(Hehhuai velvul sa I om leh kachiam nuihna)
FB khawng a iki el luatziak leh ipolitical dinmun ua kitaitehna anasat luatziak in angmasial tak a nam feeling nakinei sam in ihoihzawkna leh lam ethuai zawding idea ei aten agenkhak chiangbang un na kisaktheih huai mahmah mai a amaute heutute bang thupi saklouhna ahonglian zel hi. Amau eisang ahong hihhoihzaw uh abatchiang un hazaatna lian in sau atunlouh ding uh deihluatziak in hoih kichihpih utlou in lungsim a hoihsa kawmpi in ahoihlouhna ding kizong teitei hi. Lungsim khat ah tuh kikhen theilou ihihdan uh haihvual ahikei ahimahleh kikhenlou theilou ihi chih ut in Amau leh Ei kichi teitei khenthamlouh te mahni kikhen in gaalbang a ki en in kilautuah mahmah in kilauh hetlouh isawm uhi. Bangdoh aihiam...???

Eile mikhat hisam a kikoih ihih maimah chia Amau sang a thupi zawk ki ut mahmah tei in internet khawng a amau apa Inn imuhchiah thupi kisa gumahmah a himahleh a inn thupina sang in alamna amuhsuahna kigen utzaw hi. First hand a thei kihikei mahleh khateng khawng anathohte adia ninhuai mahmah ahihdan thuguk im hetlou a genkhiatna kiza mun mahmah ahihziak in mizawng leh niteng neekzongte khut alamlouh huai a innpi chi in kigen hoih ut hetlou hi. Kei chihmahtak ka feeling na hatlua ahihziak adiam amau a show hang a Ei a ishow khiat hetlouh uh bang chidan adiam chihkhawng kana ngaihtuahlai in mit mahmah muh theihna ding chance kaneih in DC office lam ah hihding neile hilou in kavahoh suk hi. Milianpi khat inn ahihman in amun ava etding tanglai Joshua telawibang a enkhetu khawng hon na kisakding lau in agal ah kava en hi. Kei chihmahtak thupi vasalua in Inn bawllam ah vual lel koih in ka kikoihpah hi. Ahihziak in zomi lungtang vuallelhna lungtang hilou ahihman in lungkelou hial in Lanva lui kianglam kon delh tou a.. Maizen...!!! Innbawl lam ahtuh amau kiphalou hi in kamu a "poikei ei omkhakna dingleeng hilou hiven" chi in neulai a Sihal grapes louzoulou a kiik chih kisimkha ngaihtuah kawm in ka kiik hi.

Ei a hoihlou zaw leh design nalh louzaw a ka koihman in lungkim hetlou in kapai a nidang a lawmluite nihtoh kituak in "noulawi sumthoh lam nana chaulua ua ei inn Amau asang in ahoihkei zawtave" chi in Takkheh zomi na kisuuk unla tampipi nakithoh in na modified ua ka chihbeh a nuih in kanui uhi. Kidemta vanglak bangkim a Amausang a sangzaw, hoihzaw, lianzaw hileh chih huai zezen hi. Bangteng hileh mimal chiamnuih lungsim a ngaihtuah ahihman in kuamah kiang agen khiatbel ahikei hi.

Lamka in itaaksap uh development ahi ichi uh ahimaithei solkal apan a development kichi asum tang a hongpailouh hun a om a Lampi bawlna ding apeek phahthoh (world cup football pitch ding abawl chiang ua aphahthoh dan ua) phahthoh ding ahonpiak ma uhzaw idevelop ding uh lam et huailou bang hi. I govt office leh Quarterte uh solkal in innbawlna factory hon bawlkhiat ua huai a innbawlsa a hon manufactured ziahziah ua amun mun dia innbawlsa itun tiltel theihma uhzaw migam bang in Offices leh Quarters etlawm leh detdou in I developed ngeiding un uphuailou hi.
Private Nna sem Mistryte isiam ua Solkal Nnasem a Mistry ihihchiang un isiamna uh keniam zelmah abang hi. Mahni ading bawlna ding in fund itasam kei ua govt/public ading bawlna ding in solkal in fund hon supply zoulou mah abang hi. Solkal sang a hausazaw zomite leh kukite ihi vek uh... ki ui ekbat.. vualtungtuang zawsam ki omlou...

