Agriculture ah Indian economy dawpkang ding pawimaw : Vice President

Imphal, April 18 *(Nisin ThuhilTu)* : India Vice President, M. Venkaiah Naidu in tuni’n City Convention Centre, Palace Compound, Imphal ah Government of Manipur leh Central Agricultural University in organised a bawl, “State Level Workshop on Biodiversity and Sustainable Agriculture for Doubling of Farmers’ Income” a uap hi. Vice President chu Indian Air Force Plane Rajhans in nitaklam dak 1:50 ah Imphal International Airport a tut a, Airport ah Manipur Governor Dr. Najma Heptulla, Chief Minister, N. Biren Singh, Deputy Chief Minister, Y. Joykumar Singh, Works Minister Thongam Biswajit Singh, Health Minister L. Jayantakumar Singh, CAF and PD Minister Karam Shyam, TA & Hills Minister N. Kayisii, MAHUD Minister Th. Shyamkumar, PHED Minister Losii Dikho, Agriculture Minister V. Hangkhanlian, Social Welfare Minister Nemcha Kipgen, MP Rajya Sabha K. Bhabananda Singh, Chief Secretary, Dr. J. Suresh Babu, DGP L.M. Khaute, Secretary to CM, Ashok Kumar te’n vaidawnna nei in, Joint Battalion, Manipur Rifles leh Indian Reserve Battalion (IRB) in Deputy Commandant of 7th Battalion Manipur Rifles H. Gyaneshwar Singh, command bawlna nuai in Raj Bhavan, Imphal ah Guard of Honour piakna a nei ui. Vice President ahileh three-day tour program ah Assam, Meghalaya leh Manipur chuan a hi.

Vice-President M. Venkaiah Naidu in “One-day State Level Workshop on Biodiversity and Sustainable Agriculture for Doubling of Farmers’ Income” valedictory function ah a thugenna a chun, Indian economy siamhawina ding ah agriculture lam thil nasatak ah dawpkang pawimaw a hidan gen in, global warming suhattu hilo ding ah agriculture chiapi ding pawimaw in a gen hi.

Gaw-tui leh tui kining ting tak muzing thei ah North East um a hidan gen in, economic development umtheina ding ah dan thiamtak ah sa-nga vak (pisciculture & aquaculture) chiapi thei hi’n a gen a, thaichi chi chuamchuam - black rice (Chakhao), malcha, thiing, aisan/ai-eng, kawmla, lengthei etc chiinna ding ah a lei (soil) hawi in a gen hi.

Lo-bawlna leh thaichi chiin na lam masawn theina ding ah State Government in Central institutes - ICAR, IBSD, CAU leh KVK etc te kithuapina tawh panlakna a nei ding pawimaw in le a gen a, India gamsung pumpi huap ah panlakna’n gasua a neilo ahileh khantona kiti’n umzia neilo ding hi’n a gen hi. Buaina chuamchuam um te genkhawm mai sang ah buaina um te sukvenna ding ngai pawimaw zawk ding hi’n le a gen a, researcher te’n panlak dingdan leh idea pawdawk ah lo-bawl mite income kibelap theina ding ah panlakna a nei ding pawimaw in a gen hi.

Zia ah a thugenna a chun, Vice President, M. Venkaiah Naidu in Manpur apat Indian professional boxer Mary Kom, Sanjita Chanu leh Mirabai Chanu te’n Commonwealth Games, 2018, Gold Coast, Australia ah India chawisang mama a hidan uh gen in, kipakpi thu a gen hi.

“One-day State Level Workshop chu Chief Minister N. Biren Singh, Governor Najma Heptulla, Deputy Chief Minister Yumnam Joykumar, Forest and Environment Minister Th. Shyamkumar leh Central Agricultural University Vice-Chancellor M. Premjit te’n le a uap ui.

