Umuan kon ngailua himahleh Pathian in eitegel kigawm dia hon siam hilou ahi chi’n   mangpha a hon khak hi. Ka hon text lelah dam kahi dia kahon text kei lelah tuipi a kitawm khia kahi chi’n na na thei di aw hon ci hi. Khase kawmtak leh utlou sasa in damsung adin mangpha ka kikhaak ta mai uchu na ahi cih inle agen kha zoukei hin ka thei hi. Banghang miim bang piang kahiam ciin ka kingaihtuah vungvung zozen hi. Ngangaih bel damsung a ka manghilh theih non louh ding lawm a hong hita maimah hi.

Mihingte i dam sung a kingaihna leh ki-ittna (nungak leh tangval) kia buaipih dia ki-om hilou ahi nave chi’n kei leh kei kaki heh nem zel a, haksa sa mahmah kawm in khattang sawl bang hei in selung kazuang thei mahmah mai hi.. Achang in bang thumna ah kaphok zel a, Toupa kei hichia gen thei leh haksa thuak dia non bawl ahiam kaci kha zozen sek a, himahleh ka thumna teleng dawn mulmal a omlou ade aw chi’n ka kingaihtuah vungvung sek a. Inn a nu- le-pa nasepte huh in hunte kazang touzel a, insung kituak tak in hun kazang khawm uhi. Saptuam lam aleng kei mah hih theih khomkhom in ka kizangtou zel a. Lawm le vual tetoh kithuah khawm in hunte kahon zangtou zel uhi. Lawmte ngaihzong te inn khong a hohkhom sek mahle ung Ngangaih ka lungsim a theng thei tuanlou ahih man in numei dang himhim kalungsim ah ka ngaihtuah thei kei hi. A chang in dawnkhop ni bang hong omzel a, lawite’n nang ngaihzawng di le sai leng hidi hiveh aw khawng hon chizel mahle uh ka lungsim a bang mah ka ngaihtuah thei nai tadih kei hi. Inn a omom theite kahih louh ziaktak in lawmte toh kithuah nahun in huntam kazang zaw gige hi.

Huchi’n hunte hong mualliam zel in akum lam sim bang ahong chingta hi, bang mah sep kichian neilou in ka om a, lekha sim ding khongzaw lungsim ah om zelsam mahleh hon su thatou tu ding neilou kahih man in kaki sakhe ngap ngeikei hi. Nikhat zingkaal thoufuh ngellou in zingann kane pah a, lawmte’n pawt ding achih ziak un kisa in kapawt khepah hi. Nitaklam in sam khawng vatan khe leng chi’n kaki zawn khawm ua, samtan na mun ah kava tu neihnaih uhi. Lawmte bel sikul kai lai ngen ahi ua, kei hon khual na ziak liauliau in skulte bang hong kigu khesek ua, samtan na ah kou hun ding ngak in katu ua, huai kawmkawm in lampi lam khawng kana gaaldot vengveng a, lungsim ah bangmah om mulmal lou in mi lampi a paite khong kana enen hi. Mi lampi a paite kipah theihdante khong kamuh chiang in nuam kasa tuam mahmah mai hi, huchia ka omom lai in rayburn college te hong tawp ua chihmah bang a numei melhoih ki enchim thei lou ahih na ah, melhoih om kha hiam chih khawng kana en kualkual a, huchih laitak in lawite khat ngaihzawngnu hong paisuk hi, Kalawmte toh kana chiam nuih ekek ua,tua ka lawmpa ngaihzawngnu saang mah inleng akiang apai nu’n kamit etna a hon lazaw a, akiang a paipen kana enchain zaw hi.Huchi in a lawmnu pen theiut simin kakiang a lawmpa kiah vakan ding lah zum ka hihna toh lungsim a om vungvunga theinuam lua hinapi in a hon paikheng santa uhi.

Sam ka metkhit un kou leng innlam zuan in kahong paichiat ta ua, nitak pawt na ding khawng programme bang bawlsa diam a koih in ann ka ne a, ann nek zawh in a pawtkhia in zansawt lam in inn ka pai a ka lum hi. Nitak kalup in kalungsim ah tuni a kamuh nu kia ahong lang den tamai a himahleh nidang a Ngangaih kha ka ngilh thei tuankei a amah toh a hong ki langkhawm a ka tehkak a Ngangaih pen mangilh sawm inamah ah lunglut louh teitei kasawm a , pang in kapang tentun hi. Sawt kuamtak kaki ngaihtuah nung in ngaihzong neih non lunggulh na bang kahon nei dek mawk a lamdang kasa zozen hi. Lawmte kiang khawng lechu kagen dawk hikei mahleh kalungsim a ana om gige bel ngaihzong hoihtak , kei ngaih zahzah bang a hon ngai a, kituaktak a hon khosakpih ding leh, sihtanpha a hon ngai ding neih neihkhak tuh kana lunggulh gige ahi hi.
Tua nitak a ka ngaihtuah na a hong om tuh a bei thei nawnkei, hunte hong paizel mahleh huai Rayburn student nu chu ka lungsim ah ngilh theih vual ahi non kei a, atawp in lawmte kiah kagen khe khong ta hi. Amin leng thei nailou,koi vengte hiam chih bek leng theilou ka hih man in ka lawmpa “siampu” ngaihzong nu lawmnu ahih ziak in akan ding dan huci tel in abuaihuai kei ding chih kathei a ka lungsim hon sunuam tuam mahmah mai hi. Kaki ngaih tuah vengveng a, hmmm, ki ngaihna a luut sawm non sim kahih na ah, hunpaisa a haksa kana tuah khak te manghilh theih tawp kasuah ngai di eita ve chi in ginom leh cihtakna kasuah a, sihtanpha a dia pang ngam taktak mah ding kahih lel leh kisa ding kahi chi in keileh kei bang kaki question den hi. Atawp in ka feelingte iim vual hi nonlou ahih man in Siampu kiang ah ka sung khe zoi maita hi ..

