AUGUST NI 31 AW, SUIHLUNG NA AWI NA'M?
~Vanlallian Valte
Suanpu leh Zennu toh high school kailai pek a kipan kithei khin ka hi ta uhi. School kaina ki-khat chitchiat kei mahleh student union vaai leh mundang a kaite toh kimawlna – football friendly match te a ki-thuah kha zel ka hi uhi. Amaugel' kitheih patna bel Inter School Sports, 2002 adia school 03 a team te'n practice ka neih khawm na uah ahi. Kei dia lawm hoih ahih tuak man un kimeltheihtuahna ka bawl. Nuihmai hiuhiau a kichibai kawm in amit-hah uh taibuai sim pah mawk hi. Ki-entuah a akimelh kualna lam uah – omna veng leh thildang kidot masak tuak khenkhat maih uhi.
Zingsang khat Coach in numei leh pasal akopkop in football: 'passing shot' leh 'tackling' hon sinsak. Zennu leh Suanpu ki-partner kha zenzen uh akaa. Football ground polam, gamla tham sim lim ah 'ball' va kituh ua; Zennu'n hawlkual ziahziah; Suanpu'n thaikhiak sak zauh; 'ball' tuanden kawm in: "Hmm! Na 'play' ahoih mohkei, himahleh home-work na bawl di tam lai mahmah. Eh! Na sak-face le ase kei ngei! Pawtpih diin sit-huai kei chia!" chiin hem-et heihai hi. Zennu'n, "Zi muzoulou khat a sungkuante'n nungak thohbawl dia hon sawlpa uh nang nana hi maw...lunglel ken, na tuai hetkei. Playground sung leh pua ah khem kual vel baihlam chituak kon sa!" chiin 'ball' pekkhiaksak vut hi!
Zaan khat, Suanpu toh concert enkhin 'Pulsar' ka kick-start de-ded a, ka nunglam a tuang Suanpu'n, "Hua'h, en ve huai ah alawmnu toh ka mu!" chi mawk hi. "Hai te! Alawmnu hith'ah lou in sanggamnu ei ngal ve!" chiin ka dawng hi. A unu'n hong naih a, "Ash! U Lian, na vaangkhiak dan lawmlawm!" chi. Suanpu le kumkhe thauh in Zennu' siang zuan gelgel... athugen uh zabaan kei mahleng kimuhdah chituak lou uhi. Kimuh nawn kaal huaise tak a ngaklah ana hih nilouh dan uh haih vual hilou hi. Khut kilen den ua, mipi lak e chilou; naubang kipom a; hong kitawp chok mawk uh laugu mahleng, bangzen kiloh lou in hong diang phei uhi. Zennu'n, "Pelpol chin! Nang mipa ziak a kou sikul senior boys football teamte a champion louh mawngmawng uh!" chiin ka tal hon kiuh keuh sese!
August ni 31, 2015: Hun leh nite'n ngak nei lou in mualliam zel a, Suanpu zong hihdi tuamtuam nei a Bungmual pha khin hong kilehkiik lam in Tipaimukh Road zui in hong tholhsuk thed-thed hi Mawltual nawl a ngeisok paak in a kawngtan mahmah pha man ta. A cellphone hong ging kelkel.
Zennu: U Suan, nitaklam ann nek ma in mawltual non phakpih man diam? Sunni tumkuan khat, tungleng vasate koplen helhel a giahphual azot diamdiam hun ua i ngeisok paak suan mu nuam lua ing.
Suanpu: Man zenzen e Zen (mineral water aneih lai teng pakkung bul ah buak ging biahbiah, Zennu in zunthak ging di sa hi.)
Zennu: Bang hih naset a? Zunnem le kon naak sak! Gin-omtak in na tuithei lehbut ve leh... (chiin chiamnui hi.)
Suanpu: Zawzen eive, I paak tuilpia ka hi zaw. Keibang chu tua le huai mun a om ka hi...Manipur Government in bill huham leh huaiham 03 olsampiat a apassik uh deihlou a kiphinte Lamka Police Station tan va zui ning in - Zenhang Bazar ah sangman hon lei malam diing ka hi. Singpi sipisial deuh in ana awm in aw... (thakhat in thau hong ging detdet a, Suanpu le rubber bullet hilou, 'live bullet' kapkhak in om hi) ...aaah!
