I gam vai uh toh kisai thukup | Lalawmpuia Ngaite, Guwahati

Kumpi khat a kam namse (bad breath) mahmah hi. A zi in lau lua ahihchianga hilh ngam lou. Nikhat hiai Kumpi pa a melma Kumpi dang khat tawh hong ki tawng. Kumpi khat pen in, “Na kam a uih uih tawh” achihleh amah zum lua in, inn hong pai vengveng. Inn hong tun phet a a zi kianga bangdinga ka kam uih lam hon hilh lou e, achihleh a zi’n lau law tel ahihchianga, ahi bangbang gen ngamlou in, “Ken pasal tengteng kam hichi ding kasa a ahi” chia dawng. Dawng siam mahmah. Hilele hichibang feedback achu a pasal ki improve kha ngei lou ding.

Hon hilh dia kilawm te’n hon hilh ngam kei uleh, ahih keileh hon hilh dia kilawmte hon hilh I ngaihsak kei leh, ei le ei khatvei tei kitawlem theih ding hi mawk hi. Tulai heutu tampi te sycophant te’n zui nainai un, hiai sycophant te mah in heutute’ zak ut te chauh (a hoihna chauh uh) gengen uh. Heuteute’n a taktak ngen ding sa un, hoih bukim kisa kha dekdek. Negative feedback, which is otherwise important, himhim a bil ua lut theilou and this attitude can spread its insidious effects. Sycophant te’n a boss te uh fel zoh louhna gen khak ding bang khelhna banga ngai hileh kilawm in, mi dang te’n a gen khiak khak zenzen uleh leng, react pah souh souh mai. Huaiziaka hichi bang heutute’n amau ngaihdan toh kituak lou himhim leh amau fel louhna taklang kha ding himhim te bang koih gamlat ut uh. Hiai pen eilam context chauh hilou, atangpi a thil om ahi. Church a om, organization dang tuamtuam bang a le om. Who loves to hear audacious feedback, anyway?

Heutu khenkhat leuleu in, opposing ngaihdan nei thei te poimoh dan thei mahmah uh. Pichin huai leh khan vai mahmah dingin ka gingta hi. A hi bangbang feedback pe ngam te ziak in Heutute leng hon ki vel thei in, there is no room for complacency. Barak Obama in presidential race a kikhin pih Hillary Cliton pan mun poimoh tak pia. Ei lam te bang chu a gamla thei pen kitun mai thei. Hillary Clinton om ziak a, vaihawmna tawh kisai a perspective tuamtuam a muh beh ka gingta hi; long-term a dia hoih mahmah ding. Issue khat peuh perspective tuamtuam a et theih hoih mahmah ding hi. Most importantly, Obama will always be on his toes and aspire to deliver his best because his former opponent is watching him closely. So, no room for complacency. Heutute zak ut chauh hilou a, a zak ut ngel louh te uh bang leng feedback I piaktheih/piakngam chiang in ma kisawn dingin ka gingta hi. Sycophant te dan a hoih dan ngen I gengen leh, kaw khuk a ki ke khawm vek thei. Mihing khat bukim, fel kim, hat kim, dik kim chih om thei lou ahih maimah chia. Heutu ka chih chiangin political leader te chauh hilou, organization tuamtuam leh church a heutu te leng hi thou ahi.

Saichang joke I theih chiat sa uh leng himai thei khat ka hon gen zual di. Nikhat unau kua-te hiam lampi a pai nainai uh. A boss pa un lampi lai a suang khat kok veuvau in, “huai suang ahi kei, ek ahi” achih leh a nung zui te’n a nak uh hum un, “a uih hi, a uih hi” chi nainai uh chih dan ahi. Sycophant te’n hichia hih taktak uhi.

Feeback kipia chih hanga, criticize ut mawng mawng na tawh pia, ki thusimlou tak leh simmawh chitak a pia chih bel en leng ki za dah ding, mi’n leng za dah ding uh ahi. I Heutute kianga feedback I piak chiangin leng amau side-of-story leng theih pih kawm in pe thei leng hoih sem ding hi. Ei muh phak na chiang chiang lel a I piak a, a “arena” a a sem taktak te’ struggle leh constraint acknowledge lou hial a I piak le bel counter-productive thei ding hi. Hiai Pu Theodore Roosevelt kamal pen hackneyed sim mah leh a dikna om mahmah hi.

“It is not the critic who counts; not the man who points out how the strong man stumbles, or where the doer of deeds could have done them better. The credit belongs to the man who is actually in the arena, whose face is marred by dust and sweat and blood; who strives valiantly; who errs, who comes short again and again, because there is no effort without error and shortcoming; but who does actually strive to do the deeds; who knows great enthusiasms, the great devotions; who spends himself in a worthy cause; who at the best knows in the end the triumph of high achievement, and who at the worst, if he fails, at least fails while daring greatly, so that his place shall never be with those cold and timid souls who neither know victory nor defeat.”

