Muikhua hong zing in tung solkha te hong taang a lunglen huai mah leh kiginni ahih toh kei lah ka na sepna ah buai chih tak in ka buai hi. Ka sepna ah nitak lam in hih ding hong tam lo guih mawk ziak in ka kho nung buai zaak hi. Faifuk mut kawm in ka gam tang nilouh a, lite lah a mit hun dek ta, kei lah kana sep di tam a tam lai mai huchi kawm kawm in ka sem tou zel a, chih leh theih louh kal in lite hong mit guih mawk hi. Kei leng kin deuh mai in generator start dia ka kisak leh a thautui ana bei zaw mah lai huchih tak in zingchia lite pai chia bawl ding in ka koih mai di chi kawm in ka nasep te kon taai san ta hi. Inn lam pai dia ka kisak lai chet in phone hon ging chen chen a ‘kua a mah mah di aw’ chih lungsim a nei kawm a ka et leh ka nungaknu ana hi a ken leng ka la a ‘hello kim’ bang chi sim na hi a ka chih leh aman leng ukhual office a om lai maw hong chi a, ken leng hi omlai mah ing ei tua bel a pai dia kisa chet kahi ka chi leh kikim in ukhual ka office uh hong tawn phei ve i kiton khawm kei dia a hong chi a kenle poilou honna ngak zek in aw ka chi hi. Kei leng ka tha hon thou thak in ka van te kakai khawm zok zok a pai diing in ka hon kisata hi. Huchi kawm kal ah mang hilh ka nei kha di aw chi a kaki veel veel lai tak in ka gari chabi ka cabin nuai a ka koih lam tak ka thei khe guih va la dia ka kisak leh ka phone hong ging nawn leu leu in ah ken leng la pah lou in ka chabi lak di pen ka vala phot hi. Huai zoh ka pick up leh kikim a hi a ukhual man dek lou maw hon ngak lah lua kahi, kei chauh a om ing a nuam sa chiah lou kahi hong chi hi. Ken leng ka hong kipan khe ta ve chi kawm kawm in ka gari ka start a ka tai khe ngal hi. Kikim te office ka hong tung dek dek chiang in amau lam le lite mit zaw hi ngei di ana mial khem khum geuh uhi, Kikim omna diak bang a lauh huai khop mai. Ka tun tak in a horn ka piak leh kikim hon lut toh a ki tuak chet a ukhual lau lua keive nang hon tung hak lua a hon chi a kenle sorry aw kim ka chi hi, aman le awle poikei hon chi gaih hi. Inn lam zuan in ka hon tai ta uhi ka inn toh kikim te inn a ki bat louh ziak in kikim te inn lam ma nawh in ka hong ki khoh uhi. Kikim in hat tai hon salua a hi sim dia ukhual kin na maw hat tai na chia a hon chi hiau hiau a kei leng kisuang lah kawm in mawk mawk eive nang na kin khak leh  ka chi a hi ka leh chih daih hi. Aman bel hon dawng di dan gelh khiak thoh sa a koih hileh kilawm in a hon dawng zat zat a chim man lou hial in ka kihou nilouh uhi.

