Mizogam, Sialkal taang dung a kholui leh minthang mahmah Mimbung khua ah 1930 kum in Pa Guite Tuahvung leh nu Thuangkhochin te goutan, a 5na ding in a piang hi. Aneulai ua sihsante simlouh in unau pasal 6 leh numei 4 ahi uhi. A ute: Vialzachin, Thangtuang, Tuangkhojam, niankhovung, Phalkhup leh anaute Nokzaching leh chinkhanthang ten tangtawn gam ah honna khawlsan ta uhi. Evan. G. Thangkhanpau leh nu Kimkhomante damlai uhi.
Mimbung apan Singngat khua ah bangtan hiam a khosak nung un Mission Compound ah teng uhi. Hiai khua apan Pearson khua ah pemlut ua, tuazoh in New Lamka ah ahun nanungpen tan teng hi.
Mrs. Mankhochiin, Songtal Hausa’ tanu toh Singngat khua a Upa G. Khamkhothang’ inn ah Pastor (L) Goukholian in February 4, 1954 in Dansiangthou a kitensakna nei in gawm hi.
1984 kum in Zunkhum nei ahihlam kithei khia a, damdawi sing leh lou akibawl, chemical tel a kibawl, mi gen a gintak liai teng a nek banah nasatak a akideek ziak in kum 30 phial kikem zou hi. March Nipikal nihna 2012 vel in kipuk a, huainung kholai pawt zou nonlou a, inn ah asihni dong kikem in om hi. Jan. 6, 2013 dak 1:10om in I muan leh anna asep, Pathian kiangah tawldamta hi.
Pathian vualzawlna a goutante:
Mr. T. Vungkholian Guite h/o Mrs. Ngaikhum & (L) Mrs. Chingzangai (Tapa 5 leh Tanu 7)
Mr. JB Thang Guite h/o Mrs. Lalrinliani (Tapa 2 leh Tanu 1)
Mrs. Vungkhawlching w/o Rev Khamkholun (Tapa 3 leh Tanu 3)
Mrs. Vungthianching w/o Upa H Goukhanchin (Tapa 2 leh Tanu 1)
Mrs. Lianzaniang w/o (L) Mr. Thangchungnung (tapa 1)
Mr. JH Ginmung Guite h/o Mrs VL Roui (Tapa 3)
Atate tungtawn in Tu 28 (pasal 16 leh numei 12) mel a muh banah, Tusawn 14 (pasal 7 leh numei 7) mel mu hi.
Laisinna:
1946: Mimbung leh Munpi a Pawl 1 leh pawl 2 a sinna ban sunzom in Hansip Govt. School ah hiai kum in pawl 3 zou hi.
1947-1952: Mission Compound ah pawl 4 apan pawl 8 tan sim a, Bible school ah leng sawtlou kai man hi.
1954-1957: Pu Paddockte nupa deihsakna leh genpihna ziak in pawl 10 zou leng hilou na pi in, Union Biblical Seminary (UBS), Yeotmal ah Bible (G.Th) zil hi. Pawl 10 azohlouh ziak in G. Th pe theilou ua, 1964 a pawl 10 a zoh in kuanthak a G. Th zou hi.
1962: Mission Compound High School apan pawl 10 zou hi.
1969: Sielmat College akipan BA azou hi.
1986: Union biblical Seminary (UBS), Pune, Maharastra apan Bachelor of Divinity (BD) zou hi.
1997: Evangel Christian University of America apan in thesis “How to study Bible” chih agelh tungtawn in Doctor of Ministry degree ngah hi.
Nasepna:
1957-1981: Mission Compound ah School leh Dinwidi Bible School ah semkhawm hi.
1971: Pastor ding in Pastor PK Englian in ECC Khawmpilian, Mualnuam ah ordain in om hi.
1981-1997: Principal, Grace Bible College, New Lamka ah sem hi. (Rev. Kaizasong sepsung 1983-1987 chihlouh, a retired matan a sem hi)
1985-1986: Lamka ah District Superintendant (DS), ECC in pang hi.
1987: Principal, Grace Bible College apan pension hi.
2008: Amah translator hihna in Paite Holy Bible (BSI IInd Edition) honkhiak in om hi.
Gamdang a khualzinna:
1990: GBC toh kisai in London, uK ah
1993: ATA Conference at Bangkok, Thailand.
Pawl tuam tuam a kizatkhaknate:
Secretary, Dorka pawl (1973-1975)
Editor, Khristian Thukizakna
General Director, YCAR (KNP/BCD) (1967)
President, Bible Society of India, CCpur Branch
President, Paite Literature Society
Finance Secretary, ECC/EBC (1960-1975)
Treasurer, SHALOM
Treasurer, Mission Workers Pensioner Assn.
Treasurer, Christian Guardian Assn.
Member, Board of Trustees, EBC
Member, School Committee, EBC (1965)
Member, Evangelical Literature Committee (1966)
Chairman, Convention Music Committee (1968-1977)
Founder member, Convention Press
A Laibu gelhkhiakte:
Bible a Numei Sawmnga te (1969)
Bible Tangthu Bu khatna (1962)
Bible Thu Tangpi
Bible Thuhilh poimoh Bu Nihna (1967)
Bible Tungtang Thu (1977)
Bible zilna Kongpi No. 1 (1977)
Exodus, Pawtkhiakna, Laibu suina bu Nihna (1981)
Halhna
Hindan Hoih Bu 5na (1989)
Hebrute (1976)
I & II Peter & Juda Laikhakte Suina (1977)
I & II Timothi, Tita & Philemon Suina (1975)
Intermediate, Laihawl Pawl Zillai Bu
Itna Lamdang (1963)
Khristian Hinkhua Bulphuh & Kipsakna dia Poimohte (2003)
Khristian Innkuan
Kilakna Suina (1978)
Lungsim Damdai (1964)
Naupang heutu Panpihtu (1981)
Nehemia Suina (1978)
Niteng hanta (1992 apan kumteng in)
Niteng Mana (1966)
Pai-Hin-Lish (1992)
Paite Pau Sinna (1993)
Panpihtu (1976)
Panpihtu Nihna (1977)
Philipi & Kolosa Hilhchianbu (1973)
Ruthi & Esther Suina (1977)
Tangthu Hing (Thukhunlui Tangthu) 1989
Tangthu Hing bu Khatna (1977)
Thukhunlui Tangthu (1966)
Toupa Jesu gentehnate (1969)
YCAR Kikhopna Pitu (1969)