Issue khat peuhpeuh pe’n in totality a enlou a isolation a I etleh mimal ki mawh sak tuah khiukheu theih ding mah bang hi. Etsakna dingin, item hong ki tak lang sa te khat en leng… Lamka a pump a thautui “a om chia le sianglou, adulterated” chih tawh kisai bang en ta leng. Adulterated taktak hiai chih ka thei kei. Adulteration om taktak hileh, Scenario 2 omthei.

Scenario Khatna: Thautui pen Upper Assam khawng, Nagaland khawnga hong kipan ahi. Lampi a kha pump dealerte’n underground tax, goonda tax bangzah hiam a piak gige uh ngai ding; ei gam a donpi donke gen tak louh. Thamlouh a tanker driver te mahmah inleng product pilferage ching mahmah uh. Enroute pilferage chauh hilou, enroute adulteration leng om thei lai ahi. Lock/Chabi hoihthei tawp thuah a leng mihing dai kaih zoh hi khawl lou thil ahi. Hileh, petrol pump dealer te’n ahi bangbang (good quality and correct quantity) in zuak le uh a business uh a viable diam chih bang ngaih tuah sak huai mahmah kha ding hi. Shillong leh Guwahati kikal Byrnihat ah unofficial tax a dong ua, Shillong a dawrkai te’n a van man uh khangsak geih uh. Petrol pump dealer te’n thau tui man a thuthu ua khangsak thei lou uh. Adulteration om taktak leh, kua gawt masa di, ahih kei leh koi a bawl dik pan di. Underground tax, goonda tax tuamtuam leh enroute pilferage te I Heutute’n or en I va bawl dik thei ding uam?

Scenario Nihna: Item dang khat..“A check tu dite’n banghih ahi ua” chih ngaih dan kikup beh nawn leng. A check tu dite’n hoih tak in check uh henla’n adulteration pen ki establish leh, pump dealership terminate hi ding. Petrol pump tawm na lailai terminate leng Lamka mipite’n thautui koi apan a la ta ding. Mizoram apan la ding maw? A man tam zaw tham, siangthou tuan lua leng hi khollou mai thei, a tehna/quantity measure leng dik khollou lai mai thei? Pump hon beh ding chih mawk lah process sau pi, dawr khen khat dan a va hon mawk theih hi khollou. Hon beh hi mawngmawng lengle, tax tuamtuam te a om thou leh, dealer te’ business loss tawh aki sustain thei diam?

A tung a scenario te I et leh mimal khat le nih va mawh sak luat theih ding bang khollou hi. Issue teng black and white hi thei khollou, grey area bang leng om thei tham hi. System himhim muat (rotten) gawp ahih ziakin Heutute khat le nih hoih ziak, hat ziak a thil fel hehu thei ding leng hi khollou kha mai thei. I ki mawh sak khiukheu leh, ki suk tha dah vek theih. Ki zahtakna tawh feedback ki pe leng a zatu te adinga leng nuam dia, thamlouha gah leng hon suang zaw mai thei chih khawng ka ngaihtuah simsim hi. “The One Minute Manager” ah Kenneth Blanchardte’n hichi’n gen uh, “People who feel good about themselves produce good results.”

Ka kup ut dang khat ahihleh I gen zeuhzeuh sim chiat uh, I MLA te qualification I sit dan khawng, contractor bangmah theilou MLA hong hi mawk I sak dan khawng uleh MLA te pen dan bawl ding, development work va buai pih lou ding chih khawng ahi. I ngaihdan tangpi khat uh leh midangte’ ngaihdan leng hi thou bel laisiam lou a career khat peuh a lohching taktak thei dia ki koih louhna ahi. Hiai pen hikhin chiah khol lou ahi chih drop out minthang tampi te tan chin apan I theih chiat sa uh ahi: Bill Gates, Steve Jobs, Michael Dell, James Cameron, Mark Zuckerberg, Tom Hanks, Harrison Ford etc te drop out ngen ahi uh. A drop out lai un a nu-le-pa te un kipahpih khawllou uhi. Bangziakin? Laisiamlou a bang tan mah tun taktak theih louh chih ana gingta sam uh hiding hiven. Ahihhanga, hiai conventional wisdom pen hikhin taktak khollou. Laisiam lou a leng lohching theih thou hong suak pian sim. I politiciante a educational qualification ziak khawng ua under-estimate law kha deuh I hi kha ding uam chih bang ka ngaih tuah simsim hi.

