Numei IAS officer in Mizoram Chief Secretary hihna la
Aizawl, Sept-1: Mizoram Chief Secretary Vanhela Pachuau,IAS tuni apan a pension ziakin aman zan sunnung dak 2.00 velin Ms. L. Tochhawng IAS, Addl. Chief Secretary kiangah Mizoram Chief Secretary hihna(charge) pekhia hi. Vanhela Pachuau in Chief Secretary charge a piakkhiak madeuhin a innkuanpihte leh alawm ngaihnat diakte a office ah tonpih in a personal staff-te tawh Pathian kianga kipahthu genna leh a pension dong damtak a a septheih kipahthu genna in thumkhawmna hun zang uhi.
Hiai hunah Vanhela Pachuau in a office chamber ah Pastor C. Sangliana tonpih a, Pastor pa’n thumsakna hun leng zang hi’n kigen hi.Pachuau in a genna ah, “Fel zawhlouhna tamtak ka nei a, mualphou leh zahlak ding dinmun ah ding thei gige himahleng mualphou lou leh zahlaklou a hon kem a hon humbit-tu Pathian’ min ka phat a, a tungah kipahthu ka gen” chi hi. Vanhela Pachuau, IAS in January 21, 2009 akipan Mizoram Chief Secretary charge a, kum 3, kha 7 leh ni 23 sung Chief Secretary hihna len hi.
Health Minister kipahpihna
Lamka, Sept-1: Dr HL Liensang, CMO/CCpur leh Dr V.C Pau, DFWO saina in Sept 7, 2012 sun dak 12:30 in CMO office campus ah Health & FW Minister Phungzathang Tonsing kipahpihna leh reception kithuah program omding hi. Huai hun ah CMO leh DFWO nuai a Nurse leh ASHA member teng telding hi’n kigen hi.
UBI ading sum hongtung
Lamka, Sept-1:Tuni zinglam dak 11:00 velin Imphal apan security venbitna nuai ah UBI/CCpur branch ading sum hongtung a, tutung in khalawh lading leh bank customer-te adin sum kitasam manlou hi’n kigen hi.
Free Medical check-up
Lamka, Sept-1: Salem Veng a HDFC bank kihon nung kum 1 chinna lopna kawm in tuni zinglam dak 10:00 akipan in ‘Free Medical Check Up’camp om hi. Huai ah Dr. Bishawarjit, MO, Dist Hospital leh Dr.MC Baby Lalnuntluangi, MD(Family Medicine) in damlou mi 100 val en uh a,damdoi leng hawmkhia uhi.Kumlui Sept 2, 2011 in Phungzathang Tonsing, Minister in HDFC/CCpur branch hongkhia a, tuni chiang in huai Bank ah customer ah tamtak om a, ATM Booth leng lun mahmah hi’n kigen hi.
Foundation Day lopna om
Lamka Sept-1:Saikot a Children’s Home kiphuhkhiat nung kum 32 chinna tuni’n zang uh a, huai ah Ms Saroja, Probation Officer, Social Welfare khuallian in pang a, Guest of Honour in Neilal Gangte pang hi. Huai ah Home Cultural Team-te apan Modern cultural dance lahna om a, Pastor Lalthlunglien in Pathian kiang a kipahthu genna thumna nei a, student- te apan entertainment tuamtuam leng om hi.
Jacob Munluo in PO muthak
Lamka, Sept-1: Jacob Vanlalbuatsai @ Jacob Munluo s/o (late) Khamkhohau in Indian Bank ah Probationary Officer muthak a, tulelin Chennai ah training chihthu kiza hi. Jacob ahihleh Singngat hausapu’ tupa hi a, Singngat Vision-2020 team Delhi a member hi a,sepna hoihtak a muhna tungah Singngat Vision 2020 implementing committee in kipahpihthu puang uhi.
Zomi Film Company-te meeting
Lamka, Sept-1: Rayburn College ah tuni zinglam dak 11:00 in Zomi Film Company te’n meeting nei uh a, huai ah Lamka khawpi a film bawlna lam tawh kisai a lunglut mi hunkhop tel uhi. Huai ah film shooting ding dan tawh kisai le thu tuamtuam genkhawm uhi
Free Medical Assessment
Lamka Sept-1:Manipur State Mission Authority saina in Sept 3, 2012 zinglam dak 10:00 in Synod Hall ah pianken a mi phaloute etna ‘1-day Free Medical Assessment Camp’om ding hi. Singngat Community Hall ah Aug 4,2012 in leng om ding a, huai ah Imphal apan Specialist doctor te’n naupang kum 4-8 kikal mite en ding uhi
Workhop-cum-Consultancy training
Lamka, Sept-1:Quality education thiltup a nei in Standing Together to Enable Peace Trust (STEP), Gandhi Smriti and Darshan Samiti leh CCpur District Private Schools Association (CDPSA) kigawma saina nuai ah ‘Workshop-cum-Consultancy Training in Peace Education’ kichi om hi. Huai district sunga school naupang leh teacher 50 vel tel uh a, Shreuya Jani, Managing Trustee, STEP, Samuel Paomei leh Megha Rawat te'n sinsak uhi. Zanhal(August 30) in New Lamka a Hotel Venus ah school tuamtuam a Principal te'n training nei uh a, tuni'n teacher leh student te'n Synod Hall a training in zousiang uhi. STEP leh GSDS te'n kumlui Sept in Lamka ah hibang training sai uh a, kumthak January, 2013 kha in leng training program sai nawn ding uh hi’n kigen hi.
