Khota lian lou chik gari tung zohlouh na ah nupa khat in ta 12 nei hi (numei 6 leh pasal guk, alian pen2 pasal) huaite lak a khat tuh muamuan kichi om hi. Muamuan ahih leh a unau lak ua a naupang pen ahih ban ah a u te suan pen leh muan pen ahi. Muamuan ahih leh mi fel leh tai ma mahmah khat ahi, hih di om nak leh phun lou pau lou sem hi, sem di lin chih a nei ngei kei bok hi. Lawm ngaina mi ahi a lawm le ahau hi, a lawmte toh sun chia lou a kuan louh chiang un kimawl in khotaai zel uhi. Hichia mi nuamsa leh hin kho nawp tak zang mi khat ahi hi. Muamuan kum 10 aphak in a u pen2 in zi hon nei in Lamka ah hon pem uhi. Muamuan bel fel gen tak louh in leng skul kai nuam mah2 khat ahi. Amah leng skul kai ut na ziak in a nu leh pa ten Lamka lam ah koih a sawm uhi. Himahleh amah bel lawm ngai na mah2 khat ahih na toh a lawm te khel lah lua in a ut hetkei thep thup zel hi. A nu leh pa te'n leng a koih khiak theih na lampi zong zong uhi, himah leh lawmte itna lian lua ahih man in a khoih khe zoukei uhi. Huchi'n zingkal khat tuh nidang zingkal bang lou deu in huih te nung hiau2 in, khua te nim sim in aom hi, a nu leh pa ten a lawmte toh a khen zoh louh uh muamuan tuh a pate toh zin ding in ah hon kuan khiak sawm uhi, aman leng bang mah theilou in a lawmte kiah bang zinpak kon puak dia chi khong in aki hou uhi. Huci'n Lamka lam ma noh in a hon pai ta uhi.

Huci'n ah nikhat veng2 hon pai nung un Lamka hon tung ua, a u te in ah atung uhi. Huci'n ah apa ten leng kal nih di vel khong Lamka ah a om pih nung un pai hon sawm ta uhi. Huci'n muamuan leng ut in kap in akap mai hi. Himahleh a nu leh pa ten a skul kai ding uh a deih sak ziak in itluat man in kholam ah apai san uhi. Huchin muamuan tuh Lamka ah omta hi. Nitak khua hon mui kuan chiang bang in nu te ngai khong in khittui nul kawm in a om zel hi. Muamuan tuh Lamka a skul kai ding ahi ta mai hi. Amah leng ute mit mei veng ding gen tak louh a u zi mit mei veng ngai ahih na ah haksa asah mah mah hi. A u zi hi khel chih tak in a khel hi, thil a hih peuh ah phun san in a nasep na peuh ah aphun na di kia zong hi.Huchi kawmkal ah muamuan tuh Lamka a skul khat ah hon admit ta uhi. Skul a hon kai char char mai hi, u te in a om himah leh sikha bang mai in a omsak uhi. A hih nawp louh teng uh hih,sep nop louh teng uh sem, a nau dong uh bang, puan sawp bang thil chikim in a sem sak uhi. Huchi kawm kawm inleng lai a lung lut ahi man in lai sim na di hun bang nei zou thou thou hi. Hichin ah nu leh pa kal a om lou in ute kiang himah leh haksa tak in om hi. A nu leh pa ngaih ni tam in tam hi thei hi. Lamka ah leng lawm ah hon nei sam hi. PATHIAN ni kikhop di bang aphal kei uh a ziak bel amau lekha den ludo chih khong kimawl ut ahih chiang ua nau don di omlou incin huai nau don dia deih ziak in kikhom sak ngeilou uhi.

Huci in ah ahin khua hon zang tou2 hi a lungim thei mah mah a, a tawl thei mah mah hi, himahleh kua mah kia share ngam lou in a om hi. Aman bel mi kiang a share sang in PATHIAN mah chi in ahaksatna teng Pathian kiang a tun zel hi. Nikhat hi ann ne hak lua uh ahi man un aman nau an apiak kal in a sungkuan ten an ana nek san uhi. Aman leng nau an pe zou an ne dia aki sak leh an kang khat kia ana om hi, aman leng an bei hia a chih leh huai a omteng hi mai chi kawm in pawt san ua, nau an sawt pelua hi ve chin mi nek hut lap ngeilou ann om zah2 na nek ngai ahi chi in han khum zomah lai uhi. Amah leng a gil kial lua ahih man in huai a ankang om teng a ne suk mai hi, kuaman lah huan thak in chilou uh ahih chiang in huan thak ngam lou hi. Kuan hon silh a lah sil kin deuh ve chia noh hi zel. A hih nalam teng a phunsan tuak amah leng doh zou tak in om hi.

