Tuiphum Pawlpi khat, EBCC Delhi |www.ebccdelhi.org in khateng thukizakna (Nipini nanung a hawmkhiak zel) ‘GAMCHIAM’ kici nei a, huan, Nipini sim a suahkhiak ‘DEW’ (Delhi EBCC Weekly) zong nei hi. GAMCHIAM Vol. XIV| No. 12 (December 30, 2012), p. 4na a suahkhiak hita thugelh leh DEW, nisim 13 January 2013, p. 4na a tuang thugelh nihte tuhun in “bridging the Zomis” thupi-a nei zogamdot.com (zdc) ah taklang dihdih le’ng aci I hi. Thugelh saulou, TOUPA hong piaksate EBCC Delhi context a gelh ahih kawmkawm in, zdc simtute adi’a point khenkhat laak diing/ laak tuak (theihtuak) om khathei ahi cihna tawh hon kipoimawhngaih ahi. Simtute, TOUPA thupha!
MICIH A DIING-A TANCHIN HOIH KIPAHHUAI!
“It is what you accept and practice of God’s Word
that brings blessings to yourself and others”
Rev Langzakham (ex-Principal, GBC) in EBCC Delhi pulpit a thu hong genna khat ah, “Ei Paite-te hi ‘amah eimi hia?’ cih hatte I hi” ci kha hi. Paite pau zang innkuan apan piangkhia a kihih ziakin Rev Kham thugen, akallakin, ngaihtuahna ah honglang thak thei zel hi. Dik sim le bangmai ve e, guai…!? “Amah ei saptuam hia?” cih dotna bang le I kam uah pawt zeuhzeuh..
Laphuaktu James McGranahan in, Aw Khrist ka kha’n Nang ah muta, Nang kia ah a muta… na ci. “Mi Khrist a a-omleh thil siamthak ahong hi, Thil luite a mangta, ngai un, ahong thakta hi,” cih gelh ahilai. Jesu Khrist kia muh (et fenfan) di, Amah’ perspective a thil et diing, Amah vang a siamthakna tang teng innkuan khat ‘Pasian innkuan’ (one family of God in Christ Jesus) hita I vele. Amen?
I thupi teel ‘Micih adiing a tanchin hoih kipahhuai (Good tidings of great joy which will be to all people, NKJV)’, TOUPA Vansawltak kammal (Luka 2: 10b) apan kila ahi. Hiai thu in akawk khak theih tuamtuam om kha diing. Tutung in ahihleh mimal lungsim a honglang dan saulou, khenneu 3 (thum) a khen in, kikum dih ni. Simtute, TOUPA thupha!
(a) MICIH: Laisiangthou Thukhun Lui I et leh, TOUPA Pasian A’ mite lak ah lam ci tuamtuam in na kilak hi – Heb 1:1 a I muh bang in. Tua hunlai ‘Pa Pasian Hun’ zong kici hi. Lei & van, leh a sunga omteng Siampa ahihkawm mah in, Amah citeel/ namteel te tawh kithuah.. A citeel louhte bel vanzat a A zat leh zang hih thawh in A’ kilaakna zong ‘ciangtan a om (restricted)’ abang hi. Hitamaleh Van Pasian mihing hongsuah in (Heb 1:2), hongpiang naungek pen ‘micih’ adi’a hongsuak ahihdan Vansawltak kampau in genkhinzou; Hallelujah! Tua hongpiang Jesu Khrist, ataktak a mu leh hamphatpih James (Jakob) in, “..mi khentuam neikei un, mi khentuam na neih uh leh na hihkhial uhi” (2: 1 & 9) ci hi.
(b) TANCHIN HOIH: Before Christ (BC) kum tamkuam mikim in Pasian hoihna atan hanga a cep kim louh, mikim in hontan theihna di’a Pa hunciam hongtung, a kong hongtu Jesu Khrist hong piang. Hiai thu kan a hoih tanchin hoih dang a omtuan di’a hia maw? Juda & Jentel kideidanna bei, ‘Tapa Pasian Hun’ kipan hita. Wow! Billy Graham in “There is no writer in the evangelical world that I admire and appreciate more” a cih hial, Philip Yancey in a gelh THE JESUS I NEVER KNEW pek 16na-a thu tuang;
When I switched on my computer this morning, Microsoft Windows flashed the date, implicitly acknowledging that, whatever you may believe about it, the birth of Jesus was so important that it split history into two parts. Everything that has ever happened on this planet falls into a category of before Christ or after Christ…. Richard Nixon got carried away with excitement in 1969 when Apollo astronauts first landed on the moon. “It’s the greatest day since Creation!” crowed the president, until Billy Graham solemnly reminded him of Christmas and Easter. By any measure of history Graham was right. This Galilean, who in his lifetime spoke to fewer people than would fill just one of the many stadia Graham has filled, changed the world more than any other person.
