TANGVAL LEENGKUUL NONCHINA A.!
By Jamin h vualnam

Tuhun chiangin i khosakna uleh khosakdante uh kikheng in khanghaat mahmah a,i khovel mahleng kilamdang in thilteng aadvanced mahmah ta ihi uh chileng chikhial lomlom louding hihang.Huchih toh kitonin i khosung vengsung enlehang Tangval tampite' buaina leh huphulh mahmahte lak a khat ahihleh Zi/wife neitave na upagawp tavoi, Zi neilou a leengkuul det sawm namaw? Ahihkeileh duhtuilua/deihtellua a duhthusam dan munailou maw? denchiah naval khong de aw chih dotna leh zakchimhuaipi ahi.Ahi a zi/pasal neibaih leh aneihakdeuh bel ki-om mah. Ahihziakin aneihakdeuhte leng tuadanbel hikhinpah khollou khading hi. Chihtheih leh gentheih hitah chihman a huchi khachi kichihpah leulau ding leng hong hikhin khollou ding ahi.Ngaihtuah mah dih, Tangval tampite Zi-deihlou, zi-neih utlou leh lunglutlou hipumlum pah khollou ding uhi.Aziak leh asan tampi leh atuamtuam om khamah in teh. Huaitelak a tampite buaina tamlou chu maw; unau Kuki te laa khat in gendik mahmah hi'n kathei a gensau zual taleng.

I tenna Gam (India)in economy leh lam chituamtuam a khanlam manoh zel ahihmanin Government nnasemtu kitam mahmah ta hi.Himahleh miteng/tangval teng in sepna/kaam kinei veklou a, laisiam a tamzawthamte sepna neilou in ki-om hi. Huchibang ahihman in sepna neilou tangvalte adi'n Zi neihthilhou maimai hihetlou hong suak hi. Tuaziakmah in Tangval te adi'n nungak heldia kuan bangleng gentheih-huai,zumhuai leh zahlakhuai in haksa veve lel e lawm.Aziaktuh 6th pay commission ahihtoh kitonin nungakte man/price leng tamgawp ta, hon ngaihbawlsim le uleng anu-le-pate'n Itna kichi pe'n sepna neih-le-lam vualzousak zomawk ahih chiang ua. Nungak i helchiang in a nu-le-pa te'n survey hia enquiry ichi zawhia dawtna tampi leh a tuamtuam interview bang hialkhop a hondong ziahziah bang uzaw nuam liailuai tuanthahlou eingal... A'ihkelah atanu uh leizoulou dia hon-gingta uh hizaw hia chihzaw thei tuankhang.

Anu/innteknu ngial in dotna dawnhaksapipi; innkuan bangzah napha ua, unau bangzah, na nu-le-pa'n bang nna asem ua,nang u-zaw maw nau-zaw chih khong tuh a neepte leh a starter himai.Aw bang lathak zozen in; Sepaih pang nahi hia le, ahihkelah singnuai/UG mi maw le, bang nna/sepna nanei a, aihkeh laizillai maw? chihten hon nungzuih ziahziah bangzaw pasal hitawk lengle kisan/red tuaituai thou hivo. Lungsim leh ngaihtuahnaten bawlkhelh hihkhelh leh genkhelh neimah kabang a chiphetsam. Telsui' a thuduh/thukan chih mahtak, zaanglou/tuilouchihkhong bangchi'a bang nanei ua leh, e innmun leh gam bangzah nanei himhim uh? chih dotnate tomkimtak a dawnchu baihlamtuan hetlou eive!!! Bangchidan hiam in hondeih bawl ngialle uh medical check-up bang leng honbawlsak utphial dingkhop a nupi/papi tei-le-fel ki-om veve a maw!!! Tuabang tengkhong pawt/hawh masak nitak adia dotna masate higeihlel himawk ahih chia, a dawnna/answer petheilou leh pezouloute adia vapawtzom zelding chihbang tuh teuhlou himai??? Ahimhim in zum-le-zah khuallou zen in vakuan zel leng le a qualified loute adia bang phatuam di la? Igentaksa bang a Itna pe'n neih-le-lam, kaam/sepna te' zousakzaw ahih maimah chiang ua.