Lamka in ataksap sum leh pai, neih leh lam ahikei a midangte khualna, awlmoh na ahi. Kizahtaak tuahna Lamka ah omlou adiam..? Kivaakna ding in Auto (Paupu Auto in local dialect) zang itam mahmah uh. Khosung vaak kualna anuam mahmah a khe apai duldul nading atam nawn hetkei... Nidang a nitaaklam Volley ball kimawlding a Bungmual leh Pearsonmun apat Tuibuang khe a kizuan a khua in hon mialkhum a khe mah a Bungmual leh Pearsonmun khawng kazot kiik laikhawng ua bangdia Paupu Auto anabawl louh uh ade aw chih khawng ngaihtuah in a om hi. Communication anuam mahmah a nikhat in tanauteng inn a vaphaak zualzual theihta hi. THANKS TO THE PAUPU AUTOes.. Ahihziak in a noplouh sim mahmah tuh Lampi phoklua ahi. I lampi te uh phok chihtak in aphok a huchibang a phok a bawlthei mistry eigam kia a om adiam chihnophuai zezen hi.
Lampi phokziak a Paupu Auto tuan nuamtheilou dan a kakoihlai in huaisang a nuamsaklou zawtuh Paupu auto tawl (adriverte) ahihdan kaman khia hi. Lampi hoihlouh lam mu a "ka passenger ten nuam asakei khading" chih lungsim a nei a Auto awl zawdeuh atawl a om de aw chih nop huai hi. Kei zeldim thubawl in tuh "ka pasengerten nuamsa kei lele khawkkei kama ataipa passenger dingteng ken kalaaksak theih nang a kamakhelzoh nakleh" chih lungsim toh I Auto uh tawl hiding in kangaihtuah hi.

Auto pute mohsa leh dem ihikei a igam a diktatna a omlouh ziak a Passenger pua gari tawlding in I duties leh I responsibilities hiai ahi chih honna hilhding a driver dia qualified ihi hiam chih hon enkhe ding Transport office te diktatlouhna ziak a sum a kin lebuang a licence hon leikhiak sakziak ua driver tampi in mipi Nnasem ihihdan uh kitheilou a sumloh khiakna kiadan a ikoih ziak uh hi peuhmah ding hi. Driver tampi kiang ah public transport service te responsibility khat hon gen in chin dongle adawnna ding atheilouh ziak ua adongtu hai honsa lehlam tampi ki omding hi.

Huaiban ah ikim ikiang ate khualna neilou ihih taakman un midang khuallou a, mipite (passengerte) ineekmuhna dia honpanpihte itung a akipah thukding leh nop asakding uh ikhuallouh ziak a kilometre 3/4 tuang a itawbou sa golh ek uk ana hi zaw hi. I attitude utuh ka mipuakte atupna mun uh katut naakleh adung avai in kiseep le uh atuanman honpiak naak uleh khawkkei chih hisim vekding hi.

Huaikia lou in mihing ngeina ahtuh khe a ipaileh gari a taite kizahtaak (milian milal zahtakna hilou in eisang a taihatzaw leh taakzaw in hon phukhaleh chi a zahtaakna) kinei hi. Ahihziak in Lamka ahtuh huchibang zahtaakna leh phuut khaakding lauhna nei kitam lawlawmlou hi. Khenkhat laulaw zezen a gari in apelhna dinglam a natai a gari pei iheikawikiik toh kituak a leh taisawmte genkha lou ihi. Lampi tang leh hoihmun tam hetlou ahihman in a hoihna deuh itun hun in ki tai vangvang utsam hi. Huchia taitheihna dingmun a itai patleh khat in lampi a ze awlthei tawp akaansawm in hong kisa a keikong taipaisuak photding chi ut a ahoron (horn) imeek leh amaule hong kisan in akinzawdeuh a lampi kan honsawm ua anuam hetkei hi. HANGSAN NADIA EN HUAILOU TAK AH IHANGSAN THEILUA UH... Iphut khakding laulua in Hardbrake iman a huai in amau (lam kaantu) suhangsan zawsem ahidia khawlzen in hon en zawmah uzaw lampi en ding maw amah ending chih atheihhak mahmah hi.

Huai kawmkal ah nupi mehzuakte mahmah kamsiam thei uh kasa hi. A lak ua om om uthuai khop a khotual in ahon bawl ua hon muhpatna uh himahleh kum 1beek kitheisa mah bang in honbawl uhi. AW BAZAR NUPITE NALAK UA OM NUAM HINA MAIZEN E.. chilungsim in mehtuun lianpi toh hon paisak thei uhi. KUDOS TO LAMKA BAZAR NUPITE...