Khawpi sung suthianna sunzawm;Survey Team in inspection bawl ding

Lamka, Aug. 11 *(NISIN THUHILTU)* : State Level Swachhta Award 2017 ding tawh kisai in kisak lawkna a chiatha zing a, tuni, August 11, 2017 zingkal a pat khawpi sung leh institution chuam chuam te sukthianna a um hi. 1st State Level Swachhta Award ahileh a chiata August 5, 2017 ni ah District Administrator mapuina ah khawpi sung sukthianna nasatak in a um a, Manipur Chief Minister in kipakpi mama kawm ah State Level Swachhta Award 2017 patdaw ding ah lemsakna a nei tawh kitawn ah 1st State Level Swachhta Award piangdawk a hi. Chun, August 12 leh August 13, 2017 2017 ah Churachandpur ah Survey Team te’n Inspection bawl ding a hiu a, Inspection a nei hun ua, DC Office leh Government Office, Hospital leh PHC, School leh College, Bazaar Area leh lampi kim leh kiang, niin buakna leh Public Toilet dinmun entha ding a hiu a, Hospital leh PHC, Market Area leh Roadside banah Public Toilet te’n mark pawtam diak ding uh ti a hi. Tuni Khawpi sung sukthianna, Government Office, Educational Institution chuamc huam, Bazaar sung leh nullah tite, DC leh SP Churachandpur in etzuina nasatak in a nei ua, van zuak leh mezuak te dustbin mang chiat ding ah hiatsak bak ua dawr kiim leh kiang, bazaar mun suthianglo te chung ah action lak hiding in CEO ADCC in a gen hi. Shyamlal Poonia, IAS, DC Churachandpur in thianthona lam thil ah panlakna um te mipi’n support a bawl zingna chung in kipakthu a gen a, thianthona kiti midang a pat kipan ding hizawlo ah eima mimal chiat ah kipan ding a hizawk dan te gen in, mipi te thianthona ngaikhawk thak ding in chialna a bawl hi. Rakesh Balwal, IPS SP Churachandpur in khawsung bep hilo, eima mimal umna huangsung te le sukthiantho ding pawimaw a hidan gen in, thil tampi ziak ah thianthona nasep patlo ah um himaleh tu ah thianthona nasep pat a hi tawh kitawn ah a lawtin theina ding ah mipi te panla zing ding in chialna a bawl hi.

Zomi Council in UPF palai te vaidawn

Lamka, Aug. 11 *(NISIN THUHILTU)* : Zomi Council (ZC) in tuni, August 11, 2017 sunnung dak 3:30 in PTC GHQ Conference Hall, Hiangtam Lamka ah India government tawh kihona nei United People’s Fornt UPF palai te vaidawnna a nei hi. Zia hun chu, Zomi Council ZC nuai ah tribe leh frontal organization chuam chuam ah leader ten a uap ua, India Government tawh kihona nei - UPF palai 11 te lak ah plai pali (4) Calvin H ZRO, L Sanga Hmar HPC (D), Kethoes ZRO leh Kamkhanpao Zou, ZD te’n report piakna a nei ui. Hun matna, B Dongzalian Simte, Chairman, Zomi Council in amapui a, L Sanga Hmar in India government tawh kihona tawh kisai in report piakna a nei hi. L Sanga Hmar in report a piak hun ah a genna a chun, Zo-suan te’n politics ah zalenna a mutheina ding ah thum-vei lam kihona umta a hidan gen in, kihona masapen ah kimelhiattuana hun mat ah um, kihona a ni-veinaah India government kiang ah demand piaklut ah um, August 9 ni a, thum vei kihona demand piaklut ah um te dinmun government in a genpi ding ginchat himaleh government in interlocutor ding ah a guat Mr Dineshwar Sharma namdetna tawh hun matpi zaw hin a gen hi. Kamkhanpau Zou in a genna a chun, kihona a umna ding ah CCpur district ah mipi te panlakna thupi mama in a gen a, August 9 ni kihona a um nung ah, August 10 ni UPF/KNO palai te’n Interlocutor Dineshwar Sharma kimupi ah Zo-suan te a ding ah demand um te sukpitin theina ding tawh kisai genpi a hidan uh a gen hi.

