Assembly Election Etkikna
By Sonlal Singson

Kum 2014 Lok Sabha Election zoh ahih nung in India ah Election in trends(paidan)chituam khat hon tun hin muh theih hi.Amasa pen din Bharatiya Janata Party (BJP) in chik mah a hiai bang a tan ngei louh uh Lok Sabha Election ah vualzawh na thupi tak mai hon ngah uh;Huai kia hi mai lou in Assembly Election omna Maharastra, Haryana leh Jharkhand ah leng Amit shah (BJP President) in Strategy hoih tak mai khoh in vualzoh na ngah pih nawn.Jammu and Kashmir ah le Assembly Election nei zoh in Peoples Democratic Front (PDF) toh ki zopna bawl in Government hon din khe non leu leu uhi.Ki muang hun tawk kisa mah mah kom in kum 2015 in Delhi leh Bihar Assembly Election hon mit suan non ua, A gin tak bang lou tak un a ki muan luat na pen uh Arvind Kejriwal -Aam Admi Party ( AAP ) leh Bihar a Grand Alliance party-Janata Dal(United), Rashtriya Janata Dal (RJD) leh Congress ten zahlak tak in hon leh koih daih mai mah uhi.

India gamsung a tu nai cik(2016) a Assembly Election results te apat in Indian Polity paizia naktak in hon khek lam dang zou hial in ngaihsut na hon pe thei hi.Congress ten a minthan na uh man suah hiai hiai a bat na chiang uh om.Huchi kom kal ah Regional Party te performance I et leh Regional force hat dan leh India mipi ten a tung ua muan na a ngah deuh deuh dan uh ki chian pha mah mah.Et teh na in, Tamil Nadu ah All India Anna Dravida Munnetra Kazhagam(AIADMK) leh West Bengal a Trinamool Congress ten tutung Assembly Election ah phattham ching mipi muanna ngah in nuam tak in vualtung tuan na ana ngah hiau lel uh.

Tutung Assembly Election neih na Assam, West Bengal, Tamil Nadu, Kerela leh Puducherry (820 Assembly Constituency)ah India gam a Political Party upa pen Congress ten hih se mah mah ua Puducherry ah Dravida Munnetra Kazhagam(DMK) toh pangkhom in a thuneih na uh len kip zou ham ham uhi.Kum 15 sung Congress ten a vaihawm na uh Assam apat in zungkalh(routed) khiak in om ua, Kerela ah leng Congress te makaih na United Democratic Front(UDF) pen Communist Party of India(CPI-M) Marxist makaih na Left Democratic Front(LDF)ten khing khia non leu leu zel uhi.Leftist chih a om CPI ten kum 2014 leh 2015 in Assembly Election te ah hih se mah mah ua, himah leh tutung Assembly Election te ah loh chinna gah hon lou pan non ta uhi.Nidang a Leftist te hatna mah mah West Bengal ah bel Congress toh seat-Sharing thukimna ana bol mah le uh a ki nep na uh bang lou tak in Congress te sang in hih se zaw thep thup zel uh.

Tutung State 5 a Assembly Election ah BJP te adia khangthu a chiam teh tham loh chinna ana ngah ziak un India Election paizia pen in lunglut huai pi thil tam tak ngaihsut na hon pia hi.Chik mah a Northeastern States te ah BJP in thu neih na a toi ngei lou uh tutung Assam Assembly Election ah amasa pen ding in Government hon din suah pih din mipi ten muanna a tung uah a na pe ta uh, Assam ah Assembly Election thom hon gin apat in BJP in Strategy hoih tak mai bawl in Asom Gana Parishad (AGP) leh Bodo People's Front(BDF) te toh ki kawi in Gogoi makaihna nuai a kum 15 veng veng vaihawm Congress government phuk khe din panmun hoih tak mai khoh in pha phet lou uhi.A loh chinna thuguk uh bang dang ziak hi lou in Sarbananda Sonowal Chief Ministerial candidate din hon guang ua, illegal Migrants issue le nak tak a tang kou pih ding in Manifesto ah zep tel uh.Huai kia le hi lou in anti-incumbency campaign in leng nak tak in mipi te muanna ngah sak sem sem hi.BJP in kum 2015 a Bihar a a strategy uh loh sap na apat sinlai hon la tou uh.Bihar a Chief Ministerial candidate di a puan khiak louh ziak un a tactic uh lohsam dan in political analyst ten gen uh.
A lunglut huai non mah mah khat ahih leh, Chik mah a om ngei lou, BJP in Assam state chauh hi lou Kerela ah leng Seat khat ngah zou uhi.West Bengal ah bel seat 3 keleu ngah zou uh.Hiai in BJP adia maban ah a kalsuan na di ua 'account' hon sak suak in maban ah hiai sa seat tam zaw luah ding ki nem mah mah uh.Assam state Assembly Election a BJP vual zawh na in Northeastern States te ah leng lianpi hon hu zap kha din gin lelh huai lah lou.Nidang a media ten BJP 'Northern India Party' cia ana min voh hial uh tutung Assembly Election te ah dik lou ahih dan ki chian hun tawk mah mah.Tu in India State sung teng ah ki theh palh uh.Kutch apat Kamrup leh Kashmir apat Kanyakumari tan ah BJP ten khe khap ana suan khin ta uh.
BJP te 'Congress-mukt Bharat(Congress vaihawmna tellou India) campaign in ma sawn tou zel din ki lang.Congress Leadership failure ziak le hi pet mah ahi ngei dia, hiai a weakness point pen uh pha ze sa in BJP in lam chi teng ah panmun khoh som in ki singsa he hu mai uhi.

Tu dinmun et in Indian mipi'n BJP ah muanna nei in mok mai in BJP a puk siat di gen kholh haksa mah mah.Kum nawn 2017 ciang a Manipur Assembly Election om ding ah le BJP in bang chi bang in tactic hon play diam chih bil doh huai mah mah.Assam ah account nei sa ahih ziak un Manipur le hon ngap thoh mah mah di leh Ibobi makaih na Secular Progressive Front(SPF) pen phuk khiak ngei ngei hon som kei di uh chih gen chet hak sa mah mah.Bang chi bang strategy hon play ding uh ahiam Manipur ah chih ngaihsut hun ta.Tu lel din mun in bel Ibobi leh a loi te ihmu moh hial ding un gintak hak sa het lou bang hi.Ni teng a kiphin leh Bandh in a pumtuam Manipur pen a kua a kua party hon hat leh leng thubuai la buai hih veng na din thu baih lou ahih dan party chi kim in thei ding ua, Challenging mah mah ahi chih thei kom in kua party in mipi te support angah tam pen di uh chih hu ngaih lel in om.Diklou tak in Election a om kei ding chih bang le gen kholh haksa.Eilak et in bel mipi mandate na nuai ah representative I sawl khe ngei ding un lam et na lian pi ki nei chiat hi.Selection hi non lou in election tak tak a lut hun ta hin intellectual hun khop in a awlmoh thu uh gen kheu khou in hou lim na pi pen hon hi ta.Bang teng hi leh siangthou tak a Election I maban ua I mai tuah ding un I maban ding uh leh bang dinmun a om ihi ua cih gen hon nei mah mah ding hi.

©This email address is being protected from spambots. You need JavaScript enabled to view it.