PHONE CALL
Biak S Tawmbing.

Zan ihmu theilou a, lupna tung a, tu a kei leh kei kingaihtuah a Pathian kiang ah thum a hun ka zatlai in, ka phone hong ging hi. Zan 11:30 PM gingta a, a daita mahmah mai, kei lou siah ihmu khin tamta uhi.

Ka phone ka en a, nikum a Bangalore a September leh October kawmtuah a ka mek khak ngei ana hi a, ka phone silent a ka koih tuh pickup in ka kihou uhi. Innlam zan sawt lota hia na hon call a zenzen teh ka chi a aman leng na hoih hoih maw na hathat na maw hon chi a Ken leng hoih zel sam mah ing ei... Aman tuh na hatlouh dandan a nana hat di ahi hon chi hi.
Ken leng awle ka chi hi.

Huchin aman ka gen ut pen tuh nikum a na hon zutna ka spinal cord S1 S2 lak a adisk bulsh khia a a om doctor in hiai tuh operation lou a hoih thei nawn lou ding a chih ua mangbang tak leh lungzing tak a ka om lai ua Nang hon sam a ka hon mek sak uh a damta bang mah a chi nawn kei. Operation leng a ngai nawn kei... Hon chi hi ka kipak mahmah a, kei hih hilou in Pathian in amah thupina kilatna ding a ka khut hon zat ahi zaw thupina Pathian i pe ding uh aw ka chi hi. Pathian min phat in om hen chi in ka mittui hong luang hi.

Ka kihou zom zel ua, na aw apan na dam chi kei ngei a hon chi hi. Ken leng nidang bang zou nawnlou sim ka hi ka chi hi. Konna thumpih ding....hon chi kawm in ka doctor pa inn lam pai chin a phone a kipahthu ka hon gen ahi. Nang le tulai natna ziaka innlam a va tang den kha a,  om den kha na hi di maw hon chi hi.  Kon na thumpih zel ding, dam mahmah inla, hong hat zelzel inla, mite a dia vualzawlna leh damna hong hi zel in aw hon chi a ka kipak mahmah hi.  Kei mikhial khut non zat sak maw ka chi a Pathian thupina ka pia hi.

Ka lungtang tawng a nguina kahna dahna a om laitak in hiai phone call ka dong in Pathian thupina a hon musak hi. Khat veivei i khovel khualzinna lampi ah haksatna lungngaihna te tuak in om lehang Pathian khut in muanhuai len in.

Theihtuak:

A pilte tellou a mi simmawh huai te teltu Pathian ahi. Ka tuailai pih ka lawm ka vualte aw.. Khelhna i na hih kha a, mite a pan muanna  a bei nung in leng Pathian kiang zuan in aman itna tawh hon pom lai ahi. Tuailai aw na lawm hoih pen in hon taisan nung in leng amah a ding in thumsak gige in. Na hihna bang bang jn Hon siampa bel in a thupina na mu ding.

Hiai laigelh ( 13 Aug. 2020) zinglam dak 12 :00 am a gelh ahi