Nidang a hun paisa a Ngangaih in hon bawl gen theih daan pen ka lai lungah ngilh thei hetlou kahih man in khat veivei numei te ka hou ngaih hun bang a om thei sek hi. Miin le kei hon hurt hiven kenle mi hurt leng bang a poi luat na omdia hia cih bang lungsim khong a omsek a, aziak bel huailai a ka lungsim anat pen pha thei taktak lou kahih na ah keileng imu lou zen in lupna tung ah kaki ngaihtuah zel a, huchi bang lungsim te neih non louh theih dingdan ka ngaihtuah nilouh sek a,a tawp in keile thumna toh pangzen in kalsuan diing cih thupuukna kahon lathei khong ta hi.Zingkaal baihtak in lawmpa siampu ka contact pah a, non pahpih na poimoh ding kahi chin kagen a, amanle “awle, hitham e, lawm a din chu hih theih tan in kon panpih ding” ahon chipah vanglak a,kalung bang amuang petmah hi .Kenleng amin bek thei ut lua kahih man in ka lampa kiang ah kakan khong a, ka lawmpan leng amin mo Chingboi ahi hon chi a, kenleng aw, kakipak lua ciin phone kakoih ta hi. Lawmdangte kiang ah thil omdan te kahilh a, amaule hon phuur pih vanglak ua man un ka lawm siampu i contact pah di ua, a inn khawng uah pawt ding dan khat vai saile adiam maw chih khong kaki kum khawm uhi. Siampu ngaihzong nu lawmnu ahih man in siampu tungtawn lou in hih theih bangmah kanei kei uhi. Chingboi telah niteng a skul kai ahih man un nitak a vapot louh hundang omlou ahi mai hi. Nitak a va khawlai len dingdan kaki kum khawm ua, a suty ni uleng ngaak zou nonlou in monday nitak a vahoh ding chi in kaki thukim ta uhi. Kaki ngaihtuah veng veng a,Chingboi kia kalungsim ah a om ahih na toh ka lauhthawng lehlam hun bang a hong om mawk hi,aziak bel amah kei sa kum bang zah hiam a naupang zaw ahihman in itna kici bangle theichian taktak nailou leh a lungsim leng picing zou taktak nailou din kagingta hi,a khonung a kei mah lungkham na di lel khawng a hong hih khak ding kalau mahmah mai hi.Ka ngaklah mahmah monday nitak ahong tung khongkhong ta a, ann nekhin in lawmte toh Chingboite inn hoh ding in kahong kingak khawm ta uhi. Sawtlou nung in ka paisuk naihnaih ua siampu ka tawnsuk uhi, amau inn ah hun bangtan hiam kazat khit nung un kahong pawt khia ua Siampu lawmnu te in phak masak a, a lawmnu zotkhiak a huaichia Chingboi te inn a aman hon hohpih ding chidan in thupuukna kala uhi. Siampu lawmnu te in a hun bang tan hiam kazat nung un, siampu lawmnu’n Chingboi a text cheuh a,nang hon munuam om ahih man in kahong pawt dek uh acih leh aw hong pawt un achipah vanglak hi.

Kou leng zumsim leh kipakgu tak in kaki zui suk nainai ua, Chingboi te inn ah kava lut uleh innkuan kim thrap in ana om uhi, hoh masak napen ahih ziak in sungte mai-et deuh na chidan in ki piching sak tak in chibai bang kava hawm deuh vel uhi.Chingboi le zum kisa in abiang bang san tuaituai mai a kho-ul bang aki nuul nilouh hi. Apau ngam khuukkhak le omlou in sawt lou nung in kapai khe pah ua, Chingboi inle ahongkha khia a, kenle hunlemchang a la in kei kahi nang hon munuam chi in zum pipi in kaki gen a,kamin leh ka om na veng khawng kaki gen suak ngal a, huciin amanle hong pawt zel un o chi in mangpha kaki khak uhi. Hong pawt zel un aw acih pen mahmah in ka tha ahon su thou mahmah a, lawmte kiah nui kawm heuhau in iva pawt gige diu aw kaci hi. Kalungsim guuk tak ah kipah na in kapum dim a, inn pai a lup kaal bang ka ngaklah zozen hi. Siampu kiang ah Chingboi number hon nget sak ve chi in ka ngen a aman leng ka nget na bang in phone number a hon laksak thei pah vanglak hi. Huciin a nitak ale text ngam pah lou in,awl a text dia limsiit in tai khua vaak ding ngakna in ka ihmu ta hi.

