Mary in hon sih san nung bang mah ka hih peih tak tak kei a, ka lungsim a thawm hau thei mah mah mai hi. Kei bel mi kingai se baih leh mi lung tom ka hih na ah ka ki ngaih tuah tuah mai a, khen chian bang in ka hai pau pau kha nak a, akhen chiang bang in lah ka nui mawk mawk zel hi. Himahleh ka sung kuan ten hon thei siam mah mah in ka om dan khong hon thei siam mai uhi. Kua mah in hon soisel ngei kei ua kei a leh lam ah kana ki suang lah lua hi, ahih hang in bang mah ka lungsim a omlou a hih man in bang mah ka hih peih tuan kei hi Ken leng ngaih tuah louh sawm in sepna di khong ka zong a, kakibuai sak sawm sawm hi, hiamahleh mang hilh hasa petmah a hih chiang in ka lung sim ah om den thou thou hi. A khen chaing in ka hih thei mah mah louh chiang in a laithon hong khak te bang ka en zel a lah bang mah ka hih theih om tuan kei a ka khitui te bang hon pawt in kipahna mittui hiam dahna mittui te hiam kithei khen thei lou in mi tui te hon pawt pawt mai hi. Hun luite ngaihtuah lou ding chi leng lah kei hih theih hi lou ahih chiang in ah ka ngaih tuah kha pah pah zel hi.

Huchiin hun leh nite ka hon zang tou tou mai hi. Nite bang sawt ka sak hut a tam thei mah mah mai a ka na sep na te a le ka lung a lut thei mah mah kei hi. Khitui nap tui khong toh ka sep na mun ah hun ka zang gige mai hi. Kana sep na  ahih leh Call center ahi a mi lah a tam thei mah mah a himahleh ki deek zoulou in ka va kap kha naak hi. Nikhat ka lawm te numei khat Kikim in ka kap lai hon tuak kha in Umuan bang dia kap na hi a hon chi a kenle bang hi kei kipah na mit tui te ahi chi in ka hep khiat sawm leh thu sau deuh in hon dot tak in ka buai ta hi. Kikim a hileh ka lawm hoih mah mah leh ki naai tak kahih na uah ka hun lui te va share leng lah den chia kei kisik na di khong hon hih khak di lau zel lah hon kan buai khin a hih chia va gen louh theih louh in hon omta hi. Huchiin Kikim kiah ka hun lui a kana tuah sate teng teng ka hon  gen khe ta hi. Hichia ka lawmnu kiang a ka hon gen tak in kei sang in amah hon khase zaw a kei akheem in ka pang zaw daih hi. Aman le hon hehpih mah mah in hon kawi kha zezen hi. Kenleng ka na koi kha mawk hi. Ka kikoi lai tak uh kuaman hon mulou dia ka ging tak lai tak in ka manager pa uh  pawt dek lai tak in hon mukha chiit chiat hi. Hon mukha ahih chiang in office ah hon sam lut pah in explaination bawl ding in hon ngen hi. Kenleng bang mah ka gen kei a leh kikim in ka manager pa kiang ah ka story hon gen phut mawk hi. Kenleng kikim ka khouh zawm leh aman hon  phal het kei a a hon gen suk zar zar hi. Huai hon gen khit phet in ka manager pa un le hon theisiam a kei leng hon theih siam na tung a h kipak lua in ka khi tui hon pawt leuleu hi. Keile zum lua in ka manager pa leh kikim kia kua mah na hilh het kei un chih toh ka thuah suk a, ka manager pa un leng lung kham koh hichi theih mah ahi hon chi kawm in kua mah kiang ah kagen kei di chi in promise hon bawl hial hi.