Social Welfare Minister in uap
Imphal, Sept-1: JN Manipur Dance Academy ah tuni’n Govt Ideal Blind School leh Deaf & Mute school akai student-te lakah kipahman tuamtuam hawmna om a, huai ah Chief Guest in Social Welfare Minister AK Mirabai Devi pang a,aman kipahman tuamtuamte pekhia hi.
Minister in a thugenna ah pianken a miphaloute leng mihing ngeina dan banga koih theih hun ah khawtang(social) thil ah khantouhna leh masawnna om thei pan ding hi’n gen hi.Govt in mi phaloute panpih theihna om liaite ah panpih ding hi’n leng Minister in gen a, huchibang mite tawh kinei a om leh kipahpihna latsakna in Rs. 30,000 piak dingin govt in panla chi’n gen hi.
Sajiwa jail a duty ding VDF 2 mankhia
Imphal, Sept-1: Sajiwa a om Central Jail ah duty-te telin jail a omte veh dingte tanpha security in check zel uh a,tuni zingsang dak 5.30 velin leng Sajiwa Jail a duty dia kuan VDF personnel 2 check hun ah a khedap sung ua kiselgu packet lianlou 6 akitun khaini leh laizial (cigarette) bawm 2 muhkhiak hi’n kigen hi. Sajiwa Jail a Supdt of Police IK Muivah in mat a om VDF personnel 2te (Constable No. 832) Oinam Surchandra (27) s/o Ibungo of Bishnupur Oinam Maning Leikai leh Constable No. 800 Elangbam Chitraranjan (27) s/o (late ) Birjit of Tronglaobi tuni’n press-te ma ah lakkhia hi. VDF personnel 2 te’n Jail a omte laka zuaksawn ding in khaini leh cigarette puaklut sawm uh hi’n kigen hi.
Free Eye camp om ding
Imphal, Sept-1: Lions Eye Hospital Outreach Programme nuai ah Lions Eye Hospital leh Lions Club of Kakching Greater in Sept 2, 2012 zinglam dak 9.00 akipan in Kakching a YM High School ah Free Eye Care camp sai ding uhi. Huai ah Kakching khawmite leh akiangnai a khua omte apan mipi tamtheipen in Free Eye Camp phattuampih ding leh hamphatpih dinga kisakhol chiat ding in Lions Club of Imphal in theisak hi.
Commando team in KYKL 3 man
Imphal, Sept-1:Thoubal Commando te’n Thoubal Wangmataba area lak ah helpawl om uh chihthu zak ziakin zan zinglam dak 9:30 in huaimun vadelh uh a, search operation a bawlna uah KYKL atel mi 3 mankhia uhi. Police thusuak in a taklatdan in matkhiak a om mi 3te bel Pangamba Boynao (21) of Nongbram Mathak Leikai, Sanabam Aboicha (20) of Nongbram Mayai Leikai leh Ningthoujam Sanathoi (18) of Nongbram Makha Leikai hi uhi.
B.Com 4th Semester result suak
Imphal, Sept-1: Manipur University nuai a B.Com 4th Semester examnation,2012 zanlam zeka om result tuni’n suak hi. MU thusuak dungzui in candidate 132 lakah 104 in passed uh a, a pass zah 86.4% tung hi.
AMWJU President inn attack-na atel khat Police in mankhia
Imphal, Sept-1: Police thusuak in a gendan in Singjamei Police te’n zanhal(Aug 30,2012) in Heirangoithong Maibam Leikai a om Th. Chitaranjit @ Tangba(34) s/o(late) Manigun mankhia uh a,amah a kipan grenade khat leng mukhia uhi. Thusuak in a gendan in Th. Chitaranjit ahihleh Aug 11, 2012 nitak in All Manipur Working Journalist Union(AMWJU) President A. Mobi tenna inn attack(bomb paihkhumte) laka tel hidan in Police te’n gen uhi.