KLA cadre 1 leh TPLA Dy Defense Secretary mat ah um

Sekmai, April 18 *(Nisin ThuhilTu)* : Jwalamukhi Battalion in a chiata 15 Apr 2018 ni a khan, Molkon Bazar of Kangpokpi district ah KLA (Kuki Liberation Army) cadre khat , 7.62mm AK-56 Assault Rif, magazines 3 leh 77 live rounds, 15 live rounds of 5.56mm M -16 leh magazine 1 banah ammunition pouch 1 tawh aman hi. Mat ah um chu Hemkhogen Kongsai @ Jamson (20) s/o Thanleng Mang, vill - Kangchup, dist - Imphal West (Manipur) a hi. Mat ah um pa kipuandan ah June 2017 ah KLA (SoO Gp) join hi’n a kigen hi. Chun, Police Station Sekmai ah FIR ziklut in a um hi. A langkhatlam in, Sekmai police station huapsung National Highway-2, Tengdonyang kiangnai ah 17th April 2018 nitak lam dak 4:00 tuam in Hyundai i-20 bearing Regd. No. MN01G-8429 ah tai, Thadou People’s Liberation Army (TPLA) cadre khat Sekmai police leh 38 Assam Rifles te’n aman ua, ama chu self-styled Deputy Defense Secretary, Finance lam enkawltu hi’n a kigen hi. Mat ah um chu Khaikam Kipgen alias Kamboi Kipgen (37), son of Seilet Kipgen of Kangpokpi DHQ a hi. Chun, ama a pat in foreign made 9mm Beretta pistol leh Chinese grenades 2 banah Motorola walky talkie le a mandawk ui. Police Station Sekmai ah FIR ziklut a hi bawk hi.

Kuava-che/na pek khat ah Rs 8/-
Lamka, April 18 *(Nisin ThuhilTu)* : Manipur Forests & Environment and Horticulture & Soil Conservation Minister Thounaojam Shyamkumar mapuina leh Forest Department, Southern Forest Division, Churachandpur in 16th April 2018 nitak ah Kuva-che pua Pickup truck 2 - Buallian leh Muallum khua ah a mat uh tawh kitawn in Churachandpur District sung in kuava-che/na pek khat in Rs 8/- (metha-na/zarda na) a man a, bei chuam diaklo a hi ziak in kuava-che/na ah sumkawlvei mite phungvuktu leh kuava ne-mi te ding ah chunggikna tuntu’n a pang hi. Zia ziak a chun, a pha ding dawina ziak ah panlakna um a hi ngal leh kituptak in panlakna um zawm sek leh ti mipi dawidan hi’n a kilang a, Tobacco product khap (banned) hi ah puan a hi dungzui ah Police te’n hun chawmkhat sung drive bawl ah a chawlsan kit gual uh a hiding leh pha chuamlo ding, kuava-che/na man (price) sukaltu maimai hiding un mitam tak te’n a gen ui.

Thangso Baite, MP (Lok Sabha) in ODF ah khua 24 puang

Lamka, April 18 *(Nisin ThuhilTu)* : Muolvaiphei Public ground ah tuni,18th April 201, zingkal lam dak 9:00 in Swachh Bharat Parv (Gram Swaraj Abhiyaan) kiti mat in a um hi. Zia hun chu Thangso Baite, MP (Lok Sabha) in khuallian hina tawh a uap a, Ms Priscilla Lalliensing in hun matna mapui in, Lalthazam, MCS, SDO/BDO, Saikot in vaidawn thugenna a nei hi. Shyam Lal Poonia, DC/ CCpur in Gram Swaraj Abhiyaan tawh kisai genlatna a nei a, Chief Guest in Saikot Block sung ah khua 7-MuolVaiphei, Khopuibung,Tuibul, Saipum, Mualpi,G Tonjang leh Saikul; Lamka Block ah Phaibem, Lamzang, Mission Compound, Salem Veng; Tuinong block ah M. Songel, S Haijang; Singngat Block ah Suangdoh, M. Tanglian; Henglep Block ah Khanpi, Vongmol, L. Khaopijan; Samulamlan Block ah Sagang, Chinglangmei; Kangvai Block ah Kha Aimol, Maichammun; Sangaikot Block ah Pantha, Moljol te chu Open Defecation Free (ODF) ah puandawna nei in, thugenna leh ODF Certificate hawpdawna a nei hi. District Health Society apat Dr Kim Simte CMO/CCpur in Swachhta Pakhwada-Swachhta Se Siddhi 2018 ti tawh kisai genna a nei a, Hatneilhing Shoute, EE (PHED), Churachandpur in kipakthu genna nei in hun a mang zo ui.

