Term insurance toh kisai poimoh ka sakna hong omziak in kon gelh hi. Tax exemption na ding in LIC Policy khawng kihihsek a, mi kiang ah sum assured bangzah hihiam chih ka dot chiang in 20 lakhs sang a tawmzaw hivek hi. A hoihna bel i invest zah bangzah hiam pung a kimukik ding ahihna manpha khat suak a, himahleh i hinkhua “ life” pen Rs 20 lakh sang a niam zaw cover mitampi petmah ki om ahihdan ka musuah hi.
Innsung khat a khat kia lohneite a ding in poimoh diak bang hi. Laisiangthou in zing chiang thu in ki uangsak kei un, ni in bang hon tumpih ding hiam chih na theikei na ua ana chih bang in mihing in maban ah i tuahding kitheikhol hetlou hi. Hinkhua nuampi leng tuahtheih ban ah gintak hetlouh,lungsim a ngaihsut ban hetlouh lungzinna leng tuahtheih ana himawk hi.Tungleng vasate dan a lungsim bei a hon bawl hilou ahihman in Pathian kikepsak kawm a i innkuan hinkhua maban ding eimah in panlak theih tan a panlakna ana poimoh lawtel hi.
Term insurance paidan bel policy dangte banglou in kumteng a i sunzah a pungtoh muh kik chiih omlou hi. Himahleh vangtahna ziak a sihna hiam, poilonna omleh nominee in a khosakna ding sum tampi mu ding hi. A sum pen khosak pihna tham ching hi.
Deihthu sam in innsung a lohnei pen in ahihtheih liai leh term insurance Rs 1 crore beek hih teitei ding ahi.Huai ding in kumkhat a premium Rs 10000 to Rs 20000 kikal hithei hi. A hunchiam sung kum 5 apan kum 40 kikal ei ngap dandan ahi.A premium piaksa pen muhkik chih omlou ahihna pammaih suaksim mahleh i it mahmahte khualna dan in enleng pammaih hetlou hi.Term insurance te ah tax rebate omvek a, IT return file na ding in leng phatuam hi Aziak bel vangtahna ziak in omlouhna nei ta zenzen le chin khosakna lam ah na innkuante buaipha lou ding uhi. LIC etc a i hih te uh kum chinchiang a kimukik mahleh sum assured tawmthei lua hi. Ban ah insurance himhim a way of saving dan a koihlouh hoihpen ahi.
Term insurance toh kisai in a sum assured a tamziak in insurance company ten leng enchian mahmah in insurance bawl uhi. A tangpi in hiai document te hon ngiat ding uhi.
1)ID proof( DL/voter id/govt issued id/PAN card)
2) address proof( rent agreement, ration card/electric bill/phone bill)
3) 3 years Income Tax Return
4) 3 months salary slip
5)Medical Check up at approved centres( A fee pen insurance company ten pedi uh). Medical check up ngailou chihdan te kha hoihtak a etchian a, clause gikpi khat koihgu hinuam mahmah hi. A hihtheih leh medical check up ngiatte mah hoihpen ahi.
I innkuan te adia ei bangzah a manpha i hi a chih ngaihsun thak a, huai hisap a term insurance 1 crore bek bawl din deihsakthu i kihilh ahi.
Zoson is a Certified Insurance Facilitator ,CIF approved by IRDA