Thudang kizadan in KCP faction leader Th. Nando leng Sajiwa Jail complex sung apan tuma zekin matkhiak hi a,amah KYKL-MDF cadre dana kigen in Imphal based Newspaper Editor-te vau banah bomb zanga AMWJU President A. Mobi tenna inn attack bawl ahihna tawh kisai a matkhiak a om hidan in Police thusuak in gen hi.
Police te’n blank firing bawl
Lamka, Sept-1:Tuni nitak in Lamka Police Station kong lak ah mipi tamtak kipunkhawmte ziaka buaina om khak ding venna in Police te’n blank firing bawl in thau bangzahvei hiam kap ging uhi. Buaina om vengvung kal ah Police hi’n mipi lam hileleng thil omdan leh aziak tanpha kanchet haksa mahmah hi. Thil omdan hi a kigendan in tuni sun dak 12.00 velin New Lamka a Damkam Bazar apan gamlalou Tedim Road ah Activa gari(No. MN-02/2403) a mi 2 kipua hattak a tailai accident ziakin 1 si hi’n kigen hi. Thusuak kingah dan in Activa gari a tuang Workshop a sem tuak Lalboi leh Ranjit hattak tai accident uh a, Activa nunga tuang Ranjit(35) s/o Ingocha of Khuga Tampak, Yaiphalol Leikai lengkhia in pucca road kidenna hi’n kigen a, a mit leh lu lak liam hi’n kigen hi. Anung ua tai Bolero gari (No. MN-01X-7048) in Dist Hospital ah Ranjit vakoih hi’n a gen om hi. CT scan lakzawh in Doctor te’n Imphal a etkol dingin Ranjit refer mahle uh puakkhiak man louh in Dist Hospital ah si hi’n kigen hi.
Tuni a thiltung tawh kisai in Activa gari hektu in anung ua tai Bolero side glass in a hetkhak ziaka accident hidan in gen chihthu om a, alehlam ah Bolero driver in bel Bolero gari in phukhalou in a nung ua tai hi a,a accident ziakun a liampen Hospital vatun uh hizaw danin gen chih ahi hi.Hiai thu bawl ahihtan in thu kichiantak kanchet haksa mahmah lai hi.
MANIPUR UNIVERSITY
CANCHIPUR, IMPHAL
NOTICE
Dated, The 1st Sept. 2012
No. MU/3-16/TK/Adm/Aca/12/520 : Applications on prescribed form are invited for admission into One Year Certificate Course in Thai and Korean Language in the session 2012.
Eligibility :
Candidates who have passed graduation Arts /Science/ Commerce/ Engineering/ Agriculture/Medicine/Law/Pharmacy Examination of the Manipur University of its equivalent examination from a recognized University with any subject combination are eligible to apply.
Prescribed application forms with detailed information will be available in the Cash Counter of the University on payment of Rs. 100/- (Rupees hundred) only in cash upto 1:30pm on all working days.
Applications forms can also be downloaded from the Manipur University website www.manipuruniv.ac.in. In such case the applicant has to enclose a bank draft of Rs. 100/- in favour of the Registrar, Manipur University payable at SBI, MU Campus Branch (Code No. 5320).
Applicants complete in all respects will be received by the Co-ordinator, Department of Foreign Language, Manipur University upto the 12th September, 2012 during office hours on all working days.
Sd/-
David K. Zote
Deputy Registrar
ALL INDIA RADIO CHURACHANDPUR
(Sunday: 2/9/2012)
5.30pm : Paite Programme
1) EBC Central Choir (Dev.)
6.00pm :Hmar Programme
1) Laltlanzo & Pty (Dev)
2) Songrolal & Pty (Dev)
6.30pm :Thadou Programme
1) Sonkholet Haokip & Pty (Dev)
2) Nemboi Khongsai (Dev)
7.00pm :Farm & Home Programme
1) Hmar: Ramthasang
2) Thadou: Boinu & Pty
3) Paite: BYF Emmanuel EBCC
7.30pm :Regional news in Manipuri
8.00pm :Minor Dialect: Vaiphei
Hoi Betty & Pty (Dev)
9.00pm : News at nine.
(Monday: 3/9/2012)
5.30pm :Paite Programme
1) Nancy Chingbiaklun (Mod)
2) Goumuan Ngaihte (Mod)
6.00pm :Hmar Programme
1) Listener’s Choice Devotional
6.30pm :Thadou Programme
1) Kakai Kipgen (Mod)
2) Melody Changsan (Mod)
7.00pm :Farm & Home Programme: Paite
1) H. Mangtungnung
2) Talk:
7.30pm :Regional News in Manipuri
8.00pm :Minor Dialect: Zou (Mod)
Ngambawi Taithul (Solo)
9.00pm :News at nine.
.