District Level ah World AIDS Day kimang

Lamka, Dec. 1 *(Nisin Thuhiltu)* : District AIDS Prevention & Control Committee (DAPCC) saina’ tuni’n District Level ah World AIDS Day mat in a um hi. Zingkal dak 7:30 ah Lanva Lei a pat World AIDS Day Rally nei in a um a, zia chu Khaipao Haokip, Chairman, Autonomous District Council (ADC), Churachandpur in flag-off bawl in, Peace Ground, Tuibuang tiang in rally a um hi. Zia rally a chun, SDO, DLO, Philanthropic Organization, Church Leader, CDSA, Private School Association, Nursing School, TI NGO a pat mitamtak te a pang ua, Sinlung Royal Riders (SRR) te’n Rally amapui ui. Peace Ground, Tuibuang ah main function mat in a um a, zia hun chu V. Hangkhanlian, Minister (Agriculture, Veterinary & Animal Husbandry), Manipur in Chief Guest hina tawh a uap hi. Chief Guest Hangkhanlian in a thugenna a chun, AIDS kiti natna lau umtak a hidan taklang kawm in, pankhawm ah HIV/AIDS dodal khawm chiat ding pawimaw hin a gen hi. Zia hun matna a chun, July 22, 2017 ni ah tui ah khialut ah thi Nengzakhai (70) s/o (Late) Pumkam of Hebron Veng, New Lamka insungmi te kiang ah ex-gratia Rs. 4,00,000 piakdawna Minister V Hangkhanlian in a nei a, World AIDS Day matna ding tawh kisai ah November 29, 2017 ni Spot Painting Competition hun ah winner te prize piakdawna a nei bawk hi. Chun, DC XI Team leh NACP XI Team te’n Football Friendly Match a nei ui. Zia ah hun matna chu Shyam Lal Poonia, IAS, Chairman, District AIDS Prevention & Control Committee (DAPCC) leh Deputy Commissioner, Churachandpur, Dr. Kim Simte, Chief Medical Officer, Churachandpur, Rakesh Balwal IPS, SP/CCpur te’n le a uap ui.

Minister V Hangkhanlian in Annual Meet 2017 uap

Lamka, Dec. 1 *(Nisin Thuhiltu)* : New Lamka Area Village Authority Council in tuni, Dce. 1 nitaklam dak dak 1:30 in New Lamka TD Block, Khominthang ah Annual Meet 2017 a nei ua, zia hun chu V Hangkhanlian, Minister, Agriculture, Veterinary and Animal Husbandry in chief guest hina tawh a uap hi. Chief Guest V Hangkhanlian in a thugenna a chun, New Lamka AreaVillage Authority Council in New Lamka TD Block function ding ah dawtna a siam dungzui ua, Lanva TD Block le a function theina ding ah dawtna um a hidan gen in, TD Block pani te a function theina ding ah panlakna um zing hin a gen a, Manipur Chief Minister N Biren Singh kiang ah zikthaw ah dawtna le siamta hin a gen hi. Chun, New Lamka Area Village Authority Council in vengsung khantona ding ah panlakna a nei te chiapi zawm zing ding ah chialna bawl in, District sung khantona ding ah pankhawm chiat ding pawimaw in a gen hi.

Kim Gangte in Press/Media person te kimupi

Lamka, Dec. 1 *(Nisin Thuhiltu)* : Kim Gangte, Ex-MP (Outer Manipur Parliamentary Constituency) in tuni, December 1, 2017 sunnung dak 1:00 in BJP Churachandpur District Office, Vengnuam, Hiangtam Lamka ah Press/Media person te kimupi in tunaicha BJP Manipur Pradesh a Spokesperson leh Hill Areas ah Overall In-charge ding ah mawpuakna piak ah um a hidan taklatna a nei hi. Zia hun a chun Press/Media person te’n dawtna chuam chuam a siam ua, ama’n dawnhuna a nei a, Imphal to Churachandpur Tedim Road siamna heikawi ah a umna tawh kisai ah dawtna a dawnhuna a chun, lampi siamna kiheikawi chu Government Policy a hidan taklang in, Manipur a Biren mapui BJP solkal in Imphal-Churachandpur bep hilo,Communication ngaikhawk mama in a gen a, Chief Minister in District Headquarter te keng ah chuan vek hin a gen hi. Chief Minister in District a phakna zosia Special Package a puan te bangtik leh supiting ding ti ah dawtna a dawnhuna a chun, ama Chief Minister hilo in a gen a, Manipur ah BJP government chu tha 7 ah upa hipan in a gen hi.