HIV/AIDS positive 6 mudaw thak ah um
Lamka, Aug. 11 *(NISIN THUHILTU)* : District AIDS Prevention and Control Unit (DAPCU) Churachandpur in thalui July thasung in HIV/AIDS positive mi 6 mudaw a nei hi. DAPCU Churachandpur in District sung ah Integrated Testing Centre chuam chuam a pat Report a mu dungzui ua July thasung ah Injecting Drug User (IDU) mi 163 leh Female Injecting Drug User (FIDU) mi 29 banah Female Sex Worker 153 te test a bawlna lak ua, positive mudaw neilo maleu, mi nautang (General Client) mi 833 te test a bawlna lak ua, mi 6 te positive ah mudawk uh leh mi 2 te ART damdawi nek kipan ngal ua taklat in a um hi. A langkhatlam ah numei naupang mi 534 test a bawl lak ua, kuama positive mudaw umlo hin a kigen a, thalui (July) tha sung ah HIV positve 2 in naunei, nau piang te tha 18 chung lam a hi hun ua test a bawl nau ah positve umlo in Report in a taklang hi.

MZP, Manipur in kum 65 tinna Anniversary mang

Lamka, Aug. 11 *(NISIN THUHILTU)* : Mizo Zirlai Pawl (MZP) Headquarter, Manipur in kum 65 tinna Anniversary tuni, August 11, 2017 sunnung dak 1:00 in Chiengkawnpang Community Hall in a mang hi. Zia hun chu Lungmuana Lakher, IAS, Principal Secretary, Government of Manipur in Chief Guest hina tawh a uap a, JC Ramthanga, IAS, Principal Secretary, Government of Manipur in Guest of Honor hina tawh a uap hi. Hun matna chu S. Zosangliana leh PH Lalremmawii te’n amapui ua, Paul Lalchhanhima, President, MZP Hq. Manipur in vaidawn thugenna nei in, L. Ramdinliana Renthlei, General Secretary, MZAP General Headquarter, Aizawl in MZP T-shirt hawndawna a nei hi. Namliensang, Secretary i/c,Education, MZP Hq. Manipur mapuina ah Award piakdawna a um a, Chief Guest a pat thugenna um in, Guest of Honor in thugenna a nei zawm hi. GF Lalniropuia, Vice President, MZP Hq. Manipur in huntawp ah kipakthu genna a nei hi. Mizo Zirlai Pawl (MZP) Headquarter, Manipur, Meritorious Award dawng te chu -BOSEM ah Class X topper, Kipvarnei Rostina Gangte, Bonny Thiemhatzo leh Lalrinfeli te a hiu a, Class XII CBSE Arts ah Pauchungnung, Science ah George Lamlalmuon, COHSEM Arts ah K. Marie, COHSEM Science ah Jeffery, Science ah Lalbiakduhi leh MIL Class X ah Lalbiakduhi leh Class XII Lalramngaihzuala te a hiu. Chief Guest Lungmuana in Award piak kiti student te tilkhona a hi hiat ah, a tawm-a tam thu hilo leh award sangte’n le pan nasatak ah a lak ding uh pawimaw in a gen a, organization him him ah leader te dinmun haksatdan hiatpi ah mipi’n a panlaknau tawsawt leh kithuapi zing pawimaw a hidan le gen in, hun matthiam pawimaw mama in a gen hi. Guest of Honor Ramdinliana in a thugenna a chun, MZP in zia gual hun ah thilzilna sangtak nei te kipakpina hun a siam chu kipakpi leh a thil bawl uh bawl dik mama a hidan uh gen in, MZP khawmpi mat ah a um zel theina chung ah kipak hin le a gen hi. Manipur ah nam tamtak te lak ah Mizo tawmcha um te hun matna uap ah pan chu tha nuam mama hin a gen hi. Hun mat sung in Naomi, Haulien, Vanrammawii, Marilyn Kimlalmawii leh Lalropuii te’n laksakna a nei ua, nitak hun matna Chiengkawn ah mithi a um ziak ah zing leh mat ding ah a hun chawn in a um hi. Zing ah hun matna chu T. Kammuanlal Simte, CEO, ADCC in Chief Guest hina tawh uap ding a hia, Sangboi Gangte, MPS, Deputy Commandant, 1st IRB in Guest of Honor hina tawh uap ding leh L. Ramdinliana Renthlei, General Secretary, MZP GHQ leh CV Duhawma, President, GYMA te’n Functional President leh Chief Host hina tawh uap ding a hiu.