(c) KIPAHHUAI: Ka Pa Thang GZT in, “Chinsum, huai (….nupi khat) te khawng in a lampih deldel theih uh Jesu Khrist tanchin hoih ngah/ hamphatpih lawi a I na pankhak laizang uh zaw kipahhuai salaw mahmah hive’ng aw!” honci a, a thugen in sigui teng tawnsuak ngal hi. Khamuanpa ‘Kha Siangthou Pasian Hun’ ah I ding. Tua huhpa Kha Siangthou in micih (aneu-alian, amawl-apil, azawng-ahau…) te tan di’a hongpiang, Jesu Khrist ahihdan thu-le-la leh thil kihihte tungtawn in ahon musak ahon musak hi! Ahihleh, kumbi BC/AD kikhenna tungsak hial pa Jesu Khrist kipahpih in, “Ka Maang leh Tanpa na hi” na cithei (ta) hia? A kipahhuai thil tampite theihna mai hilou, saanna (acceptance) leh, huai I saan zatna/ zuihna (practice) a hamphatpihna kinga om sek dan ahi. Ahi hia-leh?
“…Lungnopna kicing lungnopna Jesu sung om hi lungnopna,
Na neih cia’n JESU NA NEIH CIA’N lungnopna kicing na ngah diing.”
---------
[Kisuah masakna: GAMCHIAM, Vol. XIV| No. 12 (December 30, 2012].
……………………………..
BCD Bungmual:
STANDING IN THE GAP-IV (Count your blessings) OMTA!
A tunga thupi kipia cd album suakthak, Delhi hongtung ahihdan a kihilh leh, Pastor Lian in, “Akipahhuai ve…” ci a, Upa Kaithang in, “BCD Bungmual te hon bawlkhiak albumte atuamna riau khat om ahi,” ci hi. Kipahhuai. Hiai album suakthak ahihleh Standing in the Gap (SITG)-I (Praise and Worship), SITG-II (Khovel in A aw za hen), leh SITG-III (More About Jesus) nung-a hongpawt ahi.
Khawvel khantouhna laka simtel theih STAR TV & Cartoon channel in ei Zomite innsung hong lutkhum (invade) cia’n, tucia’n internet hitouta zaw-mah, ahon tonpih thu/ la & lim te I tate uh lungsim ah belh utlua hi. Naupang lungsim & cement man na tehkhin ua (a belhte kip cetcet), I Laisiangthou in lah, “A paina lampi ah naupang ciil in, huci’n…” na cita. Ei, nu-le-pa leh pi-le-pu dinmun a dingte, Khalam-an a kivaak vah pingpeng hivekloute akipan Khalam-an nek di mu pilou I tate/ tute bel setan vanzat hithei cartoon network/ channel tawh hong kithuah neel mahmahta uhi.
“No God, No Peace; Know God, Know Peace” cih thudik ahihsi leh, cartoon network in lah naupangte tangtawn hinna lampi kawkmuh lou, ei (apaina diing lampi-a)amaute pi dia’ lamet leh mawhpuakna neite’n lah TV/Computer seen (ngensiah) simsim mai; I tate bangsuak di la… Tuabang, I lak lungzinhuai taka dinlai in eilak mahmah apan mi khenkhatte lungsim ah TOUPA Kha in thugen, Cartoon network en a tu linlen naupangte ettheih diing adang (alternative) hongpiang hi. Huai tuh ‘naupangte mah bawl Gospel video album khat-khit-khat a hongpiangte ahi. Toupa hoih hi.
Naupang kipahpih theih or, et ut diing zawng gospel album bawlkhia theihkhakte Zokids, BCD Zenhang Lamka, BCD Hiangtam Lamka, BCD Vengnuam (New Lamka), BCD Delhi, BCD Bungmual, leh adg.dg te panlakna phathuai in phattham zong cing ciat hi. Hibang album te’n gamkeek in, hiaite tungtawn in I tate/ tute’ lutang TOUPA lam ah hei in om seemseemta hen! Jesu’n naupang naute it a…
“Count your blessings” album ah la/ item 12 (sawm-le-nih) om. Tua laka khat, ‘Gumpa sisan’ bang, a la’ gentup (hon sinsak) limcin ciing naupangte’n taklang kha lua uh ahi. Ka tanu neupen (Andria NSL) in ‘Deep Deep’ cih la ngaikawm in, a sa naupangte limcin na ciinpih thei zelzel. Hiai la thu, ka ta/ I ta te lungsim ah hong sungtum deuhdeuh mah heh aw! Naupang pau thei(dek) panpan neite adi’n ‘Toupa Thumna’ la manpha diak leh kilawm. Ah, manphatna neivek la 12 ki-record hilim e; TOUPA’N minthanna ngahta hen!
SITG-IV album, biakinn kaitawp cia’n kong ah muhtheih diing; aman omlou (not priced)! Usher te’n box khat tawh na tutpih diing ua, mahni ngapzah/ lemtang zah khiak di himai. Phutluih bel ahikei hi. A’ la leh thu, banah limcinte Toupa’n thupha hong piaksakta hen!
[Kisuah masakna: DEW, Nipini|13 January 2013].