Chidaihle… selection result suah ma a Zogam.com saina a MLA prediction contest om inchin ke’n 1st prize la, huai le dau thu! Kei chauh in dawng dik nasa zenzen d’e.. mi sawm guk val in dawng dik eifoi! Lai doh ngai inchin ke’n lakha chih man thu hi. Ka prize chu…ka fon 500 man a hong ki top-up loih... nuam ei ! Hiai hinte elec..eh! Selection ziak a ka hamphat pih. Mi sawm-guk val tak in kuateng MLA a hong ching di ahia chih bang ziak a gen khol thei chi’n lamdang nasa kha di ua..a theih hak kei lotel..hahaha..kuateng tang tung lam a thilpiak lat di toh thumna neidia kuan uh aleh? Kenchu theilou! Chini haulou…ehem ! Alehlam ah, volunteer kholai a kipaw tuah vengvung om nonlou inchin hoih lotel.

Kaveng ua pa khat kamsiam ut selua or kamsiam loulua I chi hiam ah, nau min phuahna a inntek’ kipahthu genna nei “Chial louh tanpha le nahong ua…..” hon chih leh hong kilawmlou dek hileh kilawm lah amah theisiamte leh agen ut tak theihsiamna neite’ adia bel akam siam lua anahi, aziak bel “Mi hiai zah zouzai, kou fellouh ziak a chial khak louh le I om di ua…” a chihna ahi chih kithei hiven. Tuplouhpi  a hih khelh om,tup mawng a sawm tinten a “hih khial” kichile om, Tum tentun a hih le om chih haih vual louh in I thei kelkul ! Huaiziak a pil giugiau a ngaihtuah detdet kawm a pau di..chih keile kasiam theih louhte lak a khat hi veve. Noule hithou! Daihmai! Kholai a kisual khong haihuai sana hang a ahehna uh I theihlou man eiset voi..nang le heh petmah in heh lechin haihuai zumhuai chih khong na khual man tak leh..chih kei mimal ngaihdan hi lim. Kitheihsiam tuah poimoh.

Eimi kha kiheh pahpah, I heh leh I khut kuan! A kuan zohchia ahilou di tantan hikha nak hiveh. Mundang/State dang a laisim, sepna nei, sep theihtheih sem leh ‘hih’ theihtheih ‘hih’ kawm (vaite, negrote, khamtheih etc) , kitam petmahta. Neuchik ki-adjust deuh ning mi gam ah chih omlou- kholai a kijui huuthuut,pai nuutnuut, numei’ inluah na khong a va chiak lualua, khamtheih kham a agam mite toh bang kisu buai…adangle tamlua! Amei-Apa hoihlou le a milip I tam toh kituak a kitamta- vaite’ mei a pang a inlam sum khak ziahziah,zu-inn khong a nuamtal, kizuak, tengkhawm kawm, nasem dia khopi zuan sungkuante’ sum kensak a sepna’ng le munailou khopi tung phet O.D, khamtheih hih a omtop chihte bang le “I tamta ua hi..huchi thei mah hi” chi a kihehnep a theihsiam poimoh. Ei va puaknat tentan a phatuam di omlou. Hilele, lawmte khat in “…a omdan uh I mu a ki-pawna, I theih ngoihngoih khong in beer hon pekham ua I gei a negrote khat toh hong kiboh mawk set uh..enlah kithei ihmu honsa uh hia hilou..theilou” chi… Hiaizah phot aw hiailam thu zaw. Sial-ek dengzak inla aneng them khat namuk a hong belhdok pen chia kia hipan ahi I gen..hiai apan hisap-kitab na utleh nang thu..kon theisiam.

