BANG THU OM HITA AHIA I LAK UA?
Kimbawi' Pa
Facebook ka hong a, sim di thupi khat le ka mu kei hi. Kitahtuahna thu khawng lel a om hi. Internet ah lah tulai i buaina uh toh kisai thugelh muh di a om tam het kei hi. Tulai tak a hiai bang a thu post hangsannapen 'Whattsup' a chih uh ahi pen in ka thei. Huai lah mi teng in a neih louh uh, huai a houlimna omte lah article hiam a post theih di hilou. Ka ning a kitel mahmah hi. Mobile handset bang ah fb va hong kha le sim senglouh, a tamzaw sim tak lou a dim in a om lai hi.
Huaite kia ahi kei, 'fake account' ngen a kizang zawmah hi. Friend request bang le a hong lut ze-zeuh lai hi. Himahleh thudik taklang ut a, thil i post uleh a tak deuh a mi' theih di'n min khawng gelh hileh, chih ka deihdan ahi. I lak ua prominent writer-te uh lah dai vekta. Hangsanna tasam ngen kihita hia le? Hiai hun a i masot theih uh omsun i numeite kia uh maw? Zumhuaina e! 'fake facebook' zang lou in, leh wahttsapp' vel hilou in, ka ngaihdan ahi a, kuamah ka dem kei.
Heutu i hau ua, makai i nei kei uh. Tu hun lawlaw bang a makai kivawkkhe (emerge) di deihhuai mahmah hi. MDC-te' lak ah C T Lian Guite' min a dawk deuh hi. Hilele power piak hilou hi awmtak uh ahi. Nam hamphate a buai hun tak ua a heutu di uh hong piang/kivawkkhia uh ahi. Khovel khangthu a kipan ka gen peih nawn kei. Tua makai bei a om, misi vui di leh vui louh di kikal om lai, kuamah hiai kikal a tangtak (straight) a heutu pang-ngam om lou lai, buaihuai.
Hiai thu i paipihdan uh lamdang ka sa hi. Ei legislatorte uh leh i nampi makaite uh dai (silent). Huaibang kal a Zomi, Kuki,...aduada chia FB hiam, whats up hiam khawng a kitawng. Huai in omzia nei lou. I misite uh vui leh vuilouh a buaihuai ahi kei, kipumkhatna ahi a poimoh. Whether we bury our precious 9 lives who sacrifice their live are to be buried or not is no more the issue; whether we are united in our demand is the issue. Kuama'n thil tampi sawk lou in i maban ua i pai didan uh ngaihtuah detdet le a hoih pen diam?
Phungzathang Tonsing, Thanglianpau leh Vungzagin Valte, chihte ka ngaihtuahna ah a om ban kei. Mipite'n i sum deih uh tawpsan in heutu hoih leh hon makaih theitu di zong le ka deih hi. Facebook khawng hiam, Whatts up khawng hiam ah, hihtheih chih thu in utut post nawn kei le a deihhuai mahmah hi.
Hiai ka thugelh a zadah/hua dite'n sim kei un.