Azing skul kai ding ahih man un , atawp di kuan lak vel uh hisaap in kahon text ta hi. English siamlua chu kahi kei na a mobile ki houna -sms -a chu english zat nuam kasak zawk ziak in sappau ngen in message ka khak a,kakinep leh kaki lamet khenlam daih in ahon hoih hou pih mahmah mai a kaki pah na bang alian tuantuan hi. Umuan hiai Phone kha ken ka tawi chet ahi kei a , ka u’n atawi zel ahi a himahleh na hon text ut ciah hon text thou in apoi na a omkei ahon chi a, kenleng kipak tak in awle kon text gige ding kachi a, Ching nangle naman hun ciang in na hon text gige di aw chikawm in anneklim kahong kici tuah ta uh hi ..

Hunleh nite hong paizel in, Chingboi toh ki hou a ki text chih louh ngal lunggulh ding dang himhim kahon nei non ta kei uhi. Kaki hou thei mahmah mai ua, ka lungsim uh leng ana ki tuak petmah mai hi. Kei sang a kum tamsim a naupang zaw ahih na ah, kanau duat peetmah a, aman le ahon u bawl mahmah hi. Gen ding himhim ka tasam ngeikei ua, ama skul kai diing natawm leng manghilh zeen sek in zaankhovak a kaki hou hun uh atam mahmah mai hi. Ka ki theih tuah louh khak ding bang uh kalau thak zozen ua, kipah thu bang kaki gen tuahtuah mai uhi. Ka ngaihna leh ka iitna niteng in a hong lian hulhul a himahleh Chingboi kiang a zawl thu suut ngam di vual kahi kei, aziak bel keile mizumthei leh zahkai kahih man in, hoih taktak in hon hou gige mah leh le ka iitna leh ka ngaihna thu vagen hial leng hon na saan sak louh ding kalauh man in hun lem taang ngak zomai ding chi in kei leh kei kaki ngaih tuah zel a, kagen hun diing ka sotsot sek hi . Gintak sang in thil ahong pai hoih tou zel vaanglak a, ki close petmah in kaki close uhi,Himahleh mizum thei tuak kahih man un , inn a ki pawt tuah cih te kahih tam kei ua, phone khong in kaki contact tangpi uhi..

Siampu kiang ah leng thil omdante ka hilh zomzel a, aman leng Chingboi kiang ah hoih ka sak dan, ka deih dan thu khong ana genzel sek hi.Kaki theih nung uh kha nga khawng bang ahong ching hial tak inchu , kaki ngaihtuah vengveng a, ka iitna leh ka ngaihna thu suut lou in omom leng den chiah kei mah lunggim na di ahong hikha zodi chi’n ka hong kingaihtuah kheta khonbg a hunlem ngaak chenchen in nikhat chu ka iitna thu suutkhe din pan kon la taktak ta hi.Chingboi man di hun dong kawm in ka iit na thu leh ka ngaih daan thu te kahon gen khia chu kei a din leng apuak azaang tuan mahmah mai hi. Sawt kuam tak hon dawng kik lou in Chingboi ahong om a, ka call ciang inleng ala nuam kei hi.A ngaihdan lou pi gen kha ka de aw khong chi in kisuanglah kawm pi in ka om liaiuai hi..

Thumna bang kanei a,a khonung sawtlou in Umuan non thil gen te ka thei siam lua a himahleh hun ka poimoh zek ahon ci hi, huaitak in kenleng, hi thamtham e Ching, hun na poimoh zahzah kahon pe ding, nang zia hon ngaak ding kahi, hon dawng teitei in chi in leng kon force kei, aziakbel iitna ichihei ut thu a hithei mawk hilou ahi mah ahi.hi lehleng na dawnna nem zaw ki lamen lua ka hi aw chih bek hon theihpih leteh maw chi in mangpha kaki khak uhi.Ngaklah tak leh thu hoih kinem tak mai in zing hunte kahon zang tou a, ahon call hiam a hon text ding hiam ka ngak lah mahmah mai.. ama a kaki hou ngei na bang in kaki hou tou zel ua, kha khat bang hun hong luut tou non leu leu hi.. kenleng ginom tak in hon dawng diing kangak topta hi.

