Jairam Ramesh Lamka ah
Jairam Ramesh, Union Minister (Rural Dev & Panchayati Raj, Drinking water & Sanitation) in Delhi apan tuni’n Manipur ah ni 2 sung om ding hong zin a, Imphal khawpi telin Lamka leng hongpha hi. Aman CCpur district leng pha a, nitaklam dak 4:00 in ST Chullouphai khua pha a, hun akibichilh ziak in Mateijang ah water supply scheme etkhiat ding cancelled thak hi. Tedim Road apan hausa te’n aliangtung ua tuangkawm a ST Chullouphai playground tan zawn sawm mahleh Union Minister utlou in mipi tawh Tedim Road apan ST Chullouphai playground tan khe apai in MGNREGS tungtawn a lampi leh sidedrain kibawl te enkhia in minute 20 vel hun zang hi.
Union Minister in agenna ah, Manipur a flagship program tawh kisai enkhe ding a hong pai ahih dan gen a, a diak in amah mawhpuak drinking water tawh kisai deuh hi’n gen hi. MGNREGS tungtawn a lampi kibawl ST Chullouphai khua lutna ding a khe a hong paitouh theih ziak in kipahthu gen a, khaw chih in tuisiang dawnding kipha mawh hi’n leng taklang hi. Jairam Ramesh ahihleh Imphal apan Francis Ngajokpa , Minister (RD & PR), Hemochandra, PHED Minister, Dr. Chaltonlien Amo, Chairman, HAC; Mangi Babu, MLA; Prithiviraj MLA; Vungzagin Valte MLA Thanlon; TN Haokip MLA Saikot leh official hunkhop in hon zui uhi. Union Minister Ramesh in CCpur district sung a development work khenkhat study abawlkhit nungin, DC CCpur official bungalow ah ann ne in nitaklam in Imphal zuan in kiknawn a, Zingchiang in Imphal khawpi leh asehvel mun tuamtuam phalai dingin kigen hi.
