Singapore Zinna Report
By B. Muan Ngaihte
ZOMI INNKUAN SINGAPORE in Kum 2 zawh a aneih uh, 2014 kuma ana pat uh tukum in a 2 veina diing ZOMI GOSPEL OLYMPIC diing in ngaina tak a ahonchialna uh kipak leh lungkimtak in kana saang hi. Tua diing in August 3rd. 2016 in Lamka a kipan Imphal TULIHAL INTERNATIONAL AIRPORT zuan in ka paisuk hi. Imphal a ziing ann ne in Heutute khat in Gari in Airport ah hongkhasak a ka lungdam mahmah hi. Nitaklam 3:15pm in AIR INDIA Flight in Delhi zuan in ka lengkhia hi.
Hiaihun ah lawm neilo in keiguak mah kahihi. Pathian ompihna leh kepna mahtawh lamzang tak a pai in Nitak 7:15pm in INDIRA GANDHI INTERNATIONAL AIRPORT, NEW DELHI katung hi.Tua ah Kagang Pastor TK Lianpu in hongdawn in ka kipak mahmah hi. Tua ah Flight Change in AIR INDIA mah in 11:15 a Boarding in,11:50pm in Delhi a kipan Singapore zuan in kalengkhia uhhi. Zankhuavak a kaleng nung un Ziingsang 4th. August 2016, 4:55am (7:25am IST) in CHANGI INTERNATIONAL AIRPORT, SINGAPORE katung hi.Tuamun ah ZOMI INNKUAN SINGAPORE a kipan President Dr. Hau Za cin leh Secretary Khawmlay te in hongdawn in nuam mahmah hi… Tua a kipan hong paipih in Blk 634,5/15 Bedok Reserviour Road, Singapore ah Sya Hang Khan Lian’ Inn ah nuamtak in hongtung sak uhhi. Palian te inn bel nuam mahmah a, kei Inn mahbang in inntek mahmah in ka om a, Ne in kadawn a, amau zong nuam mahmah uhhi. Hong iit ua, Ciamnui in hun kazang uhhi.
Zogo Day Out
August 6th. 2016 in ZOGO DAY OUT ci in ZIS a kipan amanthei teng Khuasung vakna kinei hi. Tuahun In Singapore a ding a Mun hoih leh mite’na muhnop mahmah uh MARINA BAY, HAWPAR VILLA cihte ah kipai in nuam kisa mahmah hi.Tuahun in kamuh ngeiloh leh Nna thupi tuamtuam te mu in nuan kasa mahmah hi. Hiaihun ZIS makaipi 2, Dr. Cin leh
Sya Khawmlay in hong makaih in nekding tuamtuam zong hong nekpihlai uhhi. Ahong deihsak mahmah ua,zindo siam in hong Care mahmah uhhi.
ZOGO kipan taktak ta
DAY - 1
6th. August 2016 nitakin ZOMI GOSPEL OLYMPIC
programme kipan taktak ta hi. Kikhopna Programme kinei in Mipi tam mahmah paikhawm in,Biakinn kidim zihziah mai hi…Biakna leh Phatna thupi mahmah in kinawl a, Hiaihunah Thugenna hun Rev. Vungh Suan Mung, General Secretary, Tedim Baptist Convention ,Tedim, Myanmar pang in nuam mahmah h. Laa te kisa ziahziah mai a
nuam mahmah hi.
DAY - 2
A ni nihni pen 7th. August 2016 in OUTDOOR GAMES , Little India mun ah kinei in…. Hiaihun ah kimawl na tuamtuam FOOT BALL, KITAIDEM, TUI KITHEH, DAWNKHOH (Water Melon) KINEKDEM, LINE CROSS (Seng’), etc. etc. kinei in nuam mahmah hi. Hiaihun ah Vaimim ciim lim mahmah nekkhawmna leng kinei hi.Hiaihun ah keibang zong Kimawl lunglut khollo himahleng nuamkasa mahmah hi…. Ki hahpan mahmah mai hi…..Hiaihun ah Makaite thupi kasa mahmah hi….. Aneu alian chih omlou in kimawlkhawm ziahzah mai hi. A golhlo kuamah ki omlo hi…..hehehehehe ….
