KA ZINGSANG LUNGGEL
- Muanching Tonsing

Leitung khosakna dan leh mite muhna dan in, pu-pa khanga ana neizou himhim leh ana hausa sa himhim inn sung ah mou in kava lut hi. Kei bangmah hikei mahleng, ka lutnate zar in nuamsa takin ka khosa hi. Innsung nasep leh bawldi te kei sep leh kei bawl ngailou in, asem tudi ompih /panpihtu kanei uhi.

Sum lah ka zon ngailou in ka tekpu leh tekpi te lamsa gou leh inn bahara khawng dong in huaite ne in nuamsatak in ka khosa hi. Hun awl ka hau mahmah a innkim innkiangte khosak dan; soisel na di leh demna di muh nang hun awl ka hau in ka mu tam thei mahmah a, huaite alang alang a genin ka vial tuahtuah hi. Mi khosakdan leh omdan te genlouh ngal ka nagum sep di himhim a om kei hi.

Hithei leh pil huntok ka kisa mahmah a, ka demdemte keitung a mingen ahi uh chih ngaihtuahna ka na neikha ngei himhim kei hi.

Kei mi hausa innsunga mou, kei leh ka pasal apat a sepkhiak omhetlou khat in, ka gei a tengte, amauleh amau a kitungding, amau' sepsuahsa mah kipaktak a ne a dawn a kuamah lah engtuanlou, kuamah lah buaipihselou te kei genphak vual hilou uh ahi chih ka na theihak lua hi.

Amauten, amau' sepsuah mah ne ua huaimah a mite panpihlai uh. Kei ka pasal Nu leh pa sekkhawmsa zarzou leltak maimai in kuamah kei demvual omlou uh ahi chih ka mukhe khongkhongta......

Chithei bang om beh nawnta le zaw...