DC leh SP CCpur in UKB camp vetha

Leisang, Dec. 1 *(Nisin Thuhiltu)* : Shyam Lal Poonia, IAS, DC/Churachandpur district leh Rakesh Balwa, IPS, SP/CCpur in tuni, December 1, 2017 nitaklam dak 3:00 vel in CCpur district champion, United Khawzim Bros (UKB) te ki camp na leh a home ground uh Leisang khua’n vethakna a nei ui. DC leh SP in zia gual ah district ai-aw thei ah um UKB club chu kipakpithu gen in, UKB camp ah a pawimaw diak - Lupna, Matress, Kangkal (mosquito net), tui leh Sintex pani piak a tiam ua, kithuapina’n Rs 5000/- a piau hi. District minphatna ding ah club puihuaitute pakchat thu le gen in maban ah Urinal shed, Kitchen leh players te giakna ding piak a tiam bawk ui.

DGP Manipur in KFA suangphu hawng ding
Kangpokpi, Dec. 1 *(Nisin Thuhiltu)* : D Phaihel village, Kangpokpi District ah Kuki Football Academy, kiphuddawna suang hawnna 3rd December 2017 leh Director General of Police, Manipur, L. M. Khaute, IPS in nei ding a hi. Zia hun chu, Christopher Doungel, IPS, ADGP(HG), L. Guite, IPS, IGP, Zone-III, Clay Khongsai, IPS, IGP Zone-I, E. Priyo Kumar, IPS, DIG, Range- IV le Lunsieh Kipgen, IPS, DIG(AP-II), M.Pradip, IPS, SP Kangpokpi, Kabib, IPS, SP Imphal East, Themthing Ngasangva, IPS, SP, Imphal west, Hemant Pandey, IPS, SP, Ukhrul, Dr. S.Ibomcha Singh. MPS, SP, Pherzawl te’n le uap ding a hiu a, Kuki Football Academy hawndawna zaw hun ah D. Phaihel KFA playground ah KFA leh Manipuri Film Star ten football match nei ding a hiu.

70th Zomi Nam Ni Organizing Committee siamdaw ah um
Lamka, Dec. 1 *(Nisin Thuhiltu)* : Febrauary 20, 2018 leh 70th Zomi Namni matna ding ah 70th Zomi Nam Ni Organizing Committee Chairman ding ah Khatkhotong Baite, President, Vaiphei Peoples’ Council (VPC) guat in a um a, Vice Chairman ding ah Dalsianpau, Secretary, Zomi Language & Literature Society (ZOLLS) guat in a um hi. Chun, Secretary ding ah H. Pauzalal, General Secretary, Paite Tribe Council (PTC); Assistant Secretary: Thangzamang, Assistant Secretary, United Zou Organization (UZO); Secretary (Finance): Lianzalal, President, Zomi Youth Association (ZYA); Secretary (Sports): K. Doukhum, Chairman, Zomi Footbal Club (ZFC); Secretary (Info & Pub): K Vanlallian, President, Zomi Students’ Federation (ZSF); Treasurer: Ngaiphal, General Secretary, Zomi Mothers’ Association (ZMA); Members: L. Pumlianpau, President, Paite Tribe Council (PTC); Chinlunthang, President, United Zou Organization (UZO); H. Pauzachin, President, Tedim Chin Union (TCU); T. Khaikhanhau, President, Thangkhal People Organization (TPO); Wangkhothang Kom, President, Kom Union, Manipur (KUM); Thongkholian, President, Mate Tribe Council (MTC); LK Tinsoi, President, Gangte Tribe Council (GTC); K. Vungzamawi, Secretary, ZEPADA; T. Thuama, President, Zogam Artists Association (ZAA); V. Siamzading, Chairman, Zomi Human Rights Foundation (ZHRF), Dr. R. Sanga, Secretary, Administrative Affairs, Zomi Council (ZC); Vungmuanching, President, Zomi Mothers’ Association (ZMA); P. Thonglianmang, President, Khangthah Zuun Pawl (KZP) leh Ex-Officio Members ding ah B. Dongzalian Simte, Chairman, Zomi Council (ZC) leh Khamneithang Vaiphei, General Secretary, Zomi Council (ZC) te guat a hiu a, Office Assistant ding ah Thangsuanmang guat a hi. Chuleh, Information Centre ding ah PTC/GHQ Office: Hiangtam Lamka mat hiding in a kigen a, 2nd December 2017, zingkal dak 7:00 leh meeting masapen nei ding a hiu.

