SIKTUI FOUNDATION TRUST (SFT) TEAM TEN DELHI AH KITHUAHKHAWMNA NEI

Nisim 24 July 2021 ni in Lamka khopi pansan a ‘Siktui Foundation Trust (SFT) Team’ – Restoring Hope, a General Headquarters a makai ten India phualpi mun Delhi ah, amau kalsuanna leh nasepna a ngainatu tuamtuam te Green Park mun ah nitak dak 5:30 pm apan ngaihdan lakkhawmna leh kikupna hun zatkhawmna manphatak mai neihpih uhi. SFT GHQ Team hong zinte ahihleh Pu M Gouzamang Guite, Chairman-SFT; Pi Manthiannem, Proprietor - Siktui Farms & Resorts (SFR) and Siktui Package Drinking Water (SPDW); Pi Mawi Thomte; Pi C Lunkim; Pu Kamsanglian leh Pu Lianzamuan Tonsing te hi uhi.

SFT Team toh Kithuahkhawmna hun poimohtak kaihuaitu ding in Delhi a pansan a om Pu Richard Hau Tunglut in pan ana la a, hiai hun kemtu ding in Pu Suanmuanlian Tonsing pang hi.

Hun patna thumna Pastor Thuamminlian Guite, EBCC Delhi in neih khit phet in, Pi Manthiannem, Proprietor, SFR and SPDW, in pulakna thugenna hun nei a, aman Siktui Foundation Trust (SFT) hong piang khiakdan taklatna nei hi. Amah genna apan SFT ding toh kisai a kimuhkhawmna January 23, 2020 ni in SFT General Headquarter in formation meeting masakna pen ding in Lamka a SSA Resiazdential School mun ah genkhopna nei in om hi. SFT in Aizawl ah Headquarter, huai banah Shillong leh Delhi khopi ah Branch nei ahih dan gen hi. Pi Nem in ‘Siamsinna lam ngaih poimohna ziaka hiai bang hong kipan khia hi a, huai om dan ahihleh, migenthei haksa siamsin ut mahmah himahleh siamsinna nei zouloute khualna kidinkhia’ ahihdan gen hi.

Huai zom in, Pu Gouzamang Guite, Ex-EM, ADCC, Chairman, Siktui Foundation Trust (SFT) in ah Delhi leh khopi tuamtuam a Pathian vualzawlna i tante, i tanau laina hiam, a genthei leh haksa khat hia? ahihkeileh laisim zoulou khat hiam, laisiamna leh lohchin theihna ding in, banghiam i pekhe thei diam? chih lampang tawisang ut ahihdan gen hi. Pu Mang in High School a kailai atup (1) government ah sepna neihlouh ding, (2) mahni kitoudelh theih di, huai khit chianga (3) mipi na sep di, chi te Pathian in a lohchinsak ahihdan gen hi. Pathian vualzawlna a donte ziak in Lamka Real Estate Agency, Siktui Package Drinking Water leh Siktui Farms & Resorts chihte a pat khiak dan hon gen a,  hiai vualzawlna te pansan in, siamsinna lama kal sangzaw a panlakna theihna ding ngim in SSA Residential School, Khominthang, New Lamka a ding gam bang pekhia in, puahna ding pan nasatak lalel ahihdan leng gen hi. Hiaite banah, Siktui Farms & Resorts pansan a ‘DISTRICT SCIENCE CENTRE & PLANETARIUM’ leh ‘HELIPAD’ om theihna dia a panlak dan tuamtuamte paikhawmte laka pulakna ah gen hi.

Seh a om bang in Pu Biaklun Shoute, Advisor-SFT & President-DPI, Delhi leh Pu Lamlun, President-YPA, Delhi ten Pu Mang Guite heu a Siktui Foundation Trust (SFT) te kalsuanna leh panlaknate phathuai ahihdan in ahong lohchin touh zel uh deihsakna thu gen uhi. Sepna toh kisai a manzohlouh neih ziak in Pu Thangzamung Tonsing, President-SSPP, JHQ Delhi hong tel theikei mah leh, aman leng SFT adding message hon khak hi.

Paikhawmte lam apan thukup leh dotnop te dotna leh dawnna poimoh taktak kikup hun ah, YPA Delhi te PA System kizanglel pen a ginatlouh sim ziak in, a thak leisak ding ahihdan leng gen hi.

Hiai kimuhkhawmna a kikupna hun ah, SFT, GHQ Team, Lamka te thusun pansan in ‘Siktui Foundation Trust (SFT),  Joint Headquarters (JHQ), Delhi’ chih phuan in om a, paikhawmte lak a pan ah Advisor nih tel in, SFT, JHQ-Delhi vaipaw ding mi giat seh khiak in om ngal hi. Huai banah, SFT-JHQ, Delhi te vanzat poimoh leh ainahphah ding in Pu Mang in, SFT-GHQ, Delhi in Car thak (Hyundai Grand i10 Nios) leng piak khiakna leng nei ngal hi.

Hun zat sung, a vangkim in Ng Nemsiam leh Nu Florence Sonkim ten gam ngaihla siamtak mai a awi in paikhawmte hong limsak mahmah hi.

Houlimna nuamtak zat khit in, Pastor Nelson Thang Khan Lal, ZCF Delhi in Thumna toh annkuang latna nei in hun khak hi.

Paikhawm teng in limtak leh taitak in Red Chilli Restaurant te bawl annekhawmna neih zoh kikhen in om hi.

 

- Z⭕GAM.C🌎M, Media Partner

Limlak Khenkhat:

 

Vidoe Live Coverage - Goupi Langel  
Link - https://youtu.be/iDhRkSOTVAI?t=1079