Tanu khakkhiak ichih veu uh kuapen ahia!!!
By Muanching Emcies

Pa khat in tanu leh tapa a nei a, a tanu'n pasal a hon nei a, akha khia a tanu khakkhiak a hi mai chi oh!

A tapa pan le mi tanu zi din hon nei a, a zi pa'n akha khia a, tanu khakkhiak hi nawnzel.

ATUNG A IGEN TOH KI LAM DANNA NEI IN NA THEI HIA???

Na zi a nawlam aphakchia ahi dimah sa. Ann nekhin leh, anu na sungnu toh haksatna, ki pahna ki kum khawm a awm ahi di ma sa.

Na sanggamnu a nawlam pha a ann nesa a paisak di bang sawmlou, na nu toh thu ki kupguk di bang lau muangmoh.

Na sungten sa hon nekpih a ann hon nekpih chia siamsa mahmah.
Na makpa pa sa nekpih di ahih lam phawklou.

Ki nakni leh ki hehsan ni a, na zi a nawlam a tai in thuteng va gen, ahi di mah sa. Na sanggam nu'n adah leh lungkhamna hon kupdek chia numei nasa thulimlou a ngai.

Na sanggam nu'n thu honkup dek chia, thuthei leh nawlam a pauthei sa mahmah zel. Na zi'n anawlam a a utut genthei zel.

Hiaidan mah a sanggam nu hihteng diksa a, mahni zi hihteng diksa lou chih le om ve ve. Bang teng hi leh na zi le mi tanu KHAKKHIAK ahi a, nang le mi makpa na hi a, Na sanggamnu le na tanu KHAKKHIAK ahi a, na makpa pa le mi tapa ahi chih theisiam le maw...