NU LEH PA THUMANG A NAH LOH PEEK

- McMuan Sona Ngaihte

Naupang lai khawng a Sunday Skul ah laa a i na sak2 sek uh..

" Aw naupang te na ngai dih ua, i Toupan i thuchiam hon pia. Lei ah damsawt ding na ut a, mihoih mi khat na hih nop leh. Toupa ah na Nu leh na Pa te thumang in, na Nu na Pa zah in, heutu te zahtak in, tua chiang in hon domsang tou ding hi. Tuabek hi lou lei ah zong na damsawt di uh hi..

Huai lai khawng a a meaning dik tak, a gen ut dik tak zaw ana kithei chian tak2 lou ana hilim aka.

Bang chi tuk in laisiam kisa in, pil kisa in, hausa kisa in, che thei kisa in, melhoih kisa tawk le hang le.. Nu leh Pa te thumang louh zaw gentheih haksatna kipatna bulpi ana hi tak2 dan ahi.

Ah.. Nou theih na a khanglui law ta ngal voi, huai te applicable non lou eive..Tulai dinmun toh a kituak non ngal sam a le.. Nou hun lai toh kou hun lai i tehkak thei ngal di hia zozen mah2 geuh.. Chi het kei ni.. Na thring law ngal uh, tulai standard toh kituak deuh in na ngaihtuah na uh le changkang sak deuh un.. Chi dan khawng in simmoh bawl het kei ni... Den chiang in Pathian i suthangpai kha2 di uh. Nu leh Pa te thumang lou, thu la lou a mahni hoihsak dan a pai mihing zaw chikmah chiang in a damsung a lohching ngei kei him2 di. Lohching na khat zaw i hon nei kha maithei, bang chi dan hiam in zaw sum leh pai i hon hau kha maithei.. Hilele huai ten sawt a daih kei him2 di chih 100% ka chi ngam.

Na lungsim in le na Nu leh Pa min na gense het kei hial di. Na lungsim in le na simmoh het kei hial di, Pathian in i lungsim teng2 thei thou2 ahi.
Khovel kipei2 ahi. Na Nu leh Pa na simmoh ngei2 leh nikhat tei nang le Zi/Pasal leh Ta na hon neih hun a hong tung dia, na Zi/Pasal leh Tate'n nang le a hon simmoh hun chiang un na kipak diam? Na tuhgah at himai di na hi, na kisik dia lah a kikhel khin daih ta dia.. Kisik in khitui luang zen in ngaihdam na ngen dia lah sap kik theih ahi non ta kei dia..
Nu leh Pa te bangchi tuk in mawl in, hai in, lai thei lou, sim thei lou, gelh thei lou, gas na tawm on thei lou, TV remote na ngawn a om zia thei lou a mawl hi tawk le uh le maw simmoh het kei ni. Pathian zakdah pen2 lak a khat ahi. I leitung Pathian uh ahi.

Mi lak kipawl khawm na hiam, kholak khawng hiam ah na Nu leh Pa na muh chiang in bang chi bang puan silh in trop tawk le uh le maw.. Zumpih kei hial in, musit het ken.. A pawlang in zaw na lang sak kei maithei, na lungsim guk a na sit hiam, na zumpih hiam ahih ngei2 lele Pathian in na lungsim thei lah het lou ahi.
Bible ah le tampi vei mah2 a kigen hi, na Nu leh Pa te uh thumang un, zahtak un, na Nu leh Pa simmoh ken..tampi a kigelh i muh2 sa uh ahi.

I hun pai sa ah i Nu leh Pa te i na simmoh kha ahi maithei, a thu uh ana mang lou a eimah thu2, eimah hoihsak dan kia ana zui i na hi kha maithei. Pai veng2 in la na Nu leh Pa kiang ah NGAIHDAM va ngen le chin maw.. A kipah di dan uh, BETTER LATE THAN NEVER zekai lua chih om lou hial ahi. Nang le na kipak dia, na Nu leh Pa le a kipak mah2 ding ua.. Na hinkhia ah kikhek na a hong tung louh tak a leh ka chi ngam ahi.
Mother's Day, Father's Day ni khawng chiang a social media peuh khawng ah thuhoih pi2 gelh in post ziah2.. A hoih lou zaw chi het khang, nak hoih lua.. Hilele huai sang a manpha zaw dia ka gintak chu maw.. A mau mai mah2 ah i it dan, a manphat dan uh va gen le hang.. A kipahna uh khitui a luang louh tak a leh ka chi ngam lai hi. Hiai dan a hih ngei i lak uah mi bangzah i om di ua aw chi leng i tam het kei ding un a gintak huai. Tukum bei ding ahi ta a.. A beima ngei2 in hoihtak in kingaihtuah thak ni uh maw. Kum thak ah i Nu leh Pa te uh tua sang a it zaw sem ding, a thu uh mang zaw sem ding in pan la thak chiat ni.

Hiai leitung ah khualzin lel i hi ua, i tomkha damsung uh lohching tak, hausa tak, nuam sa tak a hinkhua zang ut ngen i hi uh.. Huai teng2 a hong kipatna bel i leitung Pathian uh i Nu leh Pa te apat ana hi zaw ahi.