Interview with Vumzolian Gwite, Animator.

 

Bollywood leh Hollywood movie 18 val a Animation leh Visual Effect bawl a ana pang Vumzolian Gwite zan lam in Zogam.com ah ina highlight khin ta hi. Tu in amah tanchin leh a sepna te detail zaw deuh theihbeh utna ziakin houlimna Zogam.com in ki  neih pih a, anuai a bangin i taklang ahi. Vumzolian Gwite hi mi ki ngainiam mahmah, mi kuhkal leh Pathian lau mi ahi a, maban limchi tak a neihte deihsakna lianpi Zogam.com in i pia ahi.

Na background hon gen zek ve maw. (personal, family leh education tawh kisai)
- Pu Hangzagin Gwite leh Rebecca Paite tapa 4 te laka a nih na kahi. Lamphelpat, Imphal ah ka na piang a, Lamphelpat mah ah kana khang lian hi. Pawl 12 ka zawh in animation lam ah kana lut pah hi.

Tua na sepna Prime Focus hon hilh chian ve maw? Bang lam buaipih deuh na hi ua?
-Prime Focus hih a neitu Namit Malhotra leh a lawm mi 3 te’n 1994 kum in Mumbai a ana pat khiak uh ahi a, tulel in India ah branch 5 nei in, New York, China, Vancouver, London, Los Angeles te ale branch nei uhi. A kipat tung un TV commercial lam kia ana sai ua,tutan chiangin ahih leh Bollywood kia hilou in Hollywood, Chinese film industry te teng le enkai phata uhi. Prime Focus in a sep ahih leh TV(commercial) leh Movies hideuh tangpi ahi. Huai ah animation hi in Vfx(visual effect) hitaleh, abul apat a final output tan a bawl vek ahi.

Prime Focus company ah nang bang role na sem a? A loh a hoih hia? Work culture bang a chi a? Career growth prospect a hoih thou diam? Kum bangzah sem ta na hia?
Kei nasep ahih leh animate (tatsak) ahimai. Character(human/animal/object) hitaleh a poimawh tatsak ngai teng ka tangsak. Huai ban ah Previz (previsualization movie a di) leh a Scene a omlou omsak ahih louh leh a kilawmsak na dia koihbeh/lak khiak ngai a omleh huai tele ka hih.
Loh lampang ahih leh i sepdan dungzui/work experience dan a hon ki pia ahi. Loh fix omlou a Private company dangte dan a iki deal dan dan ahi mai.
Work environment chuh nuam ka sa.Career prospect lampang a chu ei sep dan a kinga ahimai in ka thei, kei experience tungtawn in.Prime Focus ah kum 3 kasem ta.

Tua tan na tun na dia na struggle dan te hon share ve.
-Ka zil lai in assignment ka hau thei petmah ua , zohvek kana som teitei sek ziakin ihmu lou zen a ka pan hun a tam thei petmah hi. Katheih louhte theih teitei sawmin heutute ka va approach sek a, akhen chiangin sawt pipi bang kava ngak khasek hi amau le abuai theihluat ziak un.Huai zoh chiah, ka nu leh ka pa te’n honna thum pih ban uah hun teng in hon hasuan gige na te un katha a thousak mah mah hi.
Thumna hih poimoh peen in kana koih gige a, kasep leh ka bawl mateng in thumna ka nei masa gige hi. Pathian hon khotuahna liauliau ziaka hiai tan tungthei phet kahi.

Animation i chih bang ahia? Visual effect tawh bang a aki khiat na?
-Animation i chih chiang in character(human/animal/object) tatsakna ahi a, a om lou pi hon ki bawl khe tawm ahi; Visual Effect(VFx) ahih chiang in a om sa modify or a poimawh om te thuah beh.

 

Bang chi dan a Animation hong lunglut kha na hi a? Kuan or bang in hon inspire deuh a?

- Ka neu lai a pan ana lunglut ka hi. Jungle Book (mogli), Donald Duck etc chih te khong kana hah et sek a, hiai te khong in animation lam ah hon lunglut sak diak hi in ka thei.