Khullian, Thangso Baite MP (Lok Sabha) in a thugenna a chun, solkal in khovel gamdangte khawpite gual ah ei gam le a thiantho theina ding ah cleanliness drive nasatak ah chiapi a hidan gen in, zia panlakna a pat chu Saikot Block leh Block dang dang te ODF ah puan thei ah um hi’n a gen a, thianthona tawh kisai ah solkal leh District Administration panlakna chu mipite’n I kithuapilo ua ahileh lawtinglo ding, khua leh veng, khawpi sung thianthona ding ah mipi te’n mawpuakna liantak nei in a gen hi

UPF/KNO mapuina’ Public Consultative Meeting nei

Lamka, April 18 *(Nisin ThuhilTu)* : United Peoples' Front (UPF) leh Kuki National Organisation (KNO) saina’ tuni April 18, 2018 zingkal lam dak 11:00 akipat in Hiangtam Lamka ah um YPA GHQ hall ah India leh Manipur govt. tawh tripartite talk aneinau tawh kisai ah mipi ngaihdan leh dawidan lakkhawmna ding in Public Consultative Meeting a um hi. Zia hun a chun, common Identity tawh kisai le genkhawm in a um a, UPF leh KNO apat lawiupa te’n topic chuamchuam mang in presentation a bawl ua, Academics, Scholars, Intellectuals leh mi chuamchuam apat le thugenna a um hi. Tuni ah Public Consultative meeting ah tu leh tu ah UPF/KNO in Tripartite Political Talks a chiapina chung ah a dinmun gendawna le a um a, common identity tawh kisai ah min khat neiding lemsakna a um dungzui ah genkhawm ah um hi’n a kigen hi. Himaleh common identity chung thu a chun thupukna neitheilo in, Territorial Council tawh kisai ah Zo Territorial Council ti ah a min mat ding ah genkhawmna um maleh thupukna siam thei nailo ua hiat a hi.

Bike ah chuang te hetpuk ah taimang Winger Driver hawl hizing
Lamka, April 18 *(Nisin ThuhilTu)* : Churachandpur Police apat a kihiatdan in, April 17, 2018 sunnung dak :00 leh dak 2:00 kikal ah S Kawtlian ah pawsal 3 Bike a tailai Winger in hetkh’n, Bike hektu in liamna tuak maleh a hetkhatu Winger chu Lamka lam zuan ah taitheng in, Winger driver kiselmang ti a hi. Zia chu tawh kitawn ah Winger driver chu hawl hizing in le a gen hi. Zia thiltung tawh kisai chu Mrs Tinvah w/o Benjamin of Gouchinkhup Veng, New Lamka in Police ah report a bawldan in, April 17, 2018 sunnung dak 1:00 leh dak 2:00 kikal ah Kangvai apat Lamka zuan a tai a suapipa Lalngaikung (59) s/o (L) Rev Liankhopau of Kangvai leh naupang pani Thangmalsawm leh Khaiginmuan te Lamka zuan ah TVS motorbike mang ah a ki puak lai ua, S Kawtlian ah Lamka lamzuan Winger hattak a tai in, zia mi pathum te chu hetpuk malam ah taisan hi’n a gen hi. Winger in Bike ah chuang te a hetpuk hun ah, bike hektu Lalngaikung in liamna tuak ah a kipukna a luchang tatkha’n, a nak ah thisan a pawt banah a awm lak nasa kawm ah lua hi’n a gen a, kintak ah District hospital tut a hinung ah Imphal ah etkawl ding ah refer ah um, a bike uh le sia nasa mama in report a bawl hi. Bike nung ah chuang naupang pani 2 te ahiuleh District Hospital tut ah a um nung ua First Aid piak ahiu tawh kitawn ah inn zawtsak a hiu. Police in zia thiltung tawh kisai a chun, FIR No. 34 (4)2018 CCP-PS u/s 279/338/427 IPC case a ziklut a, Winger driver hawlna a nei zing hi.

Measles & Rubella tawh kisai ah meeting um ding
Lamka, April 18 *(Nisin ThuhilTu)* : CCpur district sung ah Measles & Rubella dalna damdawi kikapna tawh kisai ah ngaidan diklo leh thuzuau kithezak ah a umna tawh kisai in Glorykim Singsit, AC to DC/CCpur in thusua a bawl in, Measles & Rubella kikap zawna school leh veng chuamchuam ah 80 percent a tun zawlona te ding ah April 19, 2018 sunnung dak 2:00 leh District Training Centre, Tuibong ah Meeting um ding a hi. Zia meeting chu DC/CCpur in mapui ding, School Authorities, Students Union, Religious Leaders, Village Authorities, NGO leh Measles & Rubella Campaign team-te pangkim chiat ding in hiatsakna a bawl hi.