Zingkal khat nang sim pi in kakhanglou khia a, ka phone ka check leh gingtak louh pi in ah “Umuan, kenle kon ngai” chih message kamuh in chu kakipahna khovel in hon theih pih leh ka ut mai hi, June ni 7 ni ahi. lupna apat tawmkhe pah zozen in nuisim heuhau kawm in sun nitum in kahun te kazang hi, mi hon mu bang om hileh ahai hon sak phial ding un kaki pah na in a hon zeel suak hi.. a skul kai tawp dite ka ngaklah thei mahmah mai a, atawp ding uh hunvel in ka contact pah a, kipahthu kagen a, kenleng kon ngai a ,kadamsung a din kon poimoh chih kagen hi. Amah a din bel angaihzong neih masak pen na ahih na ah, thil omzia a theih louh tampi omlai ding ahi chih hon hilh a,kenle iit tak leh duat tak a thuhoih-thilhoih,om didan tanpha kahilh hi.Kaki ngaihna uh niteng in apung hiaihiai a, niteng in kipahna in kadim hi. Nunlui mualliamsa teng kalungsim a phawk nading himhim a om non kei hi. Chingboi in a hon iitna siangthou leh nunnem petmah ahi cih katheih chiang bang in kakipah na alian semsem a,a nini in amanle ahon ngaihna a hong pung hiaihiai ta a, anuam lua cih louh gen ding dang ka thei non kei hi.A ngaih masak kahih man in azum thei mahmah mai a, kon ngai lua chih ding natawm gen haksa asa hi, himahleh ken amah ka theih siam luat man in hon gengen kei lehleng hon ngai leh hon itt ahi cih ka thei a,ka feelingte gen khiak di abei thei kei hi, ka ngaih daan leh ka iit daan niteng in kagen gige a, Chigboi le akipak thei petmah hi.

Huciin hun leh nite hong mual liam zungzung zel in inn a mawk om thei vual kahih louh dan kahong ki ngaihtuah khia a, maban ah Pathian in kou a dia lem hon geel sak kilamen in, ki vakna ding khong ngaihtuah ngai ahi cih kahon ngaihtuah khia hi. Laisim na lam ah maban sutzop louh theihlouh khat in a hong om man in omna tuh aki khat nonlouh hun a hong tungta.Innlum taisan gentaaklouh ka itpen Chingboi mundang a omsan ding chih ka ngaihtuah ching in haksa ka sa mahmah mai a himahleh sanggamte leh lawm leh vualten hon haaan thawn na ziak liauliau un maban lehkha sim di’n kahong kisa kheta a,inn lum ngai leh nute ann leh meh huansa ngai na vungvung kawm in innlum kahon nuse ta hi.Lamtawn in kakhasiat tha kia asuak a, mit tui akang phial de aw kachi zozen hi, ka nu hon vai khak kalungsim a om gige tuh “Bawi, vaigam a na om nasan na manghilh kei di aw” cih kalungsim ah aging gige hi.. Chingboi toh kaki ngaih ulah akha kia a sim hipan tel, ken tua taisan pah diing chih ka ngaihtuah chiang in, hi thei kasa himhim kei a ,himahleh maban a limchi zaw khualna a kuan khe lou thei vual hilou kahi chih ka phawk khe zel hi. Chingboi inle ahon khelah mahmah mai a, kapai ni zingkal inle bus station ah ahong kha a, kapai khiat kuan a amit a tui vung dildel kamit kha ah tunitan in a mang hei kei hi.Umaun , nalai zil na lam ah nong hah pan di aw, nang a dia ana gin om gige di kahi chin mangpha khong kikhak mai uchu pasal kici lou diin miit tui a hong pum luan chu haksa hinatel eee…hiamh leh kei leng ama a dia kuan-kei maban ama maban ahih man in selung na zuanglou aw…selung na liaplou aw,nang a dia pang a khatveitei a hoihzaw leh lametna thak toh hon kik ding hizaw ing ka chi hi.Taksa ah kikheen mah leng lungsim zaw munkhat a om ahi kachi maita hi.

Kei le chingboi leh sungte hon haan thawn nate lungsim ah ngilhlou in, kalai zil na di mun kahong tungta hi . Omna mun toh ki adapt haksa kasa mahmah mai a, neu apat hostel chihte a ana om kha ngeilou kahih man in, mite bangtoh ka kanel thei hetkei se hi. Keimah in hun kazang gige hi, Pathian phawk kawm leh , maban khual na ziak in pan kahon la tou zel hi. Kha bang zah hiam hong pai nung in hostel ah mi te toh kahong kineel panta a, lawm hoih lungsim ki share pih theih bang kahon neita hi. Chingboi toh ka paidan uh khong kahilh zel a , lawm ten le ahon puak nat pih mahmah uhi.