Comedian Hunt 2017 chiatha zing
Lamka, Dec. 1 *(Nisin Thuhiltu)* : Lamka Core saina’ Comedian Hunt 2017, chapter 1 chu chiatha zing in tuni, 1st December 2017 nitak dak 5:30 in HiangtamLamka YPA GHq Hall ah Elimination Round a um hi. Zia hun a chun, participants 13 te lak ah 12 te tawtbawl sak in a um ua, semi-final Round ah pangzawm thei ding in mi 7 teldaw in a um ui. Zing, 2nd December 2017 nitak dak 5:30 ah Elimination Round Day-2 sutzawm ah um kit ding a hi.

Cyclonic Ockhi in Tamil Nadu leh Kerala nawk; mi 14 in thina tuak, ngamanmi tamtak tuna hiatlo ah um

Chennai, Dec. 1 *(Nisin Thuhiltu)* : Cyclonic storm Ockhi kiti huisia/huipi leh thiguapi hattak in tuni’n Tamil Nadu leh Kerala a nawk a, ziana a chun Tami Nadu ah mi 10 leh Kerala ah mi 4 te’n thina a tuak ua, tamtak in liamna a tuak ui. Indian Navy te’n Cyclonic storm Ockhi ziak ah tuipi chung ah tâng den mi 8 te a hukdawk a, tamtak te a tunnau hiatlo in a um ui. Cyclonic storm Ockhi in Lakshadweep Islands manaw in India Meteorological Department (IMD) in a gen a, Lakshadweep Islands tuam ah dakkal 24 sung ah gua nasatak ah zu thei ding a hidan taklang kawm in, Cyclonic Ockhi hatdan chu 120-130 kmph hin a gen hi.

Southern Kerala ah thingkung tamtak te Cyclonic Ockhi in a mut puk a, power leh communication line zosia buai in, schools leh college te holiday ah puan in a um a, Kattakada ah mi 2 te chu electric in amat ziak in a thi’u a, Vizhinjam ah thingkung kipuk in mi khat a dellum hi. Thiruvananthapuram sea ah ngamanmi 150 te tunna hiatlo ah um in a kigen a,Train services te chawlsak ah um in Alappuzha, Kottayam, Idukki, Kollam, Pathanamthitta leh Thiruvananthapuram district ah Cyclonic Ockhi in thil tamtak suasia ding ah ginchat a hi.

Cyclonic storm Ockhi in a nawkkhakna mun Tamil Nadu leh Kerala ah Indian Navy, Air Force leh Coast Guard te’n rescue operation nasatak in a bawl ua, inn leh lo tamtak le Cyclonic storm Ockhi in susia ah taklat a hi.

