Lamka A Pawl Tamtak Te Hih Dan Tawpsan Tuak | By Chin Guite
Lamka khawpi sunga pawl tuamtuam tamtak omte sum dondan te uh etin pawl tamtakte BAN/BLACKLIST theih ding khopa kilawmlou a gamta tampi omding in uphuai hi. Manipur land of Presidents chia om dungzui in Manipur sungah pawl leh organisation tuamtuam Saptuam ah hita in khotang ah hitaleh pawl tamlua lopetmah hi. Etsak nading in: Nupi pawl,Mission pawl,Building Committee pawl,Naupang pawl,Youth club,Young Assn,Women Assn,Ex-servicemen,human right,women welfare,social media group leh society tuamtuam igam pumdim hi.
Hiaite asia chizenzen kei, thil phatuam ngen sem a om ahi uh, ahihziakin aninhuai namahmah khatuh chuh afund raise dan uh ahi.Mundang gamdang a fund va raise louin eilak mah ah honluh uhi, thil bangbang hiam honzuak uhi,asia hetkei ahihdi mah uhleng ahi fundraise theihna om sunsun, ahihziakin avan RATE pen uh bazaar a sanga tamzaw tham (3/4 atamzaw), huaileng ideih leh deihlouh genphak ding hilou miten kisuanlah taka a koihin, mi pia teitei sek uhi.
Aleitu dite utna consent omlou a hichi bang a thil kileisak teitei chihte tulai huna dingin thil zumhuai tawp khawk khat, mol huailua lehkha thei loute nasep dan ahihdan heutu ten iphok thakuh poimawh petmah hi. Western society ahleng hichi bang non govt pawl tuamtuam ading sumzon atam hi. Ahihziak in amau bel van azuak ua lehleng bazaar a manzah sanga nuam zaw bang-ahihkeileh bazaar azah tawh kikim in zuak uhi. Huchi in miten charitable org te a ahihziakin phatuam ngaina ziak in leisak uhi.
Eilam aten bel ipoimah leng hi lou, manngellouh dingkhat van bangbang hiam zuak mawk uhi.huaileng mantampipi in etsakna dingin: Calender – tuchiang in calendar banga leihial angaihna apoimawh vak non kei,company free gift khat I neih le hunzaak- Music Album mikhat a ut teng honkhum hong zuakuh- ingai nop lam hia hilou mileisak mawk,T-shirt leh lehkha bu bang leng I deih hia deih lou chih om lou in mi leisak tum tei tei uh.Hichibang tum teitei mimal khenkhat,pawl,society leh organization te BAN/BLACKLIST hoih mahmah ding hi.
Hichiin tuban fundraise tuten thil azuakua lehleng bazaar a sanga tam manzaw louh ding, alei tu teleng kipak ding,alei zonailou teleng kisuang lah lolou deuh ding hi.Alei tu ten adeih mah uh,apoimawh mah uh bazaar a leisang a phatuam ngaihna leisak hong suakta dinga I society uh hong fair tuan mahmah ding hi.
Atangpi in ei lawi in sum-leh-pai izon chiangin ithupi uh tomchik sunga tampi muhding chih ahi, septam a muhtam isom kei himhim uhi. Tulel a i fund raise dan te pen uhleng hiai model mah ahi baihlamtaka sum atam muhsawm na pen in - phuutluih kampau leh sumkhaih khawm pen extortion tawh kilamdang lou ahi.
Hichibang ahihziakin tuban kuapeuh public a fundraise bawl ding ten sumdawn dan kilawm loute tawpsan a, sumdon nahoih zaw/kilawm zaw tampi omte zang a fund te hon raise ta ding in ilamen hi.
[from Zogam.com FB group]
.