TUAILAITE LAK A DEIHSAKNA THUGEN
Huai Khan Ching
President, TBDF
EBCC-Central Delhi

Baptist Youth Fellowship saina a melthakte vaidawnna hun tarik 11th Au¬gust, 2013 a i biakinn uh, Christ Methodist Church a EBCC-CD biak khawm¬na a, Tuailai heutute deih sakna ziaka, sharing hun piaka ka om hun a, dei¬hsakna thugen tamlou ka hon tak lang thak ding.

Tuailai/Student te a dia awlmoh huai ka sak khenkhatte:-
Hiai bang hun pha hon pia BYF maikaite leh i biak Pa Pathian tung ah Lung¬dam thu ka puak hi. A Topic bang leng ka awlmoh gige te lak a khat a hi a, thu gensiamte bang hi leng chu chilphuan kai zen a gen zuazua din hoih ka sa lua hi. Awlmoh thu leh deihsakna thugen ding i hih man in, siamlouh lam pen hah gen zaw kei ni.

1. Pathian lam mitsuan gige ding:
Innlum nusia, nu-le-pa te muhlouhna a mahni kia a khosak leh laisim kipan ding i hih na uah, Pathian lam mitsuan gige ding a masa pen in koih theih le hang, mavan huai mahmah ding hi. Sum-le-pai ei khut a hong om ding, i utut in om leng zong kuaman honmu khalou ding, chih theihluat a hih lai in, i nu-le-pate’n honmu kei le uh leng, Pathian in hon mu gige ahi, chih mangngilh mahmah louh ding ahi. (Delhi khong a mahni kia a om, Nungak/Tangval Pathian ni teng a Biakinn kai gige te lohsam/lawmte nuai a omlou ding na hi uh cih ka gingta mahmah hi. Laisiangthou ah leng, Pathian lim¬sakte khutdoh omlou chih gen hi ven). Na nu-le-pate uh naktaka tawisang hi mai na hi ua, hampha ka hon sa mahmah hi. (Delhi a ta-le-naute om a, innlam a omte’n ei ziaka, thu hoihlou a zak ding pen uh, nu-le-pate a dia zahlak huai mahmah ding hi). Kuamah theihlouh a thil i hihte, khovel mite’n hon mu kei le uh leng, nikhat ni ciang, Pathian thukhenna mai ah, i thil hih khempeuh ki puang veve ding, i hih lam mangngilh kei ni uh aw?

2. Omdan leh ki cheidan ah pilvan huai ka sak:
Ei Zomite a tangpi in smiling face te i hi ua, (ei lak ah hoih mahmah, nuih mel kei zek leng, bang chi ahi ki chi pahte i hi uhi). Vaite lak ah i nuih mai vervur pe’n a mau invite na dan a ngai uh bang ka sa! A mizia i theih luat sate kiang ah chuh poilou kha ding hi, himahleh huchi hilou, a mizia zong i theihluat hiloute lak khawng ah bel, naktakin pilvang mahmah ni uh, mite’n i hihna diktak uh hon tel khial khasek uhi.
Ki cheina lampang bang, naksemin pilvang mahmah diak lai ni. Puannak ban tom lua, niik/khekol sing lua, panlua (a sung a te kimu thei) chihte bang silh/teen hetlouh tuak mahmah hi. Ki westernize sak lua a, a mau omdan (English te) va zuih pe’n, ei omna mun (Vaite lak ah), pai hetlou ahih lam mangngilh hetlouh ding ahi. I lu (head) a pan i taw tan i tuam leh zong, i meltuam ziak mah a, niteng a hon mu gige i chih te’n leng hon enen peih lai uh, ahi chih dan hi’n! Mi tuahte (ei North East mi tamtak te’n i tuah te uh) i pilvan louh man a tuah theih luat ahi. Kholak vak a lou theilou a hih lele, mipai hun a pai teitei sawm ding, zan sawt nungpi khawng a kholak a vak khollouh chidam huai pe’n hi. Hun paisa a tuah sia tamtak i tuahte uh i et vengveng leh tamtakte, mi omdan lou a omte hi deuh tangpi uh hi’n ki thei hi. Eg. Dhaula kuan a nu bang zan dak 2 (zan kimlai) a singpi dawn dia pai cih mawkmawk pe’n mihai inle gintak huailou maw?

3. Guardian:
Khopi a om i hih man un, Local Guardian neih teitei ding hoih mahmah hi. Siatni -phatni a nu-le-pate tang a pang ding, a om ngai ahi. LG di nei lemtanglou bang i om leh leng Pastor/Upa/ Local Upa te khat pepeuh ap¬proach leng le bang a poi dia hia? I LG te kha a changchang a veh thei zel le maw? I ki muh mun leh ki ngaina hang a, tua i ki ngaihnatna te in ki neelna hon tun a, tua i ki neelna te in i kal ah itna piangsak a, tua itna in hun khat peuhpeuh a nuam-haksa ah, inntek takin kal ki suan khawm thei hi.

4. Omna san:
Ki hoh/pawt tuah vengvung pen pil huailua ana hi lou dan ahi! Pawl khatte mi lak/lawmte lak ah, zingtung apat sung dong leh nitak tan pha, mi lak a a pawt tawntung/omden ki om thei mawkmawk hi, haihuai law mahmah ahi. En lai i simpeih kei leh zong, mi a sim nuamte sukbuai louh teitei sawm ding ahi. I ki pawttuah leh zong, i laisimna vai mah ki kum in, ki houtuah le hang, phatuam mahmah ding hi. Khat veivei i laisimna khawng bang ah, ei pawl in, nou-kou chin i ki khenkhen hang ua, vaite’n bel unau khatdan a hongkoih dan uh ahi. Delhi bang i pawtmun leh sum tambei a, i om maimai a lai i simsim leh sum save ki hi mai ahi.

5. Ki thuahdan pilvan huai:
Ei te a ki ciamnuih velvul pahpahte i hi ua, huai bang zong a hun leh a mun theih poimoh ka sa. Kholak/gali/vengsung khong a paikawm bang a ki chi¬amnuih a, nuih vervur tawpsan ta ni uh aw? Ngaihzawng thupi bawl luat louh ding, laisim lai ihi, a poimoh luat a leh eimi te mah aw? Zi leh pasal ding i minam/i pau ki batpih mahmah i muh kei leh zong, ei Singtangmi i pau chiat a i pau leh a ki theituahte beek hih sak teitei sawm ni uh. Huai in i buaina ding 50% sukveng sa hi mai (Ei kal a le chuh buaina a omlou hilou na in chin). A neisa te’n na zadah kei unla, deihsakna a hi ana chi un, huai NEGRO te leh VAITE pakta lua te aw, kon tanau hilh ahi, tu mahmah in tawpsan un, na kisik kei ding uh. Innlam a nu-le-pa te su maizum na hih lam uh ki phawk mahmah un. Ei mi tangval zong a bei hi sam nailou ahi aw! Huai ziakin Tangvalte’n le ei ate mah cih tinten ding ahih lam mang¬ngilh kei un aw.

6. Advice:
Ei sang a khovak mu masa te thudot ding zum kei in, a advice uh lak theih zong phatuam mahmah hi, chih kei theih dan ahi. Mi hon deihsak leh saklouh khen dan siam a, deihsak tute advice zuih hak sim le zong zui teitei leng ki khial lou dan ahi.
A theisiam din Topa`n hon vualjawl hen.

Lungdam ei.