9) KZP General Headquarter in proxy teacherten naupangte regular tah a naupangte kaipih ding in hasuan hi.

Recommendations:
a) Naupang hung tamsem leh class room kidaih lou ding.
b) Existing School building partition ki bawl hen.

PAMZAL JB School (upto Class V)
Dt.17th April in Lawmmual ah tangvalten hungna lamtuah uh. Mitawm ngai hungna lamtuah ten Mongawn khua program johsiang tan hung ngahin, Pamzal khua ani mah in zot ngal ahi. Nitahin Community Hall ah khomipi tetoh program manphatah in kizang.
1) School building classroom 2 kum**** a kibawl, ginatah a bawl hilou.
2) School building thah sitset bawl ahih toh kiton in, jattah nawn louh alui pen chu pheldoh in ana um hi.
3) Proxy teacher te kipumpiah zohna leh ngaihkhawhna jiahin skul chu lungtun ahuai mahmah.
4) No. of students: 62 (Nursery to Cl-V)
5) No. of govt. teacher: 12
6) Headmaster in veh ngeilou banah govt. teacherte khatmah melmuh umlou.
7) Name of Headmaster : Vanlalzawna
8) April 2013 tanah proxy teacher te haloh mu um nailou.
9) Midday meal mu zeuh zeuh.

Recommendations:
a) A neulam hilh ding teacher khat ki tasam uh.
b) Village elderten a appeal ahih leh Proxy teacherte kum khat in khatvei beh KZP Ghq panlahna a Training piah zel ding.
c) Skul Committee in pay structure a guat chu ahi bang bang in ki implement thei leh adeih uh.

Thukhahna: Khotenga school dinmum, education system leh tu dinmun a paidan etin a vei/puahnat huai khopmei ahi. Khotenga data kikaikhawmte gawmkhawwm in buuhkahna nei lehang Quality Education lam ah deih abang joulou ahi, mabanah namnu-nampa hung hi dingte hinkhua chu meipi sahtah bang ahi. . Himahleh hite tengteng chu ajiah-ajal bulsut ding hitalei TEMTATPU TANGTHU gen toh aki bang kha ding hi. Hujiahin nang leh kei adding in CHOUNA nasatah ahia I chihtahnate suah thah in panla thah chiat dingin iki chial thahthah ahi. Khangkit/next generation ah SIMTE LITERACY RATE 100% chu I goal uh hita hen. KHANGTHAH ZUUNPAWL DAMSAT HENLA, SIMTE NAM IN SAWN TAHEN!

 

Noute toh tongkhawm,KZP GHQ luangin
Sd/- Th Thonglunthang
Asst. General Secretary,
KHANGTHAH ZUUN PAWL, GENERAL HEAD QUARTERS

For information and querries, you can reach us at This email address is being protected from spambots. You need JavaScript enabled to view it.. Contact number +91 9856729396 / +91 9856376817 / +91 9089526804