A inn uh ka hon tung dek lam un kikim in ukhual zing chiang pathianni ahi toh kiton in biak inn i kai khawm diam na hon tawn ngap diam ahon chi a kenle poilou eive ka hon tawn di ana kisa pah lechin ka chi hi. A inn mun chet uh ka hon tung un ka biang hon tawp zat in ukhual mangpha hon chi hi. Ken leng kim nang le mangpha hoih tak ana man ou ka chih kawm in gari ka hei a ka tai khe nawn pah hi. Kei leng zan sawt tak toh ka deih tawk in gari in ka hon kikhoh hi kuamah lah om lou lampi le free a hih chiang in chi in deih tawk in ka hon tai mai hi. Inn bang chuh a kitung pah mai hi. Inn ka tung tak in kikikm ka phone leh hon ngaih dan thu te khong a hon gen gen hi, ken le ka ngaih dan thu te ka gen a kiteng tei tei di i hih dan ka gen leh aman le ahi tham kei dia maw i nu leh pa tenle hon deih sak hi ven a hon chi a kenle hi mah tham ei kim ‘ka hon ngai lua, chik mah chiah hon pai san het ken aw’ ka chi a kim in leng ukhual ka hon paisan het kei ding nang a di mah kahi lungkham ken hon muang in nang a kia kahi a hon chi a, kei leng ka lung a nuam tuan mah mah mai hi. Huchi in nitak a saawt tak toh lum phot ni aw chi in ka call ka off a mangpha ka khak hi. Lupna khong ka bawl a ka hon lum ta hi. Ka hon lup tak in ka Bible sim di ka mang hilh lam ka thei khe thak a, ka va thou khe thak nawn a, ka BIBLE sim di ka va la a Bible sam no. 37 na ka hon sim ta hi, huai ka hon sim khin phet phet in kon lum nawn leu leu hi. Zingchiang Pathianni a hih toh ka kikhop na di ahih toh chi in alarm dak 5 in ka koih hi. Zingkal dak 5 in alarm hon ging petmah hi. Kei leng ka thou pah ting teng a zingkal huih khite dong in ka inn kiim ah ka vaak kual hi. Zingsang vasa ten Toupa phat in haam chiak chiak uhi, kei leng zing devotion chi dan deuh ka in a ka neih gige pen ka sun zom nawn hi. Huchiin zing dak 7 khong hong ging ta in an khong ka hon nek u leh kikhop di hon hun thei pah nawn hi. Ka biakinn uh ka inn ua pan gamla ahih man in gari a ka kuan a ngai hi. Gari a ka hon kuan khiat dek leh zan nitak a kikim in na hon tot di chih ka lung sim a hon suak guih hi. Kei leng zekai kisa sim mah leng ka hon tawn di ka chih sa a hih ziak in ka va tawn thou thou hi. Kikim te in lam zuan in gari in ka hon tai char char hi. A inn uh ka hon tung tak in kikim hi kisa sa in ana om hi. A hon kizem dan ka hon et chiang in angel mah bang zen in vaak a, numei hiai kan a hoih ka mu kha nawn ding in ka kiging kei hi. Hoih chih tak in ahoih a ka mit in kikim a en chim thei kei hi. Gari ah hong tuan a ukhual bang dia na hon huchi et maw a hon chi a kenle na et lawm lovoi hiai kan a numei hoih mu nawn di ka maw ka chih leh hon tum zat a ash! huai khong hon chi kei ve zum  huai khem khem eive a hon chi hi. Huai chi kawm kawm in ka en thou thou hi. Gari a tai ding bang phawk pha nawn lou in kikim ka hon en den kha hi. Kikim in ukual gari hon start ta ve biak inn kai ki zekai di eive hon chih leh ka phawk khe pan hi. Ka hon kipan khe ngal uhi, gari ka hon hek na ngawn in leng ka en kha kha a ka et chiang in a hon nuih maai zawk mah chiang in aki lawm deuh deuh in ka en chim thei kei deuh deuh hi. Biakinn ka hon tung tak un nupa mah bang in ka tut na mun uah ka hon tu khawm chet chat uhi. Kikhop sung na ngawn in leng kikim kia ka va en kha nak nak hi, thugen tele ngai kha zezen lou in kikim kia ka hon en khop hi. Huchia ka hon et tak in kikim in ukhual hon hichi et kei ve nawp lou eive a hon chi a nang a mah na deih dan dan in na hon en thei voi inn khong ah biakinn sung zah taak deuh di eive a hon chi hi. Kikhawm tawp tak in inn lam zuan in ka hon pai kik leu leu uhi.

Hun leh nite bang hong pai zung zung in ka kingaih na uh hon thuk lut deuh deuh hi, ka hon kingai deuh deuh ua, kimu lou in sawt ka hon om zou ta nawn kei uhi. Office kai tawp chiang in hun lem ka muh naak ua leh ka zang khawm gige ua, ka hon ki tawp(kiss) zeel sam uhi. Hunte man pha thei pen in ka hong zat sawm ua kakimuh naak ua leh kaki kawi hiam in hunte ka hong zang uhi. Nikhat ngei tuh office lah suti a hih chiang in chi in kikim te inn ah ka va hoh hi. A inn uah ka va hoh in tuh ka inn mah a bang a, a nute lah a siam thei mah mah mai ua kava lum ka zezen hi. A nute khong toh hoih tak mai in ka hon ki houlim hi, ka hon hou lim tak un anu in bang chik chia kiten sawm na hi ua a hon chi guyih mak leh kei leng ka nervous mah mah mai hi. Ken leng a dawn zok na di thei lou in na nuih kawm in nou lam na bman nak ua leh chuh a ki man sa kahi chiin ka dawng hi. Huai ka dawng khit phet in kikim pa in nou lam hon kingak eita ve nou na man hut hut uh chi mai dan kahi uh a hon chih leh kei bang kakipak pet mah a ka chi hum mul bang a hon thou zezen hi. Kei lah ka lungsima kipak gu mah mah hi ngal lah gen khe ngam mah mah lou in ka om hi. Kipak tak in inn lam ka pai ta hi. Kenleng kikim ngai petmah kahi a ka sung kuan te kiang a hel ding bang in ka nawh zel a himah leh sung kuan ten bang chi sa a di uam ah hon hel pih pah kei uhi. Kanu kiang ah ka dong a bang chik chia hel di i hi ua ka kingaih ua lah na theih sa uh hi a ka chih chiang in awl a hel theih ahi kin huai lou lua ahi. I heel lo di khong a hon chi sek zel uhi. Kei leng huai chiang in ka lungdam mawk zel hi. Nikhat tuh ka pa toh kanu kikim thu a kihou uh ka za a, ka zak tak in chuh ka nak kipah lua ahi. A gen ding dan leng ka thei kei a, hih ding bang leng ka thei kei a ka nui nui kha hi. A kikup uh ka zaak te lak a khat tuh hiai bang ahi “ i tapa pa a ding in kikim va hel sak le hi ta lou maw? aki ngaih na lah a sawt thou ta a amau le piching lam ahih tak toh heel mai le hilou maw? khuakhual pa bang a na ngaih dan” chih ahi hi. Kenleng huai teng thu ka zaak tak in ka kipak lua a kikim ka phone pah ngal hi, kikim kiang ah ana kisa ou hon heel pet mah di kahi ta uh ka chih leh kikim le aki paak pet mah a a nui mai hi. Ukhual ka hon ngailua hon pi meng le chin ka lung gulh pen ahi hon chi hi.