VPC election; Scrutiny bawl
Lamka, Aug. 11 *(NISIN THUHILTU)* : Vaiphei Peoples Council, General Headquarter vaipaw thak ding telna 25th August 2017 leh a umna ding ah President candidate ding leh Vice President candidate ding ah nomination file te tuni’n Scrutiny bawl in a um a, zia hun a chu nomination file tute a chia theng vek ui. Zia chu tawh kitawn ah President candidate ding Mr Hauneilal, Mr Khatkhotong Baite leh S Jamthang Baite a hiu a, Vice President candidate ding Mr Lunkhomang Vaiphei, Mr Lalzakhai Vaiphei leh Ngulzathang te a hiu.

JE dalna damdawi hawm

Lamka, Aug. 11 *(NISIN THUHILTU)* : Hiangtam Lamka khua-hausa, Thangkhosuanmung Guite, MDC’ chenna inn, Mualveng ah tuni, August 11, 2017 sunma dak 10:00 a pat Japanese Encephalitis (JE) dalna damdawi hawp in a um hi. Zia hun a chun, JE damdawi Belladona 200 hawp a hia, innkuan ah mi umzat leh a dose tuak kituak a piak a hi. JE damdawi ahileh kum 12 nuailam te chang 2, nikhat a khatvei, ni thum sung nek ding leh kum 12 chunglam te chang 4, nikhat a khatvei, nithum sung ma-ah nek ding, tui panglo lei (tongue) nuai a kawi ding leh natna dang ziak a damdawi nek nei te’n a damdawi nek uh tawh minute 30 kikak ah nek ding ti a hi. JE damdawi nekna ah a val a nekha (overdose) a um leh kintak a Coffee chiiktak dawnsak ding hin a kigen hi. Village Development Committee (VDC), V. Munhoih in le tuni zingkal dak 7:00 in Siampu Tonsing, Chairman chenna inn ah Dengue damdawi hawpna a nei a, hapta kit sung ah JE dalna damdawi hawp hiding in le a kigen hi.

Overdose Helpline No.

Lamka, Aug. 11 *(NISIN THUHILTU)* : SHALOM nuai ah Project Sunrise etkawlna hawn ah um Overdose Helpline Number tawh kisai in tuni, August 11, 2017 sun dak 12:00 in DACO Office Chamber ah mi tamzaw sem in a mat phatchuam theina ding un Media Briefing a um hi. Zia hun a chun, Benjamin, District Supervisor, DAPCU in Helpline Number tawh kisai taklatna a nei a, Helpline Number ahileh 7423-918-414 leh 8119-050-881 a hi. Zia ah Overdose Helpline Number hi, damdawi a dose val ah nekha/kikap, buaina tuak a um leh Hospital del sese lo ah24x7 ah thuhiat thei ding a hi. Chun, Project Sunrise a pat Overdose Management Team in Overdose te a pawimaw dungzui ah etkawl ding leh Treatment peding a hiu. Chun, Overdose a um hun ah ama ngawn nutsia lo ding, a imut thenlona ding ah kaitho zel ding, a sik lam ah lupsak ding ti a hia, Overdose ziak ah thina tuak sukkiam theina ding ah Helpline Number leh Management Team siamdaw a hi.

UNC leh Govt in tripartite talks, third round nei

Senapati, Aug. 11 *(NISIN THUHILTU)* : DRDA Conference Hall, Senapati Distict Headquarter ah tuni’n Satyendra Garg, Joint Secretary (NE), Minister of Home Affairs, Govt. of India Chairman hina nuai in Government of India, Government of Manipur leh United Naga Council (UNC) in tripartite talks, third round a nei hi. Zia hun chu Government of Manipur palai hina tawh Cabinet Minister - Agriculture &Veterinary Minister V. Hangkhanlian, Tribal Affairs & Hills Minister N. Kayisii leh Education & Labour and Employment Minister Th. Radheshyam te a pang ua, zialo a chun Additional Chief Secretary (Home) Dr .J. Suresh Babu leh Commissioner(Works & IPR) K. Radhakumar Singh te’n le tripartite talks hun a uap ui. UNC team te chu Gaidon Kamei, President, UNC, S. Milan, Gen. Secretary, UNC, Seth Shatsang President, All Naga Students’ Association, Manipur leh Asha Wungnam, President Naga Women’s Union te’n palai hina tawh a uap ua, dakkal 4 sung kihona a um hi. Zia kihona a chun, United Naga Council (UNC) in state government lui Congress Government in District 7 a siamdaw thak, a diak ah Senapati District a pat Kangpokpi District thu ah a demand uh chu government in kituptak ah enzui ding leh panlakna nei ding in thutiam a bawl a, 19th March, 2017 talks hun ah lemsakna a um dungzui ah Government of Manipur in Political Level ah kihona a um thei takna chung ah UNC in kipakthu a puang hi. 19th March, 2017 talks hun ah kinawptuana suai kai ah um te namdetna siam thak in, September, 2017 leh next round of talks neikit ding in lemsakna a nei ui. Tuni hun ah kihona kinawptuana um te chung a chun, UNC palai -Gaidon Kamei, President, UNC, S. Milan, Gen. Secretary, UNC, Seth Shatsang President, All Naga Students’ Association, Manipur leh Asha Wungnam, President Naga Women’s Union leh Manipur Government palai Additional Chief Secretary (Home) Dr .J. Suresh Babu leh Commissioner(Works & IPR) K. Radhakumar Singh banah Govt of India palai Satyendra Garg, Joint Secretary (NE), Minister of Home Affairs, Govt. of India te’n suai a kai ui.