Parbung ah Ginger Festival kimang ding
Lamka, April 18 *(Nisin ThuhilTu)* : Ginger Festival Organizing Committee saina’ Parbung Village, Pherzawl District ah April 20-21, 2018 sung ah “The First State Level Ginger Festival cum Business Summit” kiti um ding a hi. Ginger Festival in a tup leh dawi ahi’leh, tanggam a lobawl, a diak ah kivakna ding ah Thîng (Ginger) lei bawltute a ding ah, a zuakdawna lam tu sang ah a hawizawkna ding leh kinepna tâk zaw a umtheina ding tupna ziak banah Central leh State Govt. in Thînglei bawl a kivakte haksatna a hiatpi semna ding uh ti tupna hi’n a kigen hi.

Zia hun chu Manipur Chief Minister, N. Biren Singh; Th. Bishwajit Singh, Minister ( PWD, Rd & Panchayati Raj, IDPR, Industries & Com, Adm. Reforms); Vungzagin Valte, MLA, Thanlon & Chairman MTDC; Th. Shyam Kumar, Minister, Horticulture; T. T. Haokip, Chairman, HAC; V. Hangkhanlian, Minister. (Agri. Vety & AH) leh Dr. Chaltonlien Amo, MLA Tipaimukh te’n uap ding a hiu. “The First State Level Ginger Festival-cum-Business Summit” hun a chu Seminar-cum-workshop, Ginger Product exhibition, competition ban ah cultural program, cultural dance leh a dangdang umding, Laltuoklien (pistol puokruk), Mami Sinate, Lawmnakim Hrangate, Eljay Ngaite, Christina Shakum, Hossanmawi Songate leh Ginger Choir te’n zaila awi ding ahiu.

Ginger Festival matna ding tawh kisai a chu, security personnel hunkhawp leh official hunkhawp in Parbung Village zuanta a hidan uh hiat a hi.

Hiatthei khat chu, Pherzawl District ah mi 80 percent in Thînglei bawl in kivakna’n a mang ua, a tangpi’n Thîng 1000-2000 metric ton kikal piangdawkzo hi’n a kigen a, himaleh a zuakdawna rate/price a dukdaklo ziak in lobawlmi tamtak in kum khat a nasep uh kinepna gual tungzo ngailo hi’n le a kigen hi. Tulai tak in Pherzawl district ah Thîng ser (kg) khat ah Rs. 8 vel man a hi.

Lelte Award sâng Ningmuanching kipakpi

Lamka, April 18 *(Nisin ThuhilTu)* : Mizoram pansa Lelte Weekly Magazine saina’ April 13, 2018 nitak in ‘The 27th Mizoram Music Award, Lelte Award 2018′ kiti hawpdawna a um a, Chibil Award le hawpdaw in a um hi. Ziana a chu Paite Community apat Ningmuanching d/o G. Chinkhenkham of Hebron Veng, New Lamka; Kuki Community apat Hoineilam Haokip leh Hmar community apat Christina Roneikim Shakum te’n Award a sang ui. Paite Zai-Awi Pawl (PZP) leh YPA Hebron Veng Unit te’n tuni sunnung dak 3:00 in LV Lane, Hebron Veng, New Lamka ah G. Chinkhenkham inn ah Ningmuanching kipakpina program a mang ui. Zia hun matna chu Mung Guite, Asst. Secy, PZP in amapui a, H. Mangtungnung, President, PZP in vaidawnna leh kipakpina thilpiak piakdawna nei in, Pastor H. Jamkhanpau, Local Pastor, EBCC Hebron in Ningmuanching a ding in Pathian kiang in pauchap piakna a nei hi. Hun mat sung in, Ningmuanching in Award muthei ah a umna tawh kisai leh Award sang ah Aizawl ah a chiana tawh kisai report piakna a nei a, YPA GHQ, YPA New Lamka Block, YPA Hebron Veng Unit, Zogam Artiste Association apat palaite’n thu gen in , V. Nunlian. Secretary, PZP in hunkhakna a nei hi. PZP in Ningmuanching kipakpi etsakna’n memento leh pakkhi a awsak ban-un, sum Rs. 1,000/- a piau hi.