Nitaklam honghi in, kimawlna te kizota a, kihahkhia tek in Biak Inn lam kimanawh nawn in Nitak Biakna programme kinei nawn hi. Hiaihun ah Laasakna, Thugenna, Entertainment leh adangdang kinei nawn in nuam mahmah hi. Entertainment hong makaih Sya Lian Tuang te lawmta teng bangbel HATAH mahmah mai uhhi. Kinui in Nungakte bang in SUAI thei mahmah uhhi…. Tuanung bel ei a Tangval te pawlkhat ki vaal pian zo hi…….hahahahahahah…
Zomi Innkuan Singapore Thupi Kasakna
Zomi te gam tuamtuam a I omna ah Pathianin I lampi hongpi in milak ah, Zumkong-Mangkong a matunzo in hongbawl hi. Milak ah 1% zong a pha zolo himahlehang Pasiabn namtel Zomi te ihihman ahi kaci a, kalung adam mahmah hi. Tutung kei kana paikhakna ahihman inleh kamit a kavamuh leh kabila lava zak ahihman in nnahoih a sep uh tampi telak ah khat k’ongen diing.
I haksatna leh gentheihna teziaka Migam-milei a Sumzong-Paizong in , Mi’ sep noploh teng sem in Innkuan te vakna in ut inutta keileng ipai hi. Singapore a om Zolia a tamzaw tezong tuamah bang ihihi…. Tuate lak ah Sanggamnu Piang Ngaih Don, Dimpi Khua, Tedim Township pen innkuan genthei leh Tagah hinkhua anzatna a kipan in Nengcik bek Innkuan kavakzawh khakleh ci in Singapore ana paisam hi. Himahleh mihing gelna banglo in, Lam-etna khen ah, Bawlsiat leh Simmawh a a omban ah Sihna tanthuak in hinna laksak in omhi. Tuahunlai in Singapore ah ei Zomi , Gamdang tawh teh in tamlua ki omkei mahleh a om sunsun kithutuahna thupi kasa a, kituaktak in napaikhawm diamdiam uhhi. Haksatna tampituak uhhi…. Kuamah hum-awl nei omkei mahleh Nnasepna a kuanlo aa Nitha manghial in Minam iitna leh ngaihnatna tawh EMBASSY,te hi in Office tuamtuam te ana pai uhhi… Mihingte hihtheih omkei mahleh Pasian huhna tawh ZOMI SISAN athawn in luanglo hi….. Piang Ngaih Don pen Accident a si ahikei a, a omna te thah ahihman in Panpihna leh Luangman pen Kumpi / Government in pia theilo ding hi. Chih ahi…… Hiamahleh ZIS lamte in ”Singapore Mipi a enkoltu Singapore kumpi nahi uh, Na Mi-nasa te uh gamtatna na etkei uleh kua’n endiing hiam? Tuadan a a Sanggampa Pau Sian Mung pen Huhna pialo diing in banghang a Dimpi khua a kipan nasap uhhiam? Tuadan a omding ahihleh Kawlgam ah ka om uh, India ah ka om uh, USA ah ka om uh, Malaysia, leh Gam tampi ah ka om uh…… Zingciang in kintak in Kawlgam kapai ding ua, Singapore Enbassy khempeuh ah Leitung theihdiing in Lungphona / Kiphinna kaneiding uh……..
A luangpen na ut uleh Pai unla, na ut uleh Vui unla, ko tua luang sisa deihlo……Thumaan Thudik a vaihawmna kadeih uh.” Chi uhhi…… Tua a kicihciang in Embassy te patau mahmah uhhi…… MOM, CDE,Civil Society, leh atuamtuam apan huhna tampi lutpahhi. I Zosuan sung a Mizo , Falam, etc. te kipawlna tuamtuam apan in zong huhna tampi kimuhi. Tuapen Singapore Zomi te kituahna ahihi. Aluang pen Singapore Hospital a hunsawttak Mortuary a aom nung in 14th August 2016 ni in va kilakhia hi… Hospital a kipan in CARETAKER te’n aluan la in Haankuang kilawmtak a bawl in aluang hong puahsak uhhi Hiaihun ah aluan enlo ding kacihleh ki-awilo in kava enkha hi.
