Midangte' Kitheihmohbawlna/Thaihsatna Na Tuah Nungin; Bang Hihtheih Na Nei-A?
(Mathai:26:30-46)
By N.Suanmangphaipi
I' Laisiangthou pansan bangzah in nana simkhata ua? Simkha nailou i om zenzen leh Laisiangthou simding a na kisak chiang in; hiai bung leh tangte' ana sim himhim mah dih, vualzawlna/ kipahna na muh ka lam-en ! Nikhat, hiai Bible changte' sim a ka omlai in, nidang a ka ngaihsut-ngeilouh leh phawk khak ngeilouh 'Thu' tampi petmah, gelh leh chepteh ding ka muhsuah loh a! Ka kipak mahmah mai hi .
Leitung hinkhua na zattouhna ah- anuam-ahaksa, lungkham-mangbat,gentheih-liangvaih
hun a nanglam apang ding a na lamet; thu tampi na kikuppih lawm gin-om leh muanhuai mahmah dia na gintak; hon iit mahmah leh hon duat mahmah a na theih leh koih mi te'n ! Khat veivei hon kitheihmohbawl, hon taihsat, hon gaal et maimah hun leh hon nuihsan hun uh Leitung na khualzinna ah, na tuahkhak leh phutkhak ni omtham diing hi. I Laisiangthou pansan na ah, Jesu toh Peter, James leh John Lampi a apaikhawm laiun Peter in, Jesu kiang ah hichin agen hi, "Na sihna a leng si sam ding himah leng kon kitheihmohbawl kei hial ding". Nangleng, na hinkhua ah hiaibang thute na zaak khak hun omtham ding a, himahleh akhonung a athu-vuak ana hihmaimah hun ! Kenleng tuabang kana tuah khak hun omtham hi. Jesu'n, lametna aneih omsun hidia kagintak bel; Peter in, kitheihmohbawl leh zuausan/taisan diing chih theimahleh 'Peter' thugen ataktak hong hileh aw! Chih hidi'n kagingta hi. Bangzong teng hileh, thu kipahhuai leh thupi mahmah bel, Peter in haksatna leh beidot tawpkhawk hontuah in athugen leh athuchiam te hinpih in, halhthakna thu chikmah a omngeinalou puangzaaktu in panloh hithet hi !
Huan, a kiang uah, Ka kha a lungkham mahmah a, sihna khop hial ahi; hiai ah om unla, hon venpih un, a chi a.(Mathai 26:38). Hiai munah, Jesu 'Mihinna' muhtheih a, eite bang a lungkham thei, tawlthei leh bahthei ahihdan chiantak in kimu hi. Huaibanah, Bible mah in Jesu lungkham lua ahihdan agenna ah, A 'Kho-ul Sisan taak khia bang in ataak huphup' achi hial hi. Hichibang khop a Jesu lungkham dan Bible sung ah kigen kha tamlou-petlou akigenlam omdi'n ka gingta kagingta kei hi. Huan, Jesu adia tangkhat huaidan/tangkhat(alone) kisaklouhtheihlouh hi. Aziakbel, alawmte khatbeek in Thuum pih dia gingta leh kilam-en hinapi, thumvei mahmah ava etnung inleng kuaman thuum pihlou in ana ihmutsan maimah uhi. Aw! Maizen! Bang chituk in Jesu adi'n abeidot huaidia, akhavat huaidia ,atangkhat huaidia? Na ngaihtuah ngei hia?
Leitung na khualzinna ah, hichibang a tangkhat lua kisak vungvung hun natuak khangei hia? Na tuaktham diing , kenleng hiai bang hun ka tuak khazel hi. Na hinkhua ah lamet diing beikhop a mialna in hon tuam hun om hia? Chikchiang a vaak hong tangding hiam chikhop a na kingaihtuah vungvung hun omkha hia? Hiai haksatna, beidotna, lungkhamna'n bangchikchia hon nuse ding adia aw na chih ngoihngoih hun omhia? Bangtenghileh, eite haksatna, thuakna, beidotna te I Hondampa Jesu' thuaktoh tehvual hilou ahi.
Huan, Laisiangthou ah Jesu'n , 'Hon taisan-ngeilou ding leh hon zuausan ngeilou diing' ahihdan ana genkhinta.Tuaziakin, hon nusia/taisan peuhmah louding hi. Haksa leh beidot huai mahmah kasak hun a Aman kei lel tak hon nutsiat keileh nangleng hon nusiatuanlou ding ahi. Etsakna khat lale, 'Leihawm(tunnel) pai nading khat a om a, huai ah vaak(light) om ahi chih lam-en kawm a na zuihnung in, atawpna na hongtun tan inleng vaak muhding ana omkei hi. Himahleh, vaak om ahi chih lam-etna na neih in atawptan hon zuipaisuaksak thei a, huai na lam-etna leh gintakna in na lampi hon kokmuh leh hon gaalkai pihthei hi.' I Laisiangthou in chiangtakin hi chi'n anagen hi, 'our steps are ordered of God' huaiziakin tuni in nang leh nang Toupa' muang in ki hih haat thak ding in kon ngen ahi. Amah muangpeuhle chin na Lampi ah nangchauh in hon paisak ngeilou diing ahi.
Thukhitna ding in, It doesn't matter who has walked away from you, it doesn't matter what promises they made to you that they didn't keep...it matters that you believe in the God of the universe who keeps all his promises and he will NEVER walk away from you!
Huaiziakin, tuni a tangkhat kisa, lungkham-mangbang kisa, mite hehpihna leng donglou kisa,lawm-le-vual leng neilou kisa, mite nuihsan maimah kisa, mite'n hon gaal et maimah kisa, mite kitheihmohnawlna tuak kisa a hinkhua zangkha I om zenzen leh Aman hon taisan ngeilou ahihdan phok kawmkawm a, hia thute tungtawng a pan ana lathak a, nang mahmah hontanpa Amah Jesu' muan na toh ana ki haanthawn a, kal ana suan diing in ka hon ngen hi. Ginglou mite' liim(shadow)in hon liahkhum kei hen chih ka thuum na ahi.
Ka Kipak !
@N.Suanmangphaipi