Huaikhong bangchu a keep/testing maimai na hilai dingdan eive, tuabang a i-paitouh zelzel ua itna saang a sum-le-pai, neih-le-lam, sepna/kaamte ingaihthupi zawk sungteng uh.Christian kichite adi'n bangchi isa d'uam maw? Thilteng bangteng nei in taaksap leh poimoh natom neiloukhop a thupi himahleng 'ITNA' kichi ineih tuan kenzaw kipahna, lungkimna,khamuanna leh i khristian hihna tanpha zuikha chiahlou hiding ihi.Huihaaa...khovel hong hoih a maban isuantouh zel un tuh Tangvalte maban ding khauhpai lelve'n aw. Singbul suangtum phukha bat a, Ui-ngawl gamphut ngai leh kilawm. Aziakbel... Centre government in 7th pay commission honzang pah tadia huaihun chiang inchu maban sahlel ven!!!..Huaihun chiang in Tangvalte Nungak heldia ikisak ngeingei intuh document tuamtuam neih dandan kengkom/tawikom a ikuan uh ngaitaleh kilawm simta mawle? Tribe certificate, date of birth certificate, income certificate khong alou theilou hiphial taanteh.Tulel in upat/old age form chihkhong lalata hive hang huaihun chiang intuh tuailai/zonglai kahi chih proof nadia tuailai form bangleng ilak-khong uh hong-ngai leh kilom kasa.

Tuateng kia a hunhileh phave, ipaidan uh igindan uh leh imi-etdante uh izuih-touh zelzel untuh kumbangzah hiam nung in tangval ten nungak heltheih nadia admission banglengibawl uh hong ngai khong leh kilawm.Nu-le-paten bel itanu uh pasalding sepna nei, neih-le-lam a leng khosathei deuh kideih chiat ding mah chu hi.Hilehleng tuabang mite ahoih leh itna a kithuam hiveklou ua, innsung kepna, zi-le-ta etkolna a thulimlou leh kipahna, lungmuanna,tawldamna leh lungkimnate subuaitu a pang tampi petmah ki-om veve hi. Sepna kichian bangmah neilou, khosakleng niamchik ahihziak a gilkial dangtak a situan lou ua,thamlou in innsung/innkuan kituak, kipak leh lungmuang, innsung chidam leh tawldamtak a neihlouh dandan a khosa innkuan nuamsa tampi ki-om veve hi. Aziaktuh bangdang athupi leh alamdang lua hituanlou a, himahleh amau a tua ITNA ichih a-om a, aneih ziak uh hilel hi.
Huchibang khong a, dotna leh ineihlouh leh phulouh tantan a iki kansuiluat ua a dongtute lungkim natan a dawnna ipiaktheilouh chiang in tangvalte adin khutchin kom a tum-mang uthuai tuntun hi.Zi deihlou lunglutlou leh duhtuilua hikeimah leh den a interview hiziang a igensuk duatduat teng a fail/chinglou te a din tangvaal sawtdeuh chihbang om thei thamtham a, amautemah inleng haksa leh nuamlou liailuai saveve uh ahihlam iphawkpih uh poimoh veve ei ngal ve. Mi huchikhachi chichi napi'n, achihpa un huchi ahihleh nang tanu honpeve leh achihzenzen chiang bangua lah azalou leh beng-ngawng bang thepthup zel. Hichibang a chinna/qualification tuamtuamte hongtamluat chiangin apassed zoulou te adia maban suantouh thil haksapi suak hilel ve aw. Sepna inn-le-lou, neih-le-lam hoih leh thupi adeihlouh kua a om-mah dia, huchi sipsip a na ngentel luatziak ua tutan 'Zi'neilou hilel veng aw.

Noulah ei maimai khong mitsik ale hon-enlou, chinna khatleng kineilou mah aihchia utkei lengle Tangval lailai mai ngai eivoi!!! chih Tangval tampite lungsim ahi. Huaiziakin abul-abal theilou pi'n tangval leengkuul chi'a mawhsa leh dembawl in chichi henghang nawnkei ni. Tangval Leengkuul nonchina a ka-utmawng le hisamkei, a siangsiang in genleng nou(nute/pate) kipilvangsaktak a nawn chiziatziak ua ka neihzohsunsun'ITNA' vual-lel sak a, a pil-le-siam, neih-le-lam, sum-le-pai, sepna, inn-le-lou neite vualzousak hive uchin.!!!..

(Tangval tampite gen-utlouh ahihziak a, a lungsim ua a vei mahmah uh, amauteng sik-le- taang a kagelh eive)