“Maizen….. I sanggamnu, alu ah a sam khatmah om nawnlo hi, Gawng cihtak a gawng, mihing melzong pua nawnlo in ,na sa mahmah in kavakap hi…..A kigenciang in, A pute in Ann pialo, bawlsia, nna semsak,asam a laigawp, puansilh-niikteen natawm neilo hi. Asih inzong Zomi khat in Zopuan leisak a tuatawh limtak a zep in omhi. Na mahmah hi……..”
A nitak in Sya Hang Khan Lian ‘ Inn ah ZIS mintawh luanghawm tutpihna kineihi.Tuahun ah keizong India Zomite aitang in Sigaalna thu kava genhi… hiaihun ah -
“Tuni in hiaimun a a neupen, bangmahlo pen himahle’ng Thugenna hun hongpia ZIS makaite’ tung ah lungdamthu kapuak masa hi. Keipen aneupen leh bangmahlo himahleng India Zomi lak apan hiai a omthei kahihman in India Zomi aaitang kahi cih kapuang hi. Tuni in Ei Zomi te, I gentheih, izawn-ingau man in migam-milei ah Sumzong-paizong in I om ah, ahaksa, mi sep noploh tengzong kisem khatheihi. Hiamhleh Pasian in thupha honpia in Tawm mahlehang Zumkong-Mangkong ipaina ah mazang in a matun Zomite hihang. Tuapen Pasian in a Namtel Zomite ihman hi cih ka gingta hi. Tuni in Vangtahna icidiam, Sanggamnu Piang Ngai Don in Sihna a hongtuak hi. Na mahmah hi….. amah zong a Sanggam leh Innkuante Khual aa hongpai ahihi. Kenzong kongzinma in kanaza a, na sa mahmah in FB tungtawn bang ah kana aat hi. Himahleh tua amun a kongmuhleh a gaal ngaihtuah banglo in na kasa mahmah hi. Tuni in Hospital a aluang lakna ah kavatel hi. Aluang zong apuahzawh un enlo ding kacih himahleh kava enkha hi……. I sanggamnu mihing banglo a, alu ah asam khatzong om nawnlo hi……Gawng mahmah hi…. Tuahun ah ka ngaihsun a, Maizen…….Migam milei ah I utthu a pai hilo mah hivehang maw,,,,,, Bangcituk in zawngmahlehang igam-ilei-ikhua ah kingawllo hi, Tua I sanggamnu in ann nelo, kipelo, Gilkial aa a omhun a nna kisemsak , agil kiallua aa Niinbawm (dustbin) aa ann neng nemai hi a….. asihdong kibawlsia, agawl a kimeklum….. asihdek n bang a ngaihsuntam…….kaci a kidek zolo in Ka mittui aluang hi….. Keipen lipasalsak mahmah, kaneu a kipan a kanu kiang sang in Kapi liang giak in, kapi in azu omlo anawi vuai hong tepsak hi…… himahleh kapi leh kani asih in hampha uhhi ci in kaplo hing kaci hi……Tuni sanggamnu in hongkapsak hi…… Damlo a si hileh theisiam ingh, tem aa sawtlup zok hilehzong theisiam ing…….. himahleh hibang aa sihdong bawlsiat aa omna in I Zomi sung ah kituahna hong piansakta hen . Sanggamnu pen lamkhat ah hampha hi, Upate in GUHSIA MALSIA TAWHDONG A A KIKAIKHAWM ZOMITE anacihbang un, Sanggampa Mung zong a nau luan ladiing in Singapore ah hongpai a, Sanggamnu hyampha kasa hi….Rangoon leh Kawlpi ban ah Zomite in thupitak in nadawnding ahhman inzong hampha hi……. Sia Mung zong apaina ah Pasian in ompih henla, cidam in Dimpi natungta hen cih INDIA ZOMI te aitang a kagenhi, Lungdam” ci in kava gen hi.