Khopi a om chu hi lah I khota gunda lungsim kipai khethei nailou set ! Sum neih sunsun a branded puan a kizep lung gulh..eh! lung gulh phet hilou, ‘ut te’ hi hang a neih sunsun a mobile leingap kihi zomah lai ! Khopi a chu om kihi “Developed Slum” lak khong a inn luahzou hamhamte hihang a,a gam mite tan-gai tan dawk khekol le teng ngamlou a a-om lai ua ei chu su-bul tantan (uang kei !..na bang a?) dawk a va om lehlah. Ei kichei dan a kichei thei vaite chu a inkuan kim ua car kineih zoute khong…a ompih nu uh Amerika a koih zoute khong hi ua..tua ei..huh!!... I gen ut bel I kichei dan leh khohei ikiim-ikiang ate’ adia et-theih deuh hong ngai hiveh, chi ing. Inlam a I om dandan a I va om sawm chiang a agam mite’ adia mitsiphuai, thuak loh le kitamta’n teh. New Bazar a sam mette khong I gam u’ah a utdan tak in hong om uh henla,ei, a gam mite hon simmoh le uh bang naloh dia? Huchilou ale mi’n “ngamlou” achih leh le vaw teitei te ihih uh kha! O.D khong a si bang a om chiang a innlam dan a “sungna” chi a vuiliam theih mawk louh, policete’n suizui, post-mortem bawl chihte hong hih ngai. Inlam zaw khosak haksa mah, himahleh sum iva deihtak luat pen hong hikhin lou, tate’ kizuakna man nene hih lam le kithei lou kitam maithei eive. Adiak in numei khopi a sawl di nu-le-pate’n ngaihtuahna thuah a ngaihtuah phot ding ahi. Pilvang kisam mahmah sa ing a hon gen teitei keivoi…natheihsa hileh le…..sum I muh leh lungkim suk maimahte kihi set veh aw maw eilawi pi. Ka theih mahmah lengkul khat dan a hih sipsip di, hih chiiat chiiat hih ngiatngiat di. Ama’n chu zi nei lele..”nau hoihna…..nau hoihna” chi a hui lut sipsip di hinchin..achih dan ua sui detdet hih sipsip ding ahi.

Internet zal I zou ua, zanlam a huihpi nung bang muntuam-gamtuam a omten anun laitaka alem ki-en thei, Suangdoh a bsnl (a service uh ahoih kei lua a laimal lian a ka gelh utlouh eikha! Haha..) tower huih in a mut tan(?) bang le ani mah a athu kisim thei. Huchibang ahih ziak in I heutute tung khong a minkhem/lem zang a comment guhdawk zenzen a kipiate bang le eikia hilou, namdang leh khovel pumpi’n simta. “ Aw naupangte na ngai dih ua……heutute zahtak in..” chi a nipi sikul a mai-am zen a nakikou tuaituai lai mangngilh naset maw?

Eilawi zaw ki-khempeuh ki-peuhset tuah hang a- mi’n thugen lelah “…amahle huchi-khachi khempeuh kasa ve!” Chi in thusim hetlou. Mi’n limtak in Lasa lelah ana zahpih khempeuh. Sappau siamsim tak a khat apau leh agei a te’n ana “Peuhset” zel.. Nang na na “khempeuh” ziaka mi a perform ding bangua perform ngam nonlou uh,na “khempeuh” khakdi lau uh. Lasiam tamtak in I market neu a chihchih uh kha bangdang hilou inchin ei-le-ei kidem,kimusit-kihaza tuah, kizahpih, “khempeuh” kisatuah ihih chiang ua album lei di omlou, huai gahsuah chuh market neu hiziang! Kipah tawituah chih mawngmawng omlou, midem-siam, mi nuihsan henghang, nuihsan neknak khong I chil kivei nalam pangtak! A pil ngen, a siam ngen, a dawilok ngen! Kei chu tellou aziak chu..genthei kahih ziak in..chih mawk dikhong hileh..kei zaw ka na Hai phot di aw…pilsum(sum neite pil,ken neilou! chihna ahi..) kasung zou naikei ! Neih le kanei zoukei di ! Ahai pau kahi, Ei maimai nou pipi…!

Thil himhim I theih louhlai ahoih lai ahih nachiang om eive maw..nachiii?? Jobtiva,Jobhouse, Jobgate,Jobdailenbuk, Biometriva zaw om zen nai kei maw? Hahaha. Hiaite khong I theih louh lai uh ahoihlai hilim veh. Lampi pandeuh a nuhvom dan le itheih ma ua zaw lampi hoihdeuh hi a. Khopi a “hih” di tamdan, damdawitang kimatdan khong I theihma uh hoih zaw hi a. Theih I hau lua ua buai huai hiveh aw..theih beh ut lai zomah leklawk hang a…damdawi tang leh a vui zaw thukhat kasa a khedap belhna khamtheih ahi chih khong kua muh khiat a kua’n ana experiment a set di? Correcting fluid le..he..he.. set tawk mahmah..om moh hon! Theih ut huai ta zozen maw… Huiha…Thil zaw I theihlouh lai ahoih lai hi kachi, nachi d’uam ah theikeng !!