New Delhi ah Director General of NDRF Sanjay Kumar in thuthak lakhawm mite kiang ah a gennna a chun, NDRF team 2 te emergency rescue leh relief operation bawl ding ah Kanyakumari ah sawl ah um hin a gen a, Arrakonnam ah NDRF battalion kawi ah um a hidan taklang in, NDRF chu Navy, Coast Guard leh Air Force tawh kithuhiat zing hin le a gen hi.

Minister Karam Shyam in SDC ah sepna join thak te lottery ah posting mun ding lak sak

Imphal, Dec. 1 *(Nisin Thuhiltu)* : Manipur State Cabinet in Transfer & Posting Policy thak chiapi ding ah lemsakna a nei tawh kitawn in tuni’n Revenue Department in tunaicha SDC’ ding ah appointment piak ah um te lottery lak/daw sak in, a posting na ding mun uh a lak/daw khakna mun dungzui ua guat piak in a um ui. Conference Hall, Old Secretariat ah Consumer Affairs, Food & Public Distribution and Revenue Minister Karam Shyam in thuthak lakhawm mite kiang ah Transfer & Posting Policy thak siam ah a umna ziak a genna a chun, nekgukna (corruption) dodal theina ding ah Transfer & Posting Policy thak chiapi ding ah lemsakna um hin a gen a, MLA, elected member leh public in Manipur chu corruption free suaksak ding pawimaw in a gen hi. Minister Karam Shyam in a gen belapna a chun, Chief Minister N. Biren Singh in Manipur chu corruption free state sua theina ding ah panlakna nei zing hin a gen a, nekguk, chakgukna a bei theina ding leh state sung ah kivaihawmna pha a um theina ding ah mimal tin in panlakna a nei chiat ding pawimaw in a gen hi. Tuni ah SDC’ posting na mun ding lottery la te lak a chun, numei 17 leh pawsal 31, a kigawm ah 48 a pang ui.

Bangladesh Manipuri Adivasi Forum in CM kimupi
Imphal, Dec. 1 *(Nisin Thuhiltu)* : Bangladesh Manipuri Adivasi Forum, member te’n tuni’n Manipur Chief Minister N. Biren Singh kimupi in Chief Minister N. Biren Singh chu Bangladesh vena nei ding in chialna a bawl ua, chialna pawmpiak in January 2018 masang ngei ah Bangladesh ve ding in Chief Minister N. Biren Singh in thutiam a bawl hi. Zia hun chuleh Bangladesh Government tawh kihona nei ah Bangladesh Manipuri Adivasi te dinmun tawh kisai genpi ding hin a gen hi. Bangladesh Manipuri Adivasi Forum in zia hun a chun, Chief Minister chu turban (Kokyet) leh traditional shawl (Lengyan phee) present a bawl ui.

BSF in 53rd Raising Day mang
Imphal, Dec. 1 *(Nisin Thuhiltu)* : BSF Campus Koirengei ah tuni’n Border Security Force (BSF) in 53rd Raising Day a mang a, zia hun chu, Education, Labour and Employment Minister, Thokchom Radheshyam Singh in khuallian hina tawh a uap hi. Ama’n a thugenna a chun, gamsung ah chamna leh muanna a um theina ding ah BSF panlakna thupi mama a hidan taklang in, hangsan tak leh kipezo tak ah gamsung liantak venbitna pezing uh hin a gen hi. Gamsung mipi te ding ah a kipiakzawnau chu thupi mama sa a hidan te le gen in, gamgi venbitna nei Jawans te chu maban ah lawting to chiat ding in a dawisakna a lan hi. Zia hun matna chu DIG, CI (Ops) Manipur leh Nagaland Angom Shamoo leh Battalions chuamchuam ah Commandant te’n a uap ui.

RS 7.7 Crore man ding sana kiman dawk

Imphal, Dec. 1 *(Nisin Thuhiltu)* : Indo-Myanmar road ah Imphal tut ding ah puak ah umRs 7.7 crore man ding ah hisap, sana (foreign gold biscuits) chu Lokchao lei (bridge) ah matdaw in a um hi. Mat ah um sana chu 26.260 kg, van gari registration number MN-05-A-9654 ah kipua a hia, a puatu ahileh Md. Zakariya (26) of Lilong Kaleikhong a hi. Sana puakna kimang van gari neitu ahileh Md. Sirajur Rahaman of Lilong Haoriebi Makha Leikai, Thoubal a hi.