Chingboi toh omna kibang lou himah le ung, nikhat lel leng kaki hou louh ni uh a om kei hi. Ki iit leh ki ngaih nate suut cim thei lou, niteng hun zat dan te kaki hilh tuah gige uhi.. Hostel a lawm le vual ten ngaihzong khong bang ahon nei pan zengzung ta ua, himahleh ken bel Chingboi toh ka kichiamna uh pel louh sawm tinten in pan kala hi. Akaal lak in zawl thu hon suut pih di bang hong om zel mah leh, ken kamsiam tak in lawm kei ngaihlungmuangsa hita chin kamsiamtak in kadawng zel a, na lawmhoih ding kahi thei chi in amaute ka heh neem zel hi.A chang in lawmte toh room sung ah party kanei zel ua, hucih chiang in Chingboi in atheih khaak ding kalau mahmah maihi, aziak bel, Chingboi toh kaki ngaih pat ni ua,zu dawn nonlou dia kana kiciam ahih man in, alungsim suknat khak ding kalau mahmah mai a. Ka dawn khak ciang in contact lou top in ka omsek a huaihun chiang in Chingboi in ahon hehsan thei peetmah hi, ngaihdam ngen in nithum bang hun kazang sek hi, aziak bel iit leh ngai lotel mahmah kahih man in, ka chaan ngam himhim kei a, ka ngai lawtel petmah ccihlouh gen ding dang ka thei kei top hi.

Khua te hong khal panpan in innlum ngaih na leh Chingboi ngaih na in hon zeel suak dimdem ta a, Ka thabang a hon suzoi top hi,aching in innlam pai mai bang kalung gulh a, lawmleh vualte lah a iit leh a ngaihte utoh nuamsa leh kipak in a aom ua, huci bangte kamuh ciang in ka entha bang asuak a kamit tui in ahon luan khum zel a himahleh kipasal sak deuh mai in mit tui kanuul hul a, lehkha sim din ka kisa sek hi.Christmas bang hon tun dek leh inn ngaihna ahon nasa mahmah ta, dec 24th nitak ahong hi in, lawm le vual te nuam sa in kikou zaizai in om mah le uh ken bel Chingboi kalungsim ah omden ahih man in, nuih na ding himhim kamu kei hi.Innlam ngai in kanu ka phone a kakap kha zozen hi, Chingboi ka ngaihdan khong le kagen khe top a, akhonung in ka nun bang ahon leh lung himoh a, kei a din a nuam kei zozen hi.Chingboi inleng hon ngailua in , akah ni atam mahmah mai a mel kimu pha le kahi kei ua ahaksa petmah. Tulai (2013) hunlai daan a facebook, internet chih te ki theipha nailou ahih na ah, mel kimuh di dan leng lampi a om saam kei hi.Chingboi inle anu toh kihou din hon deih ahih man in kenleng zum pipi in sum neih sun teng in phone recharge ka bawl a ka call ta hi.

Anu leng akam siam pet mah a, Nu Chingboi ngailua kahi a, keilah inlam a omlou kahih man in hoih tak leh thumang tak a a om na din hon na kepsak in aw kaci a, amanleng awle ahon cipah vanglak hi, Muan ngle na laizil na hoihtak in hon zou khia in ahon chi a, huciin mangpha kaki khak uhi.Christmas mel muh bang haksa kasa petmah a, mas nitak a kidek zou lou a Chingboi ngai a kakah khiat ni le tunitan in kathei lai hi …

Chingboi kiang ah kagen khak hikei mahleh kalungsim a om gige khat tuh, Chingboi kha naupang chik lai pawl 11 sim pan ahih na ah alungsim bang kikheng thei lai gige, kum khat kum nih bang hong paileh alungsim ahon khek dia, ahong teirol huncia hong kinungaksak dia bang hon chi dio chih khong kalau mahmah mai sek hi. Himahleh keimah hih theih khomkhom in maban pai ding dan ka gen pih gige sek a, amanle kagente thei siam in ahon zui chetchet sek hi. Thu iim chih himhim kanei ngei kei ua, huai le anop diak na hin kathei hi. Hunte hong paitou zel in , kei ngei leng ka lai zil na lam bang ah kal suan zel in azoh kuan lam bang hong hita hi.. Achang in kaki contact louh nibang uh ahong omthei sim hiaihiai tahi. Aziak bel ken Chingboi muanglua kahih man a ahon zuau san himhim din kana koih kei a , ngaih lungmuang tak in kana om gige hi.Kei ngaihdan in bel ngaihzawng neih leh ngaih cihtak a ngaih di chih kha ahi mai a, akhonung a kisiik chih omlouh nang in huai tuh ka paipih ngitnget hi.