MISS ZOFA INTERNATIONAL 2018 contest ah pang ding

Shillong, April 18 *(Nisin ThuhilTu)* : Nk.Rebecca Vaiphei d/o Simon Vaiphei & Kholnu of Happy Valley, Shillong chu MISS ZOFA INTERNATIONAL 2018, Aizawl khawpi ah Vaiphei nam ai-aw contest ding in a kuan hi. Ama ahileh Air India International ah Flight Attendant ah sem a hi.

Civil Pensioners Society in General Body Meet-2018 nei
Lamka, April 18 *(Nisin ThuhilTu)* : Civil Pensioners Society, CCpur te’n Dorcas Hall Campus ah um Mini-Auditorium hall ah tuni 18th April 2018 zingkallam dak 10:30 akipat in 26th Annual General Body Meet-2018 a nei hi. Zia hun chu H. Nengsong in amapui a, member te’n self introduction nei in Special General Body Meet a nei zaw un, S Vungsing, Secretary in member chiakhawm te hiat ding in simdawna a nei hi. C. Hangsing, Vice President in member thina tuak te suunna hun amapui a, T Puali, Senior Member in Bye Law 4th edition hawng in, Election Officer mapuina’ Joint Secretary leh Treasurer ding telna (election) a nei ui. Secretary in Annual report 2017-18 piakna a nei a, Audit statement presentation le Treasurer/Fin. Secy in a hi. President in Annual Budget 2018-19 luidawk in, budget genkhawmna a nei ua, member chiakhawm te’n 2018-19 sung ah budget ding in Rs 8.05lakhs a pawm ui. Presiding Officer in election result puanna nei in, Joint Secretary ding in H. Pau Za Cin leh Treasurer ding in S. Thanmang member te a chiakhawm te’n a tel ding ui. COPS ahileh 1993 kum ah kiphutdawk, 1994 kum ah society ah registration kibawl, tu leh tu member 200 val um hin a kigen hi.

CMO/CCpur mapuina’ Ayusman Bharat Diwas tawh kisai ah panlak dingdan genkhawm
Lamka, April 18 *(Nisin ThuhilTu)* : Dr Kimngaihching Simte, CMO/CCpur mapuina ama office chamber ah tuni 18th April 2018 nitak lam dak 1:30 in a hung tung ding April 30, 2018 ah District Health Society saina’ Ayusman Bharat Diwas mat ah a umna ding tawh kisai leh Intensified Mission Indhradhanush khaw 118 ah neina ding tawh kisai a kisaipi thuneitu te’n a genkhawm ui. Zia, Meeting a chun, DIO, DFWO, DNO/CMHT, DPM, DCM, DDM banah CHC/PHC zosia MO Incharge te a pang ui. Ayusman Bharat Diwas ahileh April 14, 2018 ah PM Modi in Chattisgarh state sung ah Ayushman Bharat Abhiya kiti launching programme a nei zaw tawh kitawn ah programme nuai ah sepdaw ding te lak ah khat- National Health Scheme thak ti ah le kigen a hi. Ayushman Bharat Abhiya ahileh CM-gi Hakshelgi Tengbang tawh a chiadan kibang himaleh Ayushman Bharat Abhiya Card neite’n damlona a tuak hun ua Rs 5 Lakhs tiang solkal panpina muthei ding a hiu a, CMHT tawh kibanglo tak in SECC 2011 list ah um te beneficiary ah pang thei ding himaleu card neithei dingte buaipi ngailo ah ASHA/ANM te’n khawsung ah beneficiary te buapi ding uh ti a hi. ASHA te’n SECC List ah min umkha te Aadhaar Card leh phone number lakhawm ah PHSC ah MO Incharge kiang ah pesawn ding a hiu a, MO incharge in SDO ah peto sawn ding, SDO in DC kiang ah pelut ding a hi.

CM in Thanlon 132/33 KV Sub-Station hawng ding
Lamka, April 18 *(Nisin ThuhilTu)* : Manipur State Power Company Limited (MSPCL) in Thanlon khua ah 132/33 KV Sub-Station a siam chu April 20, 2018 ah N. Biren Singh, Chief Minister in hawng ding a hi. Zia hun chu Th. Biswajit Singh, Minister, PWD/RD & PR, Commerce & Industries, Power, Administrative Reforms & Training, IPR leh Vungzagin Valte, Chairman, MTDC te’n le uap ding a hiu.