Animation lam na lut theihna dingin bang siamna nana zil a?
-Bangalore a om Frameboxx Institute ah Diploma in Animation & Visual Effects course kana zil.Huai ban ah kalunglut na ahih ziak mah takin kuhkal takin director/artist/instructor te kiangah katheih khak nailouhte theih ut na ziakin amau kava dongin kava su buai buai sek hi. Kalunglut ziak mah tak inle kei leh kei in tam khop kana ki zon khiak sam hi.

Animation toh kisai a vanzat software bangbang na zang a?
-3D ah Autodesk Maya, 3ds Max, Real flow, boujou(match moving),2D ah Adobe after effects, Premier Pro, Fusion photoshop.

Animation bawl na dingin bang computer na zang?
-Hp workstation Z420.

Movie bang zah a animation/visual effects nana bawl kha ta a?
-Movie 18 ah End Credit list ah ka min a tel kha. End Credit list a ka min omkhak louhna tamkhop ale animator in kana pangkha sam hi.

Hiai movie te ah animation/effect nang kia bawl hia OR team dan nei na hi uh hia?
-A tam zaw team work ahi. A requirement dungzui in naa aki sem zel.

Bollywood a sep bang chi na sa? Haksa hia, nuam hia?
-Bollywood a sep nuam ka sa hilele a deadline uh a tom(short) sak theih luat ziak un a gim huai thei petmah hi. A movie director a tuam dung zui in a requirement hong tuam a i theih na le hong ki behlap zel.

Bang movie hih fuh pen in na ki thei?
- Jai ho. Genelia D'Souza khut khah a ki bawl tawm ahi a, challenging mah mah kasa hi. Aziak ahih leh delivery deadline tom petmah sung a, a khut tak tak pen lak khiat a, a amputated pen bulh a, a movement di dan dan bawl tom vek di ahih ziakin. Pathian panpih na toh a hun in a ki deliver man hi.

 

Tunai a film thak Mary Kom movie pen ah bang lam pang nang na khoih kha a?
- Previz (pre-visualization) leh crowd animation ahi pen. A stadium ah crowd te a tamzaw animated character ngen ahi.

Ei singtangmi animation movie bawl na lunglut hia?
-Hi ka lunglut, Animation/VFx hitaleh khat hoih deuh chuh a bawl ut huai ka sa mah mah.

Zou pau a ki bawl Elchin leh Nantal animation movie bang chi na sa?
-- Hoih kasa.

Animation movie lak a koi hoih leh nuam nasa pen?
-Animation ah Toy Story, Visual effects ah Transformers.

 

Maban a project na neih om hia? Na future plan theihtuak om nasak leh hon share ve maw.
-Hi om mah e, hilele tun bang mah ka gen khe thei nai Kei...ngaihsiam.

Animation lam a lunglut Zomi te advice bang na pe ut a?
-Animation hih i zil lai hin i sepnung hitaleh a challenging mah mah hi. Tha leh zung tampi ki seng, ihmut lah a hun bikhiah chih omtheilou. A chang a dakkal 24 sung khong ki haksuak, a poimoh leh office a akal(week) hin a kha(month) hitaleh ki om suak mai ahih na ah. Hilele i lunglut na a hih nak leh bang chituk a haksa a sual ngai hilele lungke lou a pang tei tei te a dia hih zohlouh bang mah omlou ahi.

IMDB Profile:
http://www.imdb.com/name/nm5219585/

Animation department (15 credits)
 2014 Bang Bang (animator)
 2014 Mary Kom (animator)
 2014 Kick (animator)
 2014 Jai Ho (animator: Prime Focus)
 2013 Nothing Left to Fear (animator: Prime Focus)
 2013 Policegiri (animator: Prime Focus)
 2013 Yamla Pagla Deewana 2 (animator: Prime Focus)
 2013 Yeh Jawaani Hai Deewani (animator: Prime Focus)
 2013 Go Goa Gone (animator: Prime Focus)
 2013 Kai po che! (animator: Prime Focus)
 2012 Dabangg 2 (animator: Prime Focus)
 2012 Joker (animator: Prime Focus)
 2012 Agent Vinod (animator: Prime Focus)
 2012 Players (animator: Prime Focus)
 2011 Don 2 (animator: Prime Focus)

 

Visual effects (3 credits)
 2013 Nothing Left to Fear (animation)
 2012/I Mirror Mirror (animation: Prime Focus India)
 2011 Ra.One (matchmove: Prime Focus)