Gaikhonlung Pamei, Deputy Commissioner Customs Division, Imphal in a genna a chun, superintendent of customs division Imphal N. Meiraba leh Palel customs unit in san puak ah a um thu a hiat uh tawh kitawn ah Lokchao lei (bridge) ah gari checking a bawl hun u asana gari sung ah kisel chu amudaw uh hin a gen a, mat ah um sana leh a pawtu te chu court ah dinsak ah a um uh hin le a gen hi. Hiatthei khat chu, Khudengthabi ah um Assam Rifles te’n August 8 a khan le 25 kg gold biscuits a la man dawk ui.

State sung ah HIV/AIDS dodal khawm ding pawimaw: CM

Imphal, Dec. 1 *(Nisin Thuhiltu)* : Manipur State AIDS Control Society saina’ ‘Right to Health’ ti thupi nei in, tuni’n 1st Battalion Manipur Rifles ground ah World AIDS Day - 2017 mat in a um a, zia hun chu Chief Minister N. Biren in khuallian hina tawh a uap hi. Ama’n a thugenna a chun, State mipi, NGO, doctors, health workers leh a kisai khakpi zosia chu thakhat ah HIV/AIDS dodalna chiapi khawm ding in chialna a bawl a, state sung ah HIV/AIDS sukbei ding dawi hin a gen hi.

Government agency -Manipur State AIDS Control Society (MACS) panna agency chuamchuam in NGOs te tawh kithua ah ‘Zero Infection’ rate, a um theina ding ah panlakna a nei ding pawimaw hi ah taklang in, State Government in January 2018 leh Hepatitis-C testing van mat kawita ding hin a puang hi.

HIV virus a kithezak tamna pen chu khamthei addict te a pat hin le a gen a, zia ziak a chu Government in khamthei dodalna nasatak a chiapi zing hin a gen hi. State Government in differently-abled persons leh meithai (widows) te panpina ding ah social security schemes hawng ding hin le a gen a,
Government panlakna chuamchuam um te chung ah a diklo ah nasem thilbawl a um leh mipi te chu Grievance Cell leh Anti-Corruption Cell ah complaint bawl zing ding in chialna a bawl hi. Zia hun matna chu Forest and Environment Minister Th. Shyamkumar, Manipur Industrial Development Corporation (MANIDCO) Chairman Yumnam Radheshyam, Manipur Pollution Control Board (MPCB) Chairman Laishram Radhakishore, Tamenglong AC MLA Samuel Jendai, Naoriya Pakhangklakpa AC MLA S Subhaschandra, Chief Secretary R.R. Rashmi, Administrative Secretaries and Heads of Departments te’n le a uap ua, Chief Minister in ‘The Pink Book: Your Guide for Safe and Nutritious Food at Home’ kiti lekhabu leh Mobile Food Testing Laboratory gari hawnna le a nei hi.

Govt in Healthcare Tourism siamhawi ding: Dy. CM

Imphal, Dec.1 *(Nisin Thuhiltu)* : Regional Institute of Medical Sciences (RIMS), Imphal Jubilee Hall ah tuni’n College of Nursing (B.Sc. Nursing 1st Year Batch) te ding in Lamp Lighting and Oath Taking Ceremony, 2017 a um a, zia hun chu Deputy Chief Minister Yumnam Joykumar Singh in khuallian hina tawh a uap hi. Ama’n a thugenna a chun,State Government in gamgi tuam ah healthcare sector kituptak ah siamhawi ding ah guanggalna nei hin a gen a, zia chu gamdang South East (SE) leh East Asian gam ah um te’n a etla thei ding khawp ua chiapi ding leh healthcare tourism siamhawina hiding in a gen hi. Nursing profession chiapi te’n profession umzia hekawm ah panlakna nei ding leh panpi ngai leh etkawl ngai te kituptak ah etkawl ding pawimaw a hidan gen in, nurse te tilkhona a nei bawk hi. Zia hun matna a chun, Deputy Chief Minister in nursing students a chungchuang diak te kiang ah award piakdawna le a nei hi. Hun matna ahileh Director (RIMS) Prof. A. Santa Singh,Controller of Examinations (MU) Prof. N. Ibotombi Singh, Dr. Manju Vasta, Principal, College of Nursing, AIIMS, New Delhi, Prof. H. Jamuna Devi, Principal, College of Nursing, RIMS ten le a uap ui.