Chief General Manager SBI, NE Region in CM kimupi

Imphal, Aug.11 *(NISIN THUHILTU)* : Chief General Manager, SBI-NE Region P.V.S.L.N. Murty in tuni’n Manipur Chief Minister N Biren Singh kimupi in, state sung ah banking services keklian ding dan a genpi hi. P.V.S.L.N. Murty in state sung ah mipi te haksatna chuam chuam umte sukvenna ding ah banking coverage keklian ding leh a diak ah remote area ah um te haksatna sukvenna ding ah banking facility umsak ding pawimaw in a gen a, schemes chuam chuam leh modality - Customer Care Points of SBI, Bank Mitra to deliver the cash etc te kituptak ah umsak ding pawimaw in a gen hi. Chief Minister vision te sukpitin theina ding ahpension benefits - old aged pension ti te beneficiaries/pensioner te door step deliver hiding in a gen hi. Zia hun a chun, P.V.S.L.N. Murty leh State Bank of India, Local Head Office (LHO) Guwahati in Chief Minister’s Relief Fund (CMRF) ding in Rs. 50 lakh donate a bawl a, Chief Minister N. Biren Singh khut in cheque piakdawna a nei ui.

Medicinal plant te chiin hileh farmer te income hawi ding: Health Minister

Imphal, Aug. 11 *(NISIN THUHILTU)*: Manipur State Medicinal Plant Board, National AYUSH Mission, Directorate of AYUSH & Organisation for Tribal Benefit Programme(OTBP), Chandel organised bawlna ah Health Minister L. Jayantakumar Singh in tuni’n "Interactive Meet on Medicinal Plants With District Level Farmers/ Collectors", Innovation of Mainstreaming of AYUSH & "365 days Activities at School Level" hawndawna Chandel Indoor Studium ,Chandel in a nei hi. Zia hun a chun, Health Minister in state sung ah kimu Medicinal Plants te pawimaw dan gen in, medicinal plants te chiin hileh farmer te income hawi chuam mama ding ah ginchatna nei a hidan gen in, mun dang ah kimulo Chandel District ah kimu medicinal plants chi 2 um in a um gen hi. National Ayush Mission nuai ah programme hawn thak ah um chu traditional medicinal plant mat thiam ding dawina ziak a hidan le gen in, AYUSH chu Allopathy ding ah supplementary leh complimentary a hi ti’n a gen hi. Zia hun matna chu Parliamentary Secretary S. Subhachandra Singh, MLA Mayang Imphal A/C K. Robindro Singh, MLA Sekmai A/C H. Dingo Singh, DC Chandel Krishna Kumar, Director AYUSH, Manipur A Gunesor Sharma te banah Health and Family Welfare, AYUSH staff leh student tamtak te’n a uap ui.

Truck accident ah mi 1 thi, 1 liam

Imphal, Aug, 11 *(NISIN THUHILTU)* : Noney Police Station a pat km 40 ah gamla, Irang Bridge kiangnai National Highway 37 Imphal Jiribam Road ah tuni’n Tata- truck khat lamthang ah taitha’n tuaksiat a tuak a, ziana a chun mi 1 in thina a tuak a, mi khat in liamna a tuak hi.Tuaksiatna mun chu a kiangnai ah um CRPF leh Assam Rifles personnel te’n del ngal in rescue operation a nei ua, liamna tuaktu chu hospital a tut ui. Himaleh thina tuak leh liamna tuak te hina kichian tak zia thu zik a hi tiang ah hiat a hipuai. A langkhatlam ah Senapati District, Karong leh Senapati kikal in tuni’n loaded truck 2 in accident a tuak ua, himaleh liamna tuak leh thina tuak hiat ding umlo in a kigen hi.

