Ka neulai Hinkhua
By Chinthianmang VuphiL

Innkuan khosak haksat na jiak in silh le teen neek le taak a lawm le vual mai a hi geigei a singtang dawn a khang khia aki hi a,mite bang a khosak nuam ka hi kei ua , singtang lou khou in azuu ahaam nuai a niteng neek tawm zawng ka hi uhi..Ka nu ka pa te leng sepna nei om lou in ui le aak te bangmai in ni teng a muh tawm ne tawm in midang khosak na le theipih baan lou in buai in ka buai uhi.unau 6 ka pha ua haksa tak mai in ka nu-le -pa ten hon na chom tou in vuahju daikai nuai ah deihthoh tak in amau neek di tang te honpia in lawm leh vual lak a zuum na te thuak in kou unau ading in maijum na tampi thuak koi koi uhi. Lawm leh vual lak a jum pipi le haksa pipi a awm a midang eng ngoih ngoih a ka awm ding uh ahon deisak kei mama uh chi amuh thei hi.unau tam ka hih man un ka vek ua kim ding hih haksa sa pipi in midang a lei tawi jen in ka poimoh te uh hon guanzel uhi. Kou unau te siamsinna school ah ahon kaisak vek ua ka nulepa amau gel chau in niteng loukuan in vuahju daikai thuak in gim pipi in ahongtung jel uhi.kou unau mama ahon khual na un haksa le gim lam leng gen ngam lou in kipaak tak mai mel pu in ahon houpih jel uhi..haksa pi pi a pai tou in hunte hongpai jel a kumtop ezam ahun di ahong hi ta a.niteng a muh tom ne tom aki hih man in school fee te bang ahun hun a pia jou lou in teacher ten kum top ezam hun di hita huai ma ngei ngei a nou unau teng fee na piak kei ule ezam theilou ding chi headmaster te apan lai/thu ka mu uhi..mi tampi lak ah azum huai tel mai..ahih hang ihih na mah ki jum pih theilou hi hangh kichi in kou unau teng ngui tak in innlam school apan ka pai uhi...nitak lam ahong hi a ka pate’ leng lou kuan gimmel leh tawl mel tak in ahongtung uhi..paa nuu na hong gim di uh maw, tuni ni asaa lua a kana chi hi...ahon don na uh bel tuni bel gim huai kholkei noula na school kai na uah na va thumang un na va ka gawt uhia ahon chi uhi..kou leng lai hoihtak a sim a kuan ka hih man un kaki gawt kha kei ua kou ki gawtlou pa ka chi le ka pan aloukuan van ki khek nailou pi in kho ul gimnam fitfit kom in ahon pom ton ton mai hi..huchia sawtlou singpi tuilum adonjoh in manga(kei min) ka kisil na di hon bawl in ka hon kisil khia dia khua amial ma in ann i nee khin di uh tuni taak i light det di uh candle man dile ki nei joulou ahi a ahon chile ka mel ahong chituam jot mai hi..

Ka school fee piak di uh chih gen ngaisese lou in hiai ah achiang tel mai...huchi in ki hahsiang jou in ann ne di in ka hong kisa ua k uten ann thukjou in ka vek un annkuang a ka panmun di chiat uah ka hong tu ta uhi..huchia an kon neek lai un ka U’ ten ka pa kiang ah pa kumtawp ezam hun di hita inchin ka fee uh tu kal a piak tei tei ngai ahon chi hi.hiai thu kapan ajak tak in bang hiam khat amel ahon lamdang guih mok in ka thei thei hi..himah le kou unau mai a lungkham tak a awm di nuam asaklou jiak in aw i ngaitua di ua ahun ma in piak thei na di lampi ijong d uh aw ahonchi a himah le kou unau teng in na piak teitei kei uleh kou kuama school kai nonlou di lawm te lak a jum huai lua ka chi uh a ka heh mawk uhi..himah leh ka nu le kapa bel lungsim piching tak in hon kem tou in, midang a lei tawi jen in jum le jah khual lou in suktuah thei nana a su tuah in kou unau mi 6 adi kum khat adi fee ahon sunsak ta ua kou leng lai hoihtak in sim in kum tawp ezam na ah asangpen pawl in ka pass vek uhi...huchia ka pass vek uh chi ka nu ten ahon thei un a ahonlop sak sawm uhi haksa pipi mah in kou unau teng ahon pahtoi uh a neilou sasa in aak khat k neisun sun uh gou in ka pass na uh ahon lopsak uhi..