Politician laisiam mahmah in a siam mahmah ziakin a political career ah bang thil thupi mahmah asem khia a chih bang ki dot theih. Lai huaitan a sang zil kei leh leng a sem khe thou diam chih bang leng ki dot theih. Political career a laisiam ziaka lohching ding hileh Dr. Manmohan Singh (First Class Honours in Economics, University of Cambridge; D.Phil in Economics, Nuffield College, Oxford University) bang lohching mahmah tellou ding hia maw? Finance Ministry chu kep theih chi thou. Ka gen nuam pen tak bel I heutute a laisiam na uh ana niam sim khak ziak a zat tak hetlou hileh kilawm dan a I gen pen, dik kim khin lou khathei, phet lou a deleterious mahmah thei hi; ei leng ki muang sim mahmah lai hong ki underestimate lawleh nuam khollou mai thei chih thu ah. “We give our best when we feel good about ourselves.”

Huai ban ah MLA te’n development work sep ding hilou, dan bawl dia kiteel chihbang leng I thupi gen sim un ka thei hi. America a Southwest Airlines te CEO minthang mahmah Herb Kelleher in a chi’n khenkhat te midangte’n a tungin haihuai sa uhi. CEO khat leather jacket silh, Harley Davidson a office kai. Ki za kha tam lou hi. Kelleher mah in a chang in luggage load pih, ticket process pih etc. CEO khat in luggage load, ticket process?! Ki za kha tam lou. Amah huchia a ki engage chianga, first hand information hoihtak mu thei, ground reality thei. I MLA te’n leng a changchang a first hand information poi moh ding un ka gingta; field a hong ki engage kei law zezen leu le ground reality theilou chia mawh sa mai thei. I MLA te’n development work sailou a, dan bawl ding I chihdan sim a, Kelleher leng luggage load, ticket process ding chu hilou mai thei chi aw. Southwest Airlines lohchinna thuguk khat pen highly-motivated and empowered workforce ziak ahi. Highly motivated by Herb Kelleher’s leadership style. Unprecedented work culture.

Herb Kelleher thil hih hai huai pi bang sim, a nung a mi’n a kipahpih mahmah uh khat I gen lai di. Slogan khat, “Just Plane Smart” kituh in Stevens Aviation tawh thu buai hon nei dek uhi. Court kitut sese ngailou ding chi’n Herb Kelleher in Stevens Aviationte’ CEO pa Kurt Herwald arm-wrestling in hon chou hi. A vual zouzou in slogan tang ding chih ahi. Kelleher a vuallel a, hileh leng arm-wrestling ziakin goodwill leh publiclity hoihtak amuh loh ua, Stevens Aviation te’n Southwest Airlines te slogan a pia uhi. CEO hih dia hai huai sim chi aw. Herb Kelleher was a very successful CEO, nonetheless. Capt. Gopinath in imitate thei dek tak. Siddhartha Lal, Eicher Motors/Royal Enfield te MD&CEO pa leng Enfield jacket silh in motorcycle tawh tai vitvit thei hi. Amah ziak a Royal Enfield hon kithang thak nawn hi. Very successful. Ei theih dan a chu CEO kha motorcycle a tailou ding, chauffeur driven car a tuang dia ki hisap sim chi aw. Ka gen nuam pen tak ahih leh, you can flout convention and still deliver wonderful results. Politician lai siam lou leng zat tak mahmah thei ahi chi nuam sim dan I hi. Optimistic law deuh ka hi hia le? Herb Kelleher ka hon quote zual lai di, “We will hire someone with less experience, less education and less expertise than someone who has more of those things and has a rotten attitude.”

Gamteng ka gen hanga tulaitak a I gam dinmun awl mawh huai kasak mahmah bel lohchinna I tehna uh a time-period tom lua. Lohchin/hauhsak pah ut in I hi he hu mai uhi. Diklou simsim a kaihkhawm bangleng poi sa lou. Kin tak a hauhsakna I kaihkhawm chianga, kintak a hon tai san, a khenkhen bang khang khat leng daih zou lou. Ei khanga hausa mahmah ding, che thei mahmah dingin, I tek I vuai nung, I hat nawn louh nunga, I tu-le-ta te I nung hon thuap ding bang om kei le uh zaw, vual lel kisak sim phing a om dingin ka gingta hi. Nidang a I thu sim ngellouhte’ tate kiang khawngah I tate ava ki tah lutlut uh bang ngai zaw mah lai leh. Lohchinna I tehna uh time-period pen suk sau poimoh hi. Kin a kin a I hauhsak leh, hausa chu hithou ding hileh leng detdou lou thei. I innsak I innkhang a, building thupi taktak hong kitun lai in, gari man tam taktak te’n lei vui hon khut sak vivit lai in vual lel kisa kei ni, lohsam in ki koihpah kei ni, lohchinna I tehna a time-period su sau in, khang hong pai zel dinga Toupa’n don dom sang thei lua ahi chih thei ni. “..amah zaw tui luang kianga singsuan a hun a gah zel, anah leng kau ngeilou bang ahi.” chih lung gulh thei chiat dingin Toupa’n hon vual zawl hen.

Gen khelh gen val om leh ngaihsiam. Toupa’ Thupa.

[Reproduced from SSPPNet]