ULFA’s anti-talk faction, Top commander kaplup ah um
Guwahati, Dec 1 *(Nisin Thuhiltu)* : Assam’s Udalguri district ah army’s Red Horns Division leh Assam Police te tawh kikaptuana ULFA’s anti-talk faction, top commander Rajen Deka chu kaplup ah um hin Defence spokesman Lt. Col. Suneet Newton in a gen a, kikaptuana mun ahileh Khoirapara village, Udalguri district hin a gen hi. Chuleh, kaplup ah um commander Rajen Deka a pat AK47, foreign-made pistol, meichang, mobile phones leh sum le mudaw ah um hin a gen hi.

NIA in KCP ding ah funds hawltu khat mandawk
New Delhi, Dec 1: National Investigation Agency (NIA) in Manipur phaizang thingnuaimi Kangleipak Communist Party (KCP) te ding ah funds raise bawl, galvan supply ah pang Sanabam Inaobi Singh chu a chiata Nilaini a khan a man ui. Hiatthei khat chu, Special Cell of Delhi Police in January 12 ah KCP Commander-in-Chief Khoirom Ranjit Singh leh a kithuapi Inrugbam Kumar Singh chu Mayur Vihar area , east Delhi ah a mat nung ah Indian Penal Code and Unlawful Activities (Prevention) Act nuai ah a chung ua case ziklut ah a la um a hia, KCP member dang P. Prem Kumar Meitei chu Manipur, ah mat ah a la um a, a chung thu’u lel hizing nalai a hi.

Hornbill Festival 2017 hawng; Naga political issue sukven pai hiding; President Kovind

Kohima, Dec. 1 *(Nisin Thuhiltu)* : India President Ram Nath Kovind in tuni’n Kisama ah Hornbill Festival 2017 leh 54th Nagaland State Formation Day celebrations hawnna a nei a, ama’n a thugenna a chun, Naga political issue chu sukven pai hita ding a hidan taklang kawm in, state mipi, civil society institutions leh a kisai khakpi zosia te support bawlna tawh Naga political issue chung ah chamna hun sawttak um thei ding ah panlakna um hin a gen hi. 2018 Assembly elections masang ngei ah Naga political issue sukven ding ah Nagaland Chief Minister TR Zeliang in phutna a neina chung ah President Ram Nath Kovind in Naga political issue chu sukven pai hita ding ti ah a gen a hia, himaleh 2018 Assembly elections masang ngei ah sukfel leh sukfello ding thu genkhak in a nei puai. Mr Kovind in tu dinmun ah Nagaland dinmun chu zat chuam bik hin a gen a, opposition umlo kei ah government um a hidan taklang in, haksatna umlo ah Nagas a ding ah solution umsak thei a hidan a gen hi. Naga sepai leh officer te’n gamsung a ding ah panlakna a nei uh chu thupi mama in le a gen a, Nagaland khantona ding ah infrastructure leh connectivity projects kituptak ah chiapi diing pawimaw a hidan gen in, Government of India’s Act East Policy lawtin theina ding ah panlak chiat pawimaw in a gen hi. Nagaland chu tourist destination munpi khat ah siam thei hiding a hidan le gen in, pu leh pa te khang a pat chawndan leh khandan chuambik umna a hidan a gen hi.