A ziingciang 15th. August 2016 zingkal in Aluang Changi International Airport ah Khakna va kinei in, Myanmar Embassy Chancellor Ms. Hteik Hteik Twein Lwin inzong hong uap hi……Hiaihun a gim leh tawl khawksalo a Zomi iitna tawh nna asem ZIS te thupi kasa hi… Ban ah Mimalmal kuapeuh zong bangmah hikei mahleng Hun awlkhat ah hong vakpih in, Present hongpia in, deihskna hongneih uhleh sanggambang a hongbawlna uh thupi kasa hi. IItna leh ngaihnatna lianpi tawh hong etna uhzong thupi kasa mahmah hi…
Singapore Kamuh Daan
Singapore pen leitung ah khangto mahmah Gam ahihi. Siangtho mahmah in, Mite zong agam uh iit mahmah un kamu hi. Nek- le-Taak, Van tuamtuam hileh Gamdang apan laklut tamzaw ahihna ah vanman pen tam kava sa mahmah hi… Technology lam ahkhangto mahmah uh a, eigam tawh teh in Leinuai-Leitung zang mahpha mahmah uhhi…. Himahleh Khuasung vaakna ah Sum mah kisam a, Sumlo a kivaktheilo ahihna ah keibang apoimawhlua ahihkeileh Inn ah ka omom mai hi……Phone khoih lam ah Singapore te pen Phone haichilh mahmah un kamu hi…. Metro sung, Bus sung, Lampi hileh phone khoihden uhhi…. Kumpi in a Gamsung aa nna abawl leh Thilpiang khempeuh sum muhna in zangthei uhhi.
Tuabang a a ngaihhuai leh a khiaklahhuai mahmah ZIS mipi leh makaite tawh hun kazatkhawmlai in pai hong hunta a,kha 1 mahmah ka omnung in,haksa leh khialah mahmah kawn in 1st. September 2016 in Singapore ka nusia ta hi. Airport ah Zomi Laasiam Miss. Shaee Hungnu, Mr. Pau Mun, Ka Zawlpa Khawmlay, Nu Hong w/o. Sya Hang Khan Lian te in hongkha ua, Airport aa Ann lim mahmah honnekpihzawh uh kikhialah takmai in kong kikhen uhhi. Lamtawn ah Singapore Zomite hong muakna ka ngaihsun a, thupi uh kasa hi. A siamna uh kadamsung thukkik zolo ding kahihmanin Pasian in thupha piahen cia thungen aa Lawmte ngai mahmah aa ka omlai in, New Delhi 10:45pm (IST) in katungta maihi….. Kalung aleng mahmah mai a, Hawikhat tebang kiphawk mahmah mai hi……..hihihi. Delhi ah Kagang Pastor TK Lianpu in kanau LiaLian tawh hongdawn uhhi… Huci a Delhi aa September 6th. 2016 tan hun kazat nung in 7th. Sept. 2016 in Lamka ka tungkiik hi…. Tunitan in Singapore Zomi tetawh om ka kisalai a, kalung zuang mahmah hi…….
Thukhitna & Vaikhahna
Tuipigaal a om Zomite thupikongsa mahmah a, Singapore bekpaipan himahleng USA, Malaysia,Japan, Korea, UK,etc aah tampi ki omhi… Tuate zong Minam na iit ua, Na Zomipihte uh na iitna uh Thupi kasa mahmah hi. Vaikhah nop khat kaneihna ah… “Migam-Milei ah om ihihman in asia apha tuahtheihhi… Tuahun in honghuh diing leh hongvaan pihding Zomi pihte lo omlo a, ahaksa pentan a hong dinpihngam imi isa temah ahihi. Huaiziak in ZOMI INNKUAN KIPAWLNA a omnakleh I Min khum diing, Membership Fee pia diing, Makaite Number neitek ding….hileh idamna hiding in ka umhi. Pawlkhat in I minam Zomite bang neumuh mawk omthei hi… Tuate buaile uh ZOMI te loungal a buaipih diing omlo diing hi cih kei muhna ahi………..
Lungdam ei
B. Muan Ngaihte
Lamka, Zogam
+91 8014391608
This email address is being protected from spambots. You need JavaScript enabled to view it.
