Khawvel hinkhua
By Biak S Tawmbing

Khawvel hinkhua zaw kawl leh kense lak ana hi mahmah hi. Ling honsun ding a tam mahmah mai hi. Khristian kichi kei leng tel in i tam mahmah mai ua, himahleh Khris nungzuih na ah Jesu toh Khros pawkhawm ding a om kei hi. Gingtu hinkhua ah leng pathian lam i belh taktak chiang in setan in theih pha tawpsuah in innsung hon tawk jel hi. Hinkhua ah nang leh kei hon supuk thei a tam mahmah mai hi.
Kipahna sang in lungkhamna tamzaw, lungkimna sangin lungkim louhna tam zaw, nuihna sangin dahna tamzaw, a hoihlam a kigen sang in a hoihlou lam a kigen siat ekek na tamzaw, innveng hoih sangin innveng hoih lou tamzaw, lawmhoih sangin lawm hoih lou tamzaw, mi nupa kal suse thei ding khawvel ah mihing kidaih mahmah hi. Ka hinkhua ah leng ka tuak hi.

Ka tuailaipih lawm leh vualte aw pilvang ni i tuailai hun in hon siampa Pathian ah pianthakna diktak nei in khosa ni hang.

Zi leh pasal na neihma in na ngaihzawng nu/pa piangthak taktak ahi hiam chih theih chet sawm masa in. Innsung khawsak na ah mi ki thu nun hi uh hiam hilou chih te en chian in. Christian innkuan din pih ding in. Khawvel lah segawpta ahi ngal a, itna hauhna sum leh pai ahita ngal a.