Manager pa theisiam na toh ka hong om ta hi. kei bel mang hilh theih mah mah lou ka hi diing a suun chiang bang in ka lung sim ah hon pawt naak veu hi. Kideek sawm in kenle pan hah pii tak in kon la a himahleh ka mang hilh thei tuam kei hi. Ka tangthu Kikim kia ka hilh ni a pat Kikim in hon et dan tuam kasa mawk hi a ziak bel nidang a huchia hon care leh hon thei siam hi in ka thei kei hi. Kei leng ka kitheih mawh bawl hi himahleh hon Kikim ka maai a hoih chih tak in hong hoih mawk hi kenleng lamdang kasa hi. Nikhat office tawp dek kuan in kikim in umuan i kiton thei diam ka hon gen nuam om hi ve aw hong chi a kenle poilou kei le kei chauh pai di thou ka hi hon zui in ka chi suk pah hi. Office chuh ka hon tawp ta ngei ua ka hon kizui ta uhi, thil khong hon dong in a om hi, kenle hon dotna te ka dawn louh a om kei. Hon dotna te lak a khat in ka lungsim hon khoih mah mah mai hi haui a hih leh umuan nungak dang na nei hia a hon chi a kenle ka nei mawk di hia kaneih masak leng kimang hilh nailou a chih toh thuah in ka dawng hi. Aman le ei mah ve chih hon thuah suk in hon nui za za hi. Ka hon pai khawm ua singpi hotel khat a singpi dawn ni chi in ka hong lut ta uhi. Singpi ka hon dawn tak un Kikim in Umuan ei na tangthu ka theih apat in ka hon hehpih mah mah a ka hon khotuah dan khong le na thei a himahleh na kitheih mawh bawl bang ziak a hi hiam chi in hon dong a ka singpi dawn bang ka thalh dek zezen a ken le bang chi dan in kaki theih mawh bawl mawk di hia na hon heh pih a na hon thei siam ziak in kakipak lua kim chih toh ka thuah hi. Aman le bang mah hon gen nawn louh tak in kaki leh suan lah daih mai hi. Ken ka hou pih a Kim bang chi e na dai veng veng mawk a nop lou eive ka chih leh a nop louh na di khat le om kei hon chi gau hi. Kenle a heh sim a hi chih ka thei a ka biak bawl leh hong lungdam pah vang lak hi.

Huchiin singpi dawn khin in ka hon pai khia ua amau inn lam tuam ahih na ah lamka thuam ah ka hon kikhen ta uhi. Ka kikhen ma un ka biang a khat vei a hon tawp zat a umuan om nuam ou hon chi a kenle kim nang le om nuam chih toh ka thuah hi. Kei ngaih dan in bel kikim in hon deih a hi ka chi lou thei kei, honna ngai gu lua dan ahi chih ka man khe ngal mai hi. Office kuan di hiam chi khong in hong dong zel a ka kuan theih louh di chiang bang in a heh mawk mawk sek hi. Kenle ka thei siam lua hi mi i ngaih tak tak leh i om dan kikhek zou a hih man in kikim in leng hon na ngai lua ahi chih ka khial kei hi. Honna ngai mawk leh leng ken ngailou ta dih kahih chiang in hope leng kape nuam se kei hi. Excuse hon bawl chiah ka reject pah pah mai hi aman le ka ngaih louh hon thei na pi in aman hon ngailua a hih chia hon tawp san pah kei hial hi...MARY pianni (birthday) ni in amau in ah kava hoh a a nu te toh ka va kihoulim uhi. Kapai ding bang ka lin ngui ngui hi Mary om hi leh chih bang ka lung sim khong a hong lang a kapai dek in leng ka mit tui ka nul leh a nu in hon thei in Muan huchih chih louh di eive Pathian in nou a dia a seh hileh hon lak sak het lou di ahi huai ziak in puak dan siam mai inla na maban di hoih tak in na hon khual di a hon chih leh ka khasiat tha hon suak lo guih a kenle mary nu kiang a nu ei mary tu hun khong a om hi leh umuan kon ngail lua khong hon chi di hi a ka chih chiang in puak nat huai ka sa lua. Amah lou a zaw ka ma baan sawn di le hak salua eive nu chi kawm in kakap ngoih ngoih mai hi. A nu in ka khi tui hon nul sak a Muan en nang i hon suan pen na hon huchi kei di a mi lian pi khat na hon suak di aw muan a hon chi hi Kei leng mit tui nul kawm in nu ei mary toh ka om khawm lai khong ka phawk thei mah mah mai a nidang a ka hun luite ngaih tuah lou ding chi leng le kava ngaih tuah kha nak a haksa kasa mahmah mai hi, a hon it dante khong a hon ngaig nat nate ka lung sim ah vai bnag in a tham den mai ka chi a. A inn uh khi tui toh  pawt san di din mun a ka om lai tak in a nu in i hih theih om tuan lou a hih man in Pathian kiang ah thil teng i koih vek di a hon chi a kenle awle chi in ka tu suk a anu in thumna toh hon khakhia hi. Kenle ka khi tui te nuul kawm in ka pai san ta hi. A inn ua a nu thuum na a hon khase sak mah mah khat a om hi. A thumna chuh hiai ahi

        “Toupa hiai ka tapa muan in a it mah mah Mary na laak sak nung thil ahih na lam peuh a lung a lut thei kei a nang mah in lung lut nate pia inla maban a neih te lim chi tak a vual zawl ding in ka hon nget sak hi. A iit mah mah Mary mang hilh theih na lungtang te pia a nang mah a hon kipiak thak theih na ding in vual zawl in chi in kon thum sak ahi AMEN” chi in a hon thum sak hi. Kei leng huai nung ka om bang a nawp deuh a ka hih na lam a leng ka lung a lut deuh in ka kithei hi.

