Lungkiatna
By Biak S Tawmbing.

I hinkhua mimal chihte I kiveel chiangin a lungkelou om din a gintak huai kei hi. Pathian thu hat mahmah, bah leh nguite tha thak petute(counsellor) saptuam heutute leng lungke thei uhi. Mihing kuamah hoih bukim(perfect) khawvel ah omlou hi.

Lungkiatna kichi natna lauhhuai ahi chih mi teng in I thei chiat ua, huaia tangkhate suahtak a haksa hi. Christian piangthak vek himahle hang I hinkhua a I thiltuah te leh I Phut khak hun chiangin dotna tampitak hongpiang zel hi.

Khat veivei maban ding ngaihtuah ziaka lungkiatna tuailai tampi in leng I nei sek uhi. I tulel dinmun a kipaktak a om ding ahi chih zaw I thei chiat uhi. I maban ding ngaihtuah vaklou a lung hin a hing mai ding lah hilou, I va ngaihtuah Chiang a lah hithei tuanlou chih a tulai tampi te tulai a I buaina khat uh leng ahi.

Thil hihna bangkim ah lohchinna neilou a Om nengnung a I om chiangin leng lungkiatna a baihsam mahmah hi. I lungkiat taktak chiangin I tha hong dah a, I pau ut tha le suaklou in ki omthei hi. I paukhiat di chiangin leng dip a hon hu om hile kilawm in hak in a haksa maimah hi.

Bangteng hileh Christian hinkhua kichi lametna a dim ahih manin lam etna toh hing in, lametna toh I zuihpa jui in, I kalte suankhe jel ni. Huchi in lametna toh hing le lungkiatna pen vualzawhna ni a I zuih pan hon kheksak hun om ding hi.

©Biak S Tawmbing | 280119