“Siamsinte Adia Thumna & Kikup Khawmna” 2012 Report ~By SSPP HQs Aizawl
Nisim 15th Sept 2012 in I&PR Auditorium, Treasury Square, Aizawl ah Siamsinte adia thumna leh kikup khawmna hun nuamtak leh phatuam takmai zat in om hi. Hiai hun ah Aizawl a eimi I suan diakte chial ahih bang un hong hawh ua lohching mahmah hi. Upa T.Liansangvung in hunkem in siamnel tak in mipi te on makaih a, Pastor G.Khankham in programme te Pathian kianga latna thumna on nei in hunkipan hi. Hiai zoh in President in thugen na hun tomchik on nei in ah i maban ah a lungkiat louh dan leh maban sawnzel di ihih dan genna on nei hi. Pu PH Vanlalmuan in vaidawn na thugen na on neih zoh in eimi sung a organisation tuamtuam te kimellah na hun in on zui ngal hi. Hiai programe sai
chhan pente laka khat Thumkhawmna hun Pastor G.Sanglian on zang a, aman Laisiangthou toh kituak in i malak di dan leh i nam ingaih poimoh di dan leh i nam leh i gam in hihkhelh a na neihna te ngaihdam nget na hun bang on neih pih hi. Eimi sunga organisation tuamtuam a din leng thumna on neihpih hi. Hiai thumkhawn na hun ah i Pastor pan on thugen te leh thumna la te in on nehnou sak mahmah hi.
Nitaklam in Siamsin level leh Nam level genkhawmna na hun in kizang hi. Hiai nitaklam hun Pu Ngulzathuam leh Tv. Ginlalmuan in host leh co-host na la in kikup khawmna kipan taktak hi. Hiai hun ah kikup khawmna tuamtuam te ahihleh (1) Siamsin drop out - chih thupi Pu Vanlalremruat Tonson in gen honna on nei a hiai topic kikum khawm na kinei a, drop out om ziak nu leh pa'n a panlak louhziak leng ahi a; naupang in leng mohpuakna nei ahih dan kigen hi. Hiai ah awareness piak ding ahihdan kigen tam pen hi, huai ah nu leh pa banah school naupangte kiang ah awareness piak tuaktuak ding ahihdan kithei suah hi. (2) Siamsin hostel local level apat leh project - Pu Lura Hauzel leh Tv. B.Hausianmuan in siamnel in on gen ua, mipin leng hoih kisa a himahleh tu leh tu din mun in pannailou in ah. Mabanah development tuamtuam a pan in sum leh pai muh chiang in mala le chih hoih kisa tangpi hi.
Nam level kikup khawmna kinei nawn a, hiai ah a masa pen din ah (1) Paite Inn (Paite House) & Autonomous District Council _ PTC Heutu Pu Thanglianzauva in on gen hong a, hiai hun ah Paite house neih hoih asak dan on gen in mipi'n leng hoih kisa a PTC te malakna bang leng kithuahpih zel leng hoih kisa hi. Huai (2) Hiai zoh in i area sung a development lut te - Upa Khamkhokam Guite in on genpan a, hiai hun ah eimi tenna deuh te a development lut te on pulak a khenkhat a zat di banga zat louh om te etkai hoih isak thu kigen khawm hi. (3)Sialkal Development Board - Pu Haukhum Hauzel in hoihtak in on genpan a, hiai hun ah hichi bang board pen lungtun huailou himahleh a hoihzawk na di leh malak ana om nailou lailai ahihziak in mala din ah; Committee dit hoihsak ahi a, hiai ah convenor din Pu Haukhum Hauzel muang mahmah in kiseh hi.
Kipahthu genna leh tawpna thumna Pu T.Kamchindal in on neih zoh in khamlou leh gen ut neilai kitam mah leh dak 6pm in ki tawp thei hamham hi.
Mi tuamtuam in hichi bang a interaction hunneih hoih asak dan uh leh hichibang kimuhkhawmna hun zat a phatuam dan gennak mahmah uhi.
{rss uri=https://picasaweb.google.com/101217751850526859693/SiamsinteAdiaThumnaLehKikupKhawmna limit=60 from=}