Ka nute hi strict mah mah khat le chitak mah mah khat ahih na uah kikim sisan khawng test ding in a ngen ua kikim in leng phal pah in a sisan khawng ka test ua kanu te chih teng uh ka hih sak zawh un lungkim tak leh lungmuang tak in ka om sak uhi. Huai ka hon zawh tak un chu kanute a heel ding in a hong kuan ta uhi. Singpi a va khai ua, zingkal in a va et ua leh ana ki dawn gai vek hi huai in chuh green signal chih na ahi. Kou nute deih dan in ka kiteen ding pen uh chi tuam deuh le chih deih na in a hun ding kha li a hon hal sak ua huai kha li sung a thil hih di teng teng hih gai vek ding, kikhak ding leh van piak ding te huai hun sung a kipiak leh khak ding huai zawh kiteen ding ahi a hon chi uhi. Kikim nu leh pa ten leng lem hon sak pih uhi. Huai kha li chin di kaal ka ngak lah mah mah uhi. Kikim in leng a ngak lah a kaki hou khak teng bang un a hon gen gen kha nak hi. Ken leng a ut leh phur dan te thei ka hih man in ka thei siam mah mah zel hi. Niteng phial in ka kihou gige ua phone a kakihou louh chiang un leng mun khat hiam mun thoveng na hiam khat ah ka kimu zel uhi. Kha khat bang hong paita in ka om dan ngei in ka om uhi. Himahleh nikhat tuh kikim a pan call hiam message hiam khat leng ka mu kei mawk hi, ken leng lamdang sa lua in ka phone leh a pick up het kei hi. Huai tak in kei leng ka lung hi mawh lua a hih man in ka gari ka la khia a kikim te inn lam manawh in ka hon taai ta hi. Ka tun kaal bang ka ngak lah mah mah mai a, ka lung sim khat lah a nawp mah mah kei hi. A inn mun uh ka hon tungta a himahleh a inn uh chabi ana kikhai mawk hi kei le huai tak in ka lung sim nawp lou deuh deuh a hih man in a inn veng te kiang a kakan leh den zek a pawt khia uh a hih dan a inn kiang te a pan ka hon thei khia hi. Himahleh kikim ka call chiang in a la het kei a, a ring lah pai pai hi na zen pi in kua man hon dawng het kei hi. Huai tak in a lawh ngaih na thei lou ka hih man in kikim te office ah ka va kan hi. Huai a ka va kan leh tuni office hon kai lou a hih dan ka thei khe zel hi, a lawh ngaih na thei lou in a inn kong a tun in ka ngak mai hi. Khua lah hon mial di hi ta a nu te le hon pai tuan lou uh kei le a inn kong a tu a ngak ngit nget in ka om hi. Huchia ka om laitak in ka phone a hon ging a ka et leh ka nute a hi a kalak leh kikim thu hon hilh hi. Kikim hi damlou a damdoi inn a om uh a hih dan ka thei suah hi. Kei lah heh sim kawm lah beidong a ka om lai tak a ka theih khiak ziak in ka ki leh pah daih hi. Huai thu ka zaak phet in gari in kin a kin in ka diang nawn leu leu a inn lam ka va naih masa hi. Thu chian thei nuam ka hih man in inn lam kava pha masa di ka chi a inn lam ah ka hong pai ta hi. Inn ka hong tung tak in thu chiang zaw sem ka hon thei khia hi huai tuh kikim dal lou na damdoi inn a om ahih dan leh a nu leh pa ten le thei nailou uh a hih dan ka thei suah hi. Ka nute kiang a ka dong sawn lai a amau a bang chi theih uh hiam chih ka dot leh inn kiang a pawt kha ten a hon hilh uh ahi hon chi hi. Ken len thu chian teng ka theih chet nung in damdoi inn lam ma nawh in ka hon paita hi.

