OMPIH (Maid) I CHIH KUA A HIA??
By Muanching Emcies

Ompih i chih isep peihlouh teng leh isep zawhlouh teng hon sepsaktu chi leng igen khial din agintak huai kei.

Na awmpih te bang chii'n na bawl a..suak zat a zang mo!! Ahih kei leh insung mi mah bang a enkawl?? Dotna tampi leh dawnna tampi om in teh.

Pawimoh lua ihi diam!! Awmpih chih ziak a table khat a ankuang umkhawm lou, sum ka piak chih ziak a thawlnga sakman lou, leh akhawl zek bang mu a mu thei.

Na tate hon donsak leh honna kepsak ahih lam na mangngilh louh ahoih pen din ka gingta. Na sep peihlouh leh sepzoh louh teng hon na sepsak ban ah na ann di hon na huansak leh na ut hunhun a na sawl dia mansa a om ahi chih na theihdin hoih masa hi.

Na bawldan zil a ana omdi ahi chih le theihbeh le chin, bawlsiatna thuak kinken kawm a, thilhoih hih teitei leh khentuam na thuakkawm a sem teitei te ahi uh chi leng genkhial kei ni.

Khenkhat ngial intekpan ana enlah lai. zouzen chimai ni, na awmpih nu na inn a ut nawn kei leh aziak kua ahi dia!!

Numei te theih dia hoih mahmah bel, sepna nei na hih kei leh, awmpih ki phamoh lo kei le chin. Na septheih dandan in sem in la..na sepzoh zahzah sem le chin.

Na bawldan teng leh na ki sapsak danteng thei di maimai ahi. Huai ban ah nang pasal mihoih tawntung di ahi chih koimah a ki gelhlou ahi.