Nikhat leng hon damlou hi khosik in hon om hi damdoi a nget a leh a u zi in damdoi i chih khong hiai a top hilou ahi chi kawm in pelou hi, don tu ding neilou a aom lai in ah Pathian in amah ging te adia lampi a bawl sak bang in ah muamuan a di leng bawl sak in a inn pam a nu thoih khat in heh pih mah2 in damdoi va pia hi. Hucin a muamuan leng a damdoi nek in zou in hon dam deuh hi. Huchia meithai nu in damdoi a piak a sung ten a theih tak in muamuan heh in heh san in damdoi na deih leh na hon ngen kei dia chi in han in han san uhi. Amah leng thuak zou nawn lou in ah guk in a kap hi. Panpih tu ding neilou a aom lai in meithai nu in panpih zel hi. Hichi in ah a hinkhua te haksa tak in hon zang tou hi. Aman leng alai sim te sim tou zel zel in a hun awng kal lak a lai asim louh chiah Bible sim zel hi. Skul a exam hon hut dek dek ta himahleh lai sim sak ut lou uh hileh kilawm khop in laisim na hun ding le ape man ngeikei uhi

Nau a don louh chiah tui khai, an huan, inn zut puan sawp hi.Skul leng kai man chang chang in skul timing leng lap ngeilou hi. A vangphat na mah mah chuh a inn gei ua meithai nu a skul ua teacher ana hi kha geih hi zomah inchin skul timing khong alap louh chiah amam skul authority te kiah gen sak in skul khong lut in kai thei hi. Mi in a omleng hilou a ute in a om himah leh silh leh ten bang mah guan ngeilou uhi. Pathian ni puan nak di leng neilou in a lawm ten a Pathian ni puan nak di leng apiak louh chiang in lei sak zel uhi. Huchi in a lawm te hoih thei mah mah in a hehpih thei mah mah uhi. Aman leng a lawmte deih in deih sak hi, amah bel lai huchi siam kei mah leh misang in siam zaw deuh hi. Lai chuh hih thei sim mah mah in ah a lawmte huai a pan pih om theih a sun sun chi in a lawmte khong lai atheih siamlouh te a hilh zel hi. Kum 13 aphak tak in paul 3 zir pan hi himah leh a lawmte bel kum tawm chik2 ahi uhi. A u pa zi hi chalak in a chalak hi, muamuan u pa a om chiang in muamuan hoih in hoih bawl a, a om louh chiang in gel in gel gawt hi. A u pa pen chuh sepaih ahih ziak in a hun tam zaw inn ah omlou hi.

Hichi'n kum hon pai a Muamuan in laisim na di hun hon neikei deuh2 hi, himah leh fail ngeilou hi, himah leh a damlouh ziak in hon fail kha zen zen hi. Huai a hon fail tak in a u pa zi pen in lai lah siamlou skul le nakai nawn louh di. Na skul kai man le om kei chi'n hankhum hi, huchia hankhum lai in meithai nu valut in a u pa zi kiah hinchi'n va chi hi "khovel a laisiam pen le na in uah om leh le a fail di". Hiai ava gen leh a u pa zi tangtel sihtan mah bang in heh chih tak in heh a meithai nu toh hon kina uhi.Muamuan inle haksa sa na pi in a nu te kiang ah lah gen ngam kei hi aziak bel a u pa om chia hoih a hoih bawl ahih ziak in a nu ten le a haksat na di om ken teh chi uhi. A guk in a kap ni a tam thei mah2 hi.Hici'n tutan in a hinkhua a haksa den kei mah leh nidang a ahaksat na te phawk in mi huchia om kha a muh chiah hehpih mah2 hi.Tun amah officer khat ahi hinkhua nawp tak in zangta hi.

Note: Hiai a tung a story kigelh pen bang a ei student te tam zaw tham ki omlou di i hih man in nu leh pa kal a om a skul kai te hah pan mah mah kul hi. Challenging mah mah khat ahi ei adia.

I story gelh tung tawn in mitam tak in i hamphat pih leng ka ging hi.