Damdoi inn ka hong tung tak in chuh kikim ka mu a damlou gim mah mah in kamu hi. A lu khawng a si pawt leh a kam khawng a si lo khia ka mu tak in kaki dek zou kei a ka mit tui a hong pawt hi. Ken leng a hih ding dan thei  tuan lou in ka va pom mai hi. A nute ka phone dek chiang in lah a number uh ka nei kei a, kikim phone la in a nu te kikim damdoi inn a om a hih dan ka hilh ta hi. Huchi tak in kikim nu leh pa ten hon delh pah in damdoi inn ah hong tung pah uhi. Kei leng a nu te hong tung tak a ki awng suut in doctor pa kiang ah kava pai a, a condition ka dong hi bang ziak a hichia om hiam ka chih leh doctor pan hi hichiin hon gen hi.

“A kipukna lam ah a lu a tat keh kha hin a hon chi a kenle  huai chauh maw ka chih leh hilou a hon chi a, doctor pan a nuai lam en kawm in blood cancer last stage a hi ta a hon chi hi” keileng huai ka zaak phet in  ka lung a dong mah mah a a gen di dan tuan le kathei kei a ka chi mawh gawp hi. Ka mit tui khawng a hon luang a kap lou di ka chih chiang inle ka kap kha nak hi. Amah kiang ah ka va pai a mit san gelgol sa in lungkham koh kim dam pah na di i hi aw Pathian muang peuh le ka chi a, ka mit tui a hon taak khe guih a kei leng ki dek zou lou in ka kap khe suk mai hi. Kikim in ukhual bang dia huchi kap na hi a a hon chi a kenle ka hon ngai lua a kap kahi a chi hi. Amah lah a khuh chiang hi in a pau chiang hi leh a kam a si tam pi pi a hon lo khia zel a ken le ka en ngam kei zezen hi. Hichi in nikhat damdoi inn a ka hon zang bei ta uhi. A kiang ka khah suah ut kei a an ne hiam tthil hih di om peuh chiang inle ka pawt khe ngei kei hi. Huchiin nikhat leh zaan khat damdoi inn a ka hon kiet kol nung un doctor pan lah dam dia hon ging ta nawn mah mah lou ahih chiang in inn lam a kienkol ding in thu a hon peta mai hi.

Inn lam ah ka hon kiet kol tak un kikim inleng a natna a hon thei ta hi. Amah leng hing ding a kikoih mawng mawng lou hi. Ka hon ki en kol tou tou ua nikhat tuh gim chih tak in a hon gim hi. A hon koi a ukhual ka hon ngai lua ka hon it lua koi mah ah hon pai san het ken aw, nang lou in ka hing zou kei di. Kap kawm in nang na om louh na a bang mah nawp het lou ahi khawng a hon chi a kei leng kidek zou lou in ka kap mai hi. Ken leng kap kawm kawm in kim koi mah a hon paisan lou di kahi nang kiang kia a om di kahi chik mah chiang a hon paisan ngei lou ding kahi nang hon paisan zaw ken aw kim ka chi a, kap lou ding ka chih chiang in kakidek zou mah mah kei a ka kap kha hut hut hi. Kikim in ukhual ei ka hon ngai lo mah mah hon koi ve maw hehpihtak in a hon chi a kenle ka kawi pah ngal a ka tawp ton ton mai hi. Huai zoh in kikim in ukhual sian lemgel louh hin teh maw ei nih gel hawm simthu a hoin chih tak in ka kha siat tha a hon suak lo guih a kap kawm in kim sian le gel ahi hiah tan i tung theih maban a le na hon dam dia i ki teng dia ta leng tampi i nei di aw ka chi leh ukhual nang zuau gen siam lua a hon chi a huai a hon chih zawh phet in a naak hong buai a, a hon bei san mai ta hi. Kei leng ka kap a kim hon pai san tel di na maw, hon ngai lua na chi chi hilou a maw bang dia hon pai san dek na hi a khong chi in a luang tung a kap kawm in ka pau ni louh hi. Kikim in hon bei san nung kei leng suicide a bawl sawm lai ka sung ten hon tuak kha in hon hun khe man ua kei leng silou phet a hing in ka om mai hi.

~ George Tonsing