Hun leh nite on pai tou tou in kei leng kaki ngei na seh thei dek dek ta a himahleh ka mang hilh thei tak tak kei lai lai hi. Huchi a ka om lai tak in nikhat ngei chuh Kikim a hon pai a ka office sunga a Umuan ka hon it lua ka hon ngai lua nang lou in ka om thei nawn mah mah kei na tang thu ka zaak nung a kipat ka hon et dan a tuam a ka hon ngaih na le a pung mah mah mai hi. Umuan ei i ki ngai mai diam ahon chi a kenle lamdang salua in kim en lawm bang a i hon na et ei ngal ve nang huai khong na hon chi a chi in a kiang ah ka pai a Kim ken mary ngai lo lai kei ve nang toh i ki ngai thei kei ding ka chi a chih leh kikim a hon kap ta hi. Ken leng nuam sa lou in kim huchih louh di ahi ka hon kingaih tuah ding a ‘e’ ka chih le leng puak dan siam a na hon theih siam ding in ka hon ngen ahi kim ka chi a aman le awle a hon chi a, huchiin ka office a pan a pai khe ta hi. Huai a kipat in ka kingaih tuah den a kei leng va ngaih ding in kakisiam tan kei zel hi himahleh a lang khat ah miin hicia hon ngai va ngaih louh kilet sak huai lua Mary om nawn tuan lou hi a chih tegel ka lung sim a ka saai kak nilou hi. Office ka hon tawp tak in kikim in a hon delh pah a umuan bang a na ngaih dan a hon chi a kim kei kingaih tuah khe zou nailou kahi ka chih leh Kikim in “take your time”  a hon chi hi. Huai in ka kikhen nawn pah ua nitak dong in huai dotna nih tegel in ka lungsim a hon luah zou den hi. Ken leng a loh ngaih na thei lou ka hih chiang in kanu kiang ah ka dong mai hi. Nu ei Mary lah ka ngaih na a bei thei kei a lah amah hiai khovel a om nawn lou hi zel a midang ngaih san di kakisiam tan thei kei zel a himahleh kikim in honna ngai lua a hih chiang in lah ngaih louh zel ding le kei din mun a kakikoih chiang in ka paw siam kei zel a chi in ka hon dong ta hi. Kanu le lung buai sam a hi ding a nang hoih na chih bang bang in na hih mai ding a hon chi hi. Zingkal ni hon suak a dak 5 lak in Kikim in a hon call a Umuan bang na ngaituah ta a a hon chi a kenleng office a i ki kum di ka chih leh aman le kikim lai lai ding i maw a hon chi a kenle ‘hi’ ka chi suk hi.

Office ka hong tung tak in kikim ka room sung ah hon diang lut pah a umuan bang i kikium dia eita hon chi hi. Kenle kim ken hon ngai lengle mary ka ngaih bang tuk a hon ngai zou nawn lou di kahi a na lung le akim tuan kei ding  ka chih leh Kikim in umuan ei hun hon pai leh na hon ngaih hut om lo di ahi a hon chi a, kei leng ka gen di a bei hi. Aw le nang huai na chih theih leh a hoih lua a hi ka chi a hi leleng kei tua din mun a kua mah mah ngai thei lou di ka hi ka chi thou thou hi. Aman le hon thei siam in ‘e’ na chih sung kei leng kilamdang tuan lou ding kahi nang na ut peuh peuh chia ahi mai kei dia ka hon itna hiai teng chauh a bei di lah hi lou a a hon chih khm a pawt toh hon thuah hi. Kei leng midang kua mah nagi tuan lou in ka om tou tou a kikim in a hon ngen zel mah leleng ‘e’ ka chi den hi. Kum ten hon pai kheng in Mary ka ngaih na bei tuan lou hi. Kikim le ka ngai thei tuan kei a aman lah honna ngak ngit nget a kenlah ngai thei tuan lou ka hih man in ka gen suk a honna ngai nawn dah in ka hon ngaithei tuan kei ka chi hi. Huai ka chih khit nung sawt lou in Pasal a hon nei amah leng a kipak a kei leng kipak tak in hin khua ka zang ta hi.