Imphal ah Science City siamdaw pai hiding: Dy. CM

Imphal, Aug, 11 *(NISIN THUHILTU)* : Deputy Chief Minister Yumnam Joykumar Singh in Institute of Bioresources and Sustainable Development (IBSD, Takyelpat, Imphal ah tuni’n khuallian hina tawh Lecture Programmea uap a, ama’n a thugenna a chun, Government in Imphal ah Science City siamdawna ding ah panlakna nei zing a hidan gen in tunung sawtlo ah siamdaw hiding in a gen hi. Science city siamdawna ding ah thiamna nei (experts) te thuhiat hizing a hidan te gen in, District khenkhat ah Science Centres hawn hiding in a gen hi. Zia hun matna a chun, Dr. Manju Sharma, Former Secretary, Department of Biotechnology, Govt. of India in “Biotechnology for Human Welfare” tithupi mang in thugenna a nei a, Director IBSD, Dr. Dinabandhu Sahoo in le hun matna a uap hi.

Workshop on GeM khak hita

Imphal, Aug, 11 *(NISIN THUHILTU)* : Classic Grande, Imphal ah Dept. of IT leh Dept. of Finance, Govt. of Manipur in National Institute for Smart Government tawh kithua ah organized a bawl 2-Day Workshop on Government e-Marketplace (GeM) chu khak in a um hi. A khakna hun chu Deputy Chief Minister Y. Joykumar in a uap a, zia hun a chun Department of Finance, Govt. of Manipur in GeM portal a matna ding tawh kisai MoU suai kai in a um hi.

LBI 9 te kituptak ah a function pawimaw: Minister Biswajit
Imphal, Aug, 11 *(NISIN THUHILTU)* : Commerce and Industry Minister Thongam Biswajit Singh in tuni’n New Secretariat Office, Conference Hall, Imphal ah Trade, Commerce and Industry department official te review meeting a neipi a, zia hun a chun state sung ah Livelihood Business Incubators (LBI) pakua ((9) umte lawting tak ah a function theina ding ah panla chiat ding in hiatsakna a bawl a, India gamsung ah LBIs 20 hawn ah um lak ah Manipur ah 9 hawn ding ah centre in approve a bawl a hina chung ah kituptak ah a function lo a hileh khak ah um thei ding hin a gen hi. Official te chu Manipur Drug and Pharmaceuticals Corporation dinmun kituptak ah enzui ding ah thupiak neikawm in Bishnupur ah Honey Making Machine chu Ukhrul ah kichawn a hidan a taklang hi. Ukhrul a ding Yairipok ah kikawi Oil Extractor Machine for Lemon Grass mat ahi leh hilo dawtna a siam official te’n a dawnhunau a chun matlo ah um hin a gen ua, Ukhrul ah chawn ding ah panlakna um in a gen ui.

Local handlooms & handicraft promote bawl pawimaw: Minister Biswajit

Imphal, Aug, 11 *(NISIN THUHILTU)* : Commerce and Industry Minister Thongam Biswajit Singh in tuni’n Handloom and Handicraft department official te monthly review meeting neipi in schemes chuam chuam chiapi dingdan leh department pawimaw thil te genkhawmna a neipi a, official te chu department nuai ah um clusters te regular tak ah entha zing ding leh kituptak ah a function theina ding ah panla chiat ding in a hiatsak a, yarn card leh weavers I-Card issue bawl ding in a hiatsak bawk hi. MUDRA Scheme tawh kisai ah dawtna a siam Director Lamlee Kamei in a dawnhuna a chun, notice sua ah umta leh panlakna chiatha zing in a gen hi. Minister Biswajit in district zosia ah local handlooms & handicraft promote bawl ding pawimaw a hidan gen in promote bawlna ding ah official te panla ding in a hiatsak a, handlooms & handicraft in masawnna a nei leh tourism lam tiang masawn chuam ding hin a gen hi. Chun, Manipur Dyeing Institute ah Manipur Mechanize Dye House sanna ding panna, Integrated Processing Development Scheme, training leh North Eastern Region Textile Promotion scheme, handicrafts schemes nuai ah Cluster Development Project dinmun te genkhawmna a nei ui.