Theih louh kaal in akum a sim bang ahong pai non ta hi, Chingboi leng pawl 12 exam ding bang ahong hita a, lekha sim ding khong in kaki sawlsawl nilouh sek ua, aman leng lailam mah chi tinten in alehkha sim na ah ahah pan mahmah hi. Nidang a kei vaigam a kana omlai in Chingboi toh kaki hou ciang un hun bi chih omlou in zankhovak a kana houpih sek pen akhonung a ka ngaihtuah ciang in kaki suanglah mahmah sek hi, aziak bel inlam a ni kizom kho zaan hak hi haksa petmah ahih na ah azanhah kia cih phet louh in azing a skul kai gige hilai ahih man in leh huaite khuallou a hon thuakpih ziak in ka iitna a thuuk semsem hi .. Kei ngei leng kalai zil na lam hon zou khe thei khong in, Vaigam zolam a sepna zong diin kahong kisa leuleu ta hi, inlam pai ut nagu in hon zen mahmah mai a, himah leh mailam hunte geel na ziak in innlam pai louh tup teitei kasawm gige hi.Huciin vaigam thuk zaw lamte zuan in ka hong om ta a, sepna te kahon zon pat in ka zon masak napen kinep phak hetlouh in kahon muthei pah vanglak hi, Pathian vual zawl na hilou kaci thei kei hi.

Huciin haksa kawm pipi in na kahon sem pan a, sepna mun ah lawm hoih vaite Kailash kici toh kahong kithuah thei ua sepna mun aleng anuam tuam mahmah hi. Amah Chandigarh apan ahi a eilam mite toh le hun sawt kuam tak ana ki ngai kha ahih man un eilam mite ahon ngaina in ahon thei siam mahmah hi.Chingboi leng laisim nalam alem zawk khak na ding ahih leh chi in hostel bang ana luut a, kei nasep nalam ah gim leh buai thei mahmah mai kahih man in Chingboi toh kihou hun ding ahong tawm hiaihiai ta hi. Ken bel kihou gige keile ungle muang law petmah kahi a, nasep nate sunzom zou tou zel in, kumkhat bang ahong pailiam nonta, inlam pai ut na in hon pum zoh ahih tak man in,sepna mun a heutu te kiang ah suty nget ka tum a, kacih na bang in ahon pomsak vanglak ua, hamphat huai tak in sepna mun aleng heutu te deihsak na ka tang biik sek hi.Kenleng sepna a kaloh tam vekvuuk hikei mah leh kakhol theih khomkhom a kakhol te kem bit chinchen in , innlam pai na ding leng sungte subuai lou a pai ka sawm hi. Innlam pai ding ka sawmsawm laitak in kanau in ah pawl 12 te bang hon zou in kei om na a hong om tum a, kenleng ana lemsak pih in ahong paisuk a, kahih theih khomkhom in phak theihtheih na ka phak pih hi.Kasepna lam aleng inlam pai na a dia suty sau pi ngen kahih man in kanau hong hoh sung inleng huntam kazang kha man het kei ua kanau apai ciang a Chingboi ading bang hiam khak ut kahih man in kanau toh bazaar ah vahoh in Van khat aki lawm hun tan ding kakhat lawh inle alei zoh louh phial khat valei in, kipak tak in inn ka kik uhi..

Huciin kipak tak mai in nitak ann hon nekhin in chingboi phone din kahong kisa hi, Hostel a om ahih na ah phone atawi thei kei a, a ute khat heutu toh kaki theiziak un amah tungtawn keleu a kihou thei kahi ua. Kahon phone ta a, Ching nadam zel mo? Hi kadam zel Umuan. Nalai nasim hoih gige na mo chi in ka dong a, Umuan kei laisim lam kabah lua ahon ci a, dai dide in ahong om hi,bang hiam diklou om hin kathei pah a, huai tak in bang chi e ching? Chin ka dong a, atawp in Umuan ken ngaihzawng dang ana neita, nang non contact vanglua chin a min hon gengen chiang ua vaigam khawng a om ahih a hon contact kehmidang toh kingai uh hi di eivoi hon chi ua hon ngai nonlou hidin kana koih a hon chi a, gending theilou in na satak in sawtlou ka dai dedu hi, gendiing dangle ka thei kei, nidang a kalungsim a ana om gige pen hong tangtung hita eive kaci a. vanlam a aksi te enkawm in Ching nana nungak lawta maw chi in kakoih ta hi.. Ka dip a bing a kah khiat ka ut lah kap khe thei vual kahi kei, naa kasa law petmah hi. Ahaksa petmah mai hi, ki ngaihna a kana luut khaak thak bang kaki siik petmah himahleh hunpaisa lah sam kiik thei kahi non kei hi. Kadam sung adia deih chibang kana teel tua hichia houcik a chan maimah zel chih ka ngaihtuah chiah hin bang kaning mahmah hi . Awle, a bangbang hitaleh ka itt ka ngaih khat chu chaan kahi non leu leu mai ta chih zaw ka gentheih omsun ahi nawnta.

Hunte hong paizel in keile kei kihuat na in kahong dimta hi. Zu le sa ah kahong kibual ta a, Zu chu ka lawm hoih penpen ka it penpen ahong suak maimah ta hi .. sun leh zan cih omlou in kahun te zu dawn na in kahon zang maimah ta a, agim huai tel mai ,Zukham cia bang ka ki ngaihsiat tha asuak se a, kah cihtak in ka kap ekek sek hi.. Himah leh kalung kim nang kamu zou tuan himhim kei hi. Huci bang a hun te kahon zat touh lai in, Innlam pai na dia suty kalak hun ahong tung khong hi.. Thil omzia kalawmte le hilh ngam lou in ka om nengnung den a, innlam kapai inle phur na himhim kaneikei hi . Innlam ah hong om in ah, nule pa toh nuam kasa mahmah a, himahleh ka lungsim ah Chingboi bel vaai bang a thaamden hi. Kisiik a phatuam di la om non ta lou, a hong nungak leh hici hong hipah mai, kaki ngaih ua pat om ding dan kana hilh gige te bang mah lou a bei ahita mai ve ka chi hi.. Huci bang a hunte hon zang tou in sepna lam zuan diing in kahong kisa non leuleu hi. Vaigamte hong tung non in ah, Hunpaisa a ka lawm dia kan zat Zu leh sa te mah ah kahong kibual non ta hi.

Hucih laitak in vaangsiat huaitak in taksa damlouh na in hon man khata a,lawm le vual hon panpih di le nei tuan samlou in , kei kia in niteng in doctor mu din kakuan khe gige a, haksa kasa mahmah mai hi, Doctor siam tamtak naih in , Sum le pai lah haksa, ni bang zah hiam doctor mu a ka kuan gige nung in kalawm hoih khat in hon panpih ding in kazawn tawp hi, Kalawm pa lianboi toh doctor mudin kakuan gige ua, atawp in kanat na hon thei khe khong uhi. Omlai vei chu ahaksa tel mai, Chingboi ngai a vul zen a kana omte manghilh tuan thei sam keng .. Kanat na kha lau huai tak ahih man in doctor pan nasep di ahon phal kei a, kha 6 sung bang bangmah sem lou a na tawl dam vingveng diing ahi ahon ci ta hi .Huciin kei leng gim leh tawltak in kahong ki enkai tou panpan ta hi.

Kaki etkol nate hon zoh piansim ta in, nasem diin kahong kisa pan thei nonta hi. Cidam leh ludam a om kahih man in ka hih luiteng mah kahon lungulh non pah zel hi. Ka lawm vai te toh hong kizui pan non in Lu leh taw phok lou di khop hial in hunte kahon zang tou non uhi. Nikhat lawmte inn a party zou in koi hiam hoh di ka sawm laitak in ka phone hong ging zenzen a, zaan lah sawt sim ta, a kua a mahmah de o ci kawm a ka et leh Unknown number ana hi hi. Kenle la ngam pah lou in, atawp in ka lak leh Chingboi ana hi a, kakipah nakhat a om lah kaheh tha suak sim petmah ahih man in kenle ka na chi suk zialzial pah kha hi. Huaitak inChingboi inle khase takmai in ahon houpih hi, alunggim mahmah ahi chih leng a aw apat in kathei a, khasetak a kap sim kawm in ahon houpih hi.

Umuan ken nang hon mang hilh thei mah2 lou ahon ci a, Nahucih ding katheihsa hi nehnuh khong kaci suk phephu hi. Huci kawmkawm in mangpha ka khong kikhak ta uhi. Huaini apat in Chingboi toh nidang a apai bang in kahon sun zom non thei ta uhi, Nidang a kaki iit bang ua om sawm in kahong ki ngai thei nonta uhi, himahleh nidang bang zou nonlou in kaki thei hi, kaki chiamna pen khah suah ut tuanlou in kahong kingai tou zel ua, Kalung chu atung zou non taktak kei hi. Chingboi inle pawl 12 te hon zou in kei omna lam mah ah abaan sun zom din ahong kisa kheta a, kana ngak lah mahmah mai hi. Gibang khensa kigawm non kahih man un, akal lak ah buai na ding neuhneuh atam ta mahmah mai hi.. Kinak ni atam a, mittui seng a kah ni leng ahong tam ta mahmah mai hi.. Kikhen di thu bang hon gen thithe sek a himahleh kei ka ut ngei kei a , hichia hun sawt kuam tak om tou nengnung den in kahong om uhi,keimah ngei in leng kumpi na sep ding lunggulh zawk na kahon neih ziak in kana sepna kahon khawl santa a, sum le pai dinmun ahong haksa ta mahmah mai hi,sungten lah hon chawm zou taktak lou in lai kahon simpan non ta hi .Huchi kawm kal lak in hun awl zat na diin facebook aki buai pih nasa thei mah mah hi .Chingboi leng vaigam hong tungtou in, nidang a mun tuam tuak a omsek lai sang in kimuh hun te bang ka hon nei thei zel ua, ka hong ki iit diak ta uhi..

Khawlak khong ah pawt khawm zel in Movie te khong en khawm in hun nuam te zang khawm in , kiiitna siangthou tak in ka enjoy ta uhi.Chingboi ngei leng a college kai na di te bang hong lemthei ta in, Kimuh na di hun bang ahong vaang sim non hiaihiai zelta a nidang a hon na bawl gen theih na in kei tunitan ka omdan teng ahon subuai tou zou lai a, Zu leh sa a kana kibual na pen tawp san thei nonlou in, Chingboi in leng atawptawp in aloh ngaih na hon thei non tuan sam lou in ahon thei siam khong hi . Hucia hun te kahon zat touh zel lai un keileng vaigam ah ka om di hong lem thei nonlou in innlam zuan din kahong kisa tamai hi, Chingboi lah Colege te kai pan ta in ah, ahun te laisim na in ahon zang tou non ta hi.. hucin kenle innlam apat lai sim theih dandan kahon sim a, hun awl kal in dawr khong ah mi kava huh zel hi. Sepluat aki neih louh man in Facebook ah hun tam kazang thei mahmah hi. Facebook ah hi, nungak tangval te ki thuah khawm na diak ahih man in, lawm bang akihau sek mahmamh mai a. Nidang a numei te kahou ngaih na lungsim in khat veivei hon zou lawsek hi.

Lawm bang hon hau hiaihiai in ah facebook ah, kihou theih pih bang hong tam in , lawm hoih khongkahon neih leh Chingboi in hon thei khia in paw naa mahmah in sam gi bang khen diing thu ahon leelnon ta hi .. Naa kasa lawtel lah, agen diing dan ka thei tuan saam kei hi. Kenle lawm le vual te thil omzia kahilh a, lawmten le Chingboi leng nasu gen thei lawta chin huchin haksa lele khah ta mai in ahon ci uhi . Lungsim na kawm pi in kenleng amah khak khiat taktak taak mai ding in thupuk na kakhoh ta hi , Itna ah zaw vangtah tak kahi chih louh gending dang bang mah ka thei kei .Ngaihzong kiptak ka deih nung ale hicia om tou den di kabang ta mai hi. Khattang sawl bang kahei mai louh aloh diing dan himhim a om nawnn ta kei .Nunlui mual liamsate ka geel kik zel a, Vaigam a kahun zat daante uh khong ngaih tuah sek in, ka iit ka ngaih na a bei thei mahmah kei hi. Kaki theih pat tung uh khong lungsim ah vaibang atham den a Chingboi in ahon iit dan ahon deihsak dan ka manghilh thei kei hi, himahleh aman kei ahon moh sa tou den tamai mah a, iitlou leh ngai taktak lou hin ahon koih den a, huai mahmah leng ahi tunitan kapuak nat gigeka chin ka lungsim ngaihtuahna ah ka repeat gige hi .

Hun sawt kuam tak Chingboi toh kaki hou non ta kei ua. Keimah in haksa kasak bang in aman leng tunitan in haksa asa lai din kagingta hi. Ka miss gige a kalungsim ah kamanghilh ngei kei hi. Himahleh, Chingboi in zawl dang ana sai non ta cih kazaak in na kasa mahmah mai alah kei pen fel lou leh chau lua kahih man in chingboi enkai ding khop a hat leh piching a kaki koih non louh ziak in bang mah kagen tam kei a. Paap puak ding kahau mahmah mai hi, ka hinkhua leh maban ah zaw gentheih na ngen in hon pum tuam a, mei ziing bang mai a hong hita hi .. Kenleng lungsim a mang hilh dan khat ngaihtuah chenchen in kahon khah khe thei khongkhong nawn ta hi, himahleh Chingboi kei a diing a ka lawm hoih ka manghilh theih louh khat ahong suak ta. kum te hong pai tou zel in , Chingboi toh kaki ngaih nung ua ni poimoh te(memorable day) te ni in kahong ki phok khe zel ua kal lak khong in kahong ki contact kha zel uhi. Haksa kasa tuak ualah aloh diing daan om tuan saam lou in lakloh tak in ka om liailuai uhi .Kaki ngaih hun sung uh Kum 4 lam sim ahih ziak mah in tunitan kimang hilh thei lou in ka om nilouh ua, alawmpa thu khong kadong sek a, aman leng kei hon ngaih bang a angaih zoh louh daan khong ahon gen zel hi .. Ngaihzong nei non lou ding a kana ki ciamna pen gui khau bang tat sak lou hileng zo tuchiang a hichi bang haksatna tuak hetlou di hi veng maw kachi thakthak mai hi .Chingboi inleng haksa sa mahmah diing ahih man in lawmpa toh hun sawt lou nung in ahong kikhen pah ua. Huai apat in kou geel leng ki gawm non tuam saam lou in , Unau bang in tuni tan in kaki enta uhi .ka nau it leh ka duat ahong hita a, amah a din a u iittak leh a duat tak kahong hita hi…

IITNA AH ZAW AHAMPHA LEH AVAANGSIA KIKAL ANAAK KIKHIAT LAW PETMAH MAI MAW VAANGTAH KISA NA MAI ZEEN ING E……

*As I was told by the Author…..
*BEITA…XXXXXXXXXX…BEITA*