Zogam.com 13th Anniversary Message
Amasa pen in kum 13 tan hon pi i biak uh Pathian (Yahweh) tungah kipahthu i gen ahi. Hiai tan i tuntheihna ziak Pathian vualzawlna ahi pen a, tuabanah members leh adminte nungthuapna ziak leng ahi. Zogam.com member tengteng na vek un adminte siik le tang in Anniversary Chibai ka hon buk ahi.
North East India leh mun tuamtuam a singtangmite laka website upa pen hi a, kithuzaktuahna platform hoihtak Zogam.com in a bawl banah activities tuamtuam zong nei hi. Hun paisa a Zogam.com activities tuamtuam leh chiamteh tham ching aneihte bangzah hiam i taklang ut hi.
Zomi Internet khangthu a chiamteh tham ching ding in 18th January 2011 n'in a masapen dingin Mobile website ana bawlkhia a, 14th January 2014 ni in Private Server (VPS) nei masa pen hi. Tuabanah a masapen nawn dingin website based Zogam.com Android App tarik 5th October 2013 ni in Zogam.com in bawlkhe nawn hi. 22nd August 2014 in Intellectual Property India nuai ah Zogam.com in Trademark ana ki register hi.
Zogam.com in literature ngai poimoh mahmah a, i laigelhte uh dopsanna dingin 2008 kum in Zogam.com Writers Award ana sa in Pu Tualchin Neihsial in hiai award ana sang hi. 2010 kum in Pu T. Ginkam Zogam.com Writing Competition sai non a, Margaret Samte in khatna ana la hi. I society sung a lam tuamtuam a mifel leh nasemhoihte pahtawina dingin Zogam.com Personality of the Year Award (ZOPA) 2013 sai a, Pu CT LIan Guite in hiai award ana la hi.
Zogam.com in genthei haksate panpihtheih dandan in ana panpih zel a, 2008 kum in Mautaam toh kisai a haksate panpihna in Mautaam Relief Fund pia hi. Tua banah i gamsunga tagah-genthei ana kemte - The Malsawm Initiative, Only Grace, Amazing Grace leh Tabitha Home te panpihna 2012 in pia hi.
Zogam.com in society hoihsemna di ngai poimoh a, 23rd December 2011 in District Hospital niin mahmah pen hahsiangna in Social Work nei a, damloute Christmas gift khat chiat pia in, hospital huang ah Christmas tree khat bawlsak hi. 2nd July 2015 in School khat a naupang tung a Corporal Punishment zat ahih ziakin Zogam.com in hiai thu tangkoupih in School neite leh naupangte kikal a lemna tunsak hi.
Zogam.com in Intellectual Discussion ngai poimoh a, 30th December 2008 in YPA Hall, New Lamka ah "Media and Copyrights" chih thulu zang in media tuamtuam leh writers tuamtuamte toh discussion nei a, 23rd November 2014 in JNU ah "Tea with CT Lian" nei in houlimna om hi. 24th October 2015 in TV Talk Show on Social Reformation vis-a-vis Political Demand chih thulu zang in intellectual leh leaders tuamtuamte Hornbill Cable Network tungtawn in Live telecast bawl hi.
Tutung 3 Bills toh kisai a Manipur Singtangmite buaina Zogam.com in ngaikhawk mahmah a, a bul akipan tu nitan publicity hoihtak bawl gige hi. Salpha 9te galna 19th October 2015 in nei a, Salphate Zahna in Pumbuk, Hiangtam Lamka ah 30th December 2015 nitakin program thupitak neih in om hi.
Zogam.com in a memberte ngai poimoh mahmah a, memberte toh kithuahkhawmna activities leh program tuamtuam - meet, quiz, outing leh thilbawl (Tshirts, stickers, Keychain etc) tuamtuam sai leh bawlsek hi. Zogam.com activities leh timeline a kim zaw hiai link ah simtheih gige ding hi: http://zogam.com/news/notice-reports/1039-zogam-com-timeline-beyond-website-and-facebook.html
3 Bills toh kisai a buaina hong omkhiak a kipan WhatsApp leh Facebook group tuamtuam tampi ki behlap a, a hoihna leh siatna gen di omtuak hi. Information kintaka thehzakna in phatuam mahmah a, alehlam a thuzuau thehzakna hoihtak leng ahi. Mediate sese thu thehzaktu hi nawnlou in, mimal in le information thezak theita i hi. Hichibang dinmun a ding i hih manin mimal mohpuakna liansak a, information hong lutte mimal in adik leh diklou khen a, diklou a i theihte khaksawnlouh i mohpuakna ahi . Information age ah i dingta a, information force feed bangsim mahleh, a zangtu khut a filter theihna thuneihna omlai a, information i deihlouhte block, filter leh leave theihna power nei i hihmanin, kua peuhmah pilvang chiat dingin iki ngen ahi.
Zogam.com hiai tan a tuntheihziak memberte leh ka seppih adminte felna leh support na ziak ahi. Mailam a zong pangkhawm tou zel ni.
Zogam.com dawmsawt henla masuan zel hen!
Ka kipak,
Ginza Vualzong,
Founder and admin,
Zogam.com