“Naupang ka hih lai in nitaklam khat ka nu ann huan nee ding in ka tu kimvel uhi .Huai ni in ka nu innsung naa sen in abuai mah mah mai hi.ka pa ann kuang ah ann agum maileng hilou ann kangvom mah mah ka nun athuuk hi (kou unau te ahon hehpih na jiak in kou an kangvom ahon pe ngam kei hi) ka nun huai annkang vom ka pa kuang ah athuuk ka pan bang hon loh hiam ah chi in kana bil doh gu giugiau a,himah le ka pa’n limsak tuak tak mai in huai an kang ane miau miau kawm in Tuni na school ah ka sinlai te khawng uh,school nuam kasa uh hiam chi te hon dawng hi.Ka pa hon thudot ka sonna pen tak ka thei non kei a himah leh ka nun ann ahuan fuhlouh kisuanglah thu ka pa kiang a ahilh leh ka pa dawn na “Lawm ken an kanglim sa lo mah mah ka hi” achi bel ka bil kha a amangthei kei hi.

Lupna tung ah ka pan ann kang limsa tatak mah hiam chi in ka dong thak zawzen hi .Hon kawi kom in Bawi na nu sunni tum a nasem a buai in agim mamah chi ka thei ,ann kang in kuamah hon suna(hurt) thei kei a,Himah leh gensiatna in bel mi naktak in a suna thei hi.Hiai leitung ah kuamah abukim a om kei a,kei ngei leng ni poimoh le thilpoi moh mangngilh ka haat mah mah chi leng ka ki thei hi.ahon chi hi.

Hiai apan ka sinkhiak beh ahih leh bukimlouh nate i thil hih khelh khak te ki ngaidam tuah in ki posiam in ki theisiam tuah leng iki jop na uh kip sem sem ding ahihdan ka thei khia hi.I dam hunsung uh kisik na ding thil hih na sing in tomlua hi.I tung ua thil hoih hih teleh thil hoihlou hih te leng IIt dan kisin in,ki tuak tak in khosa khawm dial dial leng hinkhua nuam jang ki hi ding hi.”

Huchi in huai teng ahon gen johin kei kana emut san man phial a huchi in ka nule ka pa kekaal ah lungmuang tak le khamuang tak in ka emu hithit ta hi.

Huchia' emu pan ka kisak lai in, ka mumang lam(thei) in aak khong hong khuang ta a, ka gei tuak a lum ka Nu' ka Pa' lupna mun te ka mai/khoihphei a, kuamah ka khoihkha kei a(phalvak a thou ahih man un) huchi in meikiang(tap) gei a annhuan na mun a ki houlim titip ka za a, ka nu leh ka pa ana himai mah uhi, bangmeh i huan get dia aw maw? Chi a chimok ki dot in aki dong ua, ka pa in khintung a mehhou te bawlmai di na diam mo, adi dang lah ki neilou a, meh omlou a va nek hial di lah ta le naute hehpih huailua achi a, khua ahong vak hoih mahmah ta a,huchi in keile ka hong thoukhia a, ann te ne in, koumau naa chiat sem ding in ka hong kisa chiatta uhi.

Inn leh lou gina tak le mi abang a hoih nei zoulou aki hihman in, atung bii abang maupek chihkhong ki zang hi, ka inn uh ana lui mahmah ta ahi ding a, mit amuh a et mahmah inleng aki theithei hi, zankhat kou lupna munchiat a nuamtak a emu hithit lai ngam leh khat thu in tuuk lam huihpi vuahpi in zinglam dak 3 lak vel ding khong in ka inn utuh i ut i utlouh, ahoih ahoihlou chih om hetlou in hon nuailum suk vitvit mai hi, kawl khong phia zolzol in vuahte tam mahmah in huihpi lah hat vevu zomah ahih man in amangbat huai khop mai, zinglam ahita a mi leng dai maimah ta huchi in kou unau, kou innkuan tuh kuamah phokpih louh leh theipih louh in akap pawl toh kana om zel zul uhi, huihpi lah hat semsem bang inntung zum selsep te hon muut leem in inntung bii kikhuh te bang hon mutleng hok a, vaakpuap zozen hi, lupna akipan puansilh khekol tengman zosam omlou, lauh na leh ki guihna toh hon bom a inn kil khat lam a kaki sia khom tektuk ua, lungsim agenthei mahmah mai a, ngaihtuahna tuh genvual louh in amangbang mahmah mai hi, tuipuan khuk thei thei khu in, huchin huaizan tuh zatliam maimah angaita hi, huaizan kankan a mangbatna leh lauhna ka innsung ua ka tuak kha naikei a, ka damsung ading a ka mangnglh ngei non louh ding thilkhat chu ahong hita mai ve..