Zennu: U Suan bangchi e, nang bangchi laaa? U Suan ei, na ki-awi ngei e hon dawng ve maw... dah hina tel ing e, bang doh-ai hiam aw!
Lamka District Hospital a Emergency kongtual: Zennu ihmut suak lou hi lou; tawllou hilou pi. Ihmu kawm thei leh tawldam diing hi. Hunlui sapkiik theihna omsun ahi. Himahleh khanloh ngai diing a, zalmang a nunnuam zilna' khonung gu khauhpai sim maithei maw... Thakhat in Zennu omdan hong kikheng guih a, khimtu om bang in hakleng niuniau hi. Suanpu in a besam etlawm lua te zuut thiamthiam in, a biangkii leh bilbah kisiatna bil nunglam tawp ngoihngoih hi. Zennu bel vot sa hi lou piin a neh vuang dedelh a, a khuuk zoipian mawk hi. Muuk nihte kimat ta. Lianu'n a huansung uh, belawi phungbul a nihgel kitawp masak nitaak toh tehkhin hi. Awl in leitual ah akipuk suk ta ngal ua!
Zennu: Ash! Nang zaw thukhel kon sa. Doctor te thu na mang dia, diangkhe den lou in lum hit-hiat lechin hong damkhe pah di na hi. Kitenna dia i gelbawl hun tung di hita eive, U Suan, endih si-al lungtuakte...khaih! na khut vot na dekduk e... bangchi e?"
Suanpu: "Shhh! Na pautam lua! Kon ngailua a haksatna tampi palsat a hongpai ka hi. Hun bichilh lua ahi aw. Ka damta voi! hon enve. Bangmah ka chih louhpi."
(Aliamna teng leh thautang luutna maa damsiang nguttak hi! Suanpu'n a coat sa-khau kipan in zungbuh, amai a lungtang lem kigelh lakhia'n Zennu khutme-u veilam ah golhluut ziau hi "Will you marry me?" chiin.)
Zennu: U Suan, ken lah huaite biakinn sung a ihih di ka sa a!
Suanlpu: Hun nei hileng nuam mah zen ing Zen!
(Tuakkhial singkung dawn a aktalsan khuang dia kisa kimlai thakhat leituai hong kisehna hi. Zennu khanglou guih a, anungzaang hong kizuut thiamthiam hi.)
Suanpu pa: Kihalhsak in bawinu, na U Suan khovel ah omnawnlou hi, salpha zahni! Akisialna mun ah zaal dia chitna neilou ihih chiang un paisan phot mai ngai ahi...bawi kap ken!
Zennu: Hilou ahi paa, denchin mahmah a le kihou ka hi uh. Hongpai ou va zong ni...munkhat a le om kinken thei mahmah sek lou a...U Suan..."
December ni 09 2015 zankim-zankhang in ka diary ah hiai ka gelh hi:
On the historical 100th day of Manipur Tribal Movement against the Government of Manipur passing 03 anti-tribal bills*; seeking justice for the 09 innocent people; and claiming their well deserved separate administration "Coffin Rally from Jantar Mantar to Parliament Street, New Delhi; the weather was cold, and a little bit windy. However, drizzling drops of rain was not powerful enough to disperse the crowd, to make tribal folks run away from the streets and seek the nearest shelter. The scene became even bleaker, but not the justice seekers. Yet it wasn't able to break the newfound will of this nation's youth standing united for a cause. How could a spell of rain (even if it rains) break those who'd already prepared themselves to face the monstrous water cannons, lathis or teargas? Besides, they were anyway waiting for the rain... blessings from up above. An efficient leader gave a speech. A few moments of silence were what the audience needed to understand and digest all that he stood for. There were simply no ifs and buts in the issue. It was the plain naked truth. When you don't fight against evil, you too are to be blamed as much as the evil itself. You've got two choices: Accept it or fight it out! A man uttered, "Well, you couldn't live in Rome and fight with the Pope!" A tribal guy sang a song he himself composed: "MY MOTHER LAND!"
* (The Protection of Manipur Peoples (PMP) Bill, 2015; the Manipur Land Revenue & Land Reforms (MLR&R) (7th Amendment) Bill 2015 and; the Manipur Shops and Establishment (MS&E) (2nd Amendment) Bill 2015)