Zanlam zek in, lawmte khat innlam vapai , delhi hongtungkiik tak in, innlam a lim akilak, nalh tak-tak te, facebook ah a hontaak khia a, a etnop thei mah-mah hi. Like kia hilou in, keibang inle kana comment tei sam hi. Lim bangzah hiam hontaak te lak ah Khuga Dam a hohna le atel a, tuibang tam in, a kim a kiang bang a etlawm mah-mah mai kasa hi. Innlam pai khak non chik-chik chuh va hoh tei sam di, chi bang in ka comment hi. Huchia ka ki comment touh-touh ualeh, a kiim akiang lei (gam), tui in a tupdan leh, a kiim akiang picnic spot daan a om maita pen, sawtlou nung chia bangmah lou hongsuah d lauh huai dan khong kong ki kum kha thethup uh hi. Khat bang in a tui pen electric generate na dia ana enlah in, huailou khat inlah a tui dawn theih din, Lamka leh a sehvel a khua te a dia tui kidaih tak in, Dam apat hihkhiak theih dan omleh chi in duhthusam hon lel hi.

Hichibang a, ka kihou na un ngaihdan bang-bang hiam hon nei sak hi. Huaite ahih leh
•Khatna, i gam uah tunitan in tui ahaksat dan.
•Nihna, electric ginat louh dan.

Adang le awlmoh huai tam pi a om a. Himahleh, i niteng hinkhua hon su kha diak a theih ahih ziak in, hiategel kon taklang. Hichibang ahih a tuh, kum 10-15 paita sa a, i dinmun uh toh kikhelo hetlou in ka mu mok hi. A haksat dan leh, a ginatlouh dan, tuni tan a gen din a om tel hi. Ahih keileh houh, khenkhat te dan a, se lam kia, a hoih lou lam kia ana sut a, ana gen te pol ka hi du o ka ki chi sim zel hi. Bangteng hi leh, i khan touhna uh zo omlo tham hi. Nidang sang in i khang ua, neihleh lam ah, a hithei teng lamka lam manoh in i om ua, mipite te le nidang sang in standard neitak , awareness leh information lam ah leng masawn na thupi tak i nei uh hi. Himahleh, i dinmun uh i et chiang in, panla tou sem in hiai sang a hoih zo in, i niteng poimoh te bek uh, ahi d bang in neithei le chih ut ihi, abiik in basic necessities lam ah.

Kum nih vel paita sa a, Khovel pumpi hitaleh, India gamsung apat thiltung thupi bangzah hiam a om hi. Huaite Arab Spring, Time –Square movement , India Against Corruption(IAC) leh Anna Hazare’s fight against corruption bang, leh zanlam zek a, delhi a thil mulkim huai tung ziak a mipi kiphinna te khong ahi uh hi. Hiai te ahihleh, movement thupi tak ahi ua, a kipatna mun leh a tup uh tuam mahleh, a government ginatlouhna leh diktatlouhna akipan hitang pi in muh theih hi. Banah, hun sot kuam tak apat nelhsiah-na leh nengniam-na ana thuak na uapat, hong kipan hi in leng muhtheih non hi. Huchilou, a thupina mah-mah tuh, government institution a kinga lou a “people led movement leh initiative” ana hi uh hi. Hichibang a, mipi te kithei ngeilou te a hong pangkhawm theihna a, vanzat poimoh mah- mah tuh internet ana hi mai mah hi. Social networking sites te khong ah, websites te, blog khong ah, leh electronic medium tuam-tuam te tungtawn in, mi tampi te mobilise in, amau ading in lampi hoih zo tel thei ding in, mahni in pan la uh hi. Huai kia lou in, protest pai in mipi tampi te ki pun khawm in, diktatna te government apat ngen in a om ua, huchia a hong om chiang in a thawm hong ngaih in, theihtham hong hi uh hi. Lohchinna bangtan hiam a ngah uh, chih leng ithei uh hi.

Atung a thil igen te contemporary mah-mah ahi a, hiai bang, initiative leh mohpuakna pen eiten Lamka leh asehvel context ah adopt in, pan la thei le chih ut huai mah-mah. Internet in, i gam naktak in hon zel suak a. Email e, blogs e, websites e, social networking accounts te, leh mobile group tuam-tuam te tungtawng in mipi thu kizaksak na, kin mah-mah ta hi. Huai kia hilou, internet tungtawn bang in award function bang ki organize in, voting khong bang ki hih ziah-ziah theita mai ahi. I expertise uh, khovel a siam pen hi naikei mahleh, a siam te lak a gen tel theih ding in, gintak huai hi. Huchi bang a technology lam, fashion leh gadgets lam a khovel toh kituak thei din- mun a om a, i phiat la-lap lai un. I niteng khosak na ua, a poimoh pen-pen te, tui bang, electric te bang kiningching tak a, a om theih d dan , ei mipi ten phukhe thei leng ut huai lua ahi. Government leh heutu ten ngaihsak lou uh hiven chia, thuak zo tak a om, lah lungkim ngel lou a, eileh ei ki nek-nek sang in, i siam na te uh zang in, state kia hilou in, center government tan pha sukha d khop in pan la le, i la thei duam? Chi ihi.

Tu liberalised khovel a, information kin mah-mah lai a, Universal human rights, right to life leh freedom of speech and expression chih te min nak tak a zang a, a hamphat pih lai un eiten leng kalsuan sam ni. Information a hat dan khat kon gelh zozen di. Nagaland ah zakhama kichi ah, Manipur a pat bus tai te khat in huai lak a, tribal tangval khat ana hetlum kha. A mipi te heh in, a lampi a block uh chih national news THE HINDU a ki gelh atel voi!!. Bangchik chiang in Lamka ah tui leh electic ginatlouh ziak in mipi te lungkim lou in kiphin uh chih, a kiza tel di o maw. Mipi ten i thilhih theih dan phok in, i pil na te uh, awareness i neih te uh, internet leh civil society groups, leh organisation tuam-tuam (YPA,SSPP etc) te tungtawn in, i basic needs te uh demand thei lua ihi uh, i ut lua leh. Ut ni in, demand ding in pan la ni. Bangtan hichia om dia ki min tel ihi ua, nam changkang ikichih theih tak-tak na dia zo a basic te akim masak ngai ahi. Thil him-him, a polang hi lenlan lo lele, a base a kipkeh kaanna lou ahih bang in. Gensau laile...kum bangzah hiam paita sa in Justice for SIASIAM ki chi, initiative ana kipan a. Mipi tamtak te i pangkhawm ua, internet leh SMS tungtawn in support i bol nai-nai ua. Nasa tak in ina pang uh hi. Tunle, i gam uh bolhoihna ding a, huchibang initiative ngai in muh theih hi. Tu dinmun a, i khan dan uh, lopsided leh sustainable lou deuh in muh theih hi. A poimoh pen te poimoh sak khalou hile kilawm in ka mu sim mok hi.

Ahihkeileh houh, tui leh electric ginatlouh eiloi a dia, problem ban lou a changkang a, neizo ihi duam chih chuh, kei mimal in ka thei kei. I changkang na uh, i khantouhna uh, inn mun leh pakka buildings te, gari te, organisation phutkhiak leh public function tampi ki organise zel te, facebook khong a om nei-nai leh mobile changkang pi-pi toi te tungtawn kia ah kilang sak lou in. Mi chih a dia kiningching tak a, i gamsung a tui te bang, kaam te bang, electric te bang omsak in, huaite tungtawn in kilang sak zo thei lehang chi ihi. Thakhat in zo, hong ki khek lam dang ding a, hong kining ching pah di chi khang. Himahleh, a mipi ten thil omdan pen ahi d dan a koihlou in. Nial vual louh ding in michih in, pangkhawm in pan lale, ma kisuan zo diam chi ihi. A gam, a lei in, zir lou him-him ahi va chih theih din lah, a gintak huai kei a. Pan kila leng ahi di, hong kila pah ding le ahithei, huchi a hihna ah “Let us set our Priorities Right!”