DAN i chih Sappau in,'Law' aki chi hi. Huai mahbang in, LIMLANG (Lim-langh) leng, 'Mirror' ana chi uhi. Huchi a hihleh, hiai tegel (Dan leh Limlang) Zomite phetlou, Khovel pumpi a mihing om teng-teng in i Poimoh pen uh ahi a,Adviser di'n zangthei chiat leng, nuam nanchia maw..? Adviser dia bang chi zattheih mawk di chih i ensuk ding uh.
Mi khenkhat in, 'Back to the Bible' a chisek dan un,enleng Bible chang i pansan tei ding. Sawltak Shaul in,Rom-te kiang ah,"Bang i genta dialeh? Dan khelhna hia? Hi lou hial. Himahleh, dan jiaka theih hi keileh, khelhna theilou ding hi ing a; danin, eng ken, chi kei leh, eng chih theilou ding hi inga." (Rome-te 7:7).a na chi hi.Hiai ah,Dan kichi khelhnate i theihtheih nadia om ahi chih a chiang mahmah.Huchi ahihleh,Dan tuh eite adia 'Adviser' hoihtak ana himawk ahi cih i thei uhi.
Jacob in leng, Dan leh Limlang ana genteh kha hi.Jacob 1:23 i et leh,''Kuapeuh thu ngaikhia a,zui tuanlou tuh,apianpih maitang hoihtak a limlang a ki-en bang phet ahi'' ana chi hial hi.Zomite'n leng Dani hau mahmah mai ua,Tunaichin in leng,numeite 'dress code' toh kisai indan ina bawl uhi.Dan i bawl khiat tengteng uh omkei leh khial ihihlam uh iki phawk kei ding uhi.Dan tampi i neih bang un,DAN in LIMLANG a iki et a,maitang leh sapum dangte a nit leh nitlouh hon theisak thei hi.Adviser muanhuai mahmah nih genkop dek chihna ihi mai hi.
Dan thak i bawl chiang un,huai danbang a gamtat angai hi.Tuamahbang in,i mai khawng uh a nit leh nitlouh i theih a,i ki hahsiang theihna ding ua,hon theisak tu ding,Limlang poimoh hi hang.Dan pen akibawlma in,i thilhihte khelhna ahihlam iki theihlouh mahbang un,Limlang omkei mawk leh i mai, a nitleh anitlouh i theikei ding uhi.Ei a dia poimoh mahmah tuh Dan leh Limlang ana hi mawk hi.
Ahihleh,Dan ziak in khial nahi chih naki thei a,Dan nazuih sawm hia le?Traffic Rule om ahi chih nathei a,aRule nazui taktak na maw?Niik sing teng louh di chih dan i bawl thak ua,huai i zuihkei leh chu,Limlang leh Dan a phatuamna a omkei ding.Dan ineih ngal leh hon thuhilhdan in om le bang a chi dia?Tua mahbang in.
Limlang innchiat ah i nei vek phial du'n a gintak huai hi.Azawng ahau aneilou a omkei ding.Limlang kichi Dan bang a mihing te'n a bawlkhiat tawm ahi a.Alian leng a om dia,aneu deuh leng a om ding,himahleh amin 'Limlang ahi vek ding.Dan leng tuabang mah ahi.Limlang lian te' ah i taksa pum tampi i muthei uh chih zuauthu phuahtawm hilou ahi.Dan leng a khauh deuh om a,akhauh deuh te effective deuh sese hi.Limlang omkei mawk leh,bangchi melpu kahia chihle i thei kei ding ua,'Zawng in ama tawkheng mulou a,alawmte tawkheng a kousak' chih toh i kibang ding uhi.
Limlang leh Dan in,i mai nitna leh hoihlouhna te hon hilh tu ahi.Huai tuh ama mohpuak ahi a,aban hihtheih anei nawnkei.Dan inleng,tuabang in,hiai hoihlou ahi chih honhilh a,himahleh nahihkhelhna apan in hon suak tasak thei mawk kei hi.
Christian ngen ihih mahbang un,Christian dan in chimaini,i dan uh chu,pathian deihlouh dan a gamtatlouh di chi in atomlam in genpeuhmah phot le,Saptuam chih in kigakna dan neichiat mahleh.Pathiandeihlouh dan a i omkhak leh chu,dankalh ihi mai hi.Huai apan suahtak i ut leh,dan in thu anei nawnkei a,i suahtak na di a omsa khat i pansan uh angai hi.
Limlang tungtang gen nawn lehang,imai niin ahi chih honhilh a,huai zohchiang a ei mohpuak tuh,a nitna pen tui a sawpkhiat di hilel ahi.Christian te leng huchi mah ahi ding a,Khialsa a piang a mikhial pumlum i hihziak in,Jesu Christ sisan in hon silsiangta hi.Dan leH Limlang nak poimoh hina tel e,chih vungvung in om hi.
Nidanglai hun ah nungkik thepthup lehang,Pi leh pute hunlai khawng in,dan ana tawm mahmah ding,YPA,ZYA chih leh a dangdang leng om nailou ahi.Nitak pawt phallouh chih khawng leng a omkei dia,a galmuang mahmah di'n a gintak huai hi.I changkang deuhdeuh leh Dan a tam deuhdeuh a,dan atam deuhdeuh leh chu,mihing aki tam deuhdeuh chihna himai ahi.Poikei,Mihing tam in tam phot peuhmah lehang,a dan zuilou di toh zui di toh iki daih mahmah du'n a gintak huai hi.
School chih,College chih,Organisationchih in leng dan anei chiat ua,Kimawl na ah leng,kimawlna atuam dungzui in dan ana tuam a,kuaman huaite kantan a thil vahih teitei lou ahi hi.Dan zaw i ngaihtuah sau leh,poimoh petmah ahi ngei ding,Adam leh Evi te hunlai in leng ana ompah hi.Tua dan ahihleh,'Huanlai a,sia leh pha theihna singgah neklouh di' chih ahi mai hi.Dan pel a gamtat ziak in,Adam leh Evi bang a chi ua le? I Gensau dah di,i theihsa ngen uh ahihziak in.
Dan ana omkei mawk leh mihingte mahni utdan chiat in i gamta di ua,ganhingtoh iki gamla kholkei di u'n a gintak huai hi.Limlang omkei leh leng,i mai anitlam theilou in,kholak peuh a i pawt di ua,miin honna kou chiang bang un i hehnuam phial ding uhi.Dan leh Limlang te zaw,ei adia Adviser muanhuai mahmah hikha ding hi.
*WRITER'S NOTE: 'DAN LEH LIMLANG PANSAN A I THUGELH NA APAN IN,NALUNGSIM AH BANG HONGLUT A LE? DAN LEH LIMLANGTE TUNI APAN IN,EITE ADVISER DI'N ZANG TA NI AW?