Electoral Rolls Under Special Summary Revision-2014: Churachandpur | ~ Dr. R. Sanga

Introduction:

Kumsim a hihngeina bang in tukum 2014 in zong “Electoral Rolls Revision” bawl in om hi. India khua-le-tui hihna nei, kum sawm-le-giat (18) apan atunglam mi kuapeuh, lungsim ngeina mi-pangngai, numei leh pasal khentuam om het lou a, mahni mimal deihtelna zangthei, sia-le-pha theihna siang anei mi khempeuhte ‘Electoral Rolls/Voters List’ ah atelchiat diing uh ahi chih thudik ahi. Huchibang mi Electoral Rolls a min tuangkha lou aomleh Indian Constitution dungzui a India khua-le-tui hihna nei lou chihna suak diing hi. Huaiziak in Daan bangtak a Electoral Rolls a minkhum diing pen michih “Birth Rights” ahi a; min gelhlut a om lou mite pen gamdang mi (foreigners) toh dinmun kibang a om chihna suak ahihman in poimohngaih mahmah diing ahi.

 

Kumsim a Electoral Rolls Etkiikna:

Electoral Rolls etkiikna (Revision), kumsim a January 1^st ni tan a bukimtak a sutkhiaktheih diing a akisaipih officials-te’n a bawlfel vek zel diing uh amaute mohpuak ahi. Asi-amangte, omna mun kisuante, mun nih/thum a omkhate baan ah, Kiteelna toh kisai a Daan bang lou a gamta leh thanghuaitak a gamta (corrupt practices), Electoral Rolls a min tuangtaak lou a Daan in a thutankhum mi khat peuhpeuh chetna kichiantak aomnung a – ‘disqualified’- ahih ualeh; amin uh nulmang a, paihkhiak theih ahi uhi. “Hand Book For Electoral Registration Officers: Election Commission of India, 2012, Chapter IV-Paragraph 14.1; 14.1.1; 14.1.2; & 14.1.3 Page No. 22.”

 

Electoral Registration Officers in pilvangtak a enkai in; Members of Parliament & State Legislature-te tengteng, huai etkiikna (revision) ah hunbi nei a minkhumna laibu (periodical registers) ah kumsim a January 1^st ni tan a maihkhak a aom louh diing uh baan ah Preliminary Publication sutkhiakna ah MPs leh MLAs teng Electoral Rolls ah amin uh paihkhiak a om lou ahi chih chetna in lai poimoh: Electoral Registration Officers in ‘Certificate’ poimoh apiaklut diing ahi chih “Hand Book For Electoral Registration Officers: Election Commission of India, 2012, Chapter IV, Paragraph–14.5 Page No. 22-na ah gelh in om hi.

 

Tua baan ah, mi nautang khat peuhpeuh electoral rolls akipan amin lakkhiak/nulmang a aomleh; bangziak a amin nulmang/paihkhiak a om hi hiam chih, Electoral Registration Officer in Chief Electoral Officer kiang ah kintak a ‘report’ abawlpah diing ahi. Kumtawp teng in Electoral Registration Officer apan ‘report’ angah bang dungzui in; Election Commission office ah Chief Electoral Officer in ‘report’ bukim apiaklut zel diing ahi hi. “Hand Book For Electoral Registration Officers: Election Commission of India, 2012, Chapter IV, Paragraph – 14.5 Page No. 22-23 ah hiai anuai a bang in MPs, MLAs & MLCs a telching a om lellel teng baan ah mipiching, kum 18 apan atunglam mi khat peuhpeuh ‘Electoral Rolls’ ah bittak in amin uh om chiat uh hiam chih chetna abawl diing ahi chih kiteltak a mipi-nautang theihsiam diing deihna ziak in “Hand Book” a ombang geih, ahi bangbang teisawn in hiai anuai ah taklangh ni:

        

Paragraph 14.5: Retention of names of Members of Parliament and State Legislature:

The Electoral Registration Officer (ERO) should ensure that the names of all Members of Parliament and the State Legislatures find a place in the roll. Special care should be taken to see that the names of members of Parliament and members of State Legislatures are not left out from the electoral rolls. At the time of draft publication of the electoral rolls, the ERO should certify to the Chief Electoral Officer that the names of MPs, MLAs and MLCs continue to be borne on the rolls on which they were registered at the time of their elections. The following procedure should be strictly followed to avoid any omissions of legislators.

 

14.5.1 An exhaustive list shall be made of all the assembly constituencies, the electoral rolls of which contain the name of any sitting MP, MLA or MLC. The Chief Electoral Officer shall send to the ERO of each such constituency, a copy of the relevant entries in the list. The List shall be kept up-to date and the ERO kept informed of all amendments from time to time.

14.5.2At the time of the preliminary (draft) publication of the electoral rolls, the ERO shall certify to the CEO that the names of such MPs, MLAs and MLCs continue in the rolls.

14.5.3 In every case where the name of any such person has been omitted from the roll, the ERO shall report to the CEO, the full facts which occasioned such omissions.

14.5.4 At the end of every yearly revision, the CEO shall report to the Commission all cases under paragraph 13.5.3, which have occurred in the state with a copy of the ERO in each case.

14.5.5 In cases where a Member of Parliament is elected from a State other than the one where he is enrolled as an elector, the CEO of the former State shall communicate the name of such member of Parliament to the CEO of the State where he is enrolled as an elector, well in advance of the qualifying date. The CEO of the latter sate shall confirm to the CEO of the former State that the said Member of Parliament continues to be registered as elector in the electoral roll of that State.  

 

Electoral Rolls Under Special Summary Revision-2014 (Churachandpur):

Churachandpur District ah Assembly Constituencies guk (6) aom hi. Manipur Sorkar in Electoral Rolls, January 6, 2014 ni in a ‘Published’ hi. Churachandpur District pen alompi a velthakna nei in, thupoimoh theihtuak bangzah hiam taklangh le’ng mipi-nautangte a diing a phattuamna aom khakleh chih lametna toh, akisaipih mohpuakna neite (officials), mi khat peuhpeuh in, tunung-tubaan pilvangtak a amohpuakna uh adik-atang a asepkhiak diing uh deihna ziak a hiai thu poimohtak gelh kiphamoh ahi hi:

 

Table 01: Electoral Rolls Under Special Summary Revision-2014 (Churachandpur)

Sl. No	A/C No.	Name of Assembly Constituency	No. of Voters Deleted
1.	55	Tipaimukh A/C	755
2.	56	Thanlon A/C	544
3.	57	Henglep A/C	670
4.	58	Churachandpur A/C	2,070
5.	59	Saikot A/C	?
6.	60	Singngat A/C	562
-	-	Total	4,601

 

Thudik Zong Chiat Ni:

Hiai atung a Table 01 akipan Electoral Rolls a min gelhlutsa, nulmang/paihkhiak, Churachandpur District sung ah Voters akigawm in sangli zaguk leh khat (4,601) vel apha hi. Hiai, Electoral Rolls akipan a min paihkhiak a om tengteng MLA kitel nanungpen hun a ‘Voter List’ a mintuang ngen ahi uhi. Asi-amang hiam, District dang a kisuan hiam, State dang a peemkhia hiam bel thil omthei tham ahi a; himahleh tu hun tomchik, kum nih vaal zek hunsung a mi hiai zahzah Churachandpur District akipan om lou, ahihke’h Electoral Rolls akipan nulmang/paihkhiak chih pen thil lamdangtak ahi i chi lou thei kei hi. Natna mulkimhuai, Epidemic chikhat hong om guih zong hi lou: Bangziak a mi hiai zah lawmlawm amin uh thaimang a om thei hi hiam chih mipite patauhna aw-ging ahita hi. Electoral Rolls Under Special Summary Revision-2014 (Churachandpur) January 6, 2014 ni a Government of Manipur in abu a asuahkhiak (Published) pen mi pilvang bangzah hiam in nguntak a avelchiang un aziak-asan mumal bangmah om lou a amin uh nulmang/paihkhiak a om ahi chih atheihphet un kintak in thuneitute kiang ah thuchian bang hi hiam chih dapvel pah uhi. Huchi in Deputy Commissioner/Churachandpur in bawldikna thusuah kintak a bawl in hiai anuai a bang in ‘Voters List’ ah zaguk sawmguk leh sagih (667) vel amin uh gelhlut in omnawn hi:  

 

Table 02: No. DC(CCP)/Elect-SSR/2013 Dated 24.01.2014

Sl. No	A/C No.	Name of Assembly Constituency	No. of Correction
1.	55	Tipaimukh A/C	213
2.	56	Thanlon A/C	71
3.	57	Henglep A/C	42
4.	58	Churachandpur A/C	323
5.	59	Saikot A/C	- nil-
6.	60	Singngat A/C	18
-	-	Total	667

  

Bawldik Tawm Lawlai:

Atung a Table 02 a i taklat dungzui in, Voters List a omsa, mi 4,601 vel nulmang/paihkhiak a omte lak akipan ‘Voters’ 667 vel guanlut in omthak leuleu hi. ‘Voters’ 3,934 vel paihkhiak a om lai veve chihna suak hi. Amaute koi a bangchi hita uhiam chih kansui a, adinmun uh kichiantak theihtuak mahmah asuak hi…!! Min guanlut thak a omte ziak a kipahhuai ahih toh kiton in hiai zah lel bawldik a om pen tawm law mahmah hi lou hiam chih ngaihtuahna hon kiguihsak lailai hi. Bawldik louh a Voters 3,934 vel om laite, hing-dam a om, kisuan hi lou, asi-amang zong hi sam lou, dinmun ngeingei a om bangzah hiam om ngei diing un uphuai hi. Huchibang mite pen Voters List a bawldik a gelhlut thak ahih kei ualeh bel India khua-le-tui hihna nei lou toh kibang; amaute ‘Foundamental Rights’ hihbeisak toh kibang geih diing a, Kiteelna ahong omnawn chiang a ‘Vote’ nei lou diing uh chihna suak hi. Huaiziak in, thuneitu leh makaitu kuapeuh a diing a bildohhuai petmah ahi hi. Mahni mimal a saifelthei lou zong mi tamkhop om ngei diing a uphuai ahihman in ‘good citizen’ kuapeuh a diing a ngaih poimohtuak mahmah hi lou hiam...??

 

Alamdang Kholdiak Nih:

Tutung Electoral Rolls under Special Revision 2014: Churachandpur, January 6, 2014 ni a suahkhiakna pen ah amin uh nulmang/paihkhiak a om mi 4,601-te lak ah Churachandpur District huapsung ah Parliamentary Secretary (MLA) khat leh MDC-Executive Member khat telkha laizang uhi. Amin uh nulmang a paihkhiak a aomna ziak uh ahihleh “R” kikoih hi. Hiai laimal “R” omzia bel ‘Repeated’ lamtom chihnadan a zat ahi hi. Munnih/munthum hiam a omte gennadan a ‘repeated’ kammal zat hihtuak hi. Himahleh, mundang, koi ah mah hiai mi nih, mipi ai-oh diing a teelching a omte, Electoral Rolls ah gelhlutna om kha lou hi. MP/MLA/MLC apang lellai mi khat peuhpeuh kumteng a Electoral Rolls Revision bawl ahihchiang a amin uh amawkna a nulmang/paihkhiak theih hi lou a; nulmang naksang a ana kinulmang kha zenzen hiam, ahihke’h paihkhiak in a om zenhouh hiam chih chetna hoihtak bawl detdet a Election neih ahih hunlai a banggeih in amin uh Voters List ah om ngei-na-ahi chih ‘Electoral Registration Officer’ in “Certify” abawl diing a; huchi in ‘Chief Election Officer’ azaksak pah diing ahi hi.

 

Thukup Khenkhat:

1. 1.Election zalen leh siangthoutak a neih ahihtheihna diing a electoral rolls etkiik hunteng a dik loutak a bawl louh himhim diing chih pen thil kul-le-poimoh masa penpen ahi.
2. 2.Mipiching kum 18 tunglam kuapeuh Voters List ah minkhum vek diing thil kiphamoh petmah ahihman in, ‘Revision’ bawl ahihchiang a, min khumsate amawkna a nulmang/paihkhiak hetlouh diing ahi. Huchibang a min paihkhiak aomleh aziak-asan diktak, nialvuallouh a dik ahih diing ahi.
3. 3.India khua-le-tui hihna nei kimlai, neinawn lou bang mai a kibawl chih pen Daan kalh a gamtatna ahihman in pilvan mahmah diing ahi chih akisaipih ‘Department’ a mohpuakna nei “officials” khempeuh in theigige kawm a diktak leh ginomtak a atavuan asepkhiak ngeingei diing uh kisam hi.
4. 4.Tupmawng a thil diklou hih teitei mi pen Daan dungzui a akituahpih gawtna atung ah tungthei ahihman in mohpuakna anei mi kuapeuh pilvang chiat le’ng ahoih hi.
5. 5.Kum ching lou Electoral Rolls ah gelhlut in om kei theileh thilhoih hi lel lou in, diktatna ahi.
6. 6.Electoral Rolls Revision kumsim a bawl in om zel hi. Officials a mohpuakna neite’n amau utdan leh hoihsakdan a Voters List a minkhumsa nulmang a paihkhiak mawkmawk chihte Daan kalh a gamtatna leh dikloutak a nasepna (power abuse) ahihman in mipi-nautang in mohpaihna sangpen bawltuak ahi uhi.
7. 7.Deputy Commissioner Office/Sub-Divisional Office, Churachandpur in Voters List a min paihkhiakte bawldik a; voters 4,601 lak akipan voters 667 lel aguanlutthak pen bukim zou lou deuh diing a uphuai ahihman in nguntak in hon velphathak theile uh adeihhuai petmah