Need of the Hour: Face of the Movement
By Ninglun Hanghal, Columnist Zogam.com

I gam thubuaina uh kaal thum bang pailiam ding ahi ta. Himahleh buaina in hoihlam nawt nailou diing abang hi. Huai sangmah in buai lam manawh zaw sem leh kilawm hi.

Buaina ziak in mipi in haksatna tamtak a tuakta chih kuaman ahaih kei. Banah, heutute leng gim leh tawl in a om uh chih leeng haih vuallouh ahi.

Mimal kihou na leh, social network khong a kigen vengvungte apat a ngaihdan hong pawt khenkhatte: Heutute mawhsakna atam mahmah.Kisit mahmah chiat leh kideihkhoplou tuah. Organization leh pawl tuamtuam, eilamte "typical character" chihmahtak , tam petmah, banah ombeh zomah. Min a buai pawl lah beilou. Hun lemchang sa hileh kilawm a pang bang om hileh kilawm.

A issue peen larger perspective a suklet diing dan bang buaipih, himahleh focus leh specific hong ngaihna hong lian semsem.

Hiai bill thum tungtang a 'uprising' peen mipi hitaleh heutute diing in thakhat a thiltung ahih man in a kuakua ki kiguih simvek ahi. Banah,non political mahmah mite i hih ziak un kei na muhdan in 'people's movement' or 'people's uprising' pen mansiamlou deuh i hi di aw chih sim in om hi.

Mipi thangpaihna leh lungkimlouhna hong puakzaak pen capitalized sawm vek zaw hi hang, himahleh thilteng hong ki mixed up in confusion om sim panta. Unity chih peen achievement khat hongsuak in, mun khat a ding khawm, demand kibang chi in tuni tan in ki omthei hamham hi. Himahleh hiai unity pen "movement" hilou ahi.

Movement i chih chiang in a omsa thilkhat pen khekkhiat – kheklamdang diing – " for change" chih ahi. People's movement i chih chiang in – minautaangte ( common men / women) apan a hong kipan movement te genna ahi.

Uprising leh people's movement hong kipat chiang in 'face of the movement' khat hong om hi. Etsakna diing in India a "contemporary movement" a kigen minthang peen "narmada bachao andolan" Narmada movement pen, adivasi (tribal) central west India lak a te, Narmada Dam in a nawkkhak ziak a 'displaced' a omte movement ahi. Hiai movement pen "Medha Patkar" chih min toh synonymous mawk hi. (Narmada movement chihchu Medha Patkar chihna himai chihdan in). Huailou in Anti-corruption movement haat mahmah pen Anna Hazare min toh synonymous nawn leuleu hi. Amah zoh in Arvind Kejriwal, tua Delhi CM pa hong hi nawn hi. Tunai mahmah a "reservation for patels" te protest na en lehang, kum 22 a upa Hardik Patel mel hong kilang diing hi.

I gennop ahihleh, movement himhim in "image" khat a neih hiam ahih kei leh mimal khat min hiam toh aki zui gige hi. Hiai image - mimal pen in a movement pen bangtan hiam pi khit chiang in 'back stage" lamah nakihem khe nawn hi. Ahih keileh image dang in na ki evolve nawn hi.

Bang teng gen vengvung mahleh hang, i vekpi a i buaipih pen leh hon lungngaihsak pen chu, tu lelel a "momentum" leh kiphinna peen "bangchi sustain diing" chih miteng lunghimoh ahi.

Movement chi a i tangkoupih diing leh, movement chi a i sustain diing "face of the movement" a poimoh mahmah. Hiai pen a mi mahmah ahih ngai hi. Hiai pen "organization" in hon zuilel diing ahi. Democratic tak a pai in "dissent" om chi mahleh hang movement taktak pen a mel (face) mi chiamteh theih leh mi muhtheih ahih ngai ahi. Naupang in leng a mel atheih diing leh "by-heart" theih ahih ngai ahi.

Hiai diing in kum a poimoh kei a, laisiam na leng a poimoh pen kei. Mimal a hong suak diing ahi a, banah 'organisation' a pat ahong ki developed diing leng ahi sam kei. Movement a spontaneous mah bang in a movement "mel" leh puam ding leng spontaneous diing ahi. Huai diing in a kua peuhmah, adiak in a omsa organizationte a lampi daltu himai lou in evolve sak tu in pangthei chiat leng movement sustain na hong hi diing in ka ging ta mahmah hi. "Heutu te" chih sang mah "heutupa" chih pen hong piangthei leh chih huai mahmah. Huai